[DAVE'S POV]
"Sir" Sam snapped her fingers at me. "Sir, pa-sign po" Saka lang ako natauhan.
I haven't slept for days, ilang araw na rin kasi ang nakalipas since everyone in my house left. Wala na si Dianne, wala si Avie at wala din si Jayjay.
Umuuwi nalang ako para mag-palit ng damit at matulog, minsan, umaalis na ako kaagad. Dati kasi naririnig ko pa yung iyak at irit ni Avie kapag may hindi siya nagugustuhan, dati nakikita ko pa yung ngiti ni Dianne na sumasalubong sakin pagkarating ko, at dati naririnig ko pa yung iyak ni Jayjay kapag gutom na siya o baka dahil gusto na niyang mapalitan yung diaper niya.
Ang lungkot sa bahay.
Nakaka-bingi yung katahimikan.
Nagpakalunod ako sa trabaho at nakalimutan ko sila, ngayon wala na sila dahil binawian na ako ng mga pang-babalewalang ginawa ko sa kanila.
Trabaho ang naiwan sakin. Dun naman ako magaling eh Kaya nga naiwan akong nag-iisa ngayon.
Kung sana huminto ako saglit para makausap ko si Dianne, kung sana lang sinilip ko si Avie kahit saglit lang sa room niya, kung sana lang nakapagbigay ako ng oras para mabantayan si Jayjay.
Kahit saglit lang sana..
Ilang segundo...
Ilang minuto...
Kaso hindi ako nakapagbigay..
Maling maling maling mali ang past decisions ko sa buhay.
Dapat yung mag-ina ko yung inasikaso ko, ngayon aanhin ko yung trabaho at pera.
I took the folder from Sam and signed, ok na pala yung gift ko dapat kay Dianne. Natatawa ako sa sarili ko, ang tanga tanga lang.
Wala na yung pag-aalayan ko ng success. Lumayas na, nakipag hiwalay na ulit at wala narin yung dalawang anak namin sa bahay.
"Sir sundan niyo po kaya si ma'am?" Sam asked me.
"Itataboy lang ako nun Sam" Hinilamos ko yung mga kamay ko sa mukha ko. Para kasing sumasakit na yung ulo ko, ganyan ang ilang araw nang walang tulog.
"Sir hindi niyo pa nga po ginagawa sumusuko na kayo kagad, o di kaya padalan niyo po ng flowers, ligawan niyo po ulit Sir" Sam suggested.
"Hindi na yon papayag Sam" Sumandal ako sa swivel chair ko habang minamasahe yung sentido ko.
"Sir basta paspasan na wala na po yung magagawa" sabi ni Sam.
"Sige Sam, salamat" I dismissed her so she'll stop talking. Baka mabato ko pa siya ng kung anong mahawakan ko. Mas na-fufrustrate lang kasi ako sa sinasabi niya.
May part parin kasi sakin na nagsasabing gawin ko nga yung sinasabi niya....
"Kayo rin Sir, alam niyo naman kung gaano ka-ganda si Ma'am Dianne, kapag 'yon nakuha ng iba na willing maging daddy kina Avie at Jayjay---"
"Sam! Pwede ba!" Nahampas ko yung desk ko.
"Sorry po sir" Lumabas na si Sam ng office ko.
Ang sakit sakit isipin na Dianne's with another man. Tapos yung lalaking yon na yung tatawaging 'daddy' ni Avie at Jayjay.
Mali.
Maling mali.
Abot langit ang gusto kong pag hingi ng tawad kay Avie at Jayjay. Hindi kasi ako marunong maging 'daddy'.
Marami akong what ifs. Marami akong pinagsi-sisihan.
Si Dianne dati yung may doubt na baka hindi niya kayang maging mommy, pero look at her now, she fought for the kids. And there's no doubt para kina Avie she's the best mom ever.
Gusto kong iuntog ang sarili ko sa pader.
I checked my phone
"Shit!" Dianne texted me! And 30 minutes na ang nakalipas mula nung dumating yung message!
I opened the message. Takte naman bad shot nanaman ako sa kanya.
JJ's sick, nid u s bahay
Tumayo ako agad. Kinuha ko nalang yung susi ko ng sasakyan. Wala nang nakapigil saking umalis. Dapat makarating ako agad kay Jayjay.
It just took 15 minutes para makarating ako sa bahay ni Dianne. Dito kasi siya bumalik pagka-alis niya sa bahay namin.
Dianne opened the door for me when I got there. Buhat buhat niya sa balikat niya si Jayjay na iyak ng iyak. Sumunod ako kay Dianne nung pumasok siya sa loob.
Mejo magulo yung bahay nila, puro laruan ni Avie at mga gamit ni Jayjay.
"Pasensha ka na, na-abala pa kita, wala kasi akong kasama sa bahay, walang magbabantay kay Avie, dadalhin ko na kasi ulit si Jayjay sa hospital." sabi ni Dianne.
"Bakit? Anong sakit ni Jayjay?" Shit! Eto nanaman ako eh, daddy ako pero wala akong alam kung ano bang sakit ni Jayjay.
"I'm suspecting dengue fever, pero iniintay ko pa yung ibang signs, wala pa kasi, lagnat palang na nawawala tapos bumabalik" sabi ni Dianne.
"Sasamahan na kita. Sasama nalang kami ni Avie" I told her.
"May problema din kay Avie." Sabi niya.
"Bakit? What's wrong with Avie?" I asked her again. Wala akong kwentang daddy. Gusto kong magbaril nalang sa ulo.
"Akala ko noong una nag-tatampo lang si Avie, we consulted with a child psychologist and we found out she has selective mutism" Selective Mutism?
"Uhm Dianne..." Nagets agad ni Dianne na I don't speak dcotor.
"It's a condition na an individual loses the natural ability to speak pero physically she's fine, Avie just doesn't want to talk, and we both clearly know kung bakit" wala sa tono ni Dianne na nanunumbat siya. Mas ramdam pa sa tone niya na she's blaming herself. "She just writes down kung ano yung gusto niya"
Sumunod ako kay Dianne, she opened the door to her room and andun si Avie nanonood ng tv.
"Baby daddy's here" tumingin lang si Avie samin tapos binalik niya yung tingin niya sa pinapanood niya.
"Baby, how are you? Na-miss ka ni daddy" Umiyak si Avie when I held her hand.
"Dave hayaan mo na muna si Avie, she doesn't like it when we touch her" napatingin ako kay Dianne. Kita ang lungkot sa mga mata niya. She wiped her tears nung tumalikod siya saglit.
"Ano pwede bang maiwan ka muna dito? Dadating rin naman sina mommy mamaya" sabi niya.
"Sige, ako munang magbabantay kay Avie." Ang bigat sa dibdib ng dinadala niya. Mas lumala yung galit ko sa sarili ko. Kasalanan ko 'tong lahat eh.
"Pahawak muna kay Jayjay, magbibihis lang ako" inabot niya sakin si Jayjay.
I swayed Jayjay, mainit nga si Jayjay, nilalagnat. Bakit hindi niya ako sinabihan? Gago din ako noh? Kaya ako hiniwalayan eh, edi sana pumunta nalang ako dito kung gusto kong malaman kung kamusta ba yung mga bata diba? Shit! Ang tanga ko!
Naka shirt at jeans si Dianne paglabas niya ng kwarto niya. Kinuha niya si Jayjay sakin. "Dito ka muna, babalik ako as soon as cleared out si Jayjay." Tumalikod na siya kasama si Jayjay bago pa ako maka-oo.
Napalingon ako when the door to Dianne's room opened. Lumabas si Avie dala yung Ipad niya na may nakalagay na "Baby's hungry, want mamam"
"Sige baby, sandali lang ha?" I ran downstairs, muntik pakong madapa dahil nakasabog yung Lego ni Avie sa sahig.
Meron pang pinagkainan sa table nung napadaan ako, hindi na siguro na-asikaso ni Dianne dahil sa pagbabantay niya sa dalawang bata, worse may sakit pa pareho.
Galit na galit ako sa sarili ko.
Nag-prepare ako ng mamam ni Avie. I brought it upstairs, she took the mamam and slammed the door. Clearly ayaw akong makasama ni Avie.
Nasa bahay yung maliit na bell ni Avie if she needs something, buti nalang may nakita akong call bell sa ibabaw ng cabinet. Malayong malayo yung call bell sa bell ni Avie na kailangang i-shake para magkasound, yung call bell kasi yung mga nakikita sa office at pinipindot para magka-sound.
Hindi naman siguro magagalit si Dianne kung kukuha ako ng bond paper sa office niya. Kaya I took one and made a note:
"Baby, press the bell if you need anything" - Daddy =)
I left the bell and the note sa may pinto. Bumaba na ako at nagsimulang magpulot ng mga laruan nila Avie. Grabe pala yung mga sakripisyo ng maids sa bahay ko kapag si Avie ang binabantayan nila. Lahat kasi ng sulok ng bahay may naka-kalat na laruan.
Nailagay ko na yung lahat ng laruan nila Avie sa toy boxes nila at saka ko inipon sa basket na lalagyan nun. Efficient talaga si Dianne, naisip niyang ikakalat lang din naman nila Avie kaya nakaipon nalang sa basket kesa katulad sa bahay kong nakalagay pa sa shelves yung toys ni Avie. Nahihirapan lang yung maids. Gagayahin ko 'to.
Inipon ko rin yung mga damit ni Jayjay na naka-kalat sa palibot ng bahay, mostly naka-sampay sa kung saan saan. Nahihirapan siguro si Dianne, hindi niya lang sinasabi. Mas gusto ko tuloy sapakin ang sarili ko.
Hinugasan ko naman yung mga pinagkainan at nilabas ko yung basura. Kung tama pa kasi yung pagkaka-alala ko dumadating yung collectors tuwing umaga at kailangan lang ilabas yung basura sa malaking basurahan sa labas.
Hindi pa naman nagri-ring yung bell ni Avie kaya kinuha ko narin yung ibang damit ni Jayjay. Naglaba na ako sa sink since maliit lang naman yung mga damit niya. Sinampay ko sa laundry area nila Dianne pagkatapos ko.
Mabilis akong natapos, pakitang gilas yan sa pagpapaka-daddy ko.
Napalingon ako sa sahig. Nagkakalat pala ako dahil naka-shoes pa ako sa loob ng bahay. I went upstairs, ang alam ko kasi may tsinelas ako sa ilalim ng bed ni Dianne. I knocked "Baby? Anjan ba yung slippers ni daddy sa ilalim ng bed ni mommy?" I knocked again. Walang sumasagot, as if naman, abot langit siguro yung galit sakin ni Avie pero kasalanan k---
The door opened at nakalabas na yung slippers ko. Napangiti ako, nabuhayan ako ng loob dahil lang dun. Kahit maliit na bagay lang yung ginawa ni Avie alam kong love parin ako ng baby ko.
I took my shoes off saka ako bumaba, nagwalis naman ako at nagpunas ng sahig.
Avie's bell rang, kaya I went upstairs.
"Baby wants juice" naman yung nakasulat sa Ipad niya.
"Sure baby, wait lang" I smiled at her saka ako bumaba para kumuha ng juice niya. I opened the fridge, fully stocked ng food, buti nalang talaga, mas hindi ko mapapatawad ang sarili ko kung alam kong hindi na makapag-grocery si Dianne at nag-ttake out nalang sila ng mga bata, nakita ko yung juice in packs. Fresh na juices talaga yung pinapainom ni Dianne kay Avie, ayaw niya ng naka-powedered concentrate. I took one and gave it to Avie. She slammed the door at me again pero ok lang.
"Baby can daddy come in? Kukunin ko lang yung laundry ni mommy" Ipapaglaba ko narin si Dianne. Baka kasi hindi narin niya na---
The door opened.
Direcho ako sa bathroom, akala ko isang basket lang yung laundry ni Dianne but there were four more baskets sa may gilid pa. Parang two weeks worth ng laundry yung naipon niya kahit ilang araw lang, sabagay mahilig talaga siyang magpalit ng damit.
I took her baskets downstairs. Mapapalaban ako ng labahan ah
Kulang yung sabon para sa dami ng damit ni Dianne at Avie, kailangan kong bumili sa labas.
I knocked "Baby, may bibilhin lang si Daddy sa labas, stay here ha?" Bumaba na ako at lumabas, may tindahan kasi sa hindi kalayuan kaya makakabili ako.
1000 yung pera ko kaya hindi pwedeng bumili lang ng 2 packs ng sabon, dinamihan ko na, nakakahiya naman kasi sa magsusukli.
"Boss, ikaw ba yung asawa ni miss beautiful jan sa puting bahay?" tanong nung tindero.
"Opo" Ex husband actually.
"Ahhh.. Kaya naman pala hindi na siya pumapasok" Hindi na pumapasok si Dianne?
"Diba po kasama niya yung mga magulang niya jan sa bahay?" I asked him.
"Wala kaming napapansin" inabot niya yung sukli ko. Wala siyang kasama?! What the?!!!
"Sige po, salamat" bumalik ako agad sa bahay. Naglaba ako pagkarating ko. Mahirap maglaba na nakaslacks, kaya nagboxers nalang ako at mainit ang nakapolong long sleeved habang naglalaba kaya wala akong shirt. Merong washing machine pero after kong i-wash, kukusutan ko pa manually, ganun kasi yung gusto ni Dianne.
Narinig ko nang bumukas yung gate, anjan na si Dianne. Tinuloy ko lang yung paglalaba ko, matatapos narin naman dahil last batch na yung isasampay ko. Kumalansing yung pants ko, nakita kong may kinuha si Dianne don tapos binalik niya sa pagkaka-sabit.
Inabot niya sakin yung shirt na galing sa car ko. Alam niyang palagi akong may dalang extra shirt sa car dahil siya mismo yung naglagay doon noong ok pa kami.
"Salamat, Dianne kelan pa wala yung parents mo?" I asked her. Gusto kong malaman, nahihirapan na pala siya ng hindi ko alam, sana talaga pumunta ako dito.
"Kinuha ko sina Avie at Jayjay noon mismong araw na dinala sila sa Laguna after nating pagalitan sa bahay mo" sabi niya.
"You've been alone since?" That explains why magulo talaga yung bahay. She nodded.
"Sige na Dave, ok na, salamat pala nilinis mo yung bahay, sige na gagabihin ka, pasensha na sa abala" sabi niya.
"Dianne pwede ba akong bumalik bukas?" I asked her.
"Ikaw bahala" sabi niya