كانو كالسين فوق الفوطوي حاطين يديهم على خدهم سارحين بأفكارهم لبعيد كل وحدة شاردة فعالمها الخاص... ضورات ابتسام عينيها على تواب لي ناعسة فوق ناموسية مكيمشة فراسها بطفولة، هزات تيليفون تشوف ساعة لقاتها 6 ديال صباح وهي مزال منعسات مشافتو لي هي لا ماجدة لي عينيها طابو بالبكا.
ابتسام بقلة صبر: نمشي لعندها نفيقها
ماجدة شافت فيها: ياك كلتي هو معاها فالبيت.
ابتسام حركات كتافها بلا مبالاة وناضت متوجهة الباب: اختي لي ليها ليها مبقات كتهمني حتى حاجة.
خرجات ابتسام من البيت متوجهة لبيت ميساء لي ملاسق مع بيتها دقات جوج دقات خفاف متسناتس بزاف حتى حلات ميساء الباب وهي كضور تشوفو واش فاق ولالا خرجات و سدات الباب من موراها كتشوف فإبتسام: مالك احبي بغيتي شي حاجة
ابتسام جراتها من يديها: اجي معايا
ميساء باستغراب وهي غير كتمشى مفاهمة والو: لفين مفهمتش
ابتسام:دابا تعرفي.
وصلو لبيت ابتسام لي كانت حلات الباب و دخلات جارا ميساء من موراها لي ميساء كيف شافت ماجدة مشات عندها كتجري معنقاها ناطقة بحنان: و ياااختي شحال توحشتك امتا جيتي
ماجدة كتحاول تخفي حزنها لي باين:غير دابا شي شوية جابتني ابتسام و سي طه
ميساء: ماما باقا مجاتش من داك السفر لي كلتو ليا
حركات ماجدة راسها بنفي وهي حانياه مقدراتش تشوف فيها، ميساء ضارت عند ابتسام لي سدات الباب و وقفات متكية على الحيط مربعة يديها، ضورات عينيها على غفلة وهي تشوف تواب ناعسة نطقات بفرح و ابتسامة عريضة: بنتييييي
يلاه بغات تمشي لعندها وهي توقفها ابتسام لي جات بسرعة شادة ليها فيديها: بغيت نهضر معاك
ميساء نزلات عينيها ليدين ابتسام لي على دراعها و رجعات تبتات الشوفة فوجها و نطقات بتساؤل: الله يسمعنا خبار الخير
ابتسام تنفسات شهيق و زفير قبل متنطق: راجلك
ميساء شافت فماجدة لي عينيها غرغرو و رجعات شافت فإبتسام ناطقة بخوف و قلبها تسارعو دقاتو: مالو
ماجدة طلعات ليها البكية من أعماق صدرها: قتل اية اميساء هئ هئ راجلك قتال هئ هئ
ميساء بدات كتسمع طنين فودنيها عينيها عمرو بدموع يديها ولاو كيرجفو و نطقات بهمس بعدم تصديق: كيفاش مفهمتش هو علاش غيقتلها
ماجدة جات قدامها و نطقات وهي دموعها كيطيحو فوق خدودها فحال الشتا: هئ هئ هو قتلها انا شفتها بعينيا طايحة من البالكون و حداها ضاية ديال الدم و جاو الكارد بزربة هزوها غبروها انا شفتها
ميساء طلقات شهقة حارة ترددات فالبيت كامل تبعوها دموعها لي كيطيحو حارقينها فخدودها الوردية، عنقات ماجدة كتبكي فحضنها بحرقة و ماجدة لا تقل عنها بشئ هي الأخرى كتبكي بقوة و ابتسام كتبكي بلا صوت وهي كتشوف فيهم بنضرة حزينة.
...............................
كانو كالسين كيفطرو فصمت غير صوت الصحون و الفورشيطات لي كيتسمع حتى نطقات عطاء بنبرتها المعتادة وهي كتشوف فنرجس: الخدامة مبقات جابت ليا حتى خبار معرفتش شنو طرا ليها
نرجس رشفات رشفة من القهوة و حطاتها ناطقة ببرود: يمكن حصلها كتوصليك الأخبار و غبرها فشي قنت متعرفي
عطاء حطات الفورشيط كتشوف فخالتها بمكر: بغات تموت غير تموت المهم نفعاتني فبزاف ديال الحوايج بلا بيها معرفتش شنو كنت غندير
نرجس ضحكات بإستهزاء: هاهي نفعاتك فبزاف ديال الحوايج و هانتي باقا كالسة الفشل واصل ليك حتى الودنين مقادرة ديري والو
عطاء قلبات عينيها بملل: طاتي متبدايش عاود راه غير كنتسنى الفرصة المناسبة باش تكون دقتي صحيحة هوما دابا مخاصمين و هادي هي الفرصة المناسبة
نرجس حركات راسها بالإيجاب:دابا نشوفو هاد الدقة صحيحة ديالك
عطاء ببتسامة حتى بانو سنيناتها المستفين: دابا تشوفي ( و ناضت من الطبلة كتقاد شعرها) يلاه نخليك اطاتي انا خارجة غنمشي لنادي
نرجس: ماماك عيطاتلي لبارح فليل سولاتني عليك بغات تعرف امتى غترجعي
عطاء عطاتها بضهر كطرطق بطالونها وهي كتأفأف بملل: قوليها مراجعاش مبغيتش نرجع انا غنبقا هنا
............................
كانت لابسة كسيوة صيفية قصيرة و مزيرة من صدر كتجي سميطات فلون البرتقالي و سبرديلة بيضا مع صاك بيض طالقة شعرها الكحل الناعم واصل لمؤخرتها الكبيرة لي كتبان بارزة من الكسوة غادا كتسلت وهي كتشوف موراها و كتمشى بلا حس بقات على داك الحال حتى وصلات الباب لي كيخرج لجردة يلاه بغات تخرج وهو يقفزها صوت لطيفة من موراها: بنتي
الكسوة⬇️⬇️
شغف قفزات من بلاصتها و ضارت بالعرض البطئ ناطقة بإرتباك: خالتي
لطيفة قربات منها: بنتي فين غادية
شغف حكات عنقها بتوثر: خارجة لجردة
لطيفة صغرات فيها عينيها: بحوايج لخروج و صاك من الفوق اممم وليتي كتكدبي على خالتك
شغف عضات شنايفها المنفوخين و نطقات وهي مميلة راسها فلطيفة: خالتو انا باغا نخرج قنطت من دار ملي جيت لهاد دار مخرجت بوحدي ديما غير معاك
لطيفة: لا ابنتي الله يرضي عليك تفاداي لمشاكيل مع سعد الدين راك عارفاه كيف داير
شغف شدات ليها فيديها بترجي: عافاك اخالتي عافاك والله حتى قنطت وهو معندوش منين يعرف هو دابا خارج غنرجع قبل ميرجع هو والله
لطيفة شافت فيها بتفكير بحكم هي حنييينة دغيا كتلين: اوا ابنتي ملقيت منكول
شغف باستها فخدها وهي مبتاسمة ابتسامة ساحرة: غتكولي اه اخالتي الفنة زوينة
لطيفة بحنان: ردي البال لراسك ابنتي و رجعي دغيا الله يرضي عليك
شغف حركات راسها بالإيجاب: متخافيش
عطاتها بالضهر يلاه بغات تمشي وهي توقفها لطيفة: بلاتي نعطيك الفلوس ابنتي
شغف حركات راسها بالنفي: لا اخالتي عندي لاكارط عطاها ليا سعد الدين باش ناخد الحوايج من الانترنيت
لطيفة: يلاه سيري الله يرضي عليك
شغف عطاتها بوسة فالهوا و مشات كتجري فجردة حتى وصلات الباب لوراني لي كان مسدود غير بساقطة ماشي بساروت بحكم كيدخلو منو الخدامات و ليجاردينيي ... حلاتو و خرجات راسها كطل يمين شمال ملي ملقات حتى حد عاد خرجات راداه بشوية و طلقات رجليها لريح وهي مرة مرة كتلفت تشوف واش تابعها شي حد... بقات كتجري حتى وصلات لواحد البلاصة بعيدة شوية على القصر وقفات كتنهج فوق فطروطوار جابدة تيليفونها أيفون أخر موديل شراه ليها سعد الدين كتبات ميساج و رجعات تيليفونها لصاك كتسنا.
دازت عشرة الدقايق تقريبا وهي توقف حدا رجليها أودي كحلة زاج فيمي حلات الباب و طلعات وهي مبتاسمة سلمات على شاب بلابيز: سلام
نطق شاب وهو كيتفحصها بعينيه المشفرين لي كانو عسليين مايلين لخضر: ياكما تعطلت عليك
شغف رحكات راسها بنفي: لالا كنت يلاه وقفت نيت
نطق مهدي وهو كيشوف ففخادها العريانين بشهوة: كتباني زوينة بزاف على تصاور حسن من ما تخيلت
شغف وتروها نضراتو وهي تهز يديها كتنزل الكسوة القصيرة من على فخادها: شكرا
مهدي ديمارا الطوموبيل مركز مع طريق و مرة مرة كيضور راسو يشوف فشغف لي كتشوف فسرجم حتى نطق مفيقها من سهوتها: عرفيني على راسك كتر
شغف شافت فيه و نطقات بصوتها الأنثوي: سميتي شغف كيفما كتعرف فعمري 18سنة ساكنة مع خويا و ماما صافي غير هادشي
مهدي: مشرفين الالة شغف
شغف طلعاتو و نزلاتو: مكتبانش فيك 32
مهدي ضحك حتى بانو سنانو المقادين كانت ضحيكتو زوينة واخا هاكاك: و شحال كتبان
شغف هزات كتافها: معرفتش مهم صغر و صافي
مهدي وهو كيشوف فيها و شاد دريكسون بيد وحدة: فين تبغي نمشيو
شغف: فين ما بغيتي
مهدي حرك راسو بالإيجاب و زاد فسرعة مدازش بزاف حتى وقف قدام واحد المطعم فاخر جدا و نطق وهو مبتاسم:وصلنا
حيد السمطة و نزل من طوموبيل ضار لجيهتها كيجري حاليها لباب: نزلي ازين
شغف ببتسامة خجولة وهي عاجبها لحال: ربي خليك
نزلات شغف وهو سد الباب طلعاتو و نزلاتو من راسو لرجليه كان مفورمي شوية ماشي بزاف لابس شوميز بيضة مع سروال كحل و سبرديلة بيضة شعرو الزعر مطلعو الفوق و لحيتو الشهبة مطراسية... تمشاو متوجهين المطعم وهو بكل جرءة شد ليها فيديها، نزلات عينيها ليديهم لي مشادين بخجل طلعات راسها لقاتو كيشوف فيها و نطق محاولة منو انه يريحها: رتاحي مالكي كتباني ليا فحالا خايفة
شغف ببتسامة صفرة: لا مرتاحة علاش مغنرتاحش غير خاصني نرجع بكري لدار
مهدي: كوني هانية غتوصلي فالوقت
حركات راسها بالإيجاب و كملو طريقهم داخلين المطعم لي كيف دخلو حلات شغف فمها من فخامة المكان كلشي مقاد و الناس لي كالسين تما غير الهاي و باين مطعم باهض جدا، السرباي كان واقف حدا الباب رحب بيهم و رافقهم حتى الطابلة ديالهم كلسو و شغف غير كضور عويناتها على البلاصة و على ناس حتى نطق مهدي: عجباتك البلاصة ولا نبدلوها
شغف حركات راسها بنفي:لالا زوينة عجباتني
جا لعندهم سرباي خدا ليكوموند ديالهم و مشا بعد مدة جاب ليهم الطلبية بقاو كياكلو و مرة مرة كيدويو .
حتى مهدي غيسخن عليه الحال و غيمد يديه شاد فيديها الصغيرة لي كانت حاطاها فوق طابلة و ناطق بإعجاب وهو دايب: زوينة بزاف تبارك الله الله يحجبك
شغف حسات بشي ضل واقف حداها متقل بيديه على طابلة شافت فيديه ليمنى وكيف شافت فيها تسارعو دقات قلبها وهي كتشوف لوشمة على شكل نسر لي كاينة على سطح يديه و عارفة مزيان ديك الوشمة عند من مقدراتش تهز راسها تشوفيه حتى غيزيد قلبها يضرب ملي غتسمع صوتو المبحوح ناطق بهدوء ما قبل العاصفة: حتى نتا الله يحجبك
شغف سحبات يديها بسرعة وهي حانية راسها كتحس بيديها عرقو و قلبها قريب يسكت جاها لوجع فكرشها بالخلعة
مهدي نطق عاقد حجبانو: شكون نتا
سعد الدين بحدة: انا هو لي غيخلي دار عشتك دابا
معطاهش فرصة يجاوب حتى هز موس من طابلة خاشيه ليه فعينيه بدون شفقة حتى غوت مهدي بقوة حتى حلقو تجرح... ناس كيف شافو داك المنضر كلهم ناضو هاربين خارجين بسرعة و لي عندها شي ولد صغير غمضات ليه عينيه من بشاعة المنضر... شغف هزات راسها و نزلاتو بسرعة من المنضر لي شافت زادت تخلعات ولات كلها كترعد و دموعها كيطيحو غير بوحدهم.
مهدي شداتو سخفة مبقاش كيشوف بعينيه بجوج عمى ليه البصيرة عينو ولات كتخلع بزاااااف كلها كتخرج دم و كاملة ولات حمرة و تنفخات بزااااف كتر من القياس نطق بخوف وهو صوتو فيه نبرة البكاء: شنو درت ليك
سعد الدين لاح داك الموس من يديه فالأرض و بدا كيهز فطباسل و كيفرشخ ليه على راسو بعصبية وهو كيغوت بصوتو المبحوح: ياااا ولدددد القحببببة انااااا تححححط عيينييييك على حاااااجتي ااااا ولكن صافي ليوما وصل أجل زامل بوك.....
يتبع.....💋💋