انتي جمالك بيت قصيد يكتبه بدر ويغنيه ابو نوره..

البارت خمس وعشرين :(اعتراف)

يوم كان بدر مضايق حيل ويذكر ماضيه
قدام شبة النار و بقلب الغابة

جته براء فجاة انصدم من شافها
وحاول يخفف توتره :
براء من متى و انتي هنا ؟
براء قربت له وهي تضم الجاكيت
لها :
من شوي يا بدر

بدر حاول يرجع مكانه ويجلس يستعيد
توازنه ما يبي يبين ل براء شيي :
براء قربي لنار الجو بارد
جت براء و جلست جنبه ابتسمت :
حلوه النار تدفي و تشرح الخاطر
بدر :
ايه
براء تنهدت تحاول تشم نفس
و تخرج الأيام السيئة اللي بقلبها

بدر يناظر لها بإبتسامه :
تحسنتي براء ؟
براء وهي تحط عيونها بعيونه بإبتسامه
تنبض بسعاده :
تصدق ماتوقعت هالمكان ينسيني
ويخفف علي الأيام اللي مرت
ما توقعت اني اطلع من حزني هذا
عمتي امنه اغلى انسان عندي هي امي
الحقيقية فقدها ما كان سهل علي
بس تدري براء ان امي اللي جابتني
ممكن انها حيه بمكان ما اعرفه
بدر بعيون الصدمه لها :
امك ما ماتت بالحريق اللي
سواه امير !
براء :
لا انا ما اذكر شيي وقتها لان عمري
كان سنة بس يوم فقدت امي
بس عمتي امنه قالت لي انها نجت
من الحريق وجت عندي وحضنتني
و شربتني من حليبها و اختفت بعدها

بدر :
طيب هي وينها ! ليه ما تسأل عن
بنتها الوحيدة ؟!
براء :
يمكن انها ماتت او انها تزوجت وجابت عيال
ونست ماضيها
بدر استغرب :
يمكن ولا كيف احد ينسى ضناه .

__
وصلت براء عند الخيمه برفقة
بدر
ناظرت ل بدر بابتسامه :
تصبح على خير
بدر ابتسم ابتسامه طفيفه :
و انتي من اهل الخير
دخلت براء الخيمه بس قبل
تدخل ناداها بدر بهمس :
براء
براء ناظرت له بتوتر حست
بشيي داخله :
هلا بدر !
قرب بدر لها :
انا ما اعرف وشهي الأيام
مخبيه لنا بس اوعدك
اني ما بتخلى عنك وبكون
دايم الدرع اللي يحميك
براء :
ما عندي شك بدر
مسك يدينها وحط عيونه
بعيونها :
براء حتى انتي اوعديني ما تغيرك
الأيام علي حنا عايشين باللعبة
الحرب و الانتقام اهلنا انا وياك
اعداء اللي هم أعداءنا انا وياك
شردونا من حياتنا العائليه وخلونا
نعيش غرباء بس لانهم ناس
أغنياء حبهم للمال أعماهم
ولا فكروا بعيالهم ومشاعرهم
براء بتوتر :
اوعدك مهما صار ومهما كان
بكون لك براء اللي تعرفها
بدر ضغط على يدينها اكثر
وتعمق بأنظاره لها :
انا ما صرحت قبل عن مشاعري
لك بس تعرفين انتي وشي لي
بدون ما اتكلم
براء توترت وخافت من الاعتراف
اللي ببالها زادت خفقان قلبها
و حرارة جسدها استحت حيل :
لا..
حط يده على خدها اللي بينفجر
من حمرة الخجل
بدر بعمق :
احبك براء ولا عمري بخليك .
عيون براء بصدمه له حست
بحراره قويه استحت من اعترافه
بحبه لها
حوط يدينه عليها وقربها منه
قرب عيونهم لبعض اكثر
وضاعت الأنظار ببعضها :
احبك لدرجة ممكن اضحي
بعمري عشانك يصير فيني
السوء ولا فيك احبك لاني
اتنفسك ولا اتنفس بدونك
احبك لابعد نقطة بالكون
ممكن ما احد وصل لها
احبك لانك روحي وعيوني
وكلي
انا كنت ميت قبل بس
عرفتك حييت يا بعدي
وكلي
انتي الحب الحقيقي فقط
ولا ممكن احد يشاركك قلب
بدر
قلب بدر لك لحالك
انتي المسيطره عليه
المالكه له
قربك دواي و انفاسك
تستهويني
ودي اخمك لقلبي و اخبيك
اخبي جمالك و روحك
ابي اكتب لك بيت قصيد
يغنيه ابو نوره .
براء نزلت من عينها دمعها
بدر بكف يده مسح هالدمعه
يناظر لها بكل حب ومشاعر
عتيقه :
لا اشوف هالدمعه على
عينك مره ثانيه .
طبع قبله على جبينها
وخرها عنه :
براء ادخلي و نامي الجو
بارد
دخلت الخيمه وانا مصدومه
وسعيدة بدر اعترف بحبه لي
وما كان اعتراف عادي ابد
هالبدر يمكن يكون السحر نفسه .

__
الصبح :

قصر عائلة الأشهم :

بدريه تسولف مع خالتها امل
بحراره
بدريه باندفاع :
خاله بروح ل اخوي بدر اشتقت له
وبعد مشتاقه ل براء هي تركت
قصر عمها بعد ما ذبح عمتها
هي مرتاحه مع بدر و أخوياه
امل تفكر :
طيب بروح انا وياك
بدريه مصدومه :
بس..
امل :
اعرف اخوك بدر ما يحبني ولا يحب
يشوفني بس ابي اطمن عليه بعد
روح عليا اللي داخل امل :
بشوف بنتي البراء ابي اطمن
عليها .
بدريه :
و ابوي..
امل :
خلي موضوعه علي

امل قالت ل جبران انها بتطلع
و بدريه لسوق ناقصهم اغراض
هو يثق ب امل و دايم يصدقها
رغم انه حابس بدريه ولا يبيها
تشوف اخوها بدر مهما كان
جبران :
طيب روحوا بس انتبهي لها
تهرب لذاك البدر لان وقتها
ماراح يصير خير لا لها ولا لك
امل بجديه :
ولا يهمك بحطها بعيوني .

بكذا راحوا لسوق الوهمي
وهم بالأصل متوجهين ل بدر
بدريه ماهي وسعتها الأرض
من السعادة لانها بتشوف اخوها
اللي تعتبره كل شيي بحياتها .