رجعو حنان وسفانه البيت
حنان بغرفتها
مشعل : الو خير وش صاير
حنان: وتسأل ؟ من امس وانا اكلمك ماترد
مشعل: الواحد ماينشغل بحياته
حنان : ومن متى عندك حياه مو انا حياتك
مشعل : كذبت الكذبه وصدقتيها
حنان : وش تقصد
مشعل: ما اقصد شي وش بغيتي
حنان : خلاص
مشعل بانفعال : ايش الي خلاص
صكرت بوجهه متنرفزه من اسلوبه الي تغير فجأة
نزلت حنان بالصالة الي ماكان فيها احد الا عبدالله
جلست وهي مو منتبه بوجوده
حنان وهي تسجل ڤويس لديما : اقولك يكلمني باس...انتبهت لعبدالله وغيرت الموضوع وصكرت جوالها
حنان : غريبه وينهم
عبدالله : العصر كلهم ينامون
حنان : وانت ليه ماتنام
عبدالله: ماجاني نوم قلت اجلس لين مايصحون العيال
دخلت اثير
اثير : عبود تكففى ودني الصالون
عبدالله : شعندك
اثير: حفله صديقتي بسوي شعري
انتبهت لحنان
اثير : حنان تجين معاي الحفله
حنان : مدري لا
اثير : تعالي تكفين كلهم ثقيلين دم ونفسيات يفشلوني انتي حلوه ودمك خفيف تعالي معااي
حنان : ماودي والله
عبدالله: روحي معها ترا بيت جدتي طفش وش يجلسك
حنان انحرجت: تمام
اثير : يلا ودنا الصالون
حنان : انا بلبس بالبيت
اثير : تعالي سوي اظافرك
حنان: يلا
ركبت اثير جنب عبدالله وحنان ورا
عبدالله : اذا خلصتو دقي علي بجلس بكفي قريب
اثير: تمام
خلصت حنان قبل اثير
اثير : حنونه اذا ودك ترجعين اتصل على عبدالله يرجعك
حنان : لا عادي انتظرك
اثير : براحتك
خلصو وركبو السياره
اثير : عبدالله وقف عند هذا المحل باخذ حلا معاي
عبدالله : وش كثر مواقع التوصيل اطلبي
اثير : التوصيل غالي وقف تراه على الطريق
نزلت أثير وعبدالله عيونه على حنان انتبهت له
عدل نظراته
جت اثير ورجعو البيت
دخلت حنان غرفتها ولبست فستان توب برتقالي وكعب ذهبي وحلق دائري كبير وفيرت شعرها وحط ميكب ثقيل وروج احمر لبست عبايتها وحطت الطرحه على كتفها
اثير :ياااي شكلك رووعه
حنان :عيوني انتي الروعه
نزلو
وكانو العيال قاعدين
اثير: عبود او انس عادي تودوني
عبدالله كان منسدح على فخذ سلمان عدل جلسته
انا اوديك
اثير : زين يلا حنان
فارس الي كان يناظر حنان بأعجاب
ركبو السياره
بالطريق
عبدالله : حنان بالله في عندك كاب ازرق عطيني اياه
حنان : مافي شي وي.. هذا هو
مدته لعبدالله
اخذه وحاط بالمقلوب وشعره كان طلع من فتحت الكاب
عبدالله : وين بيتها اي واحد
اثير ؛ هذا الي بابهم اسود
نزلو ومشى عبدالله
الساعه 11
بسياره
اثير : حنان عطيني حسابك انستا بمنشنك
عطتها حنان الحساب
اثير : ماشاءالله هذي امك
حنان : اي
اثير : عرفنا على مين طالعه يحلوكم
حنان : عيونك الحلوة
نزلو البيت
حنان : مين
سفانه: انا
حنان : ادخلي
سفانه : وين كنتي
حنان: كنت طالعه مع اثير
سفانه : انا اقول لاتمونين عليهم مره
حنان : صراحة ما كان بخاطري ابد اروح بس هي ظغطت علي
سفانه : اسحبي عليها
بالصالة
نجلاء: صدق الي انا اشوفه
مريم: وش تشوفين
نجلاء: نجود بتتزوج
مهره : الله يوفقها
نجلاء: الله لايوفقها رمت بنتها عندنا وتزوجت
مريم : وش الي رمت بنتها هذا بيت بنتها
مهره : ومريم صادقه هذا بيتها ولا وش يسكنها مع رجال غريب
نجلاء: اكيد تبي شي من الورث
مريم : تموتين خالتي وهي حيه
نجلاء: ما موتها بس اقول
مهره: اذا عندك كمله زينه قوليها ماعندك اسكتي
نجلاء: بروح اخذ الاخبار من شوق
البنات بالغرفه
نجلاء: شوق تعالي
شوق : انشاءالله
طلعت شوق
شوق : وشو
نجلاء : صدق ام حنان تزوجت
شوق : وش يدريني
نجلاء: الحين هي اربعه وعشرين ساعه معكم ماقلتلكم
شوق : لا وماما تكفيين لاتحرجيني معاها وتروحين تسألينها
نجلاء: اسمعي تجيبين لي الاخبار فهمتي لا والله ارجعك عند ابوك
شوق : طيب طيب بسألها
دخلت شوق عند البنات وسكتت
لمياء: اح الساعه 1 انا بروح انام
قامو البنات غرفهم الا شوق حنان كانت تناظر جوالها
شوق : اء حنان
حنان ببرود : هم
شوق : امك متزوجة
حنان بانفعال: لا
شوق: طيب شفيك عصبتي بس اسأل
حنان : عشان ماتدخلين بشي مايخصك
شوق : تراني بس اسأل على وش شايفه نفسك
حنان: الحين انا صرت شايفه نفسي عشاني ما جاوبت
اجل يلا جاوبيني ليش امك حقيره وليش ابوك ماعنده شخصيه وليه ماتك..
شوق بمقاطعه : ترا ما اسمح لك تتكلمين عن امي بذي الطريقه
حنان: لا بس أنتظرك تسمحين لي
شوق: على الأقل امي مو رخيييصه تلاحق ورا الرجال عشان يتزوجونها
تقدمت لها حنان ودفتها على دخلت عبدالله
عبدالله: شفيكم
مسك عبدالله حنان مع كتوفها
شوق : ترا هذا مو كلامي هذا كلامهم كلهم
عبدالله: وش جالسه تقولين شوق اطلعي روحي غرفتك
شوق : بطلع وياحسافه الوقت الي كنت مقضيته معك
حنان سكتت
وطلعت شوق
عبدالله: وش صار بينكم
حنان اكتفت بسكوت
عبدالله: تبين مويه
حنان: لا برقا غرفتي
رقت حنان
_________________________________
اسبانيا
الفندق تحديداً
خالد: انشاءالله عجبج الجو هني
نجود : اي يجنن دافي موب برد
خالد: يلا ننزل نتريق
نجود: يلا بس بلبس جاكيتي
الظهر
ديما : كيف يعني متجاهلك مافهمت
حنان : اقولك كلمته وبدا ينفخ علي وصكيت بوجهه ومن بعدها ماصار يرد على اتصالاتي انا خايفه يكون فيه شي
ديما: لا انشاءالله بس يمكن يبي يحسسك بغلطك ارسليله وقولي انو ماكان قصدك والعبي عليه بالكلام
حنان : برسله يلا باي
صكت ورسلت لمشعل
( مشعل اسفه اذا كنت غلطت عليك وقفلت بوجهك بس ماكان قصدي والله اني ازعجك والخ ........)
لبست حنان عبايتها وربطت شعرها بونتيل وحطت ميكب خفيف ولبست عبايتها وماكانت تدري وين بتروح بس اهم شي تطلع من البيت
ماجد : حنان
حنان : هلا
ماجد: وين بتروحين
حنان : بطلع اتمشى
ماجد : نطلع بسيارتي شرايك
حنان : تمام
ركب ماجد السياره وجنبه حنان
وبدا يمشى مايدري وين بيروح
ماجد : وين ودك نروح
حنان : انت من سكان الرياض موب انا
ماجد : بوديك مكان كنت اوديك له وانتي صغيره
حنان : وين
ماجد : توقعي
حنان : مدري ما احب افكر
ماجد : محل عصير
وصلو جلسو يشربون العصير
———————————————————
بالملحق العيال كانو جالسين
دخلت نجلاء عليهم بهجوميه : قومو ودوني بيتي
فيصل : يمه شفيك
نجلاء: اجل ذيك بنت الوصخه تمد يدها على بنتي
سعود : يمه وش تقولين
سلطان : ياعمه خل نفهم الموضوع
نجلاء: يا انا ياهي بذا البيت
عبدالله بصوت خافت : هي
سلطان بهمس : ما ودك تنطم
جاسر : وشبلاك انتي مين هي شفيك داخله علينا بشرك
نجلاء: بنت اخوك اجل انا صرت حقيره وزوجي ماعنده كلمه
فايز : قصدك حنان
نجلاء: ومن في بنت قليله ادب غيرها
جاسر : فيصل خذ امك بيتكم هي ماتدري وش تقول
اخذها فيصل وطلعو
سعود: فارس سلمان قومو نشوف امي طلعو
جاسر: انا قايل لكم رجعتها بتجيب لنا المشاكل ووجع الراس
فايز: مايصير بعد نمنعها من امها
انس : طيب شقايله البنت عشان تعصب
جاسر: وش يدرينا من جت وهي تطلع مشكلة من تحت الارض
فايز : وين ماجد
مشاري: طلع هو وبنته
_________________________
ماجد: بروح احاسب
حنان : تمام
مسكت حنان جوالها ودخلت محادثتها مع مشعل
شاف الرسالة ولا رد صكت جوالها
جا ابوها وركبو السياره
ماجد الي كان لاف على وجه بنته ويسولف ومو منتبه لطريق وما حسب حساب الشاحنة الي لفت عليه
وتقلبت السياره
بدو الناس يتجمعون حول السياره
ماجد الي كان راسه كله ينزف ومو بوعيه
وحنان الي ماكانت تحس بشي وكانت ماسكه ابوها وتبكي من منظر ابوها
سحبها واحد من الرجال وطلعها من السياره
حنان وهي تصيح : ابووي تكفى ابي ابوي طلعو ابوي
وصلو الاسعاف طلعو ماجد وركبوه الاسعاف وحنان الي كانت تبكي وماسكها واحد من الرجال
حنان : ودني المستشفى تكفى
الرجال: يبنت وين اهلك
حنان : ابوي اهلي تكفى ودني للمستشفى
ركبت معاه وراحو المستشفى
بالملحق
كانو الرجال طالعين البر بحكم انه يوم جمعه مافي الا عبدالله وسلطان بالبيت والحريم
سلطان : هلا يبه
فايز : سلطان رح أنت وعبدالله المستشفى عمك ماجد صاير له حادث هو بنته هاذانا حنا بنظف اغراضنا وبنجي ولاتعلمون امي
سلطان : ابشر ابشر
عبدالله: وشفيك
سلطان : عمي ماجد وبنته صار عليهم حادث
عبدالله الي فز من مكانه : بجي معك يلا