رجعت تجري غصون خايفة دخلت للكوجينة و جبدت كاس و تشرب
_بسمة : اش صار تقول فاجعك كلب
_غصون : خليني كان ترا اش صار
_بسمة : اش صار تكلم
_غصون : مشيت باش نعيط لجيهان للعشاء نلقاها منرفزة عيطتت عليا أول ما حليت الباب
_بسمة : هذه حاجة عادية جيهان ديما منرفزة
_غصون : يا بنتي لقيتها تشرب
_اسيل : غصون امشي لم الطاولة مدخلك شي في حياة الناس
_غصون : باهي
_بسمة : جاب ربي قتلي لمرا حبلة ميجيش تشرب مش باهيلها ...المهم نمشي نحضر روحي هارون عدك بيه جاي باش نمشو نسهرو
في بلاصة في خلا كان حس الكلاب تنح ولا صوت الكماين متاع التهريب يهزو في السلعة الي باش تخرج في كراج كبير مجتمعين لمعلم لكبير و زين و معاهم فؤاد
_زين : تو متأكد من روحك تنجم تعدي السلعة هذه
_فؤاد : تهني عائلة الصافي في جيب
_زين : انشا الله اما هاني نبه عليك نديم مش ساهل مش باش يوافق على شركة متاعك تدخل معاهم .
_فؤاد : اما هارون يوافق
زين يجبد سلاحو ويحطو على رقبت فؤاد و يحكي
_زين : دقان حنك هذا ميهمنيش أنا الي يعنيني انو نكسر شوكت عائلة الصافي و تو عس على لكماين متاعك انا ماشي
مشا خطوات و فؤاد نداه و سالو و زين جاوبو و هو يمشي
_فؤاد : لوين
_زين : لجهنم متأكد باش نلقاك سابقني
في صالة واقفين يستنو في زهرة بسمة هبطت و غمزت هارون يتلفتو كل يلقو قدامهم ايقونة في جمال زهرة لابسة روبة في نوار لابسة بدنها و طالون و حلت شعرها عاملتو على جنب نديم كان في يدو التاليفون وقف مبهم في زين الي قدامو شافتو جيهان غزلت اكثر
_هارون : واو شنيا هذا زهرة
_بسمة : انا تلهيت بزهرة اش قولكم تره
نديم تكلم و هو هايم و تايه
_نديم : ولا اروع ياسر محلاك
زهرة حشمت طبست راسها و بعد تكلمت بصوت خفيف
_زهرة : يعيشكم
قصت عليها جيهان الي كلمتها كي صاعقة
_جيهان : ياسر مبالغة فيه على كل هايا السهرية وفات واحنا نستناو فيك
خرجو كل ووصلو للبار حس و غناا و جو هبطو كل شراب كان زهرة و جيهان جيهان الي على اساس حبلة و زهرة تسببت في انها متشربش هايا بعد مدة غمز هارون بسمة و تحرك قدام زهرة
_هارون : زهرة بما انك اليوم ازين وحدة فينا تسمحلي برقصة
زهرة توترت معرفتش اش تعمل ديراكت غزرت لنديم الي ملامح و تعابير وجهو بداو بغش اما جيهان الي اعطيها غير تبعد على نديم و الباقي اخطى راسي و اضرب حطت يدها في يد هارون و قامو شوية و بسمة قربت من مروان و هزتو شطحو شوية و جيهان و نديم يتفرجو في لحظة بدلو الشركاء
_بسمة : زهرة ايجا اشطح مع مروان خليني نشطح مع راجلي
مروان عجبتو الفازة تلفت لهارون غمزو و هو فهم مد يدو لزهرة و هي حطت يدها في يدو و بداو يشطحو
_مروان : هذه أول شطحة مع بعضنا
_زهرة : صحيح ..
_مروان : متقوليش حشمت هههه
نديم يشوف فيهم يضحكو بدا يغير ديراكت مشا خلص و نادا جيهان
_نديم : باش نروحو
_جيهان : احسن حتى انا تخنقت
_نديم ؛ مروان هايا باش نروحو انت معاش بكري طيارتك باش تفوت
خرجو كل يودعو في مروان و بقاو يحكيو لين فاتت الطيارة و الجماعة كل روحو
صباح جديد زين كيف العادة مبكر مكستم جاه زياد مدلو ماصو فيه تصاور و خررج
في الحبس دخل بقا يستنى لين جاتو جاهدة
_زين : اهلا بيك مدام جاهدة
_جاهدة : اش تحب انتي مزال عندك وجه و جاي لهوني
_زين : الله يسامحك ساعة انا نحبلك الخير و نحب نحللك عينيك
_جاهدة : عينيا محلولة متخافش عليا
_زين : ما في باليش بيك تحب على بنتك بنت ليل
_جاهدة : اش تحكي انت لم روحك مستحيل نخليك تحكي على بناتي هكك
_زين : اما انا منحكيش على بناتك زوز نحكي على زهرة زهرة ...زهرة ضحكو عليها و شراوها عائلة الصافي بفلوسهم و لات لعبة في يدين ولدهم
_جاهدة : منفضلك احترم روحك و يزي مالكذب
زين في لحضة هاكي تنرفز ووبدا يحكي بعياط
_زين : انا نكذب هاه مالا شوف بعينيك بنتك لعبو بعقلها و خلاوها تخدم بشرفها
و يهز التصويرة الي في باتو فيها نديم و هو شاد يد زهرة باش يطلعها و مصورش جيهان وقتها اليد الي صورتهم هو زياد
_جاهدة : لا مستحيل
_زين : تو نخليك يا خالتي جاهدة
للا راقية و جيهان في جنينة يحكيو و بالطبيعة الاحترام ذاب بيناتهم ولات جيهان تبتز في للاراقية اما مخبرتهاش لين تعرف لحقيقة مالطبيب
_جيهان : اسمعني الطفلة هذه مهياش عجبتني
_للا راقية : شبيها زادة
_جيهان : نديم ولا ياسر مهتم بيها
_للا راقية : نديم مش مهتم بيها معتم بصغيرو وانت زادة متركزش في طفلة ركز على الي في كرشها
زهرة قاعدة في بيتها لين يجيها تاليفون يخبرها الي امها في سبيطار
_جيهان : زهرة هذه ولات ياسر مكبرة راسها معاد تسمع كلام حد تي حتى كي نجي نكلمها تقولي نعرف مصلحتي
قاطعتهم زهرة الي جات تجري تلهث و تحكي بزربة
_زهرة : مدام راقية امان لازم نخرج امي تاعبة لازم نشوفها
_للا راقية : حكيت مع المحامي قال لباس مفماش خروج
_زهرة : مدام يـ
قصت عليها جيهان بغش
_جيهان : ياخي متسمعش قاتلك مفماش خروج و امشي شد بيتك
زهرة تنرفزت و حست بالظلم و بدات تصيح و تعيط تسكتها راقية بكف
_زهرة : ياخي اش بيكم متحبوش تفهمو امي مريضة نحب نشوفهااااا ياااخي وينيييييي قلوووبكم مخيييبكممم..اـ......
_للا راقية ؛ تسكر فمك انت ياسر تحليت ترد بالك على تصرفاتك تمشي تشد بيتك و مفماش خروج و منو هاكا ميصير كان الي تقول عليه كنتي جيهان تفهم فياااا
زهرة هزت روحها و طلعت تغفص في دموعها
_جيهان : اي مقصرتش ...خليها تتربى
_للا راقية : المهم انت تكون مرتاحة بنتي
زهرة قاعدة على فرشها تبكي و بعد قامت و بدات تحكي وحدها و تمشي و تجي
_زهرة : لا لازمني نهرب ...لازم نشوف امي ...اه..سي نديم
هنت التاليفون و طلبت هو قاعد في بيروه هز عليها
_نديم : وي زهرة
_زهرة ؛ سي نديم امي مريضة لازمني نشوفها و هوما سكرو عليا مخلاونيش نخرج انا نهبل نموت كان منشوفهااش
تحكي و تبكي فرد وقت نديم عدى يدو على جبهتووو و بعد تكلم
_نديم : باهي زهرة هدي روحك ...متتحركش من غادي هاني جيت ..
***
زعمة عملت مليح زهرة كي طلبت نديم 🤔😕
مفهمتش انا زين اش يحب يعمل 🤐🐍
وهاك هارون قاعد يهز في روحو وفي عايلتو للهاوية 😴😕💉
حلقة خفافي عقاب الليل 😕😄
رجعنا واخيرااا نحب دعمكم كيما كان و اكثر معادش برشاا في حكايتنااا 🦋😚
خلولي رائيكم في كومنت و متنسوش جاممم 🔥❤️❤️
تصبحو على خير 😴😴🥵
YOU ARE READING
أمنية تحت ظل الخيانة
Romanceالمرة هذه باش نتلمو على كرونيك مزيانة 🔥🌸 كرونيك فيها كل ماهو #رومنسية❤️ #حقد😡 #كره 🤬#حب😘 و برشا #تشويق 🎭 و #اثارة 🔥 تستنا فيكم 🍷🖋️💞🔥🔥 منطولش عليكم كرونيك اليوم بعنوان : أمنية تحت ظل الخيانة للكاتبة : yousra.hassin كرونيك بالهجة التونسي...
