اللهم صل وسلم وبارك على سيدنا محمد وعلى اله وصحبه وسلم تسليما كثيرا
نزل فارس ليرى ما سبب الصوت العالى والخناق وجد امه نعمه وخالتو ناديه يتشاجرون مع هبه
فارس: فى ايه ايه اللى بيحصل هنا
نعمه:فى ان دى مابقتش عيشه
فارس: حصل ايه فى ايه يا هبه
هبه: مش عارفه والله انا ماعملتلهمش حاجه دا انا جايه اقعد عشان اكل عادى قعدوا يهزقوا فيا وبهدلونى
نظر فارس لامه وقال: فى ايه يا امى ايه اللى مضايقك
نعمه: فى ان احنا مش فتحنها سبيل للفقراء والمعدومين والحثاله الاول الزفته اللى فوق ودلوقتى قربيتها
فارس: لو سمحتى يا امى ماتغلطيش فى مراتى
نعمه: بلا مراتى بالا زفت الواحد زهق وقرف
فارس: ليه كل دا يا امى عشان هتاكل دا انتى حتى بيت الكرم يا امى
ناديه: احنا ممكن نبقى نديها البواقى بعد ما ناكل بس ماينفعش تقعد تاكل معانا وتحط راسها براسنا
جاء مجاهد فى هذا الاثناء وسمع كلام ناديه وقال الكلام دا ابقى اعمليه فى بيتك اما انتى هنا فى بيتى وبيت ابنى يعنى احنا اللى نقول مين اللى يقعد ومين اللى يمشى واللى مش عاجبه كلامى الباب مفتوح
ناديه تقصد ايه يا جوز اختى انت بتطردنى ثم نظرت لنعمه وقالت سامعه كلام جوزك عجبك كده يطرد اختك من بيتك
نعمه: ايه اللى انت بتقولوا دا يا مجاهد انت بتطرد اختى من بيتى هى حصلت تهين أهلى
مجاهد: انا ماغلطش انا قلت ان دا بيتى واستقبل فى اللى عايزه اختك اللى غلطت لما تطرد ضيوفنا من بيتنا
نعمه: اى ضيوف الحثاله دى ضيوف
مجاهد بعصبيه وصوت عالى الزمى حدودك يا نعمه وماتنسيش اصلك ماتنسيش انا كنت متجوزك وانتى بنت فلاح فقير على قد حاله يعنى زيك زي ليلى وهبه والفقر عمره ما كان عيب
سكتت نعمه ولم تستطيع ان تنطق فهوا وجهها بحقيقتها التى نسيتها
ثم قال فارس : خلاص يا جماعه سوء تفاهم وخلص يلا على الغداء قبل ما الاكل يبرد يلا يا هبه يلا يا خالتو
جلست هبه سريعا على تربيزه الطعام وكانت ناديه تريد الرحيل بعد ان طردها مجاهد ولكنها لا تريد ان تترك فارس يفلت من يد ابنتها فهى تريد البقاء لتساعد اختها فى التفريق بين ليلى وفارس فاضطرت للبقاء وعدم الذهاب وقالت عشان خاطرك انت يافارس هقعد وجلس على التربيزه
فارس نظر لوالده و والدته وقال يلا بقى يا بابا يلا يا ماما وبالفعل جلس الجميع
قال فارس امال فين ملك وحنان
نعمه :ملك جت من بره وطلعت على اوضتها وقالت مالهاش نفس وحنان خرجت تشترى شويه حاجات
ثم بداء الجميع بتناول الطعام وكانت هبه تاكل كان البيت بيتها وتاخذ من جميع الاصناف وكانت نعمه وناديه يموتون من الغيظ وكانت فارس ومجاهد ينظرون عليها باستغراب من طريقتها وجرائتها عكس ليلى
فالمره الوحيده التى جلست ليلى مع فارس على الفطار عندما جاءوا من الخارج جلست تاكل على استحياء وكسوف ولم تاكل كثيرا مع ان هذا بيتها ولها كل الحق فعل كل ما تريده واكل ما تريده
وجد هبه تضع له الطعام فى طبقه وترفع المعلقه على فمه وتقول كل دى من ايدى
بعد فارس يدها بغضب وقال انا باكل عندى ايدين مش مشلول عشان تاكلينى
نعمه: ماتحترمى نفسك يابت انتى وانتى قاعده
هبه: وانا عملت ايه يعنى ثم نظرت لفارس وقالت مش شرط تكون مشلول عشان ااكلك ما ممكن ااكلك عشان خايفه على تعبك واخد بالى من صحتك عشان انت ودلوقتى لوحدك ومراتك مع الاموات
اتعصب فارس بشده وخيط التربيزه بايده وقال مين دى اللى مع الاموات بعد الشر عنها ان شالله اللى يقول عليها كده واللى يكرهها
هبه: انا ماقصدش حاجه انا اقصد انها مش فى الدنيا خالص
فارس :ان شاء الله هتبقى كويسه واحسن من الاول
جاءت هبه ترد قطعها مجاهد وقال خلاص يا بنتى كلى وانتى ساكته احنا ما بنحبش كلام على الاكل
سكتت هبه بغيط جواها من احراج فارس ومجاهد ليها ودفاع فارس على ليلى ودعاءه عليها انها هى اللى تموت
فهى تشعر بالحقد لما الجميع يحب ليلى رغم من تشوهها
فى الاعلى فى غرفه ملك
فهى منذ ان جاءت وهى تبكى فى غرفتها فهى لا تصدق ان حبيبها بيحب اخرى وهى التى كانت تعشم نفسها وتبنى احلام ورديه معه
عند حازم
كان جالس فى غرفته وهو يفكر فى ملك واليوم اللى قضاه برفقاتها انه كان احلى يوم ولكن كان يفكر فى سبب تغيرها فاجاءه فهوا لا يفهم وقرر الاتصال للاطمئنان عليها لانها اخبارته انها تعبانه وعايزه تروح
مسك الهاتف وقام بالاتصال عليها ولكنها لم ترد
قال يمكن نايمه خلاص هبقى اتصل بكره اطمن عليها
عند فارس
صعد اللى الاعلى بعد ان تناول الطعام وجد الممرضه تجلس بجانب ليلى
قال: الاخبار ايه
الممرضه وهى تنظر له باعجاب شديد : انا الحمد لله كويسه وانت عامل ايه
فارس: انا مالى ومالك انا هسال عنك ليه انا بسال عن المدام وهو بشاور على ليلى عامله ايه دلوقتى
الممرضه: اه اسفه زى ما هى
ممكن اسال حضرتك سوال
فارس: اتفضلى
الممرضه: لو هى فضلت كده هتعمل ايه هطلقها ولا هتتجوز عليها انا راى تطلقها حضرتك ذنبك ايه تتحمل واحده مريضه ومشوها
اتعصب فارس :وقال احترمى نفسك وانتى بتتكلمى على مراتى وبعدين انتى جايه تشتغلى ولا تدخلى فى اللى مالكيش فيه واتفضلى خذى حسابك و امشى احنا مستغنين عن خدماتك وعشان تعرفى بس انا عمرى ما اطلقها او اتجوز عليها عشان لو لفيت الدنيا كلها مش هلاقى زيها ابدا وهى فى نظرى احلى وحده فى الدنيا واتفضلى من غير مطرود
خرجت الممرضه بضيق
نظر فارس على ليلى وباس راسها وقال ماتزعليش يا حببتى انتى احلى واحده فى الدنيا و افتكر لما دخلها اوضاتها فى المستشفى و شاف وجهها لاول مره لانها كانت بدون نقاب لانها موضوعه تحت جهاز الأكسجين
قرب منها ونظر لوجهها ولكنه انصدم فكان امامه ملاك فاستغرب انها كانت تخفى وجهها خوفا من نفوره منها فهى ايه من الجمال فالتشوه ليس كبير وجمالها تاغى على العيوب القليله الموجوده فانسحر من شده جمالها وتزكر جمالها اثناء الطفوله فهى كانت قمر وكان يعلم انها عندما تكبر ستصبح فتاه رائعه الجمال وكانت كما توقع واكثر بالرغم من التشوه فهو لم ينفر منه بالعكس فهو احب كل شيء بها حتى هذا التشوه فهوا من كتر حبه لها لم يرى اى عيوب بها فوضع يده على وجهها واصبح يلمس كل وجهها بحنيه وحب ثم وضع قبل على راسها
فاق فارس من هذه الذكره الرائعه واحتضانها وضمها بشده إلى صدره وقال لم ارى فى جمالك قط فانتى حوريتى الجميع يغار من جمالك يا ساحرتى فانتى سحرتينى فى صغرك وفتنتينى فى كبرك افيقى واجعلينى اغرق فى جمال عيونك افيقى واجعلينى احيا من جديد فالحياه بدونك ليست حياه
عند حنان كانت تعمل شوبينج وتتنقل بين المحلات فهذا اكثر شئ تعشقه الشراء ولكن وجدت من يسحب شنطتها وجرى اصبحت تصرخ وتقول الحقونى حرامى حرامى جاء شاب وقال فى ايه يا انسه قالت الحقوا حرامى سرق شنطتى وجرى
جرى الشاب سريعا ليلحق الحرامى وامسكه وحصل اشتباك بينهم وقام الحرامى بجرح الشاب بالمطوه فى صدره ولكن الشاب لم يترك الحرامى برغم المه واخذ الشنطه منه وظل يضرب فى الحرامى حتى اغمى ليه واتصل بالشرطه وجاءت واخذت الحرامى واعطى الشنطه الى حنان والشرطه طلبت الذهاب للقسم لفتح محضر وبالفعل ذهبوا وفعلوا المحضر ثم خرجوا قالت
حنان: انت بتنزف جامد لازم نروح المستشفى
الشاب: لا دى حاجه بسيطه ماتقلقيش
قالت حنان: حاجه بسيطه ازاى لازم تروح المستشفى
وبالفعل ذهبوا الى المستشفى وقاموا بتطهير الجرح وتخييطه وخرجوا من المستشفى
حنان: انا متشكره اووى بجد على اللى عملته معايا واسفه جدا على اللى حصلك
الشاب: العفوا على ايه اى حد مكانى كان هيعمل كده
حنان: لا مش اى حد انا صرخت كتير ومفيش حد ادخل والكل خاف انا متشكره ليك اووى
الشاب : العفوا حضرتك ساكنه فين عشان اوصلك الوقت اتاخر وماينفعش تمشى لوحدك
حنان: مافيش داعى انا هروح مش عايزه اتعبك كفايه اللى حصلك بسببى
الشاب: مافيش تعب ولا حاجه بس احنا ماتعرفناش انا ماجد وحضرتك
حنان:حنان
ماجد: عاشت الاسامي يا انسه حنان
عند فارس
كانت مازال يتحدث مع ليلى
فجاءه رن هاتف فارس ترك ليلى وامسك هاتفه وقام بالرد
فارس بعصبيه : ايه
يتبع
لم اعرف طفلتى
ايه رايك فى الفصل عايزه تفاعل كتير وعايزه اعرف ايه اكتر موقف عجبكم