أمنية تحت ظل الخيانة

الحلقة 18🥃

الحلقة 18🥃
زهرة و نرجس قاعدين على كرسي لين خرج الشرطي
_زهرة : امي ..
_نرجس : امي وين
_الشرطي : استنو امكم مزالت مطولة ..اعترفت بالجريمة متاعها باش تتعدا على المحكمة ..و كان تحبو تعاونوها دبرولها محامي باهي
_زهرة : قداش حسب رايك
_الشرطي : منعرش اما ما اقلش من 10 ملاين
_نرجس : كيفااش ...يعني امي مهياش باش تخرج
_زهرة : يزي عيش اختي يزي
جيهان مشات لنديم في شركة حلت الباب و دخلت جاء باش يبوسها ياخي مخلاتوش
_جيهان : نديم
_نديم : مرحبا
_جيهان : اقعد نحكيو شوية
جاهدة ساي هزوها وقفت في باب المركز عرضوها زهرة و نرجس بداو يحملو فيها و يبوسو و يبكو
_زهرة : امي
_نرجس : امي
_جاهدة : ياعيوني
_زهرة : انتي لباس
_جاهدة : لاباس ..عطيتك رقم جماعة نعرفوهم امشي تو يعونوك و ميخلوكش متخافش
_زهرة : منيش باش نخليك نوعدك تو نخرجك
هي هزوها البوليسية هي ركبت في كرهبة و نرجس شدها كريز ضيق نفس لين داخت هزتها نرجس للسبيطار
جيهان قعدت مقابلة نديم و تحكي
_جيهان : ياخي ماشي في بالك الموضوع ساهل عليا ...صعيب برشا اما نحب على صغير ..اش نعمل نخطف صغير ماكلينيك والله نعملها راني نديم ..افهمني يعيشك
_نديم : اووف ..منجمش جيهان
تبسمت على جنب و قامت قعدت بحذاه و تغزرلو وهو يغزر للقاع و يحك في لحيتو
_جيهان : انا جرايرك منجمتش نولي ام ..كان معملتش الاكسيدون هذاكا راهو تو صغارنا بجنبنا (نديم يتذكر )
خارجة من الأوتال تجري و تبكي طلبت الشوفور باش يجيبلها كرهبتهاا