CHAPTER 35
Tumawag sa akin si Oliver at ang sabi niya ay kung pwede sana sa Wednesday kami lumabas. Pumayag ako kasi libre naman ako. Ang sabi ko naman ay babalik naman na ako bukas sa apartment.
"baby," Napatingin ako kay mommy. Nakangiti siyang pumasok sa kwarto ko. "Your friend is here."
"Si Gelene?" Agad akong tumayo dahil sobrang aga naman yata niyang pumunta dito. Ang alam ko dapat mamayang hapon pa kami magkikita para maglibang.
"Si Engineer Rodriguez, may pag-uusapan daw kayo? May problema ba? Is that the reason why you're here?" concerned na tanong sa akin ni mommy. Umupo akong muli sa kama ko at ganoon din si mommy.
"Wala naman po kaming problema." I assured here. "Dapat nasa site yun ngayon kasi may trabaho siya." Nilaro ko ang aking mga daliri.
"Yun nga baby, may trabaho siya pero nandito siya ngayon para lang kausapin ka. Alam kong seryoso yun dahil hindi na kayang pag-usapan sa tawag."
"Ma, pasabi na lang na tulog pa ako." Hindi ko nakatinging sabi.
"Miru, he's waiting."
"Mom, ayoko makipag-usap." Hinaplos ni mommy ang buhok ko at nginitian niya ako.
"Paano niyo mareresolbahan ang problema niyo kung siya lang yung nag-eeffort na makipag-ayos?" Tumayo si mommy at lumabas na siya ng kwarto ko.
Napapikit ako at humiga sa kama. May point naman si mommy. I'm contemplating pa whether i'm going to talk to him now or mamaya na ako bababa nang bigla akong mapaupo sa gulat dahil sa biglang tumikhim.
"G-Gabe?" Nanlalaki ang mga mata ko nang isara niya ang pinto ng kwarto ko.
"Don't lock the door!" Sigaw ni mommy sa labas kaya nasapo ko na lang ang noo ko. "Papasok ako anytime!" Sabi pa ni mommy.
"Bakit mo pinapasok? Paano kung may gawin?" Tanong ni daddy kay mommy pero pahina na nang pahina ang mga boses nila kaya alam kong wala na sila sa tapat ng kwarto ko.
"Pinapasok ako ng mommy mo." Sabi nito saka kinuha ang upuan ko at iniharap sa akin. At kahit nakaupo na siya ngayon doon ay kitang-kita pa rin ang height difference naming dalawa. "I didn't press this topic you last time" He paused. "kung bakit ka naiinis sa akin. Pero tingin ko kailangan na nating mag-usap ngayon."
Umiwas ako ng tingin pero agad niyang hinawakan ang baba ko at iniharap ako sa kanya.
"Listen, Angel. Hindi ko alam ang sinasabi mo. Sinong kahati?" Nakakunot niyang tanong sa akin. "And about the messages, wala talaga akong nabasa. Kristine, yung kapatid ng isa sa katrabaho namin..." naiinis siyang nagkamot ng ulo niya. "She was messing with everyone that day. Nagpunta kasi siya sa site para hingian ng pera yung kapatid niya pero hindi siya binigyan kaya pati kami ni Kyron nadamay sa kanila."
Sumimangot ako dahil yun na ba yun? Nagalit ako dahil lang may pakialamerang babae doon?
"She said dinner is impossible." Halos pabulong ko sabi saka tumingin sa sahig. "Alam ko ang immature ko dahil sayo ako naiinis at dahil hindi ko tinanong sa'yo pero kasi---"
"Girlfriend kita kaya nga sa'yo ko lang binibuhos ang oras ko, e." Ilang beses akong napakurap dahil sa sinabi niya. "Kaya bakit ka nagda-doubt?" Itinaas ko ang kanang kamay ko hanggang sa mukha niya para patahimikin siya.
"W-wait" Umurong siya nang kaunti at kumunot na naman ang noo niya. "G-girlfriend? Ako?" Turo ko sa sarili ko.
"Huwag mong sabihing ako lang ang nag-iisip na may relasyon tayo?" Inis na tumayo si Gabe mula sa kinauupuan niya at tinalikuran ako. "Tangina naman, all this time akala ko girlfriend kita tapos ako lang pala ang nag-iisip? Miru, hindi naman kita hahalikan ng paulit-ulit kung walang namamagitan satin tapos..." galit na isinuklay nito ang kamay niya sa buhok niya.
"Hindi mo naman kasi sinabi sa akin!" tumayo na rin ako at hinarap ko siya. "Paano ko iisiping boyfriend kita kung hindi mo nga ako tinanong? Hindi mo nga ako niligawan, e!" Umiwas siya ng tingin sa akin. "Ang alam ko lang gusto mo ako tapos gusto rin kita, yun lang." Pahina nang pahina ang boses ko nang sabihin ko iyon.
"Angel, kung may ibang lalaking humalik sayo papayagan mo rin? Kung may ibang lalaking hahawak ng mga kamay mo hahayaan mo lang? Ang point ko lang naman, ang lahat ng ginagawa natin ay ginagawa ng may magboyfriend at girlfriend tapos hindi talaga yun sumagi sa isip mo? Papayag ka bang tabihan ka nila sa pagtulog kahit wala kayong relasyon? Kasi Miru, iniisip ko pa lang masakit na."
"Gabe hindi naman sa---"
"Nagseselos din naman ako. Lalo na tuwing kasama mo ang mga kaibigan mo pero sinabi ko ba? Pinalayo ba kita? Syempre naiintindihan kong kaibigan mo sila. Hindi mo nga nahalata na nagseselos ako doon sa Oliver na yun kahit nakita kong lumabas ka galing sa unit niya pero inaway ba kita? Hindi naman, diba? Kasi may tiwala ako sa'yo, tapos ngayon malalaman kong wala ka pa lang tiwala sa akin. Porke't may babaeng sumagot, kahati mo na kaagad?" Natahimik kaming dalawa dahil sa sinabi niya. Natahimik ako dahil totoo ang inaakusa niya sa akin. Pero hindi niya pwedeng isisi sa akin lahat kasi clueless ako. Wala akong alam sa mga relasyon. If ever, he's my first boyfriend.
"Oo nagkaroon ako ng flings noong naghiwalay kami ni Carol pero simula noong sinita mo ako tumigil ako. Alam mo kung bakit? Kasi doon pa lang, alam ko ng magugustuhan na kita. Kaya nga kinukulit kita kahit na pinagtatabuyan mo ako." Umiling ito at naglakad na siya papunta sa pinti. Pinihit na niya ang seradura at binuksan ang pinto ng bahagya. "Susunduin kita sa Wednesday. Gusto kang makilala ng daddy ko at ng asawa niya. Sana naman kahit nagalit ka sakin, di mo pa rin nakalimutan."
Sinundan ko siya palabas.
"Ma'am, Sir aalis na po ako. Salamat po." Sabi nito at tuluyan na nga siyang lumabas ng bahay.
"Gabe..."
"Aalis muna ako." Paalam nito sa akin. Ngumiti pa nga siya pero hindi naman abot sa mga mata niya.
"Gabe naman..."
Binuksan na niya ang sasakyan niya kaya naman bigla akong napahawak sa damit niya. Nagalit ko siya. Ayaw ko siyang magalit dahil lang naging immature ako.
"Pupunta yung client mamaya sa site. Kailangan nandoon na ako before 1." Mahinahon nitong sabi.
Niyakap ko siya at kaagad ko namang naramdaman ang mga kamay niyang pumulupot din sa bewang ko. Naramdaman ko rin ang paghinga niya nang malalim.
"You'll call me? Iti-text mo pa rin ako?"
"I will." Sabi nito saka hinalikan ang buhok ko. "We will talk again, okay?" Tumango ako at muli ko na namang naramdaman ang labi niya sa noo ko. "Don't be jealous, wala lang yung si Kristine. May pagka pakialamera talaga 'yun. Lahat ng may girlfriend na katrabaho namin nag-aaway dahil sa kanya. Pagsasabihan ko siya, and trust me, okay?" Muli akong tumango saka humiwalay sa kanya. Wala na ang pagkairita sa mukha ni Gabe ngayon kaya naman naglakas loob na akong tumingkayad at halikan siya sa labi niya.
"I won't let anyone kiss me. Ikaw lang. First kiss nga kita, diba? And about sa girlfriend thing." Umiwas ako ng tingin at kinagat ko ang ibabang labi ko. Huminga ako nang malalim "Uhhm s-sige,"
"Sige?" takang tanong nito sa akin saka niya inipit ang buhok ko sa likod ng tenga ko. Pero kahit mukhang nagtataka siya ay sumilay pa rin ang mga ngiti niya sa labi. Maybe, maybe hindi siya slow sa mga bagay-bagay kagaya ko. "Girlfriend na kita?"
"Oo. Pumapayag na ako. S-sige na, alis na." Itinulak ko siya papasok sa sasakyan niya. Gusto pa sana niya ulit lumabas pero muli ko siyang itinulak paupo saka ko ikinabit ang seatbelt niya. "Mag-ingat ka. B-balik ako bukas doon."
"I love you, Angel. Huwag ka nang magselos, ha?" Casual lang ang pagkakasabi niya pero bigla kong naramdaman ang pagdagundong ng dibdib ko. Fck! Ano bang ginagawa niya sa akin?
"Sige na! Umalis ka na!" Narinig ko ang mahina nitong tawa pagkatapos ay binuhay na nga niya ang makina ng sasakyan niya. "B-bye!" Hindi ko na siya hinintay na umalis. Basta na lang akong tumakbo papasok ng bahay namin. Doon ay naabutan ko sina mommy at daddy na naglalambingan pa. Grabe sila.
"Namumula ka baby." Aish! Pang-asar pa 'tong mommy ko, e! Tapos nakangiti pa!
"Kapag sinaktan ka ng lalaking niyan---"
"Ano ba, bah! Okay lang yan! Doon nasusukat ang pag-iibigan!" Aish! Ewan ko sa kanila! Bakit ba sila ang mga magulang ko?
*****
A/N: Last na! Quota na naman kayo sa update! VOTE AND COMMENT! COMMENT COMMENT COMMENT! :*