28: Ruined party
-
“I hope this will be the last.”
“I hope this will be the last.”
“Hey, napansin kong kanina ka pa tulala. May problema ba?” Tanong ni Thunder nang lapitan niya ako. Narito na kami ngayon sa reception at kakatapos lang namin kumain.
Hanggang ngayon ay hindi pa rin mawala sa isip ko ang sinabi ng daddy niya kanina, obvious naman na ayaw niya sa akin.
“Baka nanghihinayang siya kasi hindi niya nasalo yung bulaklak.” natatawang sabi ni Matthew at sinamaan ko lang ito ng tingin. Sana narito sa Tymee para naman makita ko kung paano niyang saktan si Matthew sa mga oras na ito.
“Gusto mo bang mag lakad-lakad muna sa tabing dagat?” Tanong ulit ni Thunder at tumango na lamang ako. Ayokong sabihin sa kanya ang nangyari kanina. Sure kasi ako na iba ang magiging reaksyon niya roon, ayokong gawin niya ulit ang ginawa niyang pagsigaw sa daddy niya noon.
“Tell me, what’s bothering you?” hinawakan niya ang kamay ko habang naglalakad kami sa tabing dagat. May nakita naman akong malaking bato kaya doon ko siya dinala para maupo.
“Hmm yung araw na umalis ka. Saan ka nag punta nun? Gusto kong malaman.” sabi ko kahit na hindi naman iyon ang nasa isip ko ngayon and to be honest, curious din naman ako kung saan talaga siya nagpunta noong araw na iyon.
“Ah. Nakatanggap kasi ako ng email galing sa biological father ko. Akala ko makikita ko na siya pero pagpunta ko sa east district, wala akong nakitang Daniel Cross. Mukang napagtripan lang ako.” kwento niya.
“Hindi mo pa ba siya nakikita?”
“Nakita na. I still remember. 5 years old ako noong iwan niya ako sa mga Villaruel. Sabi niya ay babalikan niya ako pero hanggang sa ngayon, hindi pa rin siya bumabalik. Wala naman akong galit sa kanya, all I want is to see him again. I wonder kung paano siya magiging ama sa’kin..." Saglit siyang huminto at ngumiti. “Gusto ko maramdaman kung paanong magkaroon ng totoong tatay.”
Hinawakan ko ang kamay naming magkahawak matapos iyon marinig. Masaya talaga ako na makita ko ang side niyang ganito pero malungkot din dahil lumaki siya ng hindi kasama ang tunay niyang magulang.
Kung sakaling balikan na siya ng totoong daddy niya. Magustuhan niya kaya ako?
ㅡ
Ilang oras pa ang lumipas at nagkakasiyahan na sa party, halos karamihan naman ng bisita ay mga business man, kaya medyo out of place kaming mga estudyante na narito.
“Zea anong gusto mong maging anak?” Tanong ni Thunder dahil nasa iisang lamesa lang kaming pito. Binato naman siya ni Zea nang tinapay dahil mukhang hindi inaasahan ang tanong na iyon.
“Baluga. Ang bata ko pa, anak agad? Tsaka sapilitan ‘tong marriage na ‘to. You think may mangyayare samin? Tss.” inirapan siya ni Zea at napangisi lang si Thunder, hindi ko tuloy maiwasang mapatingin kay Jiro na tahimik lang mula pa kanina.
“Congrats nga pala sa inyo. Nagkatotoo yung pagsisinungaling sa akin ni Thunder noon na girlfriend ka niya.” natatawang sabi sa akin ni Zea at ngumiti lang ako. Pakiramdam ko kasi ay ang awkward ng sitwasyon, I mean awkward talaga na magsama-saman kami sa iisang mesa.
Maya-maya lang ay may limang kalalakihan ang pumasok dito sa venue. More like mga intruders dahil hindi sila nakasuot ng naaayon sa event.
“Fuck! What are they doing here?” Tanong ni Zea sa sarili niya.
“Why? Who are they?” Tanong ni Jiro habang nakatuon ang atensyon sa limang lalake na papalapit sa direksyon namin ngayon.
“Gangsters from my former school. E-ex ko yung isa sa kanila.” nauutal na sagot ni Zea, dahil doon ay nakaramdam ako ng kaba. Naaamoy kong may magaganap na gulo.
“Sino diyan?”
“Yung nasa gitna.” saktong pagsabi noon ni Zea ay nakalapit na sa pwesto namin iyong limang lalaki at dahil nga mga business man ang mga kasama naming bisita, hindi nila napapansin ang namumuong tensyon.
“So tinuloy mo pala talaga yung pagpapakasal. Ano? Masaya ka ba?” Tanong noong lalaking ayon kay Zea ay ex niya.
“Hindi naman ikaw ang nagpakasal, So...shut up na lang.” pagsingit ni Jasper, dahilan para mabatukan siya ni Axel ng wala sa oras.
“Tigilan mo nga ‘yang shut up shut up na lang.” reklamo nito. Hindi ko tuloy alam kung dapat ba akong tumawa ngunit nang narealize ko na wrong move kung gagawin ko ‘yon dahil nakatingin sa akin ang lalaking nakakulay blue na leather jacket.
“Hindi ko alam na may kaibigan ka pa lang kasing hot niya.” sabi nito kay Zea pero nasa akin ang tingin niya. Hahawakan ko sana si Thunder ngunit mas mabilis pa sa ninja si Jiro dahil naihampas na pala niya ang bote sa ulo ng lalaking iyon. Shit.
“Lumayo ka rito.” seryosong utos sa akin ni Thunder. Agad ko namang nilapitan si Zea para lumayo dahil nag-umpisa na silang makipagsuntukan sa mga lalaking iyon. Hindi ko magawang pigilan si Thunder, nagkakagulo na rin dahil nagpanic ang mga matatanda habang si Zea naman ay nakita ko na lang na umiiyak.
“They ruined my party!” Reklamo niya hanggang sa may isang matandang lalake ang lumapit sa aming dalawa na sa tingin ko ay daddy niya.
“Sweetie. Let’s go.” aya nito at saka niya inilayo si Zea. Habang ako ay ito at nanunuod lang sa nangyayari. Wala man lang bang pipigil sa kanila?
“Thunder!” napahawak na lamang ako sa bibig ko nang makita ko kung paanong gulpihin ng lalaking iyon si Thunder. Ramdam ko rin na namumuo na ang luha sa mga mata ko. May sugat siya sa braso kaya nahihirapan siyang igalaw iyon.
Naiinis ako sa sarili ko, hindi ko magawang ihakbang ang mga paa ko. Tuluyan namang tumulo ang luha ko nang makitang halos kulay pula na ang bibig ni Thunder dahil sa mga dugong lumalabas doon.
That’s my cue. Hindi na ako nagpaligoy ligoy. Kumuha ako ng upuan at saka iyon inihampas sa lalaking nakakulay asul. Mabilis ko namang inalalayan si Thunder at sa wakas. May mga dumating na rin na gwardya para paalisin ang limang uninvited guests.
“Bakit ka umiiyak? Hindi pa ako mamamatay.” natatawang sabi ni Thunder nang yakapin niya ako gamit ang kabilang niyang braso.
“Nagawa mo pa talagang tumawa? Tignan mo nga ‘yang itsura mo.” sabi ko pero natigilan ako bigla nang lumapit sa amin ang daddy.
“Thundㅡ”
“Dad. Wag muna kayong mangialam, asikasuhin niyo na lang yung mga bisita.” pagputol ni Jiro. Nagtinginan kami at nginitian niya ako, habang sila Axel naman ay tinulungan akong alalayan si Thunder papunta sa kwartong pagtutulugan nila.
Kinabukasan. Madaling araw pa lang ay umalis na kami sa beach dahil mag pasok pa kami. Sabay-sabay kaming umalis nila Zea at kahit paano ay medyo nakamove on na rin siya sa nangyari kahapon, habang si Thunder naman ay may mga galos pa sa mukha.
“See you later.” hinalikan ako ni Thunder nang maihatid nila kami sa tapat ng dorm.
“Jiroㅡ” tawag ni Zea ngunit bigla na lang umalis si Jiro na parang wala lang. Nasasaktan ako para kay Zea. Alam kong arranged marriage lang ang nangyari sa kanila pero mali pa rin ang inaasal ni Jiro.
“Hayaan mo na. Intindihin mo na lang.” sabi ni Thunder nang tapikin niya ang ulo ni Zea. Ngumiti lang ako at saka pumasok ng girl’s dorm kasabay si Zea.
ㅡ
“Malapit na yung ground zero. Sasali pa ba tayo?” napahinto ako sa paglalakad nang marinig ang boses na iyon habang naglalakad papunta sa classroom. Napalingon ako sa bench kung saan may limang lalake ang nakaupo roon. Pamilyar sa akin ang isa sa kanila, si Jin ba iyon?
Hindi ko na lang pinansin at saka nagpatuloy sa paglakad ngunit bigla akong hinarangan ni Jin, mukhang napansin niya ako. “Si Ayesha?”
“Hindi ko alam, eh.” lalagpasan ko na sana siya dahil late na ako pero hinawakan niya pa ang braso ko at pinigilan.
“Hoy. Bitaw.” ma-awtoridad na utos ng pamilyar na boses. Nilingon ko naman kung sino iyon.
“L-liam.” tawag ko at mabilis naman akong binitawan ni Jin. Halatang may namumuong tensyon sa dalawa at mukhang alam ko na ang dahilan kung bakit.
“Hindi ka pa ba nadala? Gusto mo ng round 2?” Maangas na tanong ni Jin pero nginisian lamang siya ni Liam.
“Sino ba sa atin ang napuruhan? Ako ba?” Tanong ni Liam kaya hinawakan ko na ang braso nito para matuon sa akin ang atenshon niya. Tinignan ko siya na nagsasabing wag nang patulan. Mukhang na-gets naman niya iyon kaya hinawakan niya ko at saka hinila para lagpasan si Jin pero hinarangan kami noong apat niya pang kasama. Ano bang problema ng mga ‘to?
“Siya yung babae sa light’s off noon ‘di ba? At siya rin yung babaeng nagpatalsik sa Keen’s org?” Tanong noong lalaking kulay berde ang buhok. Mabilis naman akong itinago ni Liam sa likuran niya dahil napalibutan na kami noong lima. Hindi talaga ako nalalayo sa gulo, damnit!
“Ano bang kailangan niyo?” Tanong ni Liam pero ni isa sa kanila ay walang nagabalang sumagot.
“She must be special. Madalas ko siyang makita sa hell’s gate.” sabi ng lalaking kulay orange ang buhok. Medyo weird. Para silang mga sisiw na may kulay.
“Ofcourse she’s special. That’s my girl dude. Gusto niyo bang mabalian ng buto? Back off.” kusa na lang akong napangiti nang marinig ang napakamanly na boses ni Thunder. Nilingon ko kung nasaan siya. Relax na relax lang siya habang nakabulsa ang parehong kamay.
“Cross.” tawag noong lalaking kulay pink ang buhok. “Mukang nabugbog ka, ah.” dagdag pa nito pero nginisian lang siya ni Thunder.
“This is my first and last warning. Back off, or else. I will rip your throat out.” mahinahon na banta ni Thunder sa kanila and the next thing I know? Nasa paligid na niya sila Axel, Jasper, Matthew at Jiro.
Mauulit na naman ba? Trouble really loves me, does it? Bakit pakiramdam ko, mas lalala pa ang gulo sa buhay ko kumpara sa mga dati kong naranasan?
𝕸𝖔𝖓𝖘𝖙𝖗𝖔𝖚𝖘 𝖆𝖈𝖆𝖉𝖊𝖒𝖞 1
ㅡ𝖉𝖆𝖚𝖓𝖙𝖑𝖊𝖍𝖘ㅡ