الحب ليس الذي نراه في لأفلام الرومنسية...الحب معك بطعم أخر ...🖍️
قامت بسمة و قام معاها هارون بعد ما غمزها
_هارون : تلهى بزهرة نحبك تخرجها احلى وحدة اليوم كيما تفاهمنا على خاطر مروان
_بسمة : فهمتك خليها عليا تعرفني انا و لأناقة ..
_هارون : باهي انا خليني نمشي
_بسمة : بااي ربي معااك
جيهان هزت روحها و مشات لبيتها لحضات و خلط عليها نديم
_جيهان : منين طلع بيها هارون الخرجة
_نديم : منعرفش اما لازم نمشو على خاطر مروان
_جيهان : باهي نمشو اما علاش ماشية زهرة
_نديم : صار هذا علاش متقلقة
_جيهان : باهي باهي اصلا زايد لحديث معاك
خرجت و خلاتو هز نديم الفازت متاعو و خرج عرضتو زهرة صبح عليها
_زهرة : صباح الخير
_نديم : صباح النور
_زهرة : اليوم باش نشوف امي مش هكا
_نديم : اي قلت لخليل هو باش يوصلك
_زهرة : يعيشك سي نديم
_نديم ؛ من غير مزية انا لازم نمشي معادش بكري
_زهرة : اي اي تفضل سمحني كان عطلتك
هو مشا منا عرضتها بسمة
_بسمة : زهرة عسلامة يا روحي
_زهرة : اهلا بيك مدام بسمة
_بسمة : اسمعني ايجا ايجا نحب نتلها بيك اليوم
_زهرة : علاش اش فما
_بسمة : اه .. صار مفيبالكش ..اليوم عندنا حفلة باش نودعو مروان و حبيناك تكون موجودة
_زهرة : اه و سي نديم و مدام راقية فيبالهم
_بسمة : اي في بالهم و متخافش انا تو نرجعك ازين وحدة
_زهرة : منعرفش لحق انا مش متشجعة للحكاية ..و زيد تو باش نمشي لأمي عندي قداش مريتهااش
_بسمة : اي باهي امشي طل على امك و بعد تو نحكيو
مشات بسمة لبناتها و قعدو يحكيو و زهرة مشات مع خليل للكلينيك هزت نرجس و مشاو لأمهم وصلو قعدو يحكيو من ورا البلار بالتاليفون ..
_زهرة : امي
_جاهدة : بنياااتي توحشتكم
_زهرة : قولي امي انتي لباس مش هكااا.
_جاهدة : انا لبااس ياروحي قولي انتو اش عاملين وين قاعدين تو
_زهرة : متخافش علينا قاعدين عند مدام راقية بارك الله فيها متلهيا بينا
_نرجس : اختي قولي اش قتلك
_زهرة : لحضة نرجس
_زهرة : امي تستحق حااجة قولي لاهيين بيكم بالقدا
_نرجس : قولي امي شبيها اختي
_جاهدة : متخافش بنتي لاباس
_زهرة : اهيا نرجس معااك
_نرجس : امي توحشتك برششاااا يا روحي
_جاهدة : بنتي الصغرونة حتى يا بنتي توحشتك رد بالك على روحك ..اسمعني اعطي لزهرة نحب نقولها حاجة
_زهرة : قولي امي
_جاهدة ؛ بنتي فما طفلة هوني هيا زادة تفهم في قانون قاتلي الي كنت نجم نخرج كفالة دفاع عن النفس ...
_زهرة : كيفاش
_جاهدة : منعرفش اما هاكة قالتلي
_زهرة : باهي امي متخممش تو نحكي مع مدام راقية
_الزيارة وفات
_جاهدة : هي بنياتي ردو بالكم على رواحكم
في دار بوها بعد ما كملت الخدمة وصلت لدار سلمت على بوها و بعد قعدت في صالة قدامهم زوز كيسان قهوة و يحكيو
_فاطمة : اشنو حوالك اليوم
_جيهان : مش لباس بلكل ...منرقدش الليل نخمم كان يطلع الي في بالي لما ندمرهم
_فاطمة : الي في بالك انو الصغير مش ولدك
_جيهان : اي وقتاش يوصل التحاليل
_فاطمة ؛ قالولي في وقت هذا
جيهان هزت فنجانها هي كيف قربتو من فمها و تاليفون فاطمة صونا هزت عليه و خبرتهااا و جيهان ملهوفة
_جيهاان : اه اش قاتلك
_فاطمة : جيهان ..
_جيهان : تكلم احكي
_فاطمة : نفس النتائج مستحيل..
_جيهان : كلاب لعبو بياااا
قامت جيهاان و نشات قدام الباب بلار ساكتة و تخمم جاتها فاطمة تسال
_فاطمة : اش باش تعمل
_جيهان : شد نومرو طبيب هذاكا اعمل موعد باسمك
_فاطمة : اش تخطط
_جيهان : اكا نهار طلبتو كي عرفني علق
_فاطمة : باهي انتي اهدا
طلبت فاطمة و عدات موعد بعد نهارين جيهان هزت روحها و روحت لدار عرضتها بسمة
_بسمة : اهلا جيهاان
_جيهان : ابعدني ..
_بسمة : شبيك ياخي داخلة تعفس و ترفس
ملا حالة ...يااا اسسيل اسيل ..
جاتها تجري مالكوجينة و في يدها منشفة
_اسيل : نعم
_بسمة : هيا حطو الطاولة فيسع عمي قريب يجي
_اسيل : حاضر
هي جات ماشية و زهرة دخلت و خلات اختها في كلينيك
_زهرة : عسلامة
_بسمة : اه زهرة ايجا ايجا معايا
شدتها من يدها و دخلت لبيت لجين لقاتها على سريرها ..
_بسمة : بنتي جبتلك زهرة مجابتش حوايجها للحفلة متاع الليلة اعطيها حاجة مالي عندك انتي وياها فرد طاي
_لجين : اي ايجو معايا
دخلو للخزانة قدمت لجبن جبدت روبة عرية من فوق حمرة
_لجين : شوف زهرة هذه مزيانة و زيد مازلت كيف شريتها
_زهرة : لا منجمش نلبسها عريانة برشة و زيد قلت جديدة
_لجين : امم باهي ستنى
_بسمة : بنتي اختار حاجة كلاس و مزيانة
بدات تفركس لقات روبة نوار تهبل
_لجين : شوف هذه
_بسمة : واااو تهبل اش قولك زهرة
_زهرة : اي مزيانة يعيشكم اما والله مش لازم
_لجين : لا شنيا هالكلام خوذ الي تحب و زيد تو نمكيجلك تخرج عسلة
_زهرة : يعيشك يا روحي
في بيتها حاجة كاس تشرب لين دخلت غصون
_جيهان : اش فمااا ياخي انا قتلك ادخل
جاوبتها غصون تحكي و عينيها على الكاس و خايفة
_غصون : سمحني اما جيت باش نقولك يستناو فيك علفطور
_جيهان : باهي وصل ....فاش تغزر هيا ارجع لخدمتك
خرجت و سكرت الباب وراها و جيهان شربت الكاس فرد مرة و هبطت
نديم في شركة اجتمااع وراء اجتمااع و ديما يتناقرو هو و خوه هارون ...
_هارون : اش عملنا في حكاية فؤاد
_نديم : قتلك انسى لحكاية هاكي عنا جماعة نخدمو معاهم و عنا ثيقة فيهم وفااا ..
_هارون : اما را...
_نديم : هارون عندي اجتمااع
خلاه وحدو و مشاا و هارون ياكل في روحو ماكلة
عسلامة ✌🏻
حسب رايكم جيهان علاش ناوية 😕🤔
و كيفاش باش يكون تصرف نديم وقت ينبهر بجمال زهرة تحت خطة من بسمة و هارون 🙂🔥💥
و اهم شنية حكاية فؤاد و اصرارو مع اتفاقية الشراكة مع عائلة الصافي 💥💥🔥
زين يخطط علكبير و يضرب قلب جاهدة في حلقة الجاية 🔥💔
خلولي في كومنتار توقعاتكم و ارائكم 💜❤️💥🔥
و متنسووش جااام 🥃🙏🏻
موعدنا في حلقة الجاية 🔥🖍️
نبوسكم كل و باااي 😉