"okay ka lang?"
narinig niyang tanong ng dalaga sa kanya habang hinihimas himas nito ang kanyang likod. siya naman, ay panay pa rin ang ubo dala ng kanyang matinding pagkakasamid
ng makita niya kasi ang dalaga, ay bigla niyang naibuga ang kinakain at may ilang tinapay na bumara sa kanyang lalamunan...dala marahil ng kanyang pagkakabigla sa presensya ni Sarah
"okay ka ba?" tanong muli ng dalaga sa kanya na tila nag-aalala na para sa kanya "teka nga, sandali..." lumayo sandali si Sarah mula sa kanya upang bilhan siyang ng tubig na binebenta ng isang tinderong palakad lakad sa harapan nila. ng makabili na ang dalaga, ay dali dali nitong iniabot ang tubig sa kanya
"okay ka na ba?" tanong ni Sarah ng matapos siyang makainom mula sa bote. tumango naman siya bilang tugon
tumayo siya mula sa pag-kakaupo at hinarap ang dalaga. hinawak hawakan niya ang kamay nito, pataas hanggang braso. napakunot naman ang noo ni Sarah sa kanyang ginagawa "huy?"
ang sunod naman niyang hinawakan ay ang magkabilang pisngi ng dalaga. iniharap niya ito sa kanan papuntang kaliwa
"anung ginagawa mo?" naguguluhang tanong ni Sarah sa kanya
"Sarah?"
"ha?"
"si Sarah ka ba talaga?" tanong niya na parang maiiyak na
"ha?" nakakunot noong usal ng dalaga "...anu bang nangyayari sayo?" dagdag pa nito
ngumiti siya kasabay ng pamamasa ng kanyang mga mata "nakita na rin kita"
unti unting naglaho ang kakunutan sa noo ng dalaga dahil sa kanyang sinabi
"bakit ka nandito?" tanong nito sa kanya "...anung ginagawa mo dito?"
napakunot muli ang noo ng dalaga ng hindi niya sagutin ang tanong nito sa kanya. lumuhod lang siya sa harapan ng kanyang maleta at binuksan ito. si Sarah naman ay tila naguguluhan sa kanyang ginagawa
ng makuha na niya ang nais mula sa loob ng kanyang maleta, ay muli siyang tumayo at hinarap ang dalaga
"naalala mo to?" tanong niya dito sabay pakita sa dalaga ng hawak hawak na panyo. napadako ang mata ni Sarah sa panyo ngunit ng magsalita siyang muli ay bumalik ang mata nito sa kanya
"...hiningi ko to sayo dati, pero ayaw mong ibigay sakin kasi sabi mo, paborito mo tong panyo, diba?" pagpapatuloy niya
"...pero kinuha ko pa rin kahit na ayaw mo. sabi ko, papalitan ko na lang pero hindi ko rin naman napalitan" dagdag niya
"sinusoli ko na to' sayo..." usal niya na mas lalong inilapit pa ang panyo sa dalaga
"pumunta ka dito para lang isoli sakin yan?" tanong ng dalaga sa kanya
tumango siya bilang tugon
"gusto ko ng isoli to......"
"...pati na rin lahat ng kinuha ko sayo" dagdag niya
hindi mamalayan ng dalaga kung anung sasabihin. nanatili lamang itong nakatingin sa panyo na hawak hawak
"sabi mo sakin, nung huli tayong nag-usap...ang daming nawala sayo na hanggang ngayon na sa akin pa rin..."
"hayaan mo ko na ibalik ko sayo lahat ng iyon..."
"hayaan mo kong, tulungan kita na buuin yung sarili mo"
"sana hayaan mo ko...."
nag-angat ng mukha ang dalaga at nakita niyang lumuluha na pala ito. hinawakan niya ang magkabilang pisngi nito
"umiiyak ka nanaman.." wika niya dito
gamit ang kanyang mga daliri, buong ingat niyang pinunasan ang mga luha nito
"wag ka ng umiyak..."
"...hindi ka na dapat umiiyak" dagdag niya
"papawiin ko na lahat....lahat lahat.."
"hayaan mo lang ako"
tumulo muli ang isang luha mula sa kaliwang mata ng dalaga. sandali itong nakipagtitigan sa kanyang bago sumungaw sa mukha nito ang isang bagay na nagpatibok sa kanyang puso sa pinakamabilis na paraan....
ang ngiti ng dalaga
sa nilaki laki ng Paris...
sa dinamirami ng taong naruruon
nakakabilib isipin na
natagpuan pa rin nila ang isa't isa...
siguro nga ganun talaga..
kapag nakatadhana ang isang bagay...
mangyayari't mangyayari pa rin ito
kahit minsan nang tumutol ang mundo
-----------------------
comments and votes
happy sunday!! magsimba please?
#522