CHAPTER 77.

3.9K 122 28
                                    

"ganda...sundo mo nandito na" sabi ng kapatid mula sa labas ng silid na kinaroonan niya. nataranta naman siya sa narinig

muli niyang tinignan ang sarili sa salamin. napakagat siya sa kanyang ibabang labi. tila hindi pa rin niya matipuhan ang damit na suot suot. nakailang palit na siya ng damit ngunit wala ni isang pumapasa sa kanyang panlasa 

kumuha siyang muli ng maisusuot sa loob ng kabinet na nasa likuran niya at ito ay isinuot. mga ilang minuto din niyang sinuri ang suot suot niyang bestidang dilaw na hindi lalampas sa kanyang tuhod. agad niyang naisip ang magiging reaksyon ng binata kung sakaling makita nito ang kanyang pustura. siguradong magsasalubong yung dalawang kilay nun dahil alam niyang, ayaw na ayaw ni Gerald na nagsusuot siya ng mga suoting maiikli. papayag lang yun, kung magsusuot siya ng itim na stockings

nayayamot, na muli siyang napabalik sa kabinet at binuksang muli ito. tila ilan na lang ang nakasabit niyang damit sa loob dahil halos lahat ay nasubukan na niya. napahinga siya ng pagkalalim at muling nag-usisa ng masusuot...

"lalong hindi papayag yun sa ganito.." kausap niya sa sarili ng makakita siya ng isang shorts na kulay puti. muli niyang ibinalik ito sa loob ng kabinet at naghanap ng iba pang pwedeng masuot na papasa sa binata 

napatigil siya sa paglilipat lipat ng mga hanger, sa damit na nakita niya. isa itong polong kulay berde na may itim na guhit sa bandang kwelyo. kinuha niya ang damit mula sa loob at sandaling pinagmasdan ito

~~o~~o~~

"sandali lang a" sabi niya sa binatang nasa harapan niya "..papasukin ko na si Pot sa loob. baka anu ng nangyari dun e" dagdag pa niya sabay tayo mula sa kinauupuan. sakto namang lumabas na ang kapatid mula sa silid 

"sorry to keep you wait---" hindi na naituloy pa ng kapatid ang sinasabi ng makita nito ang binata lalo na ang suot suot nito na kaparehang kaparehang ng sa kanya

hindi naman niya napigilan na mapangiti 

"nag-usap ba kayong dalawa?" nakangiti niyang usal. kapwa sabay naman ang dalawang napatingin sa kanilang mga suot at sabay ding umiling bilang tugon sa kanyang naging tanong 

"so anu to? couple instinct??" nakangiti niyang usal 

"parehas pa kayong nakasuot ng relo..." dagdag pa ni Shine "...wag niyong sabihin sakin na parehas din kayo" 

kapwa namang napatingin ang dalawa sa suot suot nilang relo at pagkatapos ay binalingan nila ang suot suot ng isa't isa. kapwa parehong napangiti ang dalawa ng makita nilang parehas nga ang suot suot nilang relo, hindi nga lang parehas ng kulay 

...pero ito yung klase ng relo na kung tawagin ay couple's watch

napansin niya na panay ang ngitian ng dalawa at panay din ang bigayan ng mga ito ng sulyap sa isa't isa. animoy parang mga teenager's na aattend ng Prom night. si binata ay nahihiya at si dalaga naman ay nagpapakipot pa

"aalis pa ba kayo o kuntento na kayo sa emote niyong yan" putol niya sa dalawa. dali dali namang naglihis ng tingin ang dalawa

tumayo na ang binata sa kanyang kinauupuan at nagpaalam sa kanya 

"sige Ate Shine. una na kami" usal nito sa kanya. tinanguan naman niya ang binata 

ang kapatid din ay lumapit na sa kanya upang magpaalam "sige Ate...alis na kami" sabi nito sa kanya "ingat kayo ha.." bilin niya sa dalawa "..pasalubong ko" dagdag bilin pa niya 

patuloy niyang pinagmasdan ang dalawa habang ang mga ito ay naglalakad ang papuntang pintuan palabas. nakita pa niyang may sinabi ang binata sa kapatid na ikinatawa naman ni Sarah. hindi niya napigilan na hindi mapangiti ng makita niya ang ngiti ng kapatid...

JUST ONCETahanan ng mga kuwento. Tumuklas ngayon