انت عمرى

تحياتى لمن اقتحم حياتى

روفيده بدهشه: انت
العريس بصلها وقالها: انتى
روفيده: انت ايه اللى جابك هنا
العريس: يا محاسن الصدف
روفيده: قوم اطلع بره انت ايه اللى جابك هنا اصلا
العريس: مش عيب تتكلمى كدا مع عريسك
روفيده: هو انت العريس
العريس ضحك جامد: يا شيخه امال قاعد معاكى ليه اتفاهم معاكى واروح احكى للعريس
روفيده: انا مستحيل اوافق عليك
العريس ببرود: هتفضلى تتكلمى وانتى واقفه كدا
بعد ما روفيده قعدت
العريس ببرود اكتر: فى ايه بأه
روفيده: انت ازاى جيت هنا
العريس: بالعربيه
روفيده بغيظ: انت عارف اسمى ايه اصلا
العريس: روفيده
روفيده: وعرفته منين
العريس بلا مبالاه: باباكى قال مامتك نادى روفيده
روفيده: اوووف هو انت ناوى توافق عليا
العريس: انتى عايزه ايه
روفيده: لا طبعا مش عيزاك توافق
العريس: ما ترفضى انتى
روفيده: يا ريت بابا مصر عليك ومش عارفه ليه ممكن انت ترفض بلييييز
العريس: اوك نادى باباكى عشان نمشى
روفيده بفرحه: ميرسى
ونادت على باباها
جه الاهل
ابو روفيده: ها ايه الاخبار يا اولاد
العريس: احنا متفاهمين جدا يا اونكل
ابو العريس: يبقى نقرأ الفتحه
وقرأو الفتحه وروفيده بتبص للعريس بغيظ
وهو بيبصلها ويبتسم ابتسامه مستفزه
العريس بعد ما خلصو: ممكن يا عمى ننزل بكره نجيب الدبل
ابو روفيده: خلاص يا ابنى بكره ننزل نجيب الدبل
وقضو السهره وروفيده مش طايقه نفسها وعايزه تقوم تموت العريس وهما ماشيين على الباب
العريس: سلام يا عروستى
روفيده بغيظ وابتسامه صفرا: مع السلامه
واول لما مشيو دخلت اوضتها غيرت هدومها
واتصلت بصحباتها وحكتلهم عن العريس
وبعد ما قفلت معاهم نامت وهى مخنوقه
تانى يوم الصبح كانت روفيده نايمه وصحيت على صوت الموبايل بتاعها بيرن ردت من غير ما تشوف مين
روفيده بنوم: الو
الشخص: تعرفى ان صوتك حلو وانتى لسه صاحيه من النوم
بصت روفيده باستغراب للفون لقت رقم مش متسجل
قالت بصرامه: مين معايا
الشخص: انا سيف
روفيده: سيف مين هو انت جاى تستظرف على الصبح
سيف: سيف جوزك يا قلبى
روفيده: جوز مين انت بتخرف هتقول انت مين ولا هقفل وبعدين جيبت رقمى منين
سيف: من عمى
روفيده: عمك مين
سيف: باباكى
روفيده: لا مش معقول
سيف: ايه يا عروستى مالك
روفيده: عروستى؟ يبقى انت فعلا عايز ايه
سيف: فى واحده تكلم جوزها كدا
روفيده: بطل تقول انك جوزى انا مش مراة حد
سيف: ماشى يا عروستى
روفيده من الغيظ قفلت فى وشه السكه
وقامت اخدت دش واتوضت وصلت
خرجت بره بتخانق اى حد ييجى فى وشها
والمخده بتاعت الانتريه اخدت حصتها من العصبيه لما قعدت روفيده تضرب فيها بغيظ
شافها مازن وهو خارج من اوضته
مازن: مالك يا عروسه
روفيده بعصبيه: متقولش الكلمه دى ادامى
مازن باستغراب: روفيده هو انتى مش موافقه على سيف
روفيده: وحتى لو مش مواافقه بابا مصمم عليه
مازن: انتى لو مش عيزاه انا هكلم بابا
روفيده: ويطلع صغير قدام الناس عادى مش مهم انا اتعودت على كدا
مازن: معلش يا روفيده كان نفسى اساعدك انا اسف
روفيده: ولا يهمك يا ميزو
مازن: بس انتى ايه مش عاجبك فى سيف
روفيده: ده انسان فاشل وبايظ ومعندوش دم ومستفز وملموم على شله زباله
مازن بدهشه: كل ده
روفيده: واكتر المهم مش هتعرفنى على حبيبتك
مازن: حبيبتى مين
روفيده: اللى هتخطبها
مازن بعبوث: قولتلك مش بحب شيرين
روفيده: طيب هشوف امتى شيرين
مازن: انا كنت جاى اقولك انها عايزه تيجى معانا واحنا بنجيب الدبل
روفيده: اهلا وسهلا بيها
قاطعهم صوت موبايل روفيده
ردت: الو
النحيه التانيه: الو يا حبيبتى
روفيده: مين معايا
النحيه التانيه: انا مامت سيف يا روفيده
روفيده: اهلا بحضرتك يا طنط معلش انا اسفه بس رقم حضرتك مكانش متسجل عندى
ام سيف: ولا يهمك يا حبيبتى المهم جهزى نفسك يا عروستنا عشان هنروح نشترى الدبب بعد صلاة الجمعه
روفيده: حاضر يا طنط
وقفلت معاها وسابت مازن ودخلت اوضتها قعدت تصلى وكل لما تصلى تحس براحه اكتر
عدى الوقت وجه وقت صلاة الجمعه نزلت روفيده مع اسرتها
وكانت لابسه جيبه بيضه فيها ورد احمر وعليها بلوزه حمرا
والشوز كان ابيض وطرحه من اللونين
نزلت صلوا الجمعه وبعد ما خرجت من الجمعه لقت باباها ومازن واقفين ومعاهم سيف وباباه
روفيده قربت: صباح الخير يا عمو
ابو سيف: صباح الخير يا بنتى
روفيده بخفوت: صباح الخير يا سيف
سيف: صباح النور ولف وشه ولا اكنه يعرفها
ومشيو وراحو الجواهرجى وكانت معاهم شيرين اللى روفيده اول ما شافتها محبتهاش لان لابسه ديق وبشعرها وحاطه ميك اب على وشها اكنه شقه على المحاره
روفيده كان نفسها صحباتها يكونو معاها فى الوقت ده
وصلو الجواهرجى واول ما دخلت روفيده لقت رنا ورولا ومريم وساره جوا فرحت جدا وجريت عليهم حضنتهم
وكان لقاء حار مليان دموع
روفيده: ياااااه وحشتونى اوووى
رنا: انتى اكتر يا روفى
ساره وهى باصه على شيرين: مين عروسة المولد دى
روفيده بضحك: دى خطيبة مازن المستقبليه
حبيبته اول ما سمعت كدا حست انها بتموت وقلبها وجعها اووووى
بس اتماسكت عشان روفيده
والدموع اتجمعت فى عنيها بس منزلتهاش عشان روفيده وكمان عشان محدش يعرف انها بتحب مازن
راحو باركو لمازن وهى بتباركله
هى: الف مبروك يا مازن
مازن بصعوبه: الله يبارك فيكى
هى: فرحتلك اوووى يا ترى هتعمل الخطوبه هنا ولا فى اسكندريه
مازن: لا فى اسكندريه عشان اصحابى
هى: تنور
عند روفيده كانت واقفه تختار دبلتها قرب سيف منها وقالها: اللى حصل الصبح ده ميتكررش تانى
روفيده ببرود: وهو ايه اللى حصل الصبح
سيف: اياكى ثم اياكى انك تقفلى فى وشى السكه تانى او اكون بكلمك وتمشى انا بحذرك يا روفيده
روفيده: طيب
سيف: واعملى حسابك الخطوبه يوم الاربع الجاى
روفيده: ايه
سيف: زى ما سمعتى يا عروستى
اخيرا روفيده اختارت دبلتها كانت دهب اصفر وفيها فصوص على شكل قلب
وسيف اختار دبله فضه والفص بتاعها على شكل قلب
والاتنين اتكتب جواهم اسماءهم والتاريخ بتاع يوم الاربع
سيف استأذن من ابو روفيده انه يلبسها الدبله ناو وفى الخطوبه يلبسها الشبكه وباباها وافق
سيف: هاتى ايدك يا عروستى
روفيده بصتله بغيظ ومدت ايديها لبسها الدبله وباس ايدها
وقالها: الف مبروك يا عروستى
روفيده: الله يبارك فيك
رولا: هييييييح شايفين الواد رومانسى ازاى
ساره: بس البت روفيده مش مدياله وش
مريم: ما انتم عارفين انه مش زوقها
رنا: قلبى حاسس انهم هيحبو بعض
كلهم: ياااا رب
روحو والبنات كانت هتقعد فى القاهره اسبوع مع روفيده وبعد كدا هتمشى
قضو العيلتين ااسهره مع بعض وكانت كلها ضحك وسعاده بس روفيده كانت بتبص لسيف والدبله وتفتكر لمسة ايده
هو اول ولد يلمس ايدها استغفرت ربنا واستعاذت بالله من الشيطان الرجيم
روح اهل سيف
والبنات دخلو اوضه روفيده قعدو يتكلمو مع بعض ويهزرو
وكلهم نامو الا واحده سابت الحريه لدموعها اللى كانت كتماها من الصبح لاحظت ان شهقاتها صوتها على فقامت وخرجت الفرندا اللى بره فى الصالون عشان محدش يسمعها
وهى فى البلكونه حست بحد وراها مسحت دموعها بتلف لقته مازن
بصتله اوى ودموعها نزلت جت تدخل الاوضه مسك مازن ايدها
مازن: مالك
هى: ولا حاجه بعد اذنك
وشالت ايدها من ايده
وقالتله: تانى مره ميصحش تمسك ايدى كدا شيرين تزعل
والف مبروك تانى مره على الخطوبه
مازن حس ان قلبه وجعه اووووى ودموعها اكنها خناجر بتطعن فى قلبه وكان عايز يمسح دموعها وياخدها فى حضنه بس طبعا ميصحش
هى سابته ودخلت الاوضه
روفيده صحيت وبصتلها وبصوت ناعس: ايه يا رنا كنتى فين
رنا: ولا حاجه يا روفيده كنت فى الحمام
ودخلت نامت جمبهم وهى بتكتم شهقاتها
...........................................