انتي جمالك بيت قصيد يكتبه بدر ويغنيه ابو نوره..

البارت ثمان وثلاثين :

طلع الدكتور
عايض بتوتر :
وش صار تكفى يا دكتور !
الدكتور :
لا تخاف يا ولدي قدرنا ننقذ
حياته بالوقت الأخير
عايض بصدمه فرحان :
صدق !
الدكتور :
الحين هو يحتاج راحه بسيطه ويتحسن
عايض انهار بالبكي بعد ما صديق عمره
تجاوز مرحلة الخطر .

براء الضيقه على ملامح وجهها
دخل امير عليها :
انتي سويتي شيي عظيم البارح
طيرت براء عيونها عليه
ضحك ضحكه طويله :
ذبحتي بدر ههاهههها
قامت براء :
تحت امرك سيدي !
امير :
الحين دورك تذبحين اخوك
براء بعيون الصدمه
امير تقدم خطوتين :
اخوك اللي مدري من وين طلع
وبعده امك علياء تفهمين !
براء بتوتر وصدمه بدون وعي :
حاضر سيدي !
طلع امير قفل الباب من وراءه
براء بصدمه :
اخووي !
الا يطلع من ورا ستارة الدريشه عماد
اللي دخل من الدريشه
عماد :
براء انتي بخير !
براء طارن عيونها ب عماد .

براء ركضت ل عماد :
هالمجنون هذا وش يقول !
عماد :
ايه طلع عندك اخو يا براء
ادهم
براء بصدمه :
ادهم !
عماد :
براء هم غسلوا دماغك بس بشكل
مؤقت لاني خربت عليهم الجهاز
وقت الغسل
ذكرى من الماضي :
يوم براء تصيح و تتألم بالمختبر
اللي يبون يغسلون دماغها بالكامل
وقتها عماد قدر يخرب الجهاز ويخلي
فقدان ذاكرتها مؤقت ماهو دايم بعد
ما تسلل للغرفه وعبث بإعدادات جهازهم
الحقير .

الحاضر :
براء :
تذكرت كل شيي بعد ما رميت بدر
بالسلاح قلبي حرقني بقوه وقدرت
اذكر كل شيي
براء انهارت و صارت تبكي بحراره :
معقوله اني اذبح بدر !
حتى ما ادري هو بخير او لا
عماد جاء ل براء وحط يده على كتفه
يواسيها :
براء بدر بخير انا متاكد لا تضعفين الحين
لازم نقضي على هالمجرم وننهيه .
براء لحظة رميها السلاح على بدر
كانت تصيح ولحظة استنادها على
الجدار ودموعها انهارن مثل الشلال
كانت تبكي على بدر
جاء عماد وقتها وطلب منها تكمل
اللعبه رغم دمارها اللي بقلبها
براء كملت اللعبه وسوت نفسها
ما تتذكر شيي .

عماد جلس يحاكي براء اللي تبكي
وتسمع له
عماد :
ما انسى فضل ادهم و علياء عليي
انا كنت دايم ضد امير اللي انا
موهمه بوفائي له بس الحقيقة انا
ضده تمامًا وما انسى رحمة وعطف
امنه عليي هذولاء الأشخاص قدموا لي
أشياء لو اعيش الف سنة ماوفيتها
انا جالس ارد الدين لهم بحمايتك
يا براء
براء امك علياء عايشه ولك اخو
اسمه ادهم هم مشتاقين لك حيل
امير يحاول انك تذبحينهم حتى قبل
ما تلتقين بهم
براء خليك قويه وعد مني بطمنك
على بدر
لازم ترجعين للناس اللي يحبونك
امك و اخوك و بدر
كملي هاللعبه انتي الوحيده
اللي تقدرين تنهين ذا الطاغيه
والمجرم اللي قتل الناس
اللي يحبونك وباقي مستمر
بذي الهوايه انا معك يا بنتي براء
براء مقهوره وتبكي :
ابي اشوف اخوي و امي
ابي اطمن على بدر
عماد :
وعد مني لا ينتهي هالعذاب قريب
ثقي بي بس خليك قويه عشان
نقضي على هالطاغية
براء تحاول تتمالك نفسها
وشجاعتها :
امير هذا انا بقضي عليه
عماد :
كفو عليك خليك قويه كذا
وبطمنك على بدر قريب
براء هزت برأسها وبدمعه
نزلت من عينها

المستشفى :
بدريه صارت تركض مثل المجنونه
وتصيح :
بدر بدر
انهارت تبكي
جاها عايض :
بدريه اهدي بدر طيب وما اتصلت
عليك الا لانه طيب ماني مخرعك عليه
بدريه تبكي بحرقه :
ليه ليه ما علمتني باخووي

جاء من وراها ادهم وعلياء
خلف وضاري
خلف اعصابه منهاره :
وشلون صار ل بدر كذا
من اللي رماه بالمسدس
عايض تنهد :
براء
علياء انصدمت
انصدم الكل .