ديما: حبيبتي ماني فاهمه
حنان: اقولك تبيني اتزوج ولدها
ديما: طيب انتي رفضتي
حنان: ابي اطلع من البيت مو قادرة اشوف وجهه
ديما: اهدي شكو تطلعين من البيت عشانه
حنان : مدري ديما
ديما: تبيني اي للرياض ؟
حنان: لا لا مو لهدرجه بس مااعرف لمين أقول واول شخص جا لبالي انتي
ديما: يعمري انتي اذا احتجتيني لاتستحين كلميني وبرد عليك.
حنان: الباب يطق بقفل
ديما: تمام يعمري باي
حنان: هلا
عبدالله: وينك
حنان: ويني يعني
عبدالله: مانزلتي المغرب
حنان: مالي نفس
عبدالله: والله اسف مو قصدي
حنان: لا ! مو قصدك الحين انت بينت الموضوع مره وانا لو كنت مكان فهد كنت دريت انك تحبني
عبدالله: طيب عادي ترا فهد يحب بعد وساترين عليه
حنان: انا شدخللني يحب ولا مايحب بس ليش تصغرني قدامهم كذا
عبدالله: وش اسوي عشان ارضيك
حنان : لاتسوي شي
عبدالله: صدق وش اسوي
حنان : اوعدني انك ماتعيدها
عبدالله: اوعدك ماعيدها
حنان: وتعتذر لفهد لانه زعل
عبدالله : كنك زوديتها
حنان: هذا شرطي وانت بكيفك
عبدالله: ابشري بعتذر منه ولو تبيني ابوس راسه بس ماتزعلين مني
حنان: سامحتك
عبدالله: اخيرا
حنان : رضواتي مو سهله
عبدالله: ياحلوك بس ، وينك اليوم
حنان: ليش في شي
عبدالله: لا بس فقدتك
حنان: في احد غيري ما كان موجود ؟
عبدالله: عمتي نجلاء وعماني ومريم وفارس و وعد
حنان: تمام
عبدالله: بدق عليك وردي ونسولف احسن من وقفتنا
حنان: تمام
دقايق ودق عليها
عبدالله: جا سلمان
حنان : صدق ؟ سفانه جت معه
عبدالله: اي
حنان: يووه بخاطري اشوفها
عبدالله: تخيلي دخلت وسلمت على جدتي بس اخوانها سحبت عليهم حتى امها ماسلمت عليها
حنان: غريبه
عبدالله : عاد بيسافرون
حنان: الله يحفظهم
عبدالله: فيك شي
حنان: لا
عبدالله: الا وجهك متغير وصوتك وش فيك ياعيوني
حنان: مزكمه شوي
عبدالله: سلامتك تبيني اجيب لك مضاد ؟
حنان: لا لا عندي
عبدالله: دامك تعبانه مابي اطول عليك
حنان: لا تقفل ابي اكلمك الى الفجر
عبدالله: صادقه ؟
حنان: احس اني محتاجتك
عبدالله: تبيني اجيك الغرفه ؟؟؟
حنان: لا بس كلمني
عبدالله : ابشري
،
،
عبدالله يسولف وحنان مكتفيه تسمع له كانت محتاجة عبدالله تحس بضيقه وغصه بداخلها مو مرتاحه وكانت تشوف حلها الأبدي عبدالله ، اخذتهم السوالف 3 ساعات ، نامت دون ماتحس بنفسها وقفلت
عبدالله: الو ، الو وينك ، شفيها قفلت
،
،
،
بالمطار عند البوابه
سلمان: تبين تاكلين شي ؟
سفانه: لا
سلمان: اجيبلك قهوه
سفانه: لا مو مشتهيه
سلمان : مو ماكله شي من الصبح والحين بنركب الطياره وبيجيك غثيان وتتنكدين
سفانه: مو مشتهيه
قام سلمان ربع ساعه ورجع وبيده قهوه وكيك مده لها
سفانه: اقولك مابي
سلمان : اكلي
اكلت شوي من الكيك ورجعته
سلمان : تكلفتي
سفانه: شبعت
سلمان : وش اكل الارانب هذا
سفانه: ماحب الكيك ! ، تراني اكلت مجامله لك
سلمان: قولي ماتحبين القهوه بعد
سفانه: بشربها
سلمان: بالعافيه
ابتسمت له مجامله
سلمان : اخيرا شفت اسنانك
سفانه: اخر مره
سلمان : نشوف بعدين
سفانه: تراني زهقت متى نركب
سلمان : يلا شويات ، بعدين من الحين اقولك لما نوصل ياوييلك تتمشين لحالك ولا تبعدين عني ترانا بنصير بغربه ومانعرف احد ومانضمن الي هناك
سفانه: طييب تراني مو بزر
سلمان : يعني مراهقه موب بزره
طيرت عيونها عليه
،
،
مريم : اقولك جت وراحت ولا فكرت تجي تسلم علي ولا تسأل عني
فايز : ومين قال ذا الكلام
مريم : لمياء حتى اخوانها ماسلمت عليهم
فايز: نادي لي سلطان
طلعت مريم ورجعت ودقايق وجا سلطان
سلطان: شبغيتو
فايز: اختك ماقالت شي يوم جت
سلطان: مدري
فايز: شلون ماتدري ماكنت موجود يوم جت ؟
سلطان: الا كنت موجود بس ماكنت منتبه لها
مريم : طيب ماسمعتها تسأل عني ولا عن ابوك
سلطان : الا جدتي قالت لها انك بالمطبخ
مريم : شفت زعلانه مني
سلطان: معه حق لو كنت مكانها سويت نفس الشي واكثر
فايز : سلطان احسب كلامك وش تقول انت
سلطان : انتو تخيرونها بين الموت او الموت حرفيا ! وش متوقعين بتجي تسلم عليكم وتشكركم ؟ اكيد مارح تجيكم ولو بيدها قطعتكم بعد
مريم : سلطان انت مو عارف وش جالس تقول اطلع
سلطان: الا عارف وش قاعد اقول
فايز : سلطان ! لاتغير نظرتي فيك اطلع
سلطان: لا انا ابي تتغير نظرتكم فيني
طلع سلطان وكان معصب
،
،
،
الصباح
صحت ومسكت جوالها
سلطانه : حنان !
حنان من داخلها : ذي نشبت لي
سلطانه: تراك ساحبه علي
حنان: هلا يعمري ، شدعوه ساحبه عليك بس اختبارات وانشغلت
سلطانه : طيب متى تخلصين
حنان: اليوم انشاء الله
سلطانه : شرايك بعد اختبارك نطلع ؟
حنان: نطلع ، وين نروح
سلطانه : مو قلتلتك عند وحده من صحباتي كوفي جديد شرايك نروح له هادي وحلو
حنان: توي صاحيه اصبري اصحصح واشوف متى اطلع من الجامعه وارد لك
سلطانه : تمام انتظرك يعيوني
،
،
انس : ادخلي
وعد : بكلمك
سعود : طرده
وعد : تقريبا
طلع سعود
انس : وشفيك ، امي فيها شي ؟؟
وعد : لا لا
انس : اجل شفيك
وعد : منصور
انس : وش
وعد : استخرت وانا موافقه
انس : اكييد ؟؟
وعد : اي
انس : على خير اكلم الولد ويجون يخطبونك رسمي
وعد : انشاءالله
انس : اخيرا بيصير عندي اخت متزوجه وبصير خال
وعد : توي ماتزوجت تبيني اجيبلك بزر
انس : اي عادي شفيها
وعد : طيب صدق انس شرايك بالولد
انس : للحين تفكرين مو تقولين استخرتي
وعد : وش اسوي الموضوع شاغلني مو قادره انام من التفكير
انس : لو انه موب زين ماكان جيت وفاتحتك بالموضوع
وعد : ابي حسابه بتويتر
انس : ليه
وعد : فضول بشوف ايش ينزل
انس : فاااضيه
وعد : انسس عطني تكفى
انس : خلاص شوي وارسله
وعد : تمام لاتننسى
انس : ابشري يالعروسه
وعد : شكرا يالخال
،
،
،
مطار مدريد الدولي _ اسبانيا
سلمان: تعبتي ؟
سفانه: لا تمام
سلمان : هههه اكيد تمام طول الرحله نايمه
سفانه :طالع منها انت
سلمان: والله انك نمتى اكثر مني
سفانه: طيب
سلمان: تسكتيني
ماردت عليه
سلمان : انتظريني بروح اجيب الشناط وارجع
لاتتحركين
سفانه: اجي معك ، اساعدك يعني
سلمان : لا ماله داعي ارتاحي انتي
سفانه: لا لا بساعدك
سلمان باذنها : قولي انك ماتبين توقفين لحالك ، يعني خايفه وتبين تكونين معي
سفانه: لاتسوي قافطني هذاني بوقف هنا ومارح أساعدك هذي جزاتي
سلمان: احلى من يساعدني ، تعالي
سفانه: مابي
مسك يدها وسحبها معه