محمد يفكر الا جته امه
جته بخاطرها حكي :
محمد ولدي ..
التفت محمد :
هلا يمه
ام محمد :
يا ولدي تب لله خلوا
هالبنت بحالها كل من يعز
عليها مات ارحموها
محمد تردد :
يمه..
ام محمد :
اعرف انك تبي هالبنت لزواج
من سنين بس طرايقك هاذي
ما تخليها تلين لك او تودك
عمها امير هو العدو لها
بذا الدنيا ويوم انك بصفه
وخذيت من طبعه بتشوفك
زيه بضبط وبتكرهك
محمد مسك على يد امه :
يمه لا تخافين ماني مسوي
لها شيي
ام محمد :
ودي يا ولدي ودي .
طلعت امه
الا جاء محمد اتصال
ومكتوب على شاشة الجوال
(امير)
تضايق شوي محمد
رد :
نعم امير
امير بعصبيه :
براء عندك ادري جبه لي بسرعه
محمد :
اجيبها !
امير طال صوته :
هذا اتفاقنا نسيت
تجيبها و انا ازوجك بها
محمد :
واذ ما جبتها
امير :
وش تقصد ليكون صرت
طيب وحنيت عليها بيوم وليله
محمد :
لا
امير :
جبها وخلصني الحين
قبل..
محمد استغرب :
قبل وش..
امير :
قبل يروح علينا الوقت وتهرب
محمد :
ماتوقع تهرب
امير :
بتهرب لعشيقها ولد جبران
محمد :
هي هربت منه وجت تحت ظلي
امير :
مستحيل !!
__
محمد :
هو طردها
امير :
طردها ..
محمد :
ايه الحين هي صحت من
حبها له وعرفت طريق الحق
امير مصدوم :
صحت..
محمد :
ماني جايبها لك براء بتكون
تحت حمايتي
امير صاح :
اتفاقنا وين راح هااه
صدقني ماراح اخليك تتزوجها
لو ما جبتها
محمد تنهد :
صح عندي رغبه اني ابي اتزوجها
بس ماهي مهمه الحين خلها
تختار الطريق اللي هي تبيه
خلنا نفك قيودها
امير عصب :
اكيد شيي ضرب راسك
انت ماهو محمد اللي اعرفه
محمد :
اشتركت معك باشياء سيئه
واجده بس لاني ابي براء
بس براء انسانه بريئه يوم
شفت حياتها قدامي وكيف
قتلت عمتها قدام عيونها
بدون اي رحمه
صاح امير :
صدقني الدنيا ما تخضع
لضعيف ارجع محمد
اللي اعرفه ولا..
محمد :
ولا وش.. و براء
ماني مرجعها لك
صاح امير :
امك اغلى ما تملك يا محمد
صدقني بسوي بها نفس ماسويت
ب امنه
محمد انقهر :
الا امي يا امير لا اخليك تبوس
نجوم الليل من قو اللي بسويه
بك لو فكرت تقرب منها احذرك
امير :
براء بكره بتكون عندي ولا..
محمد :
انت ضعيف يا امير ما عندك
غير التهديد والعضلات الفاضيه
اللي بضلوعك
امير بقهر :
هين يا محمد ..
قفل الخط .
__
بدر منهار لآخر شيي وكيف
يذكر قساوته مع براء
ماتوقع ابد يجي اليوم اللي
يعاملها كذا :
اسف براء ..
طاحت دمعه من عينه .
جاءه عايض :
لازم نلقى براء ولا امير
او محمد يستغلون هالضعيفه
عشان مصالحهم
براء بنت طيبه ما تستاهل اللي
يصير بها
قام بدر بعصبيه :
مستحيل تطيح بيدين هالثنين
لا اخلي قيامتهم تقوم
عايض :
خلنا نتحرك الوقت ضيق بالحيل .
قصر الأشهم :
بدريه تنتظر سلمى تجي للقصر
من وقت
من بوابة القصر دخلت سلمى
بغرورها وثقتها بنفسها
بدريه شافتها من وراء قزاز
الدريشه انتفضت بسرعه
وصارت تركض من الدرج وطلعت
من الباب ووصلت قدام سلمى
وجه لوجه
ابتسمت سلمى :
هلا بدريه حيل اشتقت لك
بدريه معصبه منها رفعت
يدها وعطتها كف قوي على
وجها خله يطير بالهواء
سلمى عصبت :
شلون تتجراين وتمدين يدك
بدريه بقهر :
بكسر راسك بعد
سلمى استغربت وعصبت :
بك شيي انتي..
صاحت بدريه :
ليه تشوشين بدر على براء هااه
انصدمت سلمى .
طلعت امل على اصواتهم :
وش بلاكم انتم ..
بدريه طال صوتها :
بدر عمره ماراح يحبك
مهما سويتي فلا تتعبين
نفسك هو يحب براء
بس .
سلمى عصبت وتبي تطلع
كل شيي محجور بقلبها
صاحت :
بدر يحبني بس هو مخدوع
بدريه استغربت :
مخدوع ! .
__
سلمى تقدمت وعيونها ل امل :
ايه مخدوع ..
صاحت :
مخدوع .
بدريه التفت وتناظر لها بستغراب
هاذي وش وضعها !
سلمى دارت ل بدريه :
حتى انتي مخدوعه بهم
بدريه :
بهم !
سلمى بكبرياء :
براء تخدع بدر طول هالوقت
انصدمت بدريه :
تخدعه!
سلمى :
اوو..
مدت عيونها ل امل :
و امها تخدع ابوه
امل انصدمت حييل
تراجعت وقلبها يضرب
بقوه
هاذي تعرف اني..
بدريه :
وش تخبطي به انتي !
لفت سلمى بقوه ل بدريه :
هاذي ماهي خالتك الطيبه
امل ..
هاذي بالحقيقة علياء ام براء
بدريه بصدمه قويه :
اام براء ..
سلمى :
ايه امها
بنتها تخدع ولده وهي تخدع
الأبو
هاذي هي اللعبة بوضوح
امل تماسكت اعصابها
هاذي شلون عرفت اني علياء
سلمى صاحت :
سمعتها وهي تسولف بغرفتها
عرفت كل شيي بس اللي
ما عرفته كانت تكلم احد وقتها
بس منهو ما ندري يمكن امير ..
علياء زادت صدمتها ومسكت
على قلبها وهو يضرب بقوه
بدريه من قوة الصدمه انهارت
سلمى لفت ل علياء :
تحسبون ما احد يكشفكم
انتي و بنتك بس انا كشفتكم
علياء غمضت عيونها وتمالكت
اعصابها
جاء شخص و رفع بدريه
المنهاره مدت عيونها اللي
مليانه دموع بغصه :
عايض..
حضنت بدريه عايض
اللي طلع فجأة وهو مصدوم
بحقيقة أمل وهويتها الحقيقية :
امل هي علياء ام براء مستحيل
سلمى تناظر لعايض :
الله جابك يا عايض عرفت الحين
ليه بدر تغير على ذيك البنت
لانه كان مغمي عليه بحقيقتها
انخدع بوجها الحلو البريء
عايض مصدوم :
لاا مستحيل ..
__
علياء اظهرت شخصيتها القويه
والهادئه تقدمت ل سلمى
وهي معصبه عليها وعيونها
مليانه حقد لها
علياء بعصبيه :
انتي.. انتي اللي خربتي
حب بدر ل براء صح
سلمى طال صوتها :
انا اصحيه من الوهم
اللي عايشه
علياء رصت يدها بعصبيه :
انتي وقحه وقليلة ادب
صاحت سلمى :
ايه ايه طلعي حقيقتك يا
زوجة ادهم الادهم اللي عمي
يكرهه ويعتبره عدوه اللدود حتى
بعد موته
علياء تحاول تمسك اعصابها تنهدت :
انتي مريضه تلاحقين واحد مايحبك
سلمى :
يحبني وغصبن عنك انتي و بنتك
الرخيصه..
بعد كلمتها هاذي جاها كف طير
وجها طاحت على الارض من قوة
الضربه
طارن عيونها وهي تتألم الا شافت
قدامها بدر بكبريائه وشموخه
معصب عليها وده يقطعها
قطعه قطعه صاح بوجها :
لسانك القذر هذا لا يجيب
اسم براء حتى لو تبين تفرقينا
مستحيل احبك تفهمين .
علياء ناظرت ل بدر
بضيقه :
ولدي بدر اسفه على
كل حقد وكره بقلبك لي
بس براء مالها اي ذنب
وما تدري اني امها للحظه هاذي
بحياتها كلها مالقت الأمان والحب
بس انت عطيتها الأمان و الحب
اللي ما يشترن بكل فلوس الدنيا
عمها استغلها بس عشان الورث
والفلوس هي مالها ذنب هي
بريئه .
بدر بضيقه نزل رأسه :
ادري..
جت علياء قدامه :
طول هالسنين اللي فاتت
كنت تشوفني مثل ابوك وقشر
بس والله ياولدي اني احبك
انت و بدريه نفس براء
اخاف عليكم و افكر بكم
براء ما تستاهل اللي يصير بها .
بدر تضايق :
براء اختفت..
علياء جتها صدمه قويه .
__
علياء خنقتها العبره :
بنتي وينها ..
سلمى قامت معصبه والدمعه
بعينها :
بدر تضربني عشانهم
بدر :
اكسر راسك بعد
سلمى بقهر :
هين يا بدر هين
الا طلع جبران صرخ :
وش هالاصوات اللي واصله
لآخر القصر !
سلمى من شافت عمها
ركضت له وصارت تتمسكن
مثل عادتها الوضيعه :
عمي شفت بدر مد يده
عليي ضربني عشان بنت ادهم
طارن عيونه :
ضربك !
سلمى :
عمي شفت زوجتك هاذي
هي نفسها علياء مرت ادهم
عدوك ، دخلت حياتك
بس عشان الانتقام .
جبران تمالك اعصابه
وسكت
صاحت سلمى :
عمي اقولك هاذي علياء..
صرخ :
اسكتي
الكل منصدم وينتظر جبران
وش بيسوي .
جبران تقدم ل علياء
علياء اللي كانت قويه وهاديه
وماهي مهتمه لرد فعله مهما
كان
جبران صار يناظر لها وضحك
ضحكه هستيريا غريبه
علياء عصبت :
ايه علياء وماني امل المراة الخادمة
الضعيفة عندك
خذيت هالشخصيه بس عشان ما احد
يتعرف عليي
جبران :
وغيرتي ملامح وجهك اللي كنت احبهم
عشان ما اتعرف عليك
علياء انصدمت وغضبت بنفس
الوقت .