سيف كان واقف على البحر ولقى بنت منتقبه قربت منه وحضنته
البنت: سيف وحشتنى اوووى انت كنت هنا كول الوقت وانا فكراك انك بعدت عنى
سيف باستغراب: انتى مين
البنت: معقوله نسيتنى على العموم انا واحده بتحبك وكنت فى يوم لابس دبلتى
سيف: انتى كنتى خطيبتى
روفيده: لا مراتك
سيف بدهشه: مراتى يعنى انا متجوز
روفيده: انت نسيتنا يا سيف
سيف: انا اسف بس غصب عنى طب قوليلى انا من فين وفين اهلى
روفيده بعدت عن حضنه: انت هتعرف بنفسك المهم انت لازم تساعد ندى لانها محتجالك
سيف: وانتى تعرفى ندى منين
روفيده: انا قريبه منك اوووى يا سيف وهنتقابل قريب بس لازم تساعد ندى
سيف: وانتى مش هتدايقى
روفيده: لازم تساعدها عشان الاقى اللى يساعدنى
سيف: طب انا هاجى معاكى
بعدت روفيده
روفيده: سلام يا سيف
ومشيت وسابته
سيف قام من النوم وكان مصدع اوووى وافتكر الحلم
وكان عمال يفكر هو شاف البنت دى فين قبل كدا
وقرر قرار وقال هينفذه تانى يوم
》》》》》》》》》》》》》》》》
رولا: الو ايوه يا رنا
رنا بسرعه: رولا الحقى ادهم
رولا بخضه: ماله ادهم يا رنا
رنا كانت بتكلمها بس الصوت كان بيقطع
رولا: الو الو رنا
رنا بصوت مقطع: احنا فى النن اادى
والخط قطع
رولا قامت لبست بسرعه ونزلت
راحت النادى ودموعها على خدها
قابلت رنا وروفيده على الباب
رولا: ماله ادهم يا رنا
رنا: تعالى هو فى عيادات النادى
رولا وهم ماشيين او بمعنى اصح بيجرو
رولا: ايوه يعنى هو حصلوا ايه
روفيده: كنا متجمعين كلنا ومره واحده اغمى عليه والدكتور بيقول انه هبوط حاد فى الدوره الدمويه بسبب انه مأكلش حاجه خالص من اميارح الصبح وعمل مجهود فى الشغل
رولا: انا اللى غلطانه انا ما كنتش بخليه ينزل من غير فطار غبت يوم واحد وتعب انا اللى غلطانه
رنا: اهدى يا رولا
وصلو العيادات دخلت رولا بسرعه لقت اصحاب ادهم حواليه وادهم نايم على السرير وفى ايده محاليل
رولا راحت عنده
رولا: ادهم ازاى تعمل كدا
ادهم: عادى مش هتفرق
رولا وهى بتعيط: ما تقولش كدا انا محتجالك
ادهم: رولا والله العظيم انا بحبك وعمرى ما فكرت اخونك انا عينى مش شايفه بنات غيرك
رولا: انا اسفه يا ادهم بس لما شوفتك كدا مع السكرتيره قعدت افكر انت فعلا اتغيرت قبل ما تتجوزنى ولا كنت لسه زى ما انت وحسيت الثقه اللى انا كنت مديهالك كلها اتبخرت
ادهم حط ايده على خدها
ادهم: انا اسف انا بحبك والله العظيم بحبك
رولا حضنته: شد حيلك يلا عشان نروح
ادهم: انا جاهز يلا عشان نروح لانك وحشتينى جدا
مهند برخامه: نحن هنا يا كابتن منك ليه وانتى على طول حضنتيه اخيه على دى ستات بس كان معاكى حق يا بت يا ساره اهى جت على طول اهو بس حلو المقلب ده يا دومى
رولا باستغراب: مقلب
بعد كدا بصت لادهم بعصبيه: يعنى كل ده مقلب
وراحت ضربته كتفه: انسى انى اروح معاك وعارف انا لسه عايزه اطلق
وهى جايه تخرج روفيده ورنا: استنى يا مجنونه
رولا بعصبيه: وانتم مش تكلمونى تانى عشان انتم اشتركتم معاهم فى السخافة دى
مريم بهمس لمهند: لازم تتسحب من لسانك وتتكلم
مهند: يا بت اتلمى ايه تتسحب من لسانك دى
مريم: بت ما تبتك الموضوع كان ماشى تمام وانت بوظت كل حاجه
مهند: انتى اللى جبتيه لنفسك قال بت لما تبتك قال
رولا خرجت وادهم شال الكالونه بتاعة المحلول من ايده
وجرى وراها
مسكها من دراعها
ادهم: حد قالك انك مجنونه قبل كدا
رولا بصتله بغضب ولفت وشها الناحية التانيه
ادهم مسك وشها ولفه نحيته
ادهم: طب حد قالك انى مجنون قبل كدا
رولا بصتله باستغراب
راح ادهم قرب منها وباسها طبعا النادى ماتوصاش ووقفو يتفرجو
رولا بعدت عنه وقعدت تضربه فى كتفه
رولا: انت قليل الادب وسافل ازاى تبوسنى كدا فى نص النادى
ادهم: يا بنتى بطلى تضربى انا على فطار امبارح وقلبى واجعنى
رولا: ده مقلب جديد ده ولا ايه
ادهم: انا مقدرش اكل وانتى مش معايا من ساعة ما فطرت معاكى امبارح مش اكلت ووالله قلبى واجعنى اوووى
رولا: ولسه واقف بتتكلم يلا على الكافتيريا نفطر
وراحو وحصلهم الشله
ساره: بسم الله ما شاء الله اللهم لا حسد
قعدو كلهم بيضحكو ويهزرو بس لاحظو ان روفيده سرحانه
ادهم: مالك يا روفيده
روفيده: ها انت بتقول حاجه
مهند: ده انتى مش معانا خالص مالك
روفيده والدموع اتجمعت فى عنيها: مفيش
شادى: اعتقد ان سيف مش حابب يشوفك كدا هو حابب يشوفك بتضحكى ومبسوطه وفرحانه
روفيده: افرح ازاى وهم عايزينى اتجوز واحد غيره عايزنى اعيش واتقبل واحد غيره فى حياتى ماما كانت فى صفى بس بقت بتضغط عليا مع بابا انا تعبت انا عايزه اروح لسيف نفسى اموت
اخدتها رنا فى حضنها
رنا: اهدى يا حبيبتى اهدى وما تقوليش كدا احنا محتاجينك
مازن: بس يا جماعه ماما وبابا معاهم حق يعنى لو هى كبيره ومش عايزه تتجوز نقول ماشى لكن دى لسه صغيره يعنى الناس مش هاتسبها فى حالها
روفيده: بعد اذنكم انا هقوم اتمشى شويه عشان اهدى
وقامت مشيت وراحت فى مكان كان فاضى قعدت هناك وقعدت تعيط
لقت حد حط ايده على كتفها
بصت لقتها بنت ما تعرفهاش
البنت: السلام عليكم
روفيده بصوت مبحوح: وعليكم السلام
البنت: انا اسفه ان كنت اتدخلت بس كنت عايزه اقولك ان مفيش حاجه تستاهل
روفيده: انتى بتقولى كدا عشان ما شوفتيش اللى انا شوفته انا جوزى مات وهو فاكر انى بكرهه اكتشفت انى بحبه بس كان متاخر اوووى بعد ما فقدته
البنت: اولا انا اسمى ندى
روفيده: وانا اسمى روفيده
ندى: اتشرفت بيكى يا روفيده
روفيده: الله يخليكى
ندى: ثانيا يا ستى انا كمان فقدت بابا وانا صغيره تخيلى طفله مره واحده لقت باباها اختفى من حياتها بس ما اتأثرتش كتير لان ماما وقفت جنبى وماحسستنيش ان بابا مات بس الحياة لازم تديلك على دماغك كل وقت والتانى حبيت واحد مش من نصيبى حبيته من اول مره شوفته فيها لما جه المستشفى اللى انا بشتغل فيها كنت انا ممرضته وطول ما هو فى الغيبوبه رغم انى معرفش هو مين ولا ابن مين ولا اى حاجه من دى ولما فاق اكتشفنا انه فاقد الذاكره وبعدها بشهر تقريبا اكتشف انه كان مرتبط لانه لقى دبله معاه المهم قولت ما ينفعش اعلق نفسى بيه لان بمجرد الذاكره ما ترجع هيرجع للبنت اللى هو مرتبط بيها بس احنا دلوقتى متجوزين لسه مكتوب كتابنا امبارح بس غصب عنى لان فى واحد حقير اغتصبنى وكنت خايفه ماما تعرف عرضت عليه يتجوزنى وهو فكر ووافق امبارح واقنع ماما اننا نتجوز بسرعه هو كدا كدا مفيش لينا قرايب وهو فاقد الذاكره فمفيش لازمه نعمل حفله وبتاع وكمان شهر تقريبا هيطلعنى عمره ولما نرجع هنطلق
روفيده: يااااه انتى ولا الف ليله وليله
ندى ضحكت بخفوت: شوفتى بأه واسفه انى دوشتك معايا
روفيده: لا والله انا فرحانه جدا انى اتكلمت معاكى
ندى: اصحاب
روفيده: اكيد
واخدو ارقام تليفونات بعض
ندى: أستأذنك انا بأه لان نادر بره
روفيده: باى يا نودى
ندى: سلام يا روفى اه وشكلك حلو اووى بالنقاب
روفيده ابتسمت: ميرسى
ومشيت ندى وقعدت روفيده شويه
》》》》》》》》》》》》》》》》
عند الشله ساعة ما روفيده مشيت
مهند: يا مازن انت كدا ضغطت عليها ما كنش ينفع الطريقه دى اهى انهارت اهى
مازن: يا جماعه انتم متخيلين الناس هتقول ايه لما شابه زى دى بترفض كل العرسان اللى بيجولها
ادهم: معلش يمكن العريس غريب عليها وهى عايزه وقت عقبال ما تتاقلم عليه
مازن: لا بالعكس ده متربى معانا اكيد شوفتم ياسين فى خطوبتى
شادى: ااااه اللى سيف اتخانق معاه ده
مازن: ايوه
مهند: ربنا يسهل وتوافق وانتم يا بنات حاولو تفهموها براحه
مريم: ربنا يسهل
》》》》》》》》》》》》》》》》》》》》
سيف لما ندى خرجت: ها اتبسطى
ندى: الحمد لله واتعرفت على بنت
سيف: خلى بالك من نفسك اهم حاجه ومتنسيش سمر عملت ايه فيكى وانتى فكراها اعز صحباتك اهى طلعت على علاقه بايهاب وجرجرتك ليه
ندى: صح معاك حق بس دى منتقبه وشكلها هاديه عارف اسمها حلو اوووى اسمها روفيده
سيف: انا سمعت الاسم ده قبل كدا
ندى: ممكن يكون اسم واحده من قرايبك والذاكره حست ان الاسم مألوف
سيف: ممكن
》》》》》》》》》》》》》》》》
روحت رولا مع ادهم والحمد لله كل حاجه تمام بينهم
وتانى يوم مريم راحت لمهند بيته تطمن عليه
فتحلها وكان لسه صاحى من نوم سلم عليها ودخل يكمل نومه عقبال ما هى تحضر الفطار
دخلت مريم المطبخ وعملتله الفطار ودخلت الاوضه
لفت انتباهها حاجه مرميه على الارض
راحت مسكتها وبتشوفها هى ايه اتصدمت ومشيت
ورزعت الباب وراها مهند صحى على صوت الباب وهو بيتقفل
صحى بسرعه بيدور على مريم مش لاقيها
نزل وراها لقاها على اول الشارع بتوقف تاكسى
ولقاها عماله تعيط
مهند بخضه: مالك يا مريم
مريم: مفيش
مهند: امال نزلتى ليه من غير ما نفطر
مريم: انا لاقيتك نايم حضرت الفطار وما حبتش اصحيك
مهند: طب وبتعيطى ليه
مريم: ولا حاجه اتلسعت فى المطبخ بس ووجعانى
مهند بخضه مسك ايدها: طب يلا بسرعه على الصيدليه
مريم سحبت ايدها من ايده
مريم: مفيش داعى انا مروحه سلام
مهند مسك ايدها وبص فى عينها
وهى ما كنتش عايزه تبص فى عينه
مهند: مريم انا عملتلك حاجه زعلتك
مريم: لا بس معلش هروح لانى تعبانه وعايزه ارتاح
مهند: تعالى يا مريم عايزك
مريم: مهند سيبنى معلش ونبقى نتكلم وقت تانى
مهند: براحتك يا مريم طب اتفضلى اوصلك
مريم: لا هركب تاكسى وأروح
ووقفت تاكسى ومشيت
مهند محتار بس قال يسيبها ترتاح يمكن فعلا تعبانه
طلع شقته وفطر بسرعه عشان ينزل شغله
》》》》》》》》》》》》》》》》》》》
عند روفيده قررت قرارها
خرجت لباباها ومامتها
روفيده: بابا انا موافقه اتجوز ياسين
مامتها: ياااه اخيرا يا بنتى هتفرحى قلبى
روفيده: بس عندى طلب قبل اى حاجه
باباها: اتفضلى اطلبى
روفيده: انا عايزه اطلع عمره قبل اى حاجه ولما ارجع نكتب الكتاب على طول
مامتها: حاضر ياااه مش مصدقه ان الفرحه هتدخل بيتنا تانى
روفيده بخنقه: بعد اذنكم
راحت اوضتها وطلعت صوره سيف اللى دايما بتكون معاها
وحضنتها وعيطت جامد
وبعد كدا بصت للصوره
روفيده بعياط: انا اسفه غصب عنى عمالين يضغطو عليا
بس انت هتفضل فى قلبى
》》》》》》》》》》》》》》》》》
فى الوقت ده سيف كان واقف على البحر وحاسس انه مخنوق اوووى وقلبه وجعه والحلم اللى حلم بيه ان بنت بتقوله تعالى وانقذنى شاغل تفكيره
وبيحاول يفتكر اى حاجه من ماضيه مش عارف لغاية ما صدع
وروح
《《《《《《《《《《《《《《《《《《
عند مهند فى الشغل كان مدايق اووى بسبب ان مريم مش بعتتله الرساله بتاعة كل يوم
وبيتصل بيها مش بترد عليه
اتصل بالبيت عندها
مامتها: الو
مهند: الو يا امى ازى حضرتك
مامتها: كويسه يا بنى انت عامل ايه
مهند: الحمد لله كويس يا ماما هو مريم عند حضرتك
مامتها: اه ده انا كنت لسه هتصل بيك
مهند بخضه: ليه هى جرالها حاجه
مامتها: لا بس هى من ساعة ما جت من عندك فى اوضتها وبتعيط وكل اما اسألها مالك تقولى مفيش
مهند: طب بعد اذنك يا امى انا جاى لو سمحتيلى
مامتها: طبعا يا ابنى البيت بيتك
وقفل معاها واخد مفاتيحه والموب ونزل من الشركه
وراح بيت مريم
مامتها فتحتله وسابته ودخلت المطبخ
مهند خبط على الباب
مريم مش ردت بس صوت عياطها كان واصله
دخل واول ما دخل عملت نفسها نايمه
مهند: يسلام ومين اللى كانت بتعيط من شويه
مريم ما تكلمتش وما فتحتش عينها بس شهقاتها كانت بتطلع وهى بتحاول تكتمها
حست بمهند بيمسحلها دموعها وبيبوس راسها وقعد جنبها وكان بيلمس على شعرها
مهند بصوت مخنوق: مريم انا حاسس انك زعلانه منى انا معرفش ليه ولو مش عايزه تكلمينى ماشى بس ما تقسيش عليا لانى ماليش غيرك انتى كل حياتى وما قدرش ازعلك ولو سمحتى اول ما تهدى كلمينى وفهمينى مالك ماشى يا قلبى
وباسها من دماغها وخرج هو اول ما قفل الباب هى قامت رمت المخده على الباب بعصبيه ومحتاره ازاى يعمل اللى عمله ده رغم انه بيحبها ولا هو بيضحك عليها ومش بيحبها
قعدت تفكر وهى محتاره
《¡《¡《¡《¡《¡《¡《¡《¡《¡《¡《¡《¡《¡《¡《
عند روفيده كانت بتحضر نفسها عشان مسافره
وياسين كل يوم بيحاول يوصلها حبه بس هى دايما سرحانه ومش بترد عليه وهو قال انه هيصبر عليها عشان عارف انها بتحب سيف
وقال ان ممكن بعد كتب الكتاب تقدر تتأقلم عليه اكتر
روفيده كانت مخنوقه كل الوقت
وصحباتها بيحاولو يخففو عنها شويه
ومامتها فرحانه جدااا ان بنتها هتتجوز ابن اختها
ومازن زعلان على اخته لانه حاسس بيها
بس مش قادر يعمل حاجه
》》》》》》》》》》》》》》》
فى يوم رنا كانت قاعده فى البيت واقفه فى المطبخ بتصبن المواعين
الباب رن نشفت ايدها واخدت طرحه لفتها اى حاجه
وراحت فتحت لقت صدمه فى وشها
رنا بصدمه: شيرين
شيرين: ازيك يا رنا مش هتقوليلى اتفضلى ولا ايه
رنا: عايزه ايه يا شيرين
شيرين: جايه اقولك على الحقيقه اللى حبيبك مخبيها عليكى
رنا: انا مازن مش بيخبى عليا حاجه
شيرين ضحكت ضحكه مايعه زيها: معقول قالك ان هو جوزى
رنا: ايه انتى بتخرفى بتقولى ايه
شيرين: لا يا حلوه ما بخرفش والدليل اهو
طلعت من شنطتها ورقه
شيرين: دى ورقه جوازنا انا حبيت بس اوريكى حبيب القلب بيعمل ايه من وراكى سلام يا حلوه
ومشيت وسابتها فى صدمه
بصت للورقه تانى ولقت امضاء مازن وشيرين عليها
دخلت اوضتها لبست بسرعه ونزلت
》》》》》》》》》》》》》》》
عند مهند لما روح بيته كان مخنوق اووى
اول لما دخل اوضته لقى حاجه فهمته ليه مريم زعلت منه اخدها بسرعه ونزل راح لمريم
مريم كانت فى اوضتها بتعيط ولقت مهند دخل عليها
مريم: مهند اخرج بره لو سمحتلان اى نقاش هيكوون بينا دلوقتى نهايته هتبقى مأساويه
مهند: يا بت اهمدى ومأساويه ايه انتى كمان بطلى تتفرجى على افلام عشان بدأت تأثر على كلماتك
مريم: مهند انا مابهزرش
مهند: تعرفى انى بموت فى اسمى من بؤك
مريم سكتت ومش ردت عليه
مهند: على فكره ما ينفعش تزعلى منى على حاجه من غير ما تكلمينى ونتناقش فيها اديكى ظلمتينى
مريم: يسلام ومين قالك انى زعلانه منك انت
مهند طلع اللى كان فى الشنطه معاه
مهند: مش ده اللى مزعلك
مريم: وكمان جايبهولى هنا يعنى اقتلك يعنى ولا ايه والله انت شخص ما عندكش دم وكمان ان.....
مهند حط ايده على بؤها
مهند: انتى ايه ما بتفصليش لوك لوك وبعدين لسانك ده ما يطولش يا حلوه عشان ما قصهولكيش
ولما تتنيلى تشوفى حاجه مزعلاكى تعالى اتزفتى وكلمينى
وثانيا حكاية قميص النوم ده ان سيف الله يرحمه فى مره كان جايب بنت ومعندهوش مكان هو قالى انه عايز شقتى بس ما قاليش انه جايب بنت ولما روحت لقيت القميص ده انا رميته عندى فى الشقه ونسيت الموضوع اصلا امبارح كنت بروق اوضتى ولقيته وطلعته عشان ارميه فهمتى ويا مريم انتى كدا مش بتثقى فيا عايزك تعرفى ان من ساعة امى وابويا ما ماتو انا ربيت نفسى وبعدت عن اى حاجه حرام عمرى عمرى ما صاحبت بنت عمرى ما قولت كلمة بحبك الا ليكى انتى انا كنت محافظ على كل مشاعرى للبنت اللى هتجوزها واحبها عشان يبقى حب حلال وانتى بعد ده كله جايه تشكى فيا انى زانى لا وكمان ما تقوليش وزعلانه مع نفسك يا ترى كنتى الخطوه الجايه ايه تطلبى الطلاق وادام انتى مش واثقه فيا وافقتى تتجوزينى ليه
مريم بصدمه: مهند انا
مهند قاطعها: خلاص يا مريم مش محتاج مبررات انا ماشى سلام اه انا مسافر باريس لفرع الشركه اللى هناك سلام
ومشى وسابها فى صدمتها
مريم: ايه الغباء اللى انا عملته ده انا كان لازم اكلمه واناقشه مش اكتم زعلى جوايا كدا
وقعدت تأنب وتشتم فى نفسها
《《《《《《《《《《《《《《《《《《
انتهى البارت انا حاولت اطول فيه على اد ما اقدر اهو اتمنى يعجبكم
CZYTASZ
انت عمرى
Romansحياتى لم تبدا الا بعد حبى لك وعيناى لم ترى الا بعد رؤيتى لك لم ينطق لسانى الا عندما صرحت لك بحبى فانت عمرى
