{Golden crown}
Ellaine's POV
Kinaumagahan, nagising talaga ako ng maaga para sa plano namin ni Pearly. I mean, ako lang pala ang may plano. Napasama lang si Pearly sa kalokohan ko.
Nandito na kami ni Pearly sa pinto ng kastilyo.
"Pwede ba kaming lumabas?" tanong ko sa guard.
"Hindi pwede. Ipinagbilin ka na sa amin ng reyna," sagot naman ng guard.
Ang sungit, para lumabas lang eh ayaw pa.
"Dun lang naman ako sa mga friends ko. Dyan lang oh." tinuro ko pa na malapit sa kastilyo para mapaniwala ko sila.
"Hindi talaga pwede," sabi ng isa pang guard.
"Okay," pumunta na ako sa kwarto ko kasama si Pearly.
"Sana makaisip tayo ng paraan," sabi ko na nag-iisip kung ano ang dapat naming gawin.
"Ano namang paraan yun," tanong naman ni Pearly.
"Alam ko na!" sabi ko na nakaisip ng gagawin namin.
Pumunta na ako sa kusina para sa balak ko. Sumunod naman si Pearly sa'kin.
"Ano naman ang gagawin natin dito?" tanong ni Pearly na nalilito pa rin sa kung ano nanaman ang naisip kong kalokohan.
"Magluluto tayo ng masarap at lalagyan natin yun ng pampatulog para sa mga guards," sabi ko at nagsimula na akong maghanap ng mga pampatulog nila sa mga cabinet ng seasonings at kung ano-ano pa ang laman ng cabinet na hinahanapan ko.
"Alam kong madami ditong mga ganun?" sabi ko habang abala pa rin sa paghahanap.
"Maganda nga 'yang naisip mo Ellaine," sabi ni Pearly at nagluto na nga kami ng masarap na pagkain at nilagyan ng madaming pampatulog.
At pumunta na kami sa mga guards.
"Ano 'yan?" tanong ng isang guard nang mapansin niya na may dala ako.
"Para sa inyo 'to," sabi ko naman sa kanila.
"Talaga? Hindi pa nga ako nag-uumagahan. Salamat ha?" sabi ng isa pang guard.
"Oo kain lang kayo," sabi ko naman na napangiting tagumpay.
Pinapanood ko lang silang kumakain. At nakailang subo rin ang mga guards bago sila tuluyang makatulog.
Yes. Tumalab yung nilagay ko. Malamang, tatalab talaga yun. Kasi nga pampatulog, meron bang pampatulog na hindi ka napapatulog?
Binuksan ko na ang pinto at papalangoy na sana ako palayo pero pinigilan ako ni Pearly.
"Teka lang Ellaine," narinig ko na sabi niya kaya lumingon ako sa likod ko na kung saan, nandun siya.
"Ano yun Pearly?" nagtataka kong tanong sa kanya.
"Hanggang dito na lang ako Ellaine," sabi ni Pearly.
"Hindi ka sasama?" tanong ko naman sa kanya.
"May pamilya rin ako at sigurado akong kapag sasama ako sa'yo. Mag-aalala sila ng sobra." biglang nalungkot ang mukha ko mula sa excited kong mukha kanina.
Bakit hindi siya sasama? Siya ang best friend ko. Malulungkot talaga ako pag hindi ko siya kasama pero parang ang selfish ko naman pag pinilit ko pa.
"Naiintindihan ko," sabi ko na lang kahit hindi naman talaga.
"Pero ipagdadasal naman kita na maging ligtas ka sa pupuntahan mo," sabi niya na nagpangiti sa'kin.
Niyakap ko lang si Pearly. Kasi naman ang tagal na naming magkasama at magkaibigan tapos ganitong sitwasyon pa kami paglalayuin?
"Salamat Pearly. Naging mabuti ka ring kaibigan sa'kin. At mamimiss talaga kita," tanging yun na lang ang nasabi ko.
Naiiyak na nga rin ako pero pinipigilan ko lang para puro happy memories lang ang maiiwan sa kanya.
"Sige. Punta ka na, baka mahuli ka pa ng mga madam. Mamimiss din kita, Ellaine," sabi ni Pearly.
Siya rin ang nagpapalusot minsan sa'kin kapag lumalabas ako sa Dark kingdom. Pero ngayon kaya na tuluyan na akong mawala? Ano kayang idadahilan niya this time?
"Sige." At tuluyan na akong lumabas sa Dark kingdom papunta sa sinabing lugar.
Madilim dito at hindi pangkaraniwan ang mga makikita mo. Sa aking paglalakbay, meron akong nakita na mga pating na natutulog.
Nagdahan-dahan akong lumangoy sa gitna ng mga pating na 'to pero merong pumulupot sa dulo ng buntot ko na halaman sa gitna ng mga pating.
Parang silang may buhay na kapag may dumaan sa tapat nila ay pumupulupot talaga sila rito.
Tinggal ko ang halaman sa buntot ko pero ang halaman ay naitalsik sa mukha ng isang pating kaya dahil dun nagising siya
Patay!!!
"MERONG NAKAPASOK!" sigaw ng pating na nagising.
Nagising na rin ang mga iba pang pating dahil sa sigaw ng pating na nagising.
Nakatingin na silang lahat sa akin na nasa gitna.
Patay na talaga ako ngayon!!
Kaya binilisan ko ng lumangoy para hindi makain ng mga pating na 'yan.
Pumapaikot na ako sa mga batong malalaki pero hinahabol pa rin ako ng mga pating hanggang sa nacorner na ako sa parang mas malaki pang bato.
Lagot na talaga ako. Dahan-dahan na silang lumapit sa'kin kaya napasigaw na lang ako.
"Aahhhhhh...." At tinakpan ko ang mga mata ko gamit ang mga braso ko.
*boogggsshhh*
Meron akong narinig na magic spell kaya tinanggal ko na ang braso ko sa mga mata ko para makita kung ano ang nangyari.
At nakita ko ang matandang lalaki na may minamagic ang mga pating para pumunta sa dati nilang pwesto kanina.
Nahalata ko na lumaki ang mga mata niya nang tuluyan niya na akong makita.
Kilala ba niya ako? Dahil ganyan siya kung makareact?
"Bakit ka pumunta dito. Mahal na prinsesa?"
Prinsesa? Nagbibiro lang siya 'di ba?
"Nagbibiro ka lang naman po ano lo?" tanong ko sa sinabi niya.
Tumawa lang konti ang matanda.
"Pasok muna tayo?" sabi niya.
Pasok? Saan naman kami papasok?
"Saan po tayo papasok? May bahay ka po ba rito?" nagtataka kong sabi nang ipinatong ng matanda ang palad niya sa gilid ng batong malaki kung saan ako nacorner kanina.
Bumukas ito? Teka, hindi lang ito malaking bato?
"Wow. Kweba pala ito?" tanong ko ng linilibot ang tingin ko sa loob ng kweba.
Medyo malaki rin ang loob ng kweba. At ang daming mga iba't-ibang sizes ng bote sa mga shelf na nandito.
"May tanong po ako," pagsisira ko ng katahimikan na bumalot sandali sa'min kanina.
"Ano yun?" tanong naman niya na nakatalikod sa'kin at may ginagawa.
"Kayo po ba ang royal sorcerer ng Pearl kingdom?" tanong ko sa kanya.
"Noon yun pero ipinadala nila ako rito para sa importanteng misyon," sabi niya na hindi pa rin humaharap sa'kin.
Ano kaya ang misyon niya? Nakakaexcite.
"Ano pong misyon yun?" tanong ko sa kanya.
"Magtago rito para hindi nila malaman kung nasaan ang Golden crown," sabi niya.
Ha? Yun lang?
"Yun lang po? Akala ko pa naman kung mag-aadventure ka na. Exciting pa naman yung pupunta ka sa lugar na hindi mo pa napupuntahan," sabi ko habang nangengealam na sa mga nandun sa mga shelf ng mga gamit ng sorcerer.
Teka, ano to? Isang mapa?
Pero bakit kalahati lang ito? Dahil sa curious ko kung saan tutungo ang map na yun, hinawakan ko na. Pero merong kakaibang nangyari.
"Bakit po nabuo ito? Kitang-kita ko po na kalahati lang nito kanina," pagtawag ko sa atensyon niya kasi nakatalikod pa rin siya sa'kin.
Pero nang narinig na niya ang sinabi ko, bigla niyang tinigil ang ginagawa niya at humarap sa'kin.