Chapter 86
"Sir Yuan, kinuha na po ng Engineer ni Doctor Torres kahapon yung blueprint,"
Nagrereport ang Secretary nya ngayon, iniwan nya kasi dito ang trabaho ng ilang araw dahil sa wala syang gana magtrabaho dahil sa broken hearted sya.
And since ayos na ang puso nya, inspired na syang magtrabaho ulit. "Inform Dominic na yung pinapaayos ko na blueprint ipresent nya tomorrow morning"
Pero kung papipiliin sya. Mas gusto nya mag stay sa bahay kasama si Mikay. Pero mas mahalaga ang mangyayari ngayong araw, at mas mabuting nasa bahay lang si Mikay para in case na magka gulo, hindi na ito madamay.
Umupo sya sa table nya matapos magpasalamat sa Secretary. Kinuha nya ang cellphone at tinawagan si Erick.
"Anung balita?"
[Boss, parating palang si Vice.]
"Okay, pupunta na ako dyan. Keep me updated and make sure na everything is under control. Okay?"
[Sige boss, pero Boss sabi ng Asset natin may bumibisita ng madalas kay Lady G sa kulungan ah. Sinundan nila kung saan umuuwi pero niligaw sila nito eh]
Alam nyang mahirap kalabanin si Lady G. Isa ito sa powerful na taong nakilala nya, at isa rin ito sa pinaka magaling magpaikot ng tao. Kaya nagaalala sya sa kalagayan ng Papa nya na ngayon na susuko.
"Erick, siguraduhin nyo ang safety ni Papa. Nakikiusap ako sa inyo, kayo lang ang maasahan ko. Pati sina Tita Helen at Jao. Pati si Julia, naayos nyo ba ang security"
[Ayos na boss, okay na ang lahat.]
"Salamat Erick"
Nagpaiwan narin sya ng security sa bahay nya para bantayan si Mikay, at hindi yun alam ni Mikay. Ayaw nya kasing matakot si Mikay o mag alala man lang.
"Pia, wala naman akong meeting and appointments, kaya aalis muna ako. Just call me kapag nagka problema."
"Sige po Sir"
Sasamahan nya ang Papa nya sa haharapin. Alam nyang magiging magulo, pero gagawin nya ang lahat wag lang mapahamak ang Papa nya o kahit sino sa mga mahal nya.
Habang nagmamaneho sya, biglang nagalarm ang cellphone nya. Isa pala itong reminder ng plans ng Radical Group. Sa bawat plano kasi nito ay minsan kina counter attack nya.
Pero dahil ngayon ay hindi na matutuloy ang pagpatay sa Presidente dahil wala ng myembro, ang iisipin nalang nya ay ang Papa nya.
Isa lang naman ang panalangin nya eh, yung maintindihan sila ng lahat, lalo na ng mga taong malapit sa kanila. Lalo na si Mikay at ang Presidente.
------------------------------
"Mikay bakit ka ba natataranta?" tanong ni Vicky. Nagpasundo sya dito sa bahay ni Gino at nagpasama sa Malacanang.
"We have to save Papa, ngayon sya ipapapatay ng mga kalaban nya, and... And sad to say... Kabilang doon si Gino"
"Sinong Gino?" tanong pa ni Vicky
"Gino Dela Rosa." mahina nyang sabi habang seryosong nagmamaneho. Nahampas nya ang manebela sa inis.
"I hate this... I can't believe na magiging ganito si Gino. Hindi ko alam ang nangyari seven years ago, pero he has no right to do this"
"Naguguluhan ako," yun lang nasabi ni Vicky.
Pinaliwanag lahat ni Mikay kay Vicky na si Gino ay myembro ng Radical Group at isa sa mission nila ay ipapatay ang Papa nya. Pinakita nya rin dito ang mga ebidensya.
Walang masabi si Vicky sa mga nalaman nya. Hindi sya makapaniwala na si Gino ba talaga ang nakausap nila, dahil ayaw nyang isipin na ganun si Gino kasama.
"And here..." inabot pa ni Mikay ang picture ni Gino kasama ang mga Alvarez.
Napaluha si Mikay habang nagmamaneho, "Matagal na nila tayong niloloko, matagal na nila akong pinaglalaruan"
Walang masabi si Vicky. Alam nya kasing nasasaktan si Mikay. Pero baka naman nagkakamali si Kaella. Pero anu yung mga ebidensya.
"Kaella, hindi kaya mas maigi na magusap kayo ni Gino? Para alam natin ang totoo..."
"Yan din ang gusto kong gawin, pero nasa panaginip ang Papa ko ate Vicky. Hindi ko na alam ang gagawin ko"
"Pero nung kelan lang nahuli na ang mga taong ito. Tanging si Vice Pres nalang ang hindi"
"Hindi ko narin alam ang iisipin ko, naguguluhan na ako Ate Vicky. Ang alam ko lang dapat maligtas si Papa"
Hindi na nakapagsalita si Vicky. Kahit sino uunahin muna ang magulang na nasa panganib. Pero silently, nananalangin sya na sana ay may magandang dahilan si Gino para sa lahat ng to.
"Ate Vicks, yang Toyota Corolla sa likod, kanina pa sumusunod sa atin"
Napalingon din si Vicky at nakaramdam ng kaba. Nakita nya ang sasakyan na ito na nakapark sa tapat ng bahay ni Gino at ngayon sumusunod sa kanila.
---------------------------
"What?!" sigaw ni Gino sa kausap sa cellphone "Bakit nyo hinayaang umalis?"
[Boss di na namin napigilan. Pero sinusundan namin ang sasakyan, mukhang sa Malacanang din ang punta]
Hindi na alam ni Gino ang gagawin. Nagkapatong patong na ang inaalala nya.
"Mikay, ano bang pumasok sa isip mo?" tanong nya na parang naririnig sya nito.
Pero paano nya ito maitatanong eh kahit text hindi sumasagot, ganun din si Mam Vicky.
Mamayang lunch na sana nya balak sabihin lahat kay Mikay. Balak na nyang umamin dito, at isa rin sa balak nya ay ang yayain ito magpakasal.
Pero hindi nya alam kung anu ang nangyari at si Mikay ay pupunta rin ng Malacanang. Anu bang nangyari?
Pero itutuloy nya parin ang plano. Kaya ipinasok nya ang sasakyan sa loob ng Malacanang, kahit na fake access lang kaya sya nakapasok, ang mahalaga wala naman syang gagawing masama.
Dahil sa isang asset sila, nakapasok sila ng ilang hidden cameras sa loob ng kinaroroonan ng Papa nya at ilan pang official. At sa cellphone nya lang ito pinapakinggan at pinapanood.
--------------------------
"I am willing to accept any punishment that I deserve." yan ang panghuling mensahe na sinabi ni Henry sa harap ng Presidente at ilang official.
Ipinaliwanag nya rito paano at kung saan nagsimula ang Radical Group. Pati ang lahat ng mga naipapatay, lahat ng mga nagawa ng grupo.
"Mr. President..." tawag ng spoke person nya. Hindi umiimik ang Presidente, at bakas sa mukha nito ang galit.
Tumayo sya at inutos "Ipakulong ang taong yan"
Parang teleserye ang nangyayari, may iba na nasa stae of shock parin kaya hindi makapag react, may iba naman na naawa kay Henry at ang iba naman ay masaya sa nangyayari.
Ilang pulis ang sumundo kay Henry. At bakas ang lungkot sa mukha ni Henry, pero nagpapakatibay sya dahil alam nyang tama ang ginagawa nya.
----------------------------
Hindi napigilan ni Gino ang maiyak ng makitang pinuposasan ang kanyang Ama. Gusto nyang hilain palayo ang mga pulis na kung itrato ang Papa nya ay parang isang hayop.
Lumabas sya at gusto nyang salubungin ang Ama. Hindi perpekto ang Papa nya, pero alam nyang nagsisi na ito sa mga nagawa at alam nyang mabuti itong tao.
Hindi pa sya nakakalayo sa sasakyan, nakasalubong na nya si Mikay. Walang emosyon itong napatingin sa kanya.
"Mikay anung ginagawa mo dito, delikado rito ngayon" sabi nya ng agad na makalapit.
"Bakit? Ayaw mo makita ko ang pagpapapatay nyo sa Papa ko?" natigilan si Gino.
Hindi sya makapagsalita sa sinabi ni Mikay. May alam na ba ito, pero nagulat sya ng itinaas ni Mikay ang kamay at may hawak iyong folder.
"Alam mo Gino hindi na kita kilala...." naiiyak na sabi ni Mikay.
"Diba Mikay magpapaliwanag ako sayo pagkatapos ng lahat ng ito..."
"Pagkatapos nyong patayin ang Papa ko?!"
"Mikay!! Hindi..." di na nya natuloy ang sasabihin dahil isang malakas na putok ng baril ang narinig nila.
--------------------------------------------
One last Chapter!