: ئەوە ئێستا تەنها پێویستی بە ڕەزامەندی ئەدمڕاڵ'ە
نایهۆنگ: زۆر سپاس
بەڕێکەوت بەرەو ئەو شوێنەی ئەدمیڕاڵەکانی لێیە و
چوار ژوری لێبوو کە هەر یەکەو هی ئەدمیراڵێک بوو دینار نامجون قەرە هیونجین کوپ ڕۆزی سینەک جیمین
تایهۆنگ لەدەرگای ژوری ئەدمیراڵ نامجونیدا و کە ڕێگەی پێدا بچێتە ژورەوە
تایهۆنگ خۆی چەماندەوە
تایهۆنگ: من هاتووم تا ببمە پاسەوانی شازادەکان
نامجون سەیری پەڕاوەکانی کرد بە ئەنقەست کتێبێکی ئەو ڕەفەیەی بەردایەوە کە لە دواوەوەی تایهۆنگ بوو
خۆشبەختانە پێش ئەوەی بکەوێتە سەر ئەرزەکە تایهۆنگ گرتیەوە و لە ڕێگەی هەواییەوە خستییەوە شوێنی خۆی
نامجون: سەرنجدانت باشە
هێشتا چاوی لەسەر پەڕاوەکان بوو سەری بەرز کردەوە و بۆ ساتێک سەیری ناوچاوی تایهۆنگی کرد
نامجون: چیت بینی لە ناو‌مێشکم
تایهۆنگ: ئەو ڕق و کینەیەی بەرامبەر خواردنی بێ خوێ هەتە
بە ئاسایی وتی
نامجون زەردەخەنەیەکی کەمی کرد
نامجون: پیرۆزە لە سبەینێوە پاسەوانی شازادەکانیت
مۆری لەسەر پەڕاوەکان کرد
تایهۆنگ: کامە شازادە
نامجون: هەرکامێکیان چونە دەرەوە لە کۆشک بەڵام لەناو کۆشک نا چونکە پاسەوانی تایبەتییان هەیە
تایهۆنگ: زۆر سپاس گەورەم
خۆی چەماندەوە
____
__
____
ئاھ ئەمڕۆ دەستپێکێکی نوێیە لە شانشینی فریمێست بۆ تایهۆنگ
چونکە لەم ڕۆوە وەک پاسەوانی شازادەکان کارئەکات
وە لەبەر ئەوەی پاسەوانە، ئەبێ لە کۆشکی شاهانە بژی بێگومان شوێنی خزمەتکارەکان ئەڵێم
هەر لەبەر ئەوەش دوێنێ شەو جل و کەلوپەلەکانی لە ماڵی قەرە دۆنگ کی'ەوە هێناوەتە ئێرە بۆ ژورێکی بچوک کە بۆ شوێنی خەوتن و پشودانی تایهۆنگە
ئێستاش تایهۆنگ جلە فەرمییەکانی پۆشیوە و بە پەرۆشەوە چاوەڕێی ڕێنمایکارەکەیەتی کە ئەمڕۆ شوێنەکانی پیشان ئەدات و کەسەکانی پێئەناسێنێت و یاسا و مەرجەکانی کارەکەی
لەکۆتاییا ئەو کەسە هاتە ژورەوە کە تایهۆنگ چاوەڕێی بوو
: ئامادەی دینار تایهۆنگ
تایهۆنگ: بەڵێ
: کەواتە با بڕۆین
ڕۆشتن و بە شوێنەکاندا ئەگەڕان کە پێویست بوو تایهۆنگ بیزانێت
وە هەر کەسێکیان پێئەگەیشت ناو پێگە و هێزی ئەو کەسەی پێئەوت
وە شتێک کە زۆر جەختی لەسەر ئەکردەوە ئەوە بوو کە هەر شازادەیەک لە دەرگا بچێتە دەرەوە پێویستە ئەگەر پاسەوانی تری لەگەڵ نەبوو ئەوا ئەبێت تایهۆنگی لەگەڵ بێت
ئەگەر نا سزایەکی توند ئەدرێت تایهۆنگیش زۆر بە وریایی گوێی بۆ هەموو شتێک ئەگرت کە لەدەمی ئەهاتە دەرەوە وە کاتەکەش نزیکی ئێوارە بوو بوویەوە
: وە کۆتا شوێنیش ئێرەیە کە پێویستە نیشانت بەم ... شوێنی ڕاهێنان کردن ئێرە شوێنی ڕاهێنان کردنی بنەماڵەی شاهانەیە لاکەی تریش هەندێک جار ئەدمیڕاڵ و کیبۆکای'ەکان ڕاهێنانی تییا ئەکەن
تایهۆنگیش بە وردی سەیری شوێنێکەی ئەکرد ئەو کەسەی کە لەوێ ڕاهێنان ئەکات وادیارە پاشایە
بەڵام بۆستە شتێکی نامۆ هەیە لێرە بەڵێ زۆر نامۆیە
تایهۆنگ: ئـ ئەمە چ دۆزەخێکە
لەژێر لێوەکانیەوە وتی کە بەڕادەی دۆزەخ شۆک بوو بوو هەم ترسابوو
ئەو شتەی هۆکاری ئەم ترس و شڵەژانەی تایهۆنگ بوو
ئەوە بوو کە پاشا بە باڵە ڕەساسیەکانییەوە خەریکی فڕین بوو ئەوەی سەیرە ئەوە نییە
بەڵکو ئەوەیە کە بە دەستێکی کۆنتڕۆڵی هەندێک شتومەکی کردووە شێوەیان ئەگۆڕێ و بە دەستەکەی تریشی کۆنتڕۆڵی ئاگرێک ئەکا
: شتێکت وت
تایهۆنگ کەمێک خۆی ئاسایی کردەوە بەڵام هێشتا شڵەژاوییەکەی پێوە دیار بوو وتی
تایهۆنگ: ڕاستە پاشا هەر چوار هێزەی بنەماڵەکانی هەیە
سەیری پاشای ئەکرد کە خەریکی ڕاهێنان کردن بوو
کەسەکە بە نەوعێک سەیری تایهۆنگی کرد و دواتر زەردەخەنەیەکی کرد
: بەڵێ هەر چوار هێزەکەی بنەماڵەکان و تەنانەت سێ لە هێزی پلەبەرزەکانی هەیە ... هەر لەبەر ئەوەشە تەنها پاشا ناوی جۆکەر سیۆنگهۆ'یە سەرت نەسوڕمێ کوڕە
جەختی لەسەر کۆتا ڕستەی کردەوە و
تایهۆنگ زەردەخەنەیەکی سەرکەوتنی کرد چونکە تایهۆنگ ئەو هەستە شۆک و ترس و شڵەژانەی لە مێشک و چاوەکانیدا بوو توانی بیشارێتەوە و
لەجیاتی ئەوە تەنها ئەوە دەربخات بۆیە ئەوەی پرسیوە چونکە ئەوە یەکەم جارە پاشای بینیوە و ویستوێتی دڵنیا ببێتەوە لەوەی بیستویەتی دەربارەی پاشا و
کەسەکەش تەنها ئەوانەی بینیوە ئەمەش ئەو فێڵەی بەڕێز دۆنگ کی'یە کە تایهۆنگ هەمیشە هەست ئەکات لێی ئەکات
بەڵام لەسەرو هەموو ئەوانەشەوە هێشتا تایهۆنگ شۆک بووە جگە لەو هەموو پرسیارەی ناو مێشکی تەنیوە
-------
ڕۆژەکە تەواو بوو وە هەروەها نانی ئێوارە خورا و ئێستا کاتی پشودانە و هەمووان لە ژورەکانیان خەریکی پشودانن و
تایهۆنگیش لەنێو ژورە بچوکەکەی خەریکی ڕێکخستنی ئەو زانیاریانەیە کە ئەمڕۆ وەریگرتوون
تایهۆنگ: باپیرەی شازادەکان سێ منداڵی هەیە .. پاشا .. براکەی کە دووەم منداڵە ..وە خوشکەکەی کە بچوکترینیانە ..
کاری من بەسەر ئەم سێیەوە نییە .. کاری من شازادەکانە ...... بەڵام بۆستە بۆ ئاسنترکردنی کارەکە بە ژمارە ناویان دائەنێم لە پاشاوە کە یەکە ....
ئێستا سەرەی شازادەکانە، پاشا 1 یەک منداڵی هەیە 1-1 قەرە ئۆن جوو ..
برای پاشا 2 مناڵی یەکەمی 2-1 کوپ هۆسۆک و مناڵی دووەمی 2-2 دینار سیۆک جین ..
خوشکی پاشا 3 مناڵی یەکەمی سینەک جیمین 3-1 مناڵی دووەمی سینەک جێنی 3-2 ..
بەڵێێێ ئێستا وادیارە کوپ هۆسۆک هێزی دایکی و دینار سیۆک جین هێزی باوکی وەرگرتووە کە برای پاشایە
وە سینەک جیمین و سینەک جێنی'یش هێزی باوکیان وەرگرتووە ئاااا وادیارە خوشک و برای پاشا هەردوکیان دینار'ن
وە کۆتا کەس قەرە ئۆن جوو کە هێزی دایکی وەرگرتووە ...
با ئێستا گومانلێکراوەکان جیابکەینەوە .. سینەک جیمین هەرگیز گومان لێکراو نییە چونکە یەکێکە لە ئەدمیڕاڵەکان ..
وە قەرە ئۆن جووش ناکرێت هێزی نەبێت چونکە ئەو کوڕی پاشایە ...
واتە ئەوانەی گومانلێکراون 2-1 و 2-2 و 3-2 کوپ هۆسۆک دینار سیۆک جین سینەک جێنی ئەو سێ دانەیەن
پشتی بە دیوارەکەی پشتیەوە حەساندەوە و سەیری سەقفەکەی ئەکرد
هەناسەیەکی بێزاری و بێ ئومێدی دایەوە و وتی
تایهۆنگ: لە چ گێژەڵوکەیەکی نەفرەتی دام
کەمێک بەوشێوەیە مایەوە بەڵام داچەڵەکی بەهۆی ئەو تەلیسمەی کە بە مێشکیدا ڕۆشت ...
ناکرێت ئەوەی لەبیر نەمابێت کە لە بەیانیەوە مێشکی خواردووە
تایهۆنگ: باشە ئەوە چ نەفرەتیەک بوو ... پاشا هەر چوار هێزەکەی هەبوو ڕێک وەک من
تەنانەت من لەو بەهێزترم چۆن شتی وائەکرێت ... من نازانم ئێستا سەرم لێتێکچووە
بە نائارامی بەناو ژورەکەیا ئەگەڕا
بەڵام لەپڕ وەستا
تایهۆنگ: دەی کیم تایهۆنگ ئارامبەوە با ئێستا کەمێک ئەو شتانە شیبکەینەوە کە پەیوەندیدارن پێوەی ...
ئەگەر سەیر بکەین لێرە هەمان سیستمی ئەو یارییە پەیڕەو ئەکرێت کە لە جیهانی مرۆڤەکان ئەکرێت و پێی ئەوترێت کۆنکەن ...
بنەماڵەکان هەر چوار هێماکەکی ناو ئەو یارییەیان هەیە
ئەگەر سەیری ناوەڕۆکی یاریەکە بکەین
کارتێکمان هەیە لەنێو یارییەکە کە پێی ئەوترێت جۆکەر کە لەگەڵ هەر یەکێک لەو هێمایانە داینێین ئەگونجێت و مشکیلەمان نییە ...
لێرەش پاشا هێزی هەر چوار بنەماڵەکەی هەیە و بەوە پاشا لە خەڵکی بنەماڵەکان جیائەکرێتەوە
و تەنها ئەوە کە ئەو هێزەی هەیە هەر بەهۆی ئەوەش لەجیاتی ئەوەی لەپێش ناوەکەیەوە سینەک کوپ قەرە یان دینار دابنرێت جۆکەر دائەندرێت
هەر وەک چۆن ئەو کەسە وتی جۆکەر سیۆنگهۆ .. بەڵام بۆچی هەرگیز قەرە دۆنگ کی هیچی دەربارەی ئەوە پێنەوتم
کەمێک وەستا
تایهۆنگ: چی ئەگەر .. جۆکەر تایهۆنگ
بـــەردەوامـــە