حوراء المحمداوي ...❤️🔥
بقلمي رواية: « دلهم »
________________________
فزيت على صوت دكات خفيفة على باب غرفتي سحبت السجين من تحت المخدة وكمت ابتجاه الباب كتمت صوتي وبقيت اتسمع حديثهم المتقطع ابسبب الشرب مرت ثواني وزادت دكات الباب ومحاولة فتحة فجأة سمعت صوت زيد ...
زيد: شـ شسوون ا اهـ هناا
-انـ انريد نـ نـ نشـرب مي
زيد: تـ تعـ تعالو مـ منا
ريام: اتنفست ابأريحية واني اسمع خطواتهم تبتعد عن باب غرفتي بقيت كاعدة ابمكاني والسجين بيدي خايفة لا ايغافلون زيد ويرجعون ابأي لحظة ...
مرت ساعات ودك منبه فوني باوعت على الوقت بـ 5:30 غلقت التنبيه وتوجهت للشباك فتحتة ومديت ايدي اقيس حالة الجو كان بارد مصاحب لقطرات الندى سديت الشباك ورحت للكنتور اباوع على ملابسي اليوحدهن اللون الاسود سحبت بنطرون وهاينك وقمصلة جلد خليتهن على الجرباية ...
التفت على باب ومشيت ابخطوات هادئة مترددة خليت السجين كدامي وطلعت باوعت ابأرجاء البيت مالكيتهم فتحت باب الاستقبال شفت زيد نايم ويمه ابطالة الشرب غلقتة ابهدوء ورحت اتوضيت ورجعت الغرفتي كملت صلاتي لبست ملابسي وحضرت الملازم الاحتاجهن وكفت يم المراية خليت مكياج اخفي لون وجهي الباهت ابسبب قلة النوم دقايق وسمعت رنين الفون كان اتصال من ابو الخط اخذت جنطتي وملازمي وطلعت ...
ريام: صباح الخير
-صباح النور
ريام: صعدت بالاخير فتحت شوي من جامة السيارة لبست الهتفون بقيت اتبع الطريق الى ان وصلت للجامعة ...
اتمشيت ابممرات الجامعة استمع الضحكات وسوالف البنات حسيت بالشعور الفاقدته طالما اتمنيت اتكون عندي اخت او صديقة اشاركها اليدور ابالي بس خوفي كان يمنعني من الاقتراب منهن كل مرة احاول بيها اكسر الحاجز الكه نفسي مبتعدة الف خطوة يمكن خوف او قلة ثقة او يمكن ابسبب خجلي من اهلي ، كل تجمع ينذكر بي الاهل اسمع تفاخرهن ابألهن و سوالفهن عن اخوانهن التتسم علاقتهن بين الزعل و الصلح ايحز ابخاطري ويجبرني ابتعد عنهن
صعدت القسمي متوجها الاخر استول بالقاعة خليت كتبي وبقيت كاعدة انتظر دخول الدكتور ...
التفتت كدامي صارت عيني ابعين مريم
ابتسمت ابوجهي بادلتها الابتسامة مجاملة
ودنكت على ملزمتي حسيتها امثبته نظراتها
وياي قطع صفنتها صوت زميلتها ريتاج الدخلت ابغضب رفعت راسي اتسمع الكلامهن المايفشل ايضحكني …
: صباح الخير
-صباح النور
ريتاج:لج بومة صار ساعة منتظرتجج بالكافتيريا وانتِ
باقيه اهناا
مريم: ابو الخط اتأخر عليه مصار كم دقيقة
من دخلت للقسم ما تسوى انزل
ريتاج: تمام هل مرة سماح
مريم: قلبج ابيض طالعة عليه
ريتاج: كافي صبغ مو كتلج هل مرة سماح
مريم: احب اليفهمني
ريم: دخول د.محمد للقاعة بي رهبه مجرد انشوفة
الكل تركض تكعد على الستول ومحد يتجرأ يضرب
محاضرة من محاضراته عم الصمت وكان صوته الصوت الوحيد اليملئ القاعة ...
د.محمد: صباح الخير طلاب
- صباح النور
: ببتسامة
حضور جيد كالعادة احسنتم
محاضرتنا لهذا اليوم محاضرة تكميلية لما شرح سابقا
ومن كان متغيب فقد نصيبه من العلم ...
ريام :بدا الدكتور يشرح المحاضرة فتحت تسجيل و
نصبت كل تركيزي ويا احاول قدر الامكان استفاد من المعلومات اليقدمها النا ...
::: ادهم ......
ادهم : جهزت نفسي مثل كل يوم متوجه للجامعة اخذت محفظتي وسلاحي ونزلت جوا
مريم: صباح الخير
-صباح النور
ما اوصيج ممنوع اتقربين مني لو اتكولين اتعرفيني
: يووو الف مرة نبهتني كلمن ايروح للجامعة وحدة ويرجع وحدة ممنوع اجي يمك ممنوع اذكر اسمك ممنوع اخلي احد ايحس نعرف بعض ...
عندك طلبات ثانية ؟
-لا
:تمام بس مر القسمي
- وتكوولين فهمتك !
:صار شهرين من داومت ما مريت القسمي
-مجاي العب كتلج ميصير احد يعرف احنه نعرف بعض ولا سبب تواجدي اهناك
:سوي نفسك متعرفني ادخل القسم التحليلات القي نظرة على طلاب المرحلة الاولى ورجع الشغلك لو متريد تعرف اني ويامن اداوم ويمكن تلكى ابقسمي الدور عليهم
-تمام امرلج بس هاي اول واخر مرة
:متفقين سيادة الضابط
-خايف من السانج راح ايخرب كل شغلي
:ههههههه لا آمن اصلا اني ابخدمة الوطن
-هو هذا المخوفني
:يلا رايحه لا تتأخر
-انتبهي النفسج ولو المفروض اوصي الطلاب ينتبهون منج مدري اشلون متحملينج
:اجاني الخط سيادة الضاابط من ارجع نتفاهم
-هههههه ماشي
مجرد طلع خطها طلعت وراها للجامعة ابدا دوامي كاضابط متنكر ابشخصية طالب جامعي ...
نهيت الاتصال وي الفريق طبكت سيارتي بالكراج وتوجهت للتفتيش طلعت هوية الجامعة كدرت احصل عليها ابمساعدت العميد شوفتها للامنية سمحولي ادخل ...
باوعت الاحد الحرس الزرعته ضمن الامنيه بادلني
النظرة اخذت هويتي وتوجهت الاحد الابنيه التسلمت مراقبتها اما باقي الابنيه وزعتهن على اثنين شباب وبنات من المركز الاداوم بي ايساعدوني ابهاي المهمة كل واحد اله بنايات محددة كل يوم يفتر عليهن محاولة كشف المروجين وبائعين المـ/ـخدرات داخل الحرم الجامعي ...
حجيت وياهم ودخلنا نبدا رحلتنا الاستكشافيه نفتر على كل شبر بالجامعة كافتيريا اقسام حمامات وو
باوعت على وقت انتهت المحاضرة الاولى اتجهت القسم التحليلات انفذ طلب السلطانة مريم ...
صعد للطابق الموجود بي قسمها قبل لا اوصل للقاعة
وصلتني رسالة من مؤيد دنكت ارد عليه وستمريت
ابخطواتي ما انتبهت للكدامي فجأة انضرب ابشي
ريام :خلصت المحاضرة سديت الملازم وخليتهن على استول لبست الهتفون وطلعت من القاعة اتجنب الاختلاط وي طلاب قسمي ابوقت الريست ...
مشيت بالممرر امدنكة على فون ادور شي اشغلة فجأة اردمت ابشخص او وكع الفون من ايدي دنك شاله ونطانيا
ادهم: آسف خوما اتأذيتي
ريام: اخذت الفون منه وكملت طريقي بدون ما ارد
ادهم: اخذت فونها وراحت بدون متحجي شي بقيت اباوع الاثرهاا صعدت للطابق الثاني بدون ما تلتفتلي
كملت طريقي دخلت على قاعة مريم اول ما شافتني ابتسمت متأكد اذا ابقى ثانية راح تفضح امري طلعت من القاعة افتريت بالممرات ودخلت باقي القاعات و حمامات الشباب احاول اقرب سمعي من اي تجمع مجرد اسمع موضوع عادي اتركهم كملت الطابق وقررت اصعد للطابق الفوك افتر ع ممرات و القاعات ...
قبل لا انزل صارت كدامي نفس البنت كانت واكفة بالزاوية ابصف الشباك وساندة راسها على حايط خطيت اول خطوات ابتجاهاا وتوقفت اذا رحت يمها اشراح اتكول عفتها ونزلت جوا اكمل تفتيش اباقي الاقسام ...
ريام :خلص وقت الريست ونزلت القاعتي وصلت الاخر بايه شفت نفس الشخص النضربت بي جاي ينزل جوا صفن ابوجهي اتجاهلته ورحت للقاعة اكمل باقي
المحاضرات انقبض كلبي من سمعت انتهت اخر محاضرة صار الوقت الارجع بي السجني لميت ملازمي
ونزلت للخط وصلني بالبداية ...
نزلت اتمشى ابخطوات بطيئه رفعت راسى على تصميم البيت الفاخر و المنطقة الهادئه ابتسمت بوجع ودخلت جوا ...
باوعت ابرجاء البيت مالكيت زيد اتنفست ابأريحيه ودخلت غرفتي قفلت الباب ورحت للكنتور اطلع ملابس ...
ام زيد: ريااام يمه ريااام
ريام: هاا يمه
-تعاي
:طلعت من غرفتي متوجها الغرفة امي لكيتها كاعدة بالكاع ومبين على وجها التعب
اشبيج
-يمه سنديني مابيه حيل اوكف
:سندتها وكعدتها على جربايتها باوعت بالغرفة ادور على العكازة التسند روحها بيها مالكيتها
-يمه لا اتعبين نفسج ما تلكيها
: ليش! ؟
-اخوج راد ريوك ومابيه حيل اكومن كتله انت سوي ماكدر اتعصب عليه اخذ العكازة وطلع
:ابغضب
على يوووم اخذذذ روحه هل كلببب
زيد: روووح منووو التاخذيينها حقييرة
:مثل الشيطان يظهر بدون ما ندري
ام زيد: يمه سكتي وتچفي الشر
ريام:
زيد: ولييي سويلييي اكل جوعاان
ريام: راح اطلب من المطعم ما امسوين شي
زيد: وجودج عاله علينا بدون فايدة
ريام: رحت الغرفتي بدون ما اهتم الكلامة اتصلت على ابو المطعم ايجيبلنا غدا سديت الخط وطلعت
اتوضيت وصليت وبدات اجهز الصينية و المواعين اعزل الي والامي اما زيد ياكل وحدة بالاستقبال
نص ساعة او وصل الطلب طلعت استلمتة منه ..
زيد: شكووو طااالعة شنوو مااكوو رجاال بالبيت
-ضحكت بستهزاء ورحت للمطبخ عزلت اكله وديتها اله للاستقبال ورجعت اخذت الي و الامي ..
ام زيد: يمه لا تهتمين الكلامة
ريام: كملي اكلج وخل انطيج علاجج
-ادري بيج متوجعة ومحاملة للبيت ولا البي بس يا بنتي صبري عسى وان يجي اليوم التتحررين بي من قيودنا وعيشتنا هااي
:خايفة
-من شنو
:خايفة اتحرر من سجنكم وادخل سجن ما اله نهاية ساعتها راح ينحكم عليه بالموت
- « لاَ يُكَلِّفُ اللّهُ نَفْساً إِلاَّ وُسْعَهَا »
خلي ثقتج ابربج قوية الله ما ينطي الصعب اله العبده القوي وانتي كد هذا الاختبار وراح يجي يوم وينتهي وتبدا سعادتج خليج واثقة ما تصعب دوم
:صارلي اشكد اسمع منج هاي الحجاية كليلي اشوكت يخلص هذا الاختبار بعد يوم شهر سنة خمس اسنين عشرة انطينيي مووعد اريد اخلي املي بيي خل اكول بقى هل كد واخلص من سجني اريد امل ايخليني اتمسك ابهل دنيا
-وجودي ما ايخليج تتمسكين ابهل دنيا
:مسحت ادموعي وأردفت ابحزن
هو شنو المصبرني غيرج
-لعد صبري وادعي ربج ما يترك عبده
:اخاف ربي مايسمع دعائي
- « وَقَالَ رَبُّكُمُ ٱدْعُونِىٓ أَسْتَجِبْ لَكُمْ »
اليسمع دعاء النملة اتظنين ما يسمع دعائج ادعي مرة وثنين والف لحي ابدعائج ربج ايحب العبد الحوح
:يمه البيت الما ادخلة الملائكة اشلون ينسمع دعائهم بيتت ما يخلي من المحرمات وكلشي يغضب ربي كدرت التزم ابصلاتي وقراءة القرآن غصبا عن زيد بس احس نفسي ثكيلة اشلون الزم شي مقدس ابمكان نكس
زيد: حمديي ربج على هاي العيششة نسيتي خواالج التبررو منكمم لوو عمامج الشمررو غراضج وغراض اممج بالشارع بنصاص الليالي
ريام: ابسبببك وبسببب ابوووك هييج صار بيناا لكك صرت احس نفسي نجسه ابسبب الحرام العايشين بي
زيد: انقلعييي طلعييي برااا البيييت وشتغلي الشغلة التجيييبلج الاكل بالحلااال مراااح امنننعج
ريام: صبر ماظل شيي واخذ امي وروح
زيد: امج ما الهااا طلعة من هل بيت تردين اتولين ولي وحددج
ام زيد: كافي يمه تعببتووو گلبي بحجييكم
زيد: وعي بنتتتج خل تعرف قيمة الحياة العايشتهاا
ريام: عننن يااا حياااة وياا عيششه تحجييي الخووف الرعبب الحررااام الهررروب التخفييي لووو شنووو
زيد: اعرف شنو دواج
ريام: سحبني من ايدي حاولت افلت روحي منه ماكدرت اخذني سحل وشمرني بالمخزن وقفله عليه المخزن اصغير ومليان صناديق والباب من النوع المابي جام مجرد ينغلق الباب ايسيطر الظلام عليه
اسمع صوت امي اتصيح عليه بس بدون فايده ثواني وطفه الضوء صار المكان اظلم ماشوف شي ركضت على باب وظليت اصيح ...
لككك زيدددد افتتتح الباااااب زيدددد
ام زيد: يمه افتحه تدريي ابأختك اتخاف من الظلمة
زيد: قسم باااالله اااذاا وصلتييي ناااحية المخززن اااله اشمررج وياااهااا
-لا تسوي هيج امشي افتحة لا ايصير بيها شيي
:المفتاح يمي عود من ارجع اقرر
وصلت يم الباب ورجعت
ايااج اتحاولين اتفتحين ثقي راح تجنين على حياتها
- ابني وادري بي من ايكول شي ما ايثني اخذت عكازتي سندت روحي عليها ورحت يم باب المخزن ..
يمه هاي اني يمج لا اتخافين
ريام: يمه فتحيي ماكدر اتحملل بعد راح امووت
:ابحزن
اخوج اخذ المفتاح وطلع وحذرني ما احاول افتحه
-حسيت النفس ينسحب مني سندت جسمي على باب و خليت ايدي على صدري اهدء نبضات گلبي اباوع بالعدم صار كدامي وجه حامد وبدا يتقرب عليه ...
لاااا حاااامدد
:: ثبتو وجودكم ابتعليق + تصويت ...
:: متابعة الحساب HORE_th99 ...
يتبع ... 🔥