أمنية تحت ظل الخيانة

الحلقة 6🥃

الحلقة 6 🥃
العائلة كل ملمومة واقفة في جنينة سي ناصر للا راقية نديم و هارون و مريم و بسمة و جيهان سي ناصر في يدو رمانة حملها بين يده باسها و تكلم و ناس كل تقدرو
_ناصر : هذه نعمة ربي الي رزقهالنا ..وهذه هي الي عيشتنا اليوم ..و تو باش نعملو حفلة متاعنا و الي باش نعطيه يكسر الرمانة هذه هو الي باش نعطيه يتصرف في كل شي و يكون مسؤول منا قدام و يهز عليا لحمل
غمز هارون لبسمة و يحكي
_هارون : اكيد باش ناخوها انا الرمانة هذه ..
_بسمة : علاش فما غيرك
_سي ناصر : الرمانة هذه باش تكون السنة عند
_بسمة (توشوش لهارون ) امشي خوذها
_هارون :( يجاوب فيها ) اصبر بسمة
_سي ناصر : الرمانة هذه باش تكون سنة عند ولدي نديم
نديم كي سمع خاف شوي من المسؤولية مشا لعند بوه خذا من عندو الرمانة و سلم عليه و سلم على أمو و ناصر يحكي
ناصر : نديم انتي حاضر باش تكون قد المسؤولية هذه
_نديم : انشا الله بابا
_هارون : هيا عااد تحرقنا بالشمس
_للا راقية : وسع بالك هارون
_نديم : إنشا الله نكون قد المسؤولية
و حدف كعبة الرمان على قاع تفلقت و كل بداو يصفقو
للا راقية : السنا كاستنا مليانة و انشا الله ديما مليانة
وقفين بالكراهب يطلعو في فاليجاتهم و يستنو في جماعة كل تجيب دبشها لين مروان جاا من غادي شافتو مريم نقزت تجري
_مريم : ولدي
_مروان : امي توحشتك
و مشا لجداتو
مروان : اش حوالك ميما
_للا راقية : مزال بكري يا ولدي زدت نهارين اخرين ولا ثالثة .. تو جاي
_مروان : عندك الحق يا يامدام ..اي ويني الرمانة جيت باش نكسرها
_للا راقية : ههه يزي يزي .. اووهو كسروها من بكري
_مروان : اووه خسارة والله ..اي شبيكم متقولوليش ماشين
_مريم : اي اكهو ماشين نتلقاو في تونس مزلت مشبعتش منك ..
_مروان : الله يبارك يا للا مريم ..
#يتبع