وصلو عبدالله وسلطان المستشفى
سلطان : لو سمحتي في واحد اسمه ماجد مسوي حادث وينه ومعاه بنت
الموظفه : بالأسعاف للحين ماوصلو
وصلت سياره الاسعاف ودخلو ماجد غرفه العمليات
عبدالله: يستهبلون وين البنت
سلطان: لو سمحت كانت معاه بنت وينها
المسعف : ماكان في احد متظرر الا هو
وصلت سياره الرجال الي كانت فيها حنان
نزلت حنان وهي تركض
وكان في جرح بجبهتها ينزف
مسكها عبدالله
حنان وهي تصيح : ابووي مات صح ابوي مات
عبدالله: اذكري الله ابوك انشاءالله مافيه شي اجلسي
جلسها عبدالله وجابلها سلطان مويه
عبدالله : جبهتك فيها دم خل يخطونه لك
حنان : ما ابي ابي ابوي تكفى ابي اشوفه
حطت راسها على صدر عبدالله وجلست تصيح
حط عبدالله يده على ظهرها وبدا يطبطب عليه
وصلو العيال وعمانهم
عبدالله بأذن حنان : قومي غسلي لاتضعفين قدامهم
قامت حنان من عبدالله
وقف عبدالله
فايز : كيف حاله
سلطان: للأن داخل
طلعت الممرضه من غرفه العمليات
الممرضه : محتاج دم فقد دم مرره كثير مين فصليه دمه O-
انس : انا
الممرضه: تمام تفضل
جاسر : حنان يابوي قومي مع عبدالله
حنان الي مكتفيه بأنها تبكي
جاسر : عبدالله خذها تغسل ويخيطون جرحهها لا يلتهب قومي حنان ابوك انشاءالله بيطلع بخير
اخذها عبدالله للحمام تغسل
ودخلو غرفه الخياطه
جلست حنان على السرير
حطت الممرضه المعقم على الجرح
حنان الي صرخت بألم
الممرضه امسكي يد اخوك عشان يخف الالم
مد عبدالله يده ومسكته حنان وبدت تخيط وحنان كانت تحاول تمسك نفسها
خلصت الخياطه وحطت لها شاش
وقامت وكانت يد عبدالله كلها اثار دم من اظافرها
جلسو كلهم بغرفه الانتظار
دخل فارس وسلمان وسعود
سعود : كيف عمي ماقالو لكم شي
مشاري : لا ننتظرهم
فارس كان يشوف حنان وكيف كانت عيونها حمرا من الصياح وكان منكسر خاطره عليها
بعد انتظار
طلع الدكتور وكلهم قامو
الدكتور: انتم مؤمنين بقضاء الله وقدره
جاسر : مؤمين وشفيه اخوي
الدكتور : ادعوله بالرحمه
حط جاسر يدينه على راسه وبدا يردد : لاحول ولاقوة الابالله
حنان الي تجمدت وماسوت شي وعيونها تطلع دموع
مسكها فايز وطاحت بحضنه تصيح
بدو يفككون الاجهزه عن ماجد
فكت حنان نفسها من عمها ودخلت وهي تفك البطانيه البيضاء الي على ابوها وشافت وجه ابوها كيف كان مشوهه من الدم والجروح غطت وجه وجلست على ركبها تصيح وتقول كله بسببي انا الي خليته يطلع معاي مسكوها سلطان وسعود
دق مشاري على امه
مشاري : يمه
مريم : هلا
مشاري : يمه جنبك احد
مريم : لا انا بغرفتي وش فيكم وش فيه صوتك
مشاري : يمه عمي ماجد
مريم : وش فيه عمك
مشاري : توفى
مريم : لاحول ولا قوة الا بالله
مشاري : تعالي المستشفى بنته منهاره محد قادر يمسكها ولاتعلمين احد
مريم : انشاءالله جيت
وصلت مريم
فايز : يلا قومو البيت عشان نمهد لامي وانت ياسعود دق على فيصل وقله وخل يقول لامك ولاهدت تجي بيت امي عشان ماتنهار عند امي
سعود : انشاءالله
وصلو البيت
دخل جاسر و فايز غرفه امهم
وكانت تصلي الوتر
خلصت صلاه
الجده : شفيكم
جاسر : يمه
الجده: ماجد وينه فيه شي ؟؟
فايز : يمه ماجد يطلب الحل
الجده : لا لا ولدي مايخليني ويخلي بنته واهله
تحت
دخلت مهره على وعد بغرفتها وكانت تذاكر
مهره : وعد
وعد: هلا . ماما شفيك
مهره : عمك ماجد توفى
وعد : ايش
مهره : امشي معي نقول للبنات
وعد : جدتي تدري
مهره : ابوك وعمك جالسين يقولون لها
وعد : وبنته
مهره : هي كانت معه بسياره
وعد : صارلها شي ؟
مهره : لا هي تحت
نزلت وعد وكانت تشوف منظر تمنت تموت ولا تشوفه
كيف عمه وابوها يصيحون وجدتها منهاره
وعيال عمها الي يصيحون والبنات وحنان الي منهاره بحضن مريم منظر ماتتمناه لأحد دخلت نجلاء
نجلاء: اخوي مات مات وانا ماشبعت منه
فايز : ادعيله يا نجلاء كلكم ادعوله الصياح مارح يفيد
جاسر : وفايز صادق ادعوله الحين قومو نامو ورانا بكرا يوم طويل الدفن والعزا
قامو العيال
ماعدا عبدالله الي كان يبكي لانه يعتبر ماجد زي ابوه وكلهم يعتبرون ماجد زي ابوهم لانه كان حنون وطيب ويعطيهم الي يبون
قام عبدالله وهو يشوف حنان تشاهق وهي تصيح
الظهر
كلهم قامو عشان يروحون المقبرة والحريم المسجد
فاير وجاسر غسلو عبدالله
دخلت حنان على ابوها سلمت عليه وحبت راسه وطلعت وهي تبكي
دفنوه
ورجعو البيت كان اول يوم عزا كلهم كانو تحت الا حنان كانت بغرفتها ماتبي تنزل وتشوف احد
دخلت عليها سفانه
حنان: سفانه خلاص قلتلك مابي انزل مابي اشوف احد
سفانه: طيب في احد يبي يشوفك
دخلت ديما قامت حنان وحضنت ديما وهي تصيح
طولو بالحضن مسحت ديما على راسها
حنان : ديما تكفين ارجعي بطياره
ديما : ابشري
حنان : اخاف تموتين زي ابوي
خلص العزاء والأغلبيه رجعو على طبيعتهم الا حنان الي كانت بغرفتها وماتطلع أبدآ
دق الباب
حنان : مين
مهره : انا
دخلت مهره
مهره : حنان جدتك قررت نطلع البر بكرا نغير جو
حنان : مارح ارو..
مهره قاطعتها : الى متى ترا الصياح والحجره بالغرفه مارح ترجع ابوك ترا الميت اذا صحتي عليه يزعل ادعي له الصياح مو حل ياحنان كملي حياتك
حنان : بس انا اشتقت له
مهره: كلنا كلنا اشتقنا له ماينفع الصياح والله ادعي له
انشاءالله معانا بكرا ؟
حنان : انشاءالله
مهره : يلا انزلي شوفينا كلنا تحت
حنان : ابشري بغير ملابسي وانزل
لبست تيشيرت ابيض وبنطلون بيج وكان شعرها مفتوح ستريت وماحطت مكياج مرطب شفايف فيه لون خفيف
نزلت تحت باست راس جدتها
ومالقت مكان تجلس فيه
بس كان في كنب واحد فاضي وجالس فيه عبدالله
جلست جنبه وكانت تناظر تحت وساكته
الجده : يلا قومو اطلعو جهزو لبكرا نبي نستانس
سلطان: يلا الي بيجي معي يقوم قامو كلهم الا حنان و عبدالله و مشاري وجاسر
الجده: حنان قومي معاهم
حنان: مالي خلق والله
قامت الجده
حنان : عمي جاسر
جاسر : هلا
حنان : عادي اطلبك
جاسر: ابشري وش تبين
حنان : جوالي كان طايح بسياره ابيه
جاسر : اجيبلك جوال احسن منه
حنان : بس في صوري واشياءي احتاجه
جاسر : السياره وديناها براحة عمك فايز عبدالله قم ودها
عبدالله الي فرح بس مابين : انشاءالله
حنان : بجي معك
عبدالله: تمام انتظرك
لبست حنان عبايتها وطلعت ركبت ورا
لف عليها عبدالله
عبدالله: تعالي قدام
جلست حنان قدام وكانو كلهم ساكتين
عبدالله الي كان يبي يكسر الصمت : تدرين سيارتي ابوك الله يرحمه هو الي شاريها لي
حنان ابتسمت
عبدالله : كان عندي سياره صغيره وصدمت فيها وابوي حلف مايجيب لي وقام ابوك جابلي اغلى سياره
حنان : هو كان طيب معكم
عبدالله : مره كنت لما احتاج شي اطلبه هو ما اطلب ابوي وحتى قبل يوم كنت بثنوي حاط رقمه بدال ابوي
حنان : قد تكلم عني
عبدالله : كان يقولي انو مشتاق لك مره ويوريني صوركم قبل والفيديوهات وتصدقين انه كان كل جمعه يجيب ايسكريم معاه زي قبل يوم كنتي تروحين معاه ويجيب نفس النوع الي تحبينه
نزلت دمعت حنان
عبدالله : لاتصيحين المفروض تفرحين انه كان يحبك ومات وهو يحبك
حنان: انا ماعشت معاه حتى مات وانا ماشبعت منه
عطاها عبدالله منديل
عبدالله: ادعيله
وصلو لسياره
عبدالله: اجلسي هنا بدور جوالك واجي
بعد نص ساعه.رجع عبدالله
عبدالله: هذا صح
حنان : اي
عبدالله: مكسر شوي بس ماعليه تقدرين تنقلين الصور بالجوال الجديد
وقف عبدالله ونزل
عبدالله: دقايق وجاي
جا وكان معاه جوال اخر نوع مده لحنان
حنان : ماكان له داعي
عبدالله: ابوي حولي فلوس وقال جبلها عاد مدري بس جبتلك لون على ذوقي
حنان: ذوقك حلو
ضحك عبدالله ومشى
وصلو البيت
حنان:شكرا تعبتك معي
عبدالله : العفو ماسويت شي
الصباح
الساعه ٩
فايز : ننقسم على ٥ سيارات
السيارة الأولى فايز وجاسر ومهره ومريم والجده
السياره الثانيه نجلاء وفيصل والعاملات
السياره الثالثه سلطان وانس وسعود وشوق واثير
السياره الرابعه عبدالله وحنان وفارس وسلمان وسفانه
السياره الخامسه مشاري ولمياء و وعد
بالطريق
سلمان : عبدالله بالله وقف ناخذ قهوه
وقف عبدالله عند كفي
سفانه : ابي انزل
سلمان: اجلسي اقول ماعندنا بنات ينزلون
سفانه: شدخلك انت ابوي ولا اخوي
سلمان: اذا صرتي بسياره ابوك واخوك انزلي
شمقت له وسكتت
فارس : انا انزل شتبون
عبدالله : ابي بلاك
سلمان : ثنين بلاك
فارس : حنان شتبين
حنان: مابي شي
فارس : الا والله تشربين شتبين
حنان: جبلي مويه
فارس : اقولك وش تشربين لاتخليني اجيبلك على ذوقي
حنان: ما اشرب كافين اول ما اقوم
فارس : شيهانة تبين شي
لفت عليه سفانه : شيهانة بعينك
سلمان: ماتبي شي روح
جاء فارس وركب
بنص الطريق مد لحنان كوكيز
حنان: شكرا
فاسر : العفو
ناظرهم عبدالله من المرايه واتنرفز من فارس
بسياره سلطان
شوق : في مناديل
سلطان: شوفي تحت يمكن تلقين
شوق : مافي شي
سلطان : الحين بوقف عند البقاله انزلي وشوفي
وقف سلطان عند البقاله
انس : مين بينزل
اثير : انا
سعود : انا بنزل
انس : حلو جبلي اي شي ينشرب
نزلو شوق واثير وسعود
اخذت شوق مناديل وحاسبت ورجعت السياره
سعود خلص اغراضه وجلس يدور اثير
انتبه لها عند المشروبات
سعود : صاحيه انتي بيجيك سكر على الي ماخذته
اثير : انا الي بيجيني سكر وانا الي بحاسب
سعود : كودرد ! رجعيه
اثير: وانت شتبي انا ابيه
سعود : يابنت اسمعي الكلام ورجعيه
رجعته اثير وحاسبو وطلعو
وصلو المخيم وبدو يرتبون الاغراض
حنان كانت منشغلة على جوالها كانت تنقل المعلومات وتفتح الرسايل بعد غيبت اسبوعين عن
جوالها جلس فارس جنبها
فارس : اخس شريتي جوال
حنان : اي عمي جاسر جابه لي
فارس : تكسرينه بالعافيه
حنان: الله يعافيك
من بعيد نجلاء الي كانت تناظرهم وجنبها عبدالله
نجلاء: هذا شمجلسه مع ذي بقوم اغسل شراعهم
مهره : نجلااء تعالي رتبي معانا
راحت نجلاء
قامت حنان داخل الخيمه
دخل عبدالله عندها
عبدالله: اسمعي حنان
حنان : هلا
عبدالله: شفتي هوشتك مع شوق عمتي نجلاء درت وقبل الحادث بيوم جت عندنا وجلست تتوعد وانها مارح تجلس بالبيت دامك فيه بس بعد ما توفى عمي ماجد الله يرحمه طاب خاطرها شوي بس تو تقول انها بتغسل شراعكم انتي وفارس
حنان : هو الي جلس جنبي !
عبدالله: انا عارف بس حاولي ماتجلسين معاه كثير عشان ماتزعجك
حنان : تمام