مر الاسبوع سريعا وكانت روفيده وصاحباتها زعلانين جدا وكانو بيقضو اليوم مع بعض وييجو يساعدوها فى انها تلم حاجتها وجه يوم الجمعه اللى روفيده هتمشى فيه طبعا عارفين البنات فى لحظات الوداع رنا بدموع: هتوحشينا يا روفى رولا: ابقى تعالى زورينا وخلينا نشوفك ساره: اوعى تنسينا ها مريم: هبوخ على مين انا دلوقتى روفيده بعياط: انا بجد مش عارفه ازاى هقدر اعيش من غيركم انتم اخواتى اللى ماما مولدتهمش مازن فى اللحظه دى نزل وكان فيه واحده فيهم بتبص عليه واول لما هو بصلها نزلت عنيها على طول قرب مازن منهم وقال وهو بيبصلها: هتوحشونا يا بنات هى حست ان الكلمه دى ليها هى بس قالت ان ده مجرد هاجس وشالته من دماغها وحضنو روفيده الحضن الاخير ومشيت روفيده لحياة جديده ومازن جوه قلبه حزن كبير على حبيبته اللى حتى معترفلهاش بحبها كانت روفيده قاعده جنب الشباك وعماله تعيط وتفتكر ازاى اتعرفت على صحباتها فلاش باك روفيده اتنقلت مدرسه جديده وهى صغيره وكانت خايفه وعماله تعيط جت رنا وقالتلها بصوتها الطفولى: مالك بتعيطى ليه روفيده بصتلها وقالتلها: انا لسه جديده ومش ليا اصحاب وخايفه عشان ماما سابتنى رنا: ممكن اكون صاحبتك روفيده بفرحه: طبعا انا اثمى روفيده وانتى رنا: وانا اسمى رنا اخدتها رنا لمكان اختها رنا: ودى اختى رولا رولا: مين دى يا رنا مش ماما قالت مش نكلم حد غريب رنا: لا يا رولا دى مش غريب دة صاحبتى واسمها روفيده وقضو الوقت مع بعض لوقت الطابور ولما جم يقفو لقو نفسهم فى الفصل فرحو جدا ومن هنا بدأت صداقه رنا ورولا باك ابتسمت من طفولتهم فلاش باك تانى رنا ورولا وروفيده قعدين ولقو بنت من البنات الكبار بتتخانق مع بنت فى سنهم وزقتها على الارض والمدرسه واقفه تتفرج راحولها رنا ورولا قومو البنت وروفيده بصت للبنت الكبيره وقالتلها: انتى قليله الادب البنت بغضب: انا قليلة الادب روفيده: اه عشان ماما قالتلى اللى بيضرب حد بيبقى قليل الادب البنت بغضب: اسكتى عشان مضربكيش روفيده: مش تقدرى تعملى حاجه عشان هنروح نقول للمديره البنت بصتلها بغضب وسابتها ومشيت راحت روفيده لصاحباتها وبصت للبنت: انتى كويسه؟؟؟؟ البنت ببكاء طفولى :ايوه انا كويسه متشكره رولا: وهى البنت دى ضربتك ليه البنت: وهى بتحط مانكير انا لغبطها ودهولت صباعها عشان كدا ضربتنى رنا: معلش هى هتاخد سيئات هو انتى اسمك ايه البنت: انا مريم رولا:وانا رولا ودى رنا ودى روفيده وبكدا انضمت مريم للمجموعه باك وافتكرت اليوم اللى اتعرفت فيه على ساره فلاش باك كانو قاعدين فى المدرسه فى مكان اول مره يقعدو فيه جت عليهم ساره وقالت بغرور: انتم ايه اللى مقعدكم هنا كلهم بصولها باستغراب راحت قالت: المكان ده بتاعى انا اللى بقعد فيه رنا: المكان واسع ممكن تقعدى معانا ساره: لا انا بحب اقعد لوحدى مريم: ليه ساره: اصل انا مش عندى صحاب وباجى اقعد هنا عشان البنات مش بيرضو يصاحبونى روفيده: ممكن تكونى صاحبتنا ساره: انا رنا:اه واتعرفو على بعض وكدا اكتملت المجموعه باك نزلت دموعها ازاى تعيش بعيد عنهم وهما مع بعض من 2 ابتدائى فى الوقت اللى هي كانت بتفتكر فيه مازن كان بيفكر فى البنت اللى خطفت قلبه اول مره شافها لما جت لاخته وهى صغيره وبرائتها وافتكر لما كانو بيلعبو مع بعض ولما دخل اعدادى وهى كانت فى ابتدائى قدر يفسر مشاعره نحيتها وانه بيحبها ولما كبرو وبقى هو فى ثانوى وهى فى اعدادى وازاى بدأت تخجل منه فى ثانوى اصحابه كانو بيتريقو عليه عشان مش بيصاحب البنات وهو كان بيقول لنفسه انه مستحيل يخونها حتى لو هى متعرفش بحبه ده زعلان ان ازاى ملاكه هيبعد عنه ومش هيشوفه ................................ عند سيف ولاول مره صحى زى الناس الصبح كلم ادهم صاحبه سيف: ايوه يا دومى ادهم: ايه ده سيف صاحى الصبح زى الناس سيف: هاهاها ضحكتنى انت فين يلا ادهم: مع المزز فى النادى انا والشله سيف: اشطا هلبس وهاجيلكو وقفل مع ادهم ودخل اخد دش وخرج لبس وراح النادى دخل لقى الشله بتاعتو قاعده ومعاهم كمية بنات فظيعه سيف: ازيكم يا بشر شادى: ايه ده سيف باشا والشمس ايه المعجزه دى وطبعا بقيت الشله قعدت تتريق تعالو نتعرف على الشله الفاسده دى (أدهم/ شاب قمررررر دمه عسل كان محترم جدا واخلاقه عاليه حصلتلو حاجه خلته كدا اقرب صاحب لسيف وابن عمه شادى/ شاب فااااااشل قمة الفشل حياته كلها بنات وخمره ومخدرات حتى بينجح بفلوس باباه فى نظره كل البنات شمال مهند/ ولد هادى جزء جواه رافض اللى الشله بتعمله بس هو بيحبهم فبيحاول يتقبلهم خالد/ تقدر تقول انه شريك ابليس فى اعماال الشر هو مصدر المخدرات والبنات الرسمى فى الشله وهنتعرف عليهم اكتر فى الحلقات اللى جايه)
Oops! This image does not follow our content guidelines. To continue publishing, please remove it or upload a different image.
ده مازن اخو روفيده اكبر من روفيده ب3 سنين مش اخوها وبس وصاحبها كمان هو 3 هندسه شاطر جدا ومحترم جدا ................................................. المره الجايه هنزلكو صور سيف واصحابه
