أمنية تحت ظل الخيانة

الحلقة 43🥃

يرقصون على لحن حزني دون ان يفهمو معانيه ...🖍️

صباح جديد بسمة في كوجينا مع صبايا تعمل في كيك قرفة الي يحبو حموها سي ناصر مع قهوة التركية الي سرها ماتعرفو كان هي و يهزو وجيبو في كلام
_بسمة : لا و الله انا متأكدة الي بابا باش يحب الكيك هذا

_بدور : يا خالتي بسمة اما و الله سي ناصر ميكلش السكر مش باهيلوو
_بسمة : اس اس شو شكون يحكي باهي باش تعرف صحة عمي اكثر.. اكثر مني اسيل القهوة مزال ربع ساعة على لفطوور
_اسيل : حاضرة حاضرة مدام بسمة
_بسمة : اش تعمل انتي لشكون الطبق
_ اسيل : الطبق لزهرة مسكينة الطفلة من نهار الي جات وهي محبوسة في بيت
_ بسمة : اي و الله ..نقلك اسيل
_اسيل : شنو
_بسمة : حضري الطبق تو نهزهولهاا و نحكوو شوي
_ اسيل : اي تفضل
_بسمة : اي خلي نعرف علاقتهاا بعركة جيهان و نديم
_بدوور : اي سمعتهم يحكو على خاطر طفلة و سي نديم معادش عاطي قيمة لجيهان
_اسيل : وه
بسمة غزرتلهاا باهتة بعد قامت
_بسمة : اي كمل عاااد بدور كمل اش سمعت اخر
_بدور : لا اكهوو هذاكا اش نجمت نسمع
_اسيل : ياخي وليت تسمع على لعباد انتي صنعة جديدة
_بسمة : بدور الصنعة هذه نحيها عييب
_بدور : على نيتي انا سمعتهم صوتهم كان عاالي
_بسمة : اي نعرفها نيتك ...خلي نطلع الطبق لطفلة و ماكش باش تعرف حتى شي مالي باش نعرفو
هزت روحها بسمة و طلعت الدروج وصلت بيتهاا دقت الباب سمعت إذنها دخلت
_بسمة : صباح الخير
_زهرة : صباح الخير
_ بسمة : اش حالك هي ..جبتلك فطورك و منه قولت نحكوو شوي
_زهرة : تعبت روحك
_بسمة : لا اش عملت هي تفضل
هزت يدها لطبق و مدتلهاا مرسوو قاتوو الي بالقرفة ( هو راهوو بنين لأمانة طعمتوو ولا اروع عن تجربة 😂❤️) ريحتو كانت قوية برشااا زهرة فيسع مدورتلهاا خواطرهاا مع ريحت لعضم
_بسمة : شبيك زهرة متقلقة
_زهرة : لا لا لبااس يعيشك
_بسمة : شبيك متكلش مالا هيا كول كول و اعطيني رايك
_زهرة : يعطيك الصحة ظاهر بنين اما انا منيش منجمة ناكل سمحني
_بسمة : لا شبيك المسيوو متعاركة معاه ..متخافش نهيرين و اتو يرجع و يمكن مرتو....
قصت عليهااا زهرة ديراكت
_زهرة : لا اختي اليوم باش تعمل عملية و انا لازم نكون بجنبها و انا نستنى باش نمشي
_بسمة : فهمت ..مالا انخليك تو يستنو فيا لوحة للفطور ..متبقاش هكك حاول تاكل اوكي و كان استحقيت حاجة انا موجودة
_زهرة : يعيشك مرسي ...نهارك زين
على طاولة ملمومين كيما العادة مترأسينها للا راقية و سي ناصر على جنبهم بسمة و برهان و بناتهم لجين و لمار و من شيرة لخرى جيهان و نديم مريم و مروان ياكلو و يفطرو و الجو 10/10 كملت جيهان فطورها او باحرى متحبش تاكل خاطر عارفة الي نديم باش يبقى مع زهرة فدتت و محبتش تاكل و لفقت السبب بالوحم ..هزت روحهاا و طلعت لزهرة الي لقاتهاا قاعدة على فرش
_جيهان : صباح الخير
_زهرة : صباح الخير
_جيهان : نجمو نحكوو شوية
_زهرة : اي بالطبيعة
قعدوو الزوز مقابلين بعضهم زهرة متقلقة من ريحت البرفان متاع جيهان اما محبش تشلق هزت روحها وقعدت على فرش
_ زهرة : سمحني باش نبقى هوني ارتح
_جيهان : اي خوذ راحتك ...
سكتوو شوية و بعد جيهان رجعت تحكي بحسرة
_جيهان : كيفاش تحس
_زهرة :  يعني دوخة ساعات و نتقلق من ريحة البرفانات و هاكا
_جيهان : ههه هربت غادي من ريحت البرفان متاعي مش هاكا
زهرة هبطت راسها و حشمت
_زهرة : حاجة اقوى مني
_جيهان : انا زادة ياما تمنيت نحسو الاحساس هذاكا اما منجمش
_زهرة : على قريب انشا الله تو تهز ولدك بين يديك و تفرح
_جيهان : انشا الله هيا انا نخليك
للا راقية مصدقت كملت لفطور و مشات تجري  لخليل الشوفور و بعثتوو لهاك الجواب باش يجيبو
و قعدت في صالة كيما العادة تخدم في حوايج لحفيدها ..
شوية وقت و دار فرغت هارون و مروان في شركة نديم و زهرة في الكلينيك و مريم و بسمة
_مريم : امي انا خارجة مع بسمة للحجامة تحب حاجة
_للا راقية : لا بنتي براوو ربي معاكم
_سي ناصر : شنية للا راقية بديت تحضر لحفيدك
_جيهان : من راي مزال بكري
للا راقية : ا....
قص عليهم خليل الي وصل و في يدوو الجواب
_مدام راقية تفضل الجواب الي بعثتني نجيبو من بيرو مدام جيهان
_جيهان : وه ياخي لهدرجة مهم الجواب ..مش قتلك تو نجيبو باطبيعتي باش نمشي
_راقية : لا قلت علاش نتعب فيك
هي جات باش تتلقى الجواب و يتنطر ناصر يخطفو من يدهاا
_ناصر : خلي نشوفو شنيا حكاية الجواب الي ميستناش يطلعش عندك حاجة مخبيتها عليناا صحتك تهمناا
_للا راقية : ماني قلتلكم تحاليل السكر و انا لازمني نشوفو باش نعرف اش ناكل
حل الناصر الجواب اما منجمش يقرى
_ناصر : انا منجمش نقرا  و الله كبرت و مجبتش مراياتي
قربت منو جيهان وتحكي
_جيهان : بابا هات نقرى عليك
_سي ناصر ': اي و الله يا بنتي اقرى خلي نشوفو اللا راقية اش مخبية علينا
راقية وجهاا ميتفسرش كانت باش تتكشف قدام سي ناصر تو عند جيهان بيدهاا كان تعرف بالي الورقة هاكي راهي تابعة صحتهاا اللعبة كل تووفا جيهان حلت الورقة الي كانت مطوية دوبااا مجاات عينها عليهااا و تتنطر للا راقية تخطفهااا و تهرب بيهاا سقيهاا اعلى من راسها
_للا راقية : ياخي اش دخلكم في اموري الخاصة
خلاتهااا لين وصلت و خلطت عليها جيهان حلت الباب من غير مدقو لقاتهااا تقطع في الجواب
_جيهان : علاه قطعتووو
_راقية ،: اه ...ء ..ء هكك لقيتوو مش مهم منحبش نعرف
_جيهان : اسمعني مليح انا ريت اسمي مكتوب على الورقة
_راقية : اسمك ههه لا ياروحي اما اسمك هذاكا الجواب متاعي انا
جيهان بدات تفد و تشم فيها قارصة
_جيهان : ياخي ماكش مخبية عليا شي في حكاية الصغير ماهوو
_راقية : يا بنتي اش عندي نخبي كل شي تعرفوه
منغير جواب خرجت و خلاتهاااا و للا راقية قعدت على سرير ترد في النفس

💥🔥

اخباركم حبايب قلبي ❤️
اش رايكم في الي صار اليوم
زعماا جيهان و للا راقية اش باش يعملو 🤔😕

نقلكم سر على قريب باش تشعل المواجهة بين الحماة و كنة 😴🙂

كيما وعدتكم الي الكرونيك باش تزيد تشعل مع احداثها الجايين 🔥🔥🔥

رغم اني فقدت ارائكم للأحداث الا اني فرحانة برشاااا بتفاعلكم و وجودكم معايا 😍😞

موعدناا في حلقة جديدة 💜🥃
نبووسكم كل كل كل 😙😚