لم اســـــمع نبض قـــــلبى الا حين عـــــرفتك ....
وكأنـــي لــم أملــك قلبــآ قبــل ذلــك ....
كـ المــاء أنـــت ....
منــك الحـــياة وفـــيك الغـــرق 🖍️...🖤
وصلو للريستو كل شي على ماهو منظم الرومنسية
_نديم : اي زهرة قولي خير شوية
_زهرة : اي ياسر حلو لبلاصة ...
في دار بوها قاعدة تاكل في روحها ماكلة و فاطمة تهدي فيها
_فاطمة : يزي جيهان يعيشك .
_جيهان ؛ كذبت علياا دمرولي حياتي ..
_فاطمة : اش باش تعمل تو
جيهان ترعش كل مالعصب لين تلفتت لفاطمة
_جيهان : على جثتي كان نخليهم يتهنااو بالصغير
_فاطمة ؛ اش باش تعمل
_جيهان : قوم معايا ...
في دار الصافي بسمة في كوجينة مع غصون و غسيل ..
_بسمة : اسمعوني مش ملاحظين الي فما حكاية غريبة في دار
_اسيل : كيما شنياا
_غصون : مبدلناش الريدوات
_بسمة ؛ اسكت عليا يعطيك دنية نحكي على جيهان و نديم معادش كيما قبل
_غصون : أي كل يوم نمشي باش نلم الدار نلقى الفرش منضم
_بسمة: لازمنا عرافة
_اسيل : لا انا منمنش بيهم
تلفتت بسمة لأسيل
_بسمة : لا انا نمن
نديم و زهرة هبطو لعشا و ياكلو و زهرة تحكي على صغرها و على حاجات الي تحبها و تكرها بقات تحكي و نديم بقا باهت فيها انتبهت شوي هبطت راسها حشمة
_زهرة ؛ كسرتلك راسك مش هاكا
_نديم : لا بلعكس محلاها حكايتك
ضحكت زهرة و شربت ماء و نديم غمز لسارفور جابلو خبزة قاطو بالشوكلا كينا شاهيتها زهرة
_نديم : متحبش تتمنى امنية قبل ما تنفخ على شمعات
_زهرة : نتمنى انو ولدكم يجي لدنيا سالم و نعيش مرتاحة و فرحانة
_نديم : باش تعيش مرتاحة
هز القاتو و جابولهم بايهم في صحن و كملو كلامهم او بأحرى كلام زهرة
في بيت قديمة تخوف قاعدين جيهان و فاطمة في بيت لين جات مرى
_مرا : متأكدين مالشي الي تعملو فيه
_جيهان ؛ اي متأكدين
_فاطمة : انا نقرى و كان تسمع عايلتي اني حبلة تقتلني لازم نحيه
_جيهان : وانتي الوحيدة الي تنجم تعاوناا
تلفتت لمرى وهي تقد بعد مدتها لفاطمة اما جيهان خطفتها
_شد شوفت الدواء هذا تعمل منو ثلاث قطرات ...نعاود ثلاثة قطرات مش اكثر كان تكثر ينجم يقضي حتى على ام
_جيهان : متأكدة هذا باش يحل المشكلة
_كان مش مصدقة هات جااي الصفاا
_جيهان : لا لا باهي صااي
مدتلها فلوس و هزت روحها ومشاو ركبو في كرهبة و مشاو كل واحد لدار نديم و زهرة كيف كيف هدالها شركة ذهب فيها نوارة على اسمها و روحو لدار ..و مروان قاعد نهار كامل يخمم كيفاش زهرة حبلة و هذاكا علاش هي رفضتو
بسمة في بيتها هي و هارون يحكيو
_هارون : سي نديم عندو تو جمعتين مجاش للشركة الدهك كل عليااا و بعد راجلك يطلع ما يعمل شي و نديم هو البطل
_بسمة : نعرف والله نعرف اما اش يهمك فيهم محسوب انا نعرف اما والله حرام انا نحب نعرف نديم شبيه هو و جيهان
_هارون ؛ اكيد فما مرى اخرى
_بسمة : لا نديم ميعملهاش .
_هارون : لا يعملها يعلمهاا ...اليوم شرى شركة ذهب و كادواات ترحي فلسنااا
_بسمة : شركة ذهب اكيد لجيهان غدوة تو نسال
_هارون : فك عليك المرى حبلة خليها راقدة
_بسمة : اي تس هي مخممتش في روحهاا نهار كل تنقز من بلاصة لبلاصة كي الجدي ...اما زعما شكون لمرااا
_هارون : تكونش زهرة
_بسمة : لا لا منتصورش
هي كملت بسمة روتينهاا و قعدت على فرش بحذاه
_بسمة : هارون
_هارون : امم
_بسمة : متعملش كيفوو انت عااد
_هارون : و انا نجم نشوف لعصفورة اخرى بخلاف عصفورتي
.
.
اش قولكم في تصرف جيهان 🤐😕
و بسمة حسب رايك تنسنيس ولا حب و اهتمام الي تعمل فيه 🔥🔥❤️
يلااا قووو للحلقة الجاية 🖤🖍️
بدا العد التنازلي للكرونيك 🔥🔥🔥🔥🥵💥
ججججااام ❤️💥😚