أمنية تحت ظل الخيانة

الحلقة 9🥃

الحلقة 9🥃
في وسط العرس ناس كل تشطح و تصفق كان زين يشوف في زهرة وهي مهبطة عينيها متحبش تجي العين في العين
_زين : عمي ممدوح
_ممدوح : امم
_زين : شبيها زهرة متحبش تشوف في عيوني مش قتلي قبلت
_ممدوح : وسع بالك ...اكيد حاشمة تو تستاتس
_زين : اه ..هي قبلت باهي برشاا
نديم و مروان في كرهبة في ثنيتهم للعرس
_مروان : باهي خالي تو ناس كل روحو..فمش لازم نمشو للعرس ..خلينا نمشو نتفرهدو.
_نديم : هههه تعرف يا مروان انتي ولد مزيان و فدلاك و صاحب جو
_مروان : يعيشك خال
_نديم : اما ساعات تطيرهالي بكلامك
_مروان : ههه نفس طريقة ...أسلوبك وليت حافضو ديما تمرمدني بضخامة
_نديم : اما انتي تشري في تمرميد بالفلوس تخليني نمرمدك بسيف 
_مروان : والله ياخالي متتبدلش تمرمدني على اقل حاحة ههه
_نديم : هههه مرواان
هي نديم و مروان وصلو سكتو الموسيقى و متسمع كان سي نديم سي نديم
هي جا و سلم على العرايس و مروان يتبع فيه لين جات عينو على عين زهرة و تبسم وحدو حضرولهم طاولة قعدو و قاللهم كملو العرس و رجعو يصفقو و يغنو
جبدت زهرة فلارة حمرة فيها فردة باش تلبسها للعروسة جا وراها زين و طلب منها باش تعطي فردة الذهب متاعو هي و تقول من زين و زهرة اما هي محبتش زين شدها من يدها و كبس عليها
_زين : قتلك خوذها انتي ...ملي احنا صغار و انتي تتهوربي مني ..انا نحبك منيش حد غريب و تذكري انا على خاطرك ضربت واحد برصاص و مستعد نصرب الف ...فعنادك نحيه خاطر ليوم ولا غدوة باش تولي مرتي
طفتو و قدمت مالعروسة و لبستها الفردة هي جات دايرة و طفل صغير دخل فيها طيحت هاكي الفولار الحمرة ...مروان كان مرشوق عينه فيها ..و كي شاف الفولار ترهوج و حب يهزها في اقرب وقت هوما هكاك و طبال بداا جا بحذا نديم و بدا يطبل