أمنية تحت ظل الخيانة

الحلقة 3 🥃

الحلقة 3 🥃
قدام لبحر وقف كرهبتو و هبط تكا عليها خذا نفس و جبد تاليفونو و طلب ..
نديم و جيهان يسوقو لين وصلهم التاليفون قبل مايهز عليه يحكي هو و مرتو
نديم : هذا مروان قاعد يطلب
هز عليه
_نديم : وينك يا طفل
_مروان : الو خالي انا في تونس تو هبطت من طيارتي ..
_نديم : باهي مالا اكيد على بحر انتي تو
_مروان : لا يا خالي انا تو كي وصلت لشركة و بديت نخدم
_نديم : متأكد في شركة يا مهف
_مرواان : هههه باهي باهي نعرف الي انت سمعت حس موج لبحر
_نديم : باهي باهي مش مشكل
_مروان : اي مالا بدلي الموضوع وقتاش راجعيين هوني
_نديم : واللهي كان بدلنا الموضوع انت باش تجي هوني
_مروان : وين ل****
_نديم : *** اي ايجا
_مروان  : ياخالي انا اش عندي نعمل غادي راني كيف جيت من سويسرا
_نديم : نقص من طول لسان و ايجا نستنااك
_مروان : اووف بااهي
قاعدين في دار هارون و مرتو بسمة قاعدين في صالة لين تكلم هارون
_هارون : و الله نديم كان منرفز برشااا ..اما الماكلة الي عملهاا كان مزياان يهبل..اما كلينا برشا مش هاكا
_بسمة : اه كلينا برشاا اي كلينا نبزتين شبعتناا ..
_هارون : يزيناا عاد
_بسمة : تي انا جبتلهم زوز بنات ياخذو لعقل ...و امك مازالت تدعي  على نديم يجبلهم هاطفل ..
_هارون : اي خاطر الطفل يفرحنا
قحرتلوو و هو هز روحو و خرج
في جنان كبير متاع رمان مشا نديم و جيهان يتمشاو و يحكو
_جيهان : وقت كنت نتعدى من هوني كان يعجبني المنظر ..اما هاكا طلع أزين ببرشا
_نديم : في وقت هذا وقت الغلة  المنظر مزيان و هواء أزين تحسي الأرض كلها خير ..تعالي شوفي هالمنظر محلاه (و مشا لكعبة الرمان يشوف فيها ) مشا الله .