دلهم

البارت - 11 -

حوراء المحمداوي ...❤️‍🔥

بقلمي رواية: « دلهم »
________________________

‏منتظر:عرفت اسماء التجار اليدزون مروجين لجامعة

ادهم:منو

- محمد و زيد

:منو ذول ! كدرت تسحب معلومات عنهم

-ميعرف شي غير اسمهم والمقر الينجمعون بي باقي المعلومات ما الهم حق ايعرفوها

:وين صاير المكان

-طلعت ورقة خليتها علي مكتب ..
هذا

:باوعت على اسم مكان صاير ابمنطقة مقطوعة خليت الورقة ابجيبي وكلت:

راح اطلع فريق للهجوم على مقر وانت استمر بالتحقيق وياهم لازم تجمعلي معلومات كاملة

-تمام

:طلعت من المكتب متوجه لقسم الدعم حددت مجموعة وطلعنا كلي امل اليوم اخلص من القضية

من بعد ساعة ونص وصلنا للمقر بقينا السيارات على بعد مسافة ونزلنا نتمشى ابحذر ظليت اتلفت على مكان  عبارة عن ساحة فارغة بيها محل وعلى بعد مسافة كم هيكل انطيتهم اشارة ايحاصرون المكان سحبت اسلاحي وقربت على محل انتبهت للقفل ضربتة طلقة ودخلت جوا ودخلو وراي كم واحد والباقي برا باوعت ابرجاء المكان جانت موجودة اكثر من غرفة رغم الشكل الخارجي يوحي على انه محل
ظليت ادور ما لكيت شي وكفت بوسط الغرفة شددت قبضتي ابغضبب ...

اشررردووو الكلاااابب

- سيدي المكان فارغ

:جاي اطلع وانتبهت على الكاع الترابيه اكو اثر اقدام و احتكاك سحب شي باوعت للوياي وكلت:

عملية النقل صارت قبل ساعات

- يعني جانو اهناا

: اي الظاهر وصللهم خبرر القاء القبض على جماعتهم وغيرو مكانهم

-اشلون كدرو ايغيرون مكانهم ابهل سهولة

:اتوقع المقر الثاني قريب مناا لو اكو مخبئ سري ابهذا المكان لان مستحيل ايعبرون من السيطرات بدون ما ايلزموهم

-اطلب فريق دعم انفتش المنطقة؟

: اي اطلب فريق و بلشوو تفتيش ما اتفوتون ولا كشايه

-امرك سيدي

: طلعت برا وتصلت على مؤيد
اريدك ادز امر لجميع السيطرات ميخلوون ولا سيارة تعبر بدون تفتيش

-ليش

:الكلاب امغيرين مكانهم

-تمام كابتن

:💥: في مكان ما

محمد: هههههههه
ميدرون وي منوو ايلعبون

زيد: هل مرة نفذناا مرة ثانية صعب

:ليش متشائم

-مو متشائم بس هاي الحقيقة اتخيل لو جان وائل يدري اباقي المقرات اشراح ايصير بيناا

:كل شر ورا خير

- اشلون يعني

:يعني حبس وائل جان كرصة اذن النا ما انثق ابأحد ولا انخلي يوصل مقراتنا

- ليش متكول كرصة اذن النا حتى نترك شغلنا

:ابائنا تعبوو ياله كدررو ايووصلوناا لهذذا المستوى اتررييد نتررك كلشيي ونكعدد بالببييت

-صبري نفذ وياكم خلاااص سووو التردوو

:زيدد لا اتخليي ناااري اتلوحك

:قربت عليه وكلت
متكدر اتسويلي شي

-لا تختبر صبري بعدك متعرفني شكدر اسوي

: مو كد الشي الاسوي صدكني مباقي من صبري غير كم وحدة ينعدن على الاصابع اذا خلص انهيكم

-

منير: يمعودين لا اتخلوون الشيطان يدخل بينكم

زيد: شوف هذا البطران هوو غيرر من شافناا اتبررا منعدنااا شيسوي بينااا اذاا السويناا ايفوق اسوايته

منير: لازم تفتخر عدنا هيج قوة

زبد: خاب اانچببب

:💥:

ريام: اخذت فوني شفت جايتني رسائل من كروب البنات قريتهن ورديت عليهم ..

السلام عليكم

مريم: وعليكم السلام
ولو زعلانة منج بس شسوي كلبي طيب

ريام: ليش

:شنو ليش مو اتفقناا اخر يوم نطلع وناخذ صور اشلون اتغدرين بينا

-نسيت

:نسيتي !!

-انعوضها على دوام

:تمام احاول اصدك

-ريتاج وين

:تلكين الساحر امشغلتهاا

-يا ساحرة ؟

:مرت ابوهاا تشبه عمة سندريلا هم سحارة و 24 ساعة اتشغل بيهاا امسويتها خدامة الحقيرة

-وابوها وين

: السحارة عاميتة عمي امخليته محبس بيدها وبيد جهاله لدرجة ميشوف ريتاج كدامة

-اذا تدري بيها هيج ليش ماتفضحها وتخليلها حد

:جاي اعلم بيها بلكي ايفيد

-شتعليمن

: اكثر من مرة تلكفت الساحرة اترش سحر بالبيت شغلت عقلي وكتلها ارميهاا بمااا رمتكي

-ابضحك
شنو ارميها بما رمتكي

:معليج سوالف اكبار المهم كتله كل متشوفيها اتسوي هيج اخذي جدر املي مي و رشي ملح واقري عليه اية الكرسي سبع مرات ورشي البيت كله وشغلي قرأن

-امنين اتعرفين هاي السوالف

:ابضحك
اعرف كلشي بس ما ابين

- شو خفت على ريتاج منج

:هههههههه سهله ريام

-خليها على الله يجي يوم وينقلب السحر على الساحر

:صحيح بس انقهر من اشوفها هيج اتعاملها وتفرق بينها وبين جهالها وصلت عندي اجمع نسوان واروح البيتها انفشها نفشش

- وشلون اتقنعين النسوان

:انطيهن افلوس

-ههههههه افلوسج زايدة

:شوفي ريام اتحمل كلشي اله الانسان المظلوم الميكدر ايدافع عن حقة بحيث من اسمع حجي ريتاج ابقى الليل كله سهرانه افكرر بيهاا خاصتا سالفة اخو الساحرة

-اشبي

: انساان قذر ضامن ريتاج ماعدها ظهر ولا اكو اليصدكها اذا تحجي استغل الفرصة وحاول يعتدي عليها ومن وكفتة عند حدة طلعلها ابلعبة جديدة ايكلها خل نتزوج رغم هو متزوج

- صارت رجفة ابجسمي ونزلت ادموعي اني اكثر وحدة تعرف شنو يعني شخص يترصدلهاا ويحاول كل مرة يتقربلها ...

:ها فصلت النت

-مسحت ادموعي ورديت عليها
ليش متبلغ عليه ايخلو ايوقع تعهد ميتقربلها واذا قربلهاا ينحبس

:شتبلغ اذا اخته اتكلها اذا حجيتي حرف واحد اكول عندج علاقة بي وانتي التفترين عليه وتخربين علاقتة ابمرتة

-حسبي الله ونعم الوكيل على كل ظالم

:تجين وياي

-وين

:نكتل الساحرة

:ابضحك
خاف ندخل بيتها وينكلب السحر علينا نطبك وياها ونكتل ريتاج

:ههههههههه خررب مافكرت بيهاا

-شوفي مو بس انتي ذكية

:والله ريام احس عندج جزء من ذكائي

- بس جزء!

:اي طبعاا محد يكدر يوصل الذكائي و تفكيري

-الله يستر

ام زيد: يلا يمه راح نتأخر

ريام: غلقت الفون ورحت جهزت نفسي كملت وطلعناا اتمشينا شوي وصعدنا سيارة السوك يبعد ابمسافة قليلة تقريبا 5 دقايق ونزلنا ...

دخلنا للسوك اول شي افترينا على محلات الملابس امنزلين كله بهاري ماعجبني شي منهم رحنا بعدها لمحل لكيت بي كلبيات وتراكات بيتيه حلوة اخذنا الامي والي اتراك ..

: محتاجة شي للدوام

- هزبت راسي بنفي

:لعد خل نسوك

- اخذنا مسواك كامل للدولمة وللكيك لحدما ظلمت الدنيا رجعنا غيرت ملابسي ورجعت عزلت المسواك

مريم: كاعده يم امي وافكر ابكلام ريام رئسا كلت:
اريد اخذ رأيج ابشي

ام ادهم: اطلبين رأيي وتالي اتسوين البالج

:ابضحك
لا هل مرة رايج مهم

-كولي شمصخمة

:حجيت لريام على ريتاج كتلها اخو الساحرة اتعرضلها كالت خل اتقدم بلاغ عليه راح ايخلونه ايوقع تعهد ميتقربلها فاذا خالف التعهد راح ينحبس

-صحيح كلامها بس مو اتكولين مرة ابوها امهدتتها تكلب الموضوع عليها

:اتبلغ الشرطة بدون ما تدري الساحرة

-واذا دزو على اخوة ودرت بيهاا مراح اتأذيها وتخليها تسحب الدعوة

:بس الدعوة راح تبقى متسجلة متكدر تسحبها

- تكدر تسحبها

:مدري خل استفسر من دومي

-عنده شغل من يرجع حاجي

:اتصل مرة اذا ما رد هاهيه

-من اتعاندين ماكدرلج بعد

:اتصلت على ادهم شوي ورد
هلو دومي ليكون عطلتك ع شغلك

ادهم: محتاجة شي

:ردت اسألك ابقضية اتخص عملك

-خير

: اكو شخص جاي يتعرض لوحدة وحاول يعتدي عليها اكثر من مرة ايصير اتقدم عليه بلاغ

-منو هاي

:صديقتي بالجامعة

-ابخوف
رياام !؟

:لا مو ريام صديقتي الثانية

-اطمنت من كالت مو هي ..
اي ايصير اتقدم

: ريام صاحبة الفكرة شفت اشلون طلعت ذكية مثلي

-هههههههه
بس انتي وخايف منج مو انوب ريام

:لو مو اتصال جان سكرنت كلامك ودزيته الها حتى تعرف اشلون اهلي ايقللون من ذكائي

-وين ادزين مو كلتي ما تنطي رقمها

:اتحايلت عليها وخليتها تنطيني يوزرها مال انستا قبل شوي جنت احجي وياهاا

-اشلونها

:مني

-انتبهت النفسي وكلت
امي يعني مني

:ها زينه كاعدة يمي

-يلا عندي شغل بعدين احجي وياج

:تمام سلام

- سلام
سديت الخط ورجعت اقرا ابسجل اعترافات وائل وقيس رغم تركيزي وانشغالي مرت ريام على بالي وذكرياتي وياها الوحدة اغرب من الثانية سندت جسمي على كرسي اتذكر لقائي وياهاا ...

بتدات باليوم النضربت بيها بعدها ابعركة الكافتيريا و لحظة استدعائها ويوم الضربتني وختامها من شفت ادموعهاا ونظرات العتب بعيونهاا فزيت من ذكرياتي ابندم على سويته مجان لازم اجرحها ابكلامي كدام الطلاب ...

بدون وعي سحبت فوني ودخلت على حساب مريم ظليت اكلب بالمتابعين لحدما صار كدامي حساب ريام اتنفست ابأريحيه ودخلت لحسابها كانت امخليها صورتها بس امغوشه وجهاا

لفت انتباهي الحساب مابي منشورات ولا اصدقاء غير مريم وبنت ثانية رغم الحساب مو جديد ...

ريام: كملنا العشاء اخذت علاجي وكمت غسلت المواعين وخليت الجاي على النار بين ما كملتهن خدر صبيت الي والامي ورحت بالاستقبال خليتهن يم الصوبة وكعدت ...

ام زيد: ملابسج شفتيهن على كدج لو بيهن ضيج

ريام: لحظة اشوفهن
حجيتها وكمت وصلت لباب الاستقبال ونتبهت صوتي رجع التفتت الامي ابتسمت ابوجهي رحت حضنتها وضحكت

:اروحن فدوة لهل صوت

-يعني اترك العلاج

:اي يمه

-تمام خل اشوفج الجبتهن
رحت ابفرح لغرفتي رغم صوتي ضعيف بس افضل من الماكو ، فتحت الكنتور طلعت اتراك اسود رياضي فوك الركبة من الجانبين خط ابيض لبستة ورحت يم امي ..

:لبسة العافية كلش حلو

-مابي ضيك مو

:اي يمه زين

-رجعت كعدت يمها انسولف وعيني على باب منتظرة يجي زيد صارت بـ11 وبعدة مجاي

:يمه رايحة انام بعد مابيه افك اعيوني

-رحت وياهاا للغرقة خليتها تتمدد وغطيتها طفيت الضوة وطلعت مجايني نوم وزيد مجاي ماكدر اقفل الباب استغليت الوقت ورحت اسوي كيك ...

كملتها وخليتها بالفرن رحت جبت فرشة اصغيرة خليتها يم الفرن مثل كل مرة لازم اشهد مراحل تطور الكيك ...

فتحت الانستا وظليت اتصفح فجأة وصلني اشعار طلب مراسلة دخلت عليه كان حساب مجهول مابي صورة ولا اسم مجرد رموز ويوزر سويتله حظر ورجعت اكلب ورا نص ساعة وصلني اشعار طلب مراسلة من حساب ثاني دخلت عليها كان كاتب :

-اني نفس الشخص الحظرتي لا اتعيدين هل حركة اريد احجي وياج ...

:دخلت على حسابه هم مجهول مابي منشورات ومكان الاسم ملصق واليوزر احرف ما الها معنا ردت احظرة وتراجعت رئسا رديت عليه ..

منو ؟

اني علي عمري 14

ريام: شفت رسالتة وضحكت هذا اصغير

اهلا علي شتريد تحجي

-محتاج احجي وي شخص ولكيت حسابج كدامي

:وشنو الشي اليخليك تحتاج احد تحجي ويا ابهذا الوقت المتأخر

- هواي اشياء ابالي ماعندي احد احجيله

:عندك اب وام واخوان واكيد اصدقاء احجي وياهم

-بابا و ماما بس يتعاركون وماعندي اخوان وحتى اصدقاء لان ميخلوني اطلع

:شفت رسالتة انقهرت عليه معقولة اكو غيري عايش العشته ...

انت بالمدرسة؟

-اي صف ثاني متوسط

:لعد اشعجب ماعندك اصدقاء بالمدرسة

- اخاف منهم

:ليش اتخاف

-مدري حتى فكرت اترك المدرسة

:لاا اياك تتركها

-ليش

:اسلاحك الوحيد شهادتك باجر من تكبر مراح تلكه شغل اتعيش بي بس اذا عندك شهادة راح تكدر

-لازم اشتغل حتى اصرف على بيت

:ابوك اليصرف انت معليك

-بابا دائما يتعارك وي ماما على المصرف ايكلها امنين اجيب فافكرت اترك الدوام واشتغل

:اتذكرت زيد معقولة راح يمشي بالطريق المشاله زيد! هم يترك دراسته ويحمل نفسة مسؤولية اكبر منه

-وين رحتي

: شوف انت بعدك اصغير الشي الوحيد المطلوب منك دراستك معليك بالباقي خلي اهلك همه يتحملون مصاريف البيت هذا مو شغلك

- جوعان مماكل شي من الصبح اذا بقيت بدون شغل راح اموت الجوع

:صفنت شوي وكلت ...

دزلي عنوان بيتكم

-شسوين بي

:ادزلكم اكل

-ادهم شفت رسالتها وضحكت معقولة ابهل سهوله صدكت !؟

:وين صفنت اذا متعرف العنوان كول الامك

-اشاقه وياج

:شنو

- حالتنا المادية زينه وبابا وماما مايتعاركون

:بغضب
واسمك مو علي وعمرك مو 14 مووو

-لا ذن صحيحات

:اليكذب مرة يكدر يكذب االف مرررة

-لا صدك جنت رايد احجي وي شخص لان ما عندي اخوان واهلي ايخافون عليه ميخلوني اطلع وحتى مدرستي اهليه

:لعد ليش كذبت عليه بالبداية

-ردت اشوف ردت فعلج

:شستفاديت هسه

-عرفت اني اراسل وحدة راح اتكون صديقة زينه ومتخرب اخلاقي

:ابضحك
اشلون اخرب اخلاقك

- اتعليمني اشياء مو حلوة لو اطلبين صورتي وتهدديني بيها

:ماكدرت اكتم ضحكتي
ولك وين اكون بنت اتعلم ولد سوالف مو حلوة لو اتهدده ابصورته

-هاا عبالي البنات هم ايسون هيج

:هههههه لا ما انسوي

-ماما اتصيحلي راح تسحب الفون مني من اترجعة باجر احجي وياج

:منو كلك احجي وياك اصلا راح ابلكك

-لا حبابه

:تمام روح

-باي

:باي
طلعت من المحادثة وظليت اضحك على كلامة هاي اول مرة اتجاوب وي مراسلة بس ما انكر ضحكني ونساني الكيكة ..

ادهم: ماعرف ليش سويت هيج بس عاجبني استمر ابهل لعبة خل اتعرف على ملكة الجليد او الاصح ملكة الظلام ...

ريام: في صباح يوم جديد بدات يومي بنشاط طلعت الغرفة زيد لكيته نايم سديت الباب ابهدوء رحت غسلت وغيرت ملابسي طلعت للفرن جبت صمون ومريت للاسواق اخذت منه الاحتاجه رجعت للبيت سويت جاي وبيض خليتهن بالصينية وياهم حليب واجبان واخذتهن بالاستقبال ..

يلا غاليتي منااويه اتكومين

ام زيد: كعدت على ريحة الجاي

:ابضحك
دام عطلت راح ادللكم يلا هسه كومي بين ما اكعد زيد

زيد: كاعد ميحتاج تجين

ريام: اختصرت عليه الطريق
سندت امي كامت غسلت وكعدنا كلنا سوا نتريك

زيد: اذا ماكو دولمة ماكو سفرة

ريام: انكمل ريوك ونبدا بيهاا

: عندي شغله كم ساعة و ارجع الكاكم امكملين

-ابحزن
هم شغل

: مجبور اكمل ما اريد اضيع تعب هاي السنين كلها

-شنو الجابرك

:بعدين اتعرفين يلا سلام

-سلام

:كملنا ريوك انطيت العلاج الامي ورحت للمطبخ
فرشت فرشة وخليت عليها الصوبة شديت شعري ابشال وبدات احفر الباذنجان و طماحة وبصل كملتهن بدات بالحشوة ثرمت بصل و طماطة وكرفس والحفر مال بيذنجان وخليت عليهن التمن ولحم مثروم ومعجون ودبس الرمان وزيت
اما البهارات كاري وبابريكا وبهارات الدولمة ولامندوزي وملح كملت وصحت امي اتساعدني بالف

: وين ماخذتني

-اتساعديني بالدولمة

:ياا وين بيه حيل

-ما اتعبج لا تبجين اريد بس لمساتج بالاكل حتى يطلع طيب يلا كعدي

:امكملة كلشي شسوي

- اتلفين وياي واحجيلج سالفة

:يلا

-خليت زيت بالجدر واعواد السلك واقراص بتيتا والضلوع بعدها الخضروات واخير شي السلك ...

:سالفتيش بس لا ضربتي واحد يم الفرن

-ابضحك
لا عيب يمه من اشوكت اضرب ولد الناس

:تربيتي وادري بيج

-هههههه
لا يمه البارحة راسلني واحد اول شي حظرته بعدين راسلني من حساب ثاني كال اريد احجي وياج

:بس لا ولد الكافتيريا

-لا يمه ذول ميكدرون ايرفعون عينهم ابعيني ادبتهم

:جا ياهو

-اصغير بالثاني متوسط

:امنين ايعرفج وشيريد منج

-حجيتله الصار ظلت تضحك عليه

:طفل لعب ابعقلج

-اي والله يمه خلاني ساعة ابجي ساعة اضحك ماحس ابنفسي اله اني طالبة عنوان بيتهم حتى ادزلهم اكل

:يمه انتبهي ترا الناس ماتنعرف لا اتصدكين بالينكال

-اي يمه بس من كال جوعان وماعدهم افلوس حزت ابخاطري

:كلبج طيب لا اتخلين احد يستغلة

-ان شاء الله يمه
كملنا كمت خليتا على النار وحضرت على صفحة مي خليت عليه خاشوكتين معجون وعفته شوي واخلي عليهن ...
استغليت الوقت التستوي بي رحت سبحت وحضرت ملابس الطلعة و لفراش النكعد عليه اهناك رجعت شفت الدولمة مبقالها شي وتستوي طلعت الكيكة سويتها على شكل قطع وخليتها ابوكس ورجعتها للثلاجة وبوكس ثاني للسلطة باوعت على وقت صارت بـ 12 رحت بدلت وكعدت انتظرة ...

ام زيد: ها يمه كملتي

-اي
عدت النص ساعة وشفت زيد دخل للبيت ركضت يم الباب مثل البنت المنتظرة ابوهاا ظليت اباوعلة ومبتسمة

زيد: اشبيج

:شنو

-رايده شي

:اشوكت انروح

-وين

:شنو وين مو كلت اخذكم للزوراء

-شوكت كلت

:التفتت على امي ابصدمة ورجعت باوعتله
لعد منو كال سوو الدولمة حتى من ارجع اخذكم

- بين ما اغير ملابسي اريد الغدا جاهز

: