الحلقة 20🥃
زهرة تحكي هي و نرجس لين دخل الطبيب يسال في زهرة
_الطبيب : شنيا تقرب للمريضة
_زهرة : انا اختها
_الطبيب : نجمو نحكيو لبرا
_زهرة : بالطبيعة
سببها الطبيب و هي قالت لاختها هاني راجعا و خلطت وراه
_زهرة : قلي دكتور نسمع فيك
_الطبيب : يا مدام اختك عندها تضيق في صمام القلب
_زهرة : كيف تضيق بالقلب .. مستحيلل لا نعرف اختي عندها ضيق نفس مالي صغيرة
_الطبيب : ضيق النفس الي عندها من قوة المرض
زهرة : ياربي ...نرجس مازالت صغيرة دكتور
_الطبيب : العمر معندو حتى دخل ...اختك مرضها من الولادة و malheureusement حالتها خطيرة
_زهرة : باهي قولي اكيد فما حل
_الطبيب : الحل الوحيد هو عملية
_زهرة : شنيا
_الطبيب : اي لازم عملية و مذابيك في اقرب وقت باش حالتها متزيدش تسوء و لا
_زهرة : ولا شنوة
_الطبيب : ولا ممكن ياسر تخسرهاا ..انشا الله لباس
مشا و خالا زهرة تبكي و دخلت في حالة هستيريا خرجت لبارا شمت شوية هواء
زهرة : يا ربي اعطيني القوة معادش نتحمل ...امي في الحبس و اختي في سبيطاار ...علاش يا ربي علاش ..علاش كل شي يمشي ضدي ...علاش ...يلزمني معجزة باش نعاونهم ...منيش باش نجم ..
بكت لين هدت و بعد رجعت لعند اختها
_نرجس : اختي شبيك بطيت ...الطبيب قالك حاجة تخوف
_زهرة : لا لا مقال شي ..قال الي انت تمثل و تكذب علينا يا صغرونة
_نرجس : .كريز متاع ربو جاتني قوية مش هاكا
شدتلها يدها تحكي
_زهرة : خاطرك توترت برشاا ...كل شي وفاا و طبيب كتبلك دواء جديد ..انشا الله عليه تتحسني ..و تو لازمك ترقدي غدوة صباح نخرجو منهوني
_نرجس : باهي ..شبيهم عينيك حمر كنت تبكي
_زهرة : لا اما كنت لبراا هذاكا علاش ..هي
رقدت نرجس و زهرة بحذاها قاعدة على كرسي حاطة يدها على خدها تتفكر في بوها كيفاش كان يضربهم و كيفاش امها ضربتو و دخلت الحبس...
VOUS LISEZ
أمنية تحت ظل الخيانة
Romanceالمرة هذه باش نتلمو على كرونيك مزيانة 🔥🌸 كرونيك فيها كل ماهو #رومنسية❤️ #حقد😡 #كره 🤬#حب😘 و برشا #تشويق 🎭 و #اثارة 🔥 تستنا فيكم 🍷🖋️💞🔥🔥 منطولش عليكم كرونيك اليوم بعنوان : أمنية تحت ظل الخيانة للكاتبة : yousra.hassin كرونيك بالهجة التونسي...
