وعد : مادري شقولك الصدق بس ماتدرين يمكن خيره يا لمياء يمكن بعده عنك احسن
لمياء : تكفين وعد شسوي اناا احببه وعد احبه
وعد: طيب وش بتسوين الحين الولد تزوج
لمياء: مدري وش اسوي تزوج وبيتركني ومارح نشوفه
وعد: الله يرزقك بأحسن منه ماتدرين يمكنها خيره ياقلبي
لمياء: بكلمه
وعد : لمياء !! انتبهي تكلمينه يمكن يعلم امه وامه تقول لأمك وتروحين فيها
لمياء: لا مارح يقول لامي بكلمه
وعد : صاحيه انتي ياويلك تكلمينه ، بتكلمينه وش بتقولين له انا احبك لاتتزوج تعال اخطبني
لمياء: اي بقوله
وعد : الولد خطب ولو فكو الخطبه مارح يخطبك على طول وتوك انتي صغيره ربي بيرزقك بالي احسن منه
لمياء : مابي الي احسن منه ابيه هو
حنان: منجدك ؟
عبدالله: وشو
حنان: جايبنا هنا
عبدالله: وش فيه الكفي حلو
حنان: مو قصدي الكفي في منه فرع عند الجامعه جايبنا البعيد ليه
عبدالله: عشان ما نرجع البيت بدري
حنان: ترا مارح نطول اول ما توصل القهوه ناخذها ونرجع الجامعه
عبدالله: اي انشاءالله
حنان: تراني صادقه
عبدالله: شقلت انا
حنان: تسلك لي ، مو ماخذه حرمان عشانك
عبدالله: حرمان عشان غبتي يوم واحد
حنان: اي
عبدالله: عادي في طلاب يسجلون محاضرات
حنان: وش تقصد
عبدالله: ما اقصد شي
حنان: قوم رجعني الجامعة بسرعه
عبدالله: شفيك ياقلبي اقعدي امزح
حنان: لاتمزح
عبدالله: اوف طلعتي تزعلين بسرعه
ماردت عليه
عبدالله: يعني انتي كذا زعلانة ، ترا مايليق عليك الزعل
حنان: ماسألتك يليق علي ولا لا
عبدالله: ماله داعي تزعلين علي من اول طلعه لنا وحنا نحب بعض
حنان: ههههه شتخربط انت
عبدالله: توك كنتي زعلانة
حنان: رضيت
مريم : اليوم بتنزلين
سفانه: مابي انزل
مريم : ترا مو لمصلحتك ابوك بدا يشك وتعرفين لو درا ابوك وش بيصير
سفانه: شلون انزل بدون جوالي
مريم : وهم بيسألون عن جوالك ؟
سفانه: طيب بنزل ، اطلعي
مريم : تطرديني ؟
سفانه: لا بس قلت بنزل خلاص عندك كلام ثاني
مريم : صدق اني ما عرفت اربي
طلعت وصكرت الباب
بعد نص ساعه طق الباب
سفانه: يالله قلت بنزل خلااص
فتحت الباب
سلمان : شفيك معصبه
سفانه: شتببي انت امي توها طالعه ياويلي منها لو شافتك
سلمان: لاتخافين انتظرتها تطلع وجيتك
سفانه: تطلع وين
سلمان: طلعت هي وامي خالتي مهره
سفانه: شتبي طيب
سلمان: مارح تدخليني
سفانه: لا
سلمان : طيب بعطيك شي
سفانه: وشو
سلمان: مارح اعطيك الا لما ادخل
سفانه: لاتعطيني
سلمان: خلاص خلاص
مد لها الجوال
سلمان: قديم شوي بس يفيد
سفانه: حق مين ذا
سلمان : جوالي القديم
سفانه : بياناتك موجودة ؟
سلمان: اي بس معليه استخدمي سناب وانستا وادخلي حساباتك
سفانه: شكرا
سلمان: العفو
سفانه: يلا عاد ضف وجهك
وصكرت الباب
فتحت الجوال وحملت التطبيق سوت حساب جديد وضافته بعدها بدقايق قبل الأضافه ودقت عليه
سفانه: الو نواف
نواف: سفانه ؟
سفانه: اي
نواف: وينك مبلكتني والله شكيت بنفسي قلت وش مسوي
سفانه: امي اخذت جوالي وبلكتك
نواف: اجل الي تكلميني فيه جوال مين
سفانه: جوال قديم عندنا
نواف: اها ، طيب متى امك ترجعه
سفانه: مدري والله ، بس قلت بطمنك
نواف: اي الصراحة تطمنت
سفانه: تطقطق
نواف: شقلت !
سفانه: بصكها امي جت
صكت الجوال
وجلست تفكر
بسياره
سعود : يشينني
انس : شفيك
سعود: عبدالإله بيجي اليوم
انس : فهد بتجي
سعود: بتجي اكيد
انس : وابتسام امه
سعود: اليوم ويكند اكيد بيجون
ابتسم انس
سعود: شفيك مهتم مره
انس: لا بس سألت
سعود: عارفين الحركات هذي ، تحبها ؟
انس : مين
سعود: فهده
انس : وجع لاعمرك تقول كذا مين قال
سعود: وش فيك سواليف عادي ترا
انس : اذا هذي سواليفك لاتسولف
انس : اص اص ، الوو هلا وغلا ، حياااك ببيتنا اليوم ، اي ابرسلك اللوكيشن بعد العشاء تعال ، توه ماينور المكان ، مع السلامة ياقلبي
سعود: ياقلبي شكلها ...
انس : سعود خير تراه خويي
سعود: ياشينك ماينمزح معك ، من ذا خويك
انس : منصور
سعود؛ اول مره اسمع فيه
انس : كان معانا بالثنوي ونقل الشرقيه وانقطعنا وقابلته بالشرقية وقلتله اذا جيت الرياض كلمني عاد هو صدق ودق
سعود: ماتستحي انت تعزمه وتقول عنه كذا
انس : امزح طيب
سعود: انزل انزل ولاتمزح
نزلو و دخلو البيت
الجده : هلا وغلا
انس وهو يحب راسه جدته: اهليين
سعود/ : هلا والله ، وش غداكم
اثير : يالبطيني مايهمك الا بطنك
سعود اجل مين يهمني عسى موب انتي
الجده: كل خير انشاءالله ، اثير قومي قولي لشغالات يحطون الغداء
اثير: للحين مارجعو من دواماتهم
الجده: حفيدي جوعان تبينه يصبر
اثير: اييه دامه لحفيدك يقوم يحط لنفسه غدا
الجده: اثير ووجع قومي اقول
سعود: نصبر ياجده مايخالف
اثير: يعني تنازلت الحين
سعود: لاتخليني اقومك غصب تجيبين لي غداء
اثير بصوت خافت : انقلع بس
سعود: وش قلتي
اثير: ماقلت شي
سعود: ما اسمعك انا
اثير: شفيك تدور حرش
سعود: لاتقولين كلام منتب قده
قامت من الكنب متجهه لغرفتها
الجده: شفيك عليها
سعود: امزح
الجده: تمزح مع اثير ماينمزح معها زعول
سعود: تطق راسها بالجدار
انس : لاتفلها اقول تراها اختي
سعود: معليش والله
الجده : قومو ارتاحو شوي على بال مايحطون الغدا
انس : ابشري
رقو لغرفهم
حنان: مشاااري
عبدالله: شفييه
حنان: يدق
عبدالله: الله يصلحك خوفتيني ردي عليه
حنان: ليش يدق علي انا ليش مو انت
عبدالله: دق علي بس حاط جوالي صامت
حنان: برد عشان مايشك
حنان: الو
مشاري: هلا حنان
حنان: اهلين
مشاري: تراني طلعت من الجامعة ارجعي مع عبدالله
حنان: تمام
مشاري: يلا مع السلامة
حنان: مع السلامة
عبدالله: شفيك شوي وتصيحين
حنان: خفت
عبدالله: دراما
حنان: يلا نرجع
عبدالله: شرايك نتغدى برا
حنان: اليوم خميس
عبدالله: واذا
حنان: كلنا لازم نكون على الغداء
عبدالله: اييه صح ، يلا قومي
ركبو السياره
و وصلو البيت
حنان: اهلين
الجده: ياهلا باغلى وحده
عبدالله: وحنا طيب
الجده: كلكم فيكم الخير و البركة بس حنان غير
حنان: ياحظي والله
الجده: عبدالله قل لشغالات يحطون الغدا
عبدالله : ابشري
رقو غرفهم
لمياء: مابي انزل مابي اشوف وجهه
وعد: اذا مانزلتي بيشكون
لمياء : انا ابيهم يشكون
وعد: لمياء لاترفعين ضغطي بتنزلين وبتسكتين
وبعد نص ساعة اجتمعو كلهم على الغداء
حنان بهمس: اخيرا نزلتي
سفانه : مغصوبة
حنان: ولا ما كان عندك نية تنزلين
سفانه: طبعا
فايز: نجلاء
نجلاء : هلا
فايز: متى الخطبة
نجلاء : ماحددو بس على الاسبوع الجاي
فايز: انشاءالله
انس : وش اسمها فيصل
فيصل: ليال
انس : الله يوفقكم
فيصل: امين
اثير: اخيرا بيجينا عرس
انس : عرسهم انتي شدخلك
اثير: قصدي اننا بنحضر عرس وبتجينا مرت ولد جديدة
لمياء بهمس: شفتتتي
وعد : اهجددي
قامت لمياء من الطاوله بعصبيه
سفانه : شفيها
وعد: معدتها تعورها
خلصو غدا
وراحو غرفهم ينامون