- جَـرح الأيهم .
لـ الكاتـِبه : أيــلان
حساب الانستا للتواصل : l.1ll8
*لا تنسى التصويت بـ نجمة +
التعليق بين الفقرات 🩶.
****************
مُلاذ :-
مُلاذ : ليش هلكد تحبني؟
أيهم : ما اعرف احب كل شي بيج
حبج و شعوري الج ما جاي يكفيني
اريد ادخلج بـ نص روحي
مُلاذ : مره ثانية لا تاذي اي احد علمودي
أيهم : گلتها من قبل و ارجع اگولها
احرك كلمن يلمسج ، انتِ خطي الاحمر
الي يتعداج و يأذيج يدخل منطقة انذار
مُلاذ : دخلنا يا عراق انذار
ضحك بـ صوت
و جرني يبوس بـ خدودي
أيهم : احب وكاحتج انعل ساااسج
مُلاذ : أيهم اتدغددغ هههههه أيهم عوفني
دفعته و ضحكت
ضحك على ضحكتي
اتدنى حضني حيل ما يقبل يهدني
تذكرت أيمن ضحكت و گلت
مُلاذ : أيمن ذاك اليوم يغني
عيني مديحه بتج وكيحه يقصدني
أيهم : ههههه انتبهت اله بس ما عبالي يقصدج
لج ناعله ساسه لـ الولد
مُلاذ : مجرمين مزيفين ترا ما نسيت
أيهم : انه هم ما نسيت
مُلاذ : تعادل
ابتسم و سكت
خليت سولتي و سولة حرفي الي على صدرة
كل شويه اريد اشوفه ينمسح لو لا
و اظل امسح بـ اصبعي ، خبلت أيهم
أيهم : ولج كاافي
مُلاذ : مااا يمكن هذا حبر
و جاي تجذب عليه
أيهم : و الله وشم
حجاها و دنك باس ارنبة خشمي
مُلاذ : بقن غراضي جوه
أيهم : ميخالف باجر نجيبهم
مُلاذ : اي يلا وخر خل انام
أيهم : ولج عوفيني اعاين لـ وجهج
حتى ما لحگت افرح بـ عرسنا
مُلاذ : ديلا افرح نعست
أيهم : شجنتي طالعه بـ يومها
لـمن شفتج انهد حيلي
مُلاذ : لعبو بيه لعب طلعت تشاكي
أيهم : سوادي انت تخبل
بدون مكياج و احب وجهك
ظليت ساكته و هو يلعب بـ شعري
كمت تمددت بـ مكاني
أيهم : مُلاذ
مُلاذ : ها؟
دحگلي خلا ايده على خدي
دار نفسه صار فوكاي ، رجف جسمي
بلعت ريكي ادحگله
مُلاذ : أيهم
أيهم : تخافين مني؟
مُلاذ : لا بس..
اريد احجي لزم ايدي
شبك اصابيعه بين اصابعي
نَفسي كام يرجف لمن دنك وجهه الي ،
اختلطت انفاسنا
أيهم : ما اذيج و الله
مُلاذ : أيهم ما اريد هسه
أيهم : لعد شوكت ؟
دنك باسني ، اجاني غثيان قوي
اول ما وخر عني دفعته ، ركضت لـ الحمام
ذبيت كل شي بـ راسي و اسمع صوته يمي
أيهم : مُلاذ شبيج؟؟ شكو ؟
خلا ايده على ظهري
ظل يمسح على ظهري
أيهم : شبيج مُلاذ ؟؟؟
غسل وجهي بـ ايده
و ظل لازم بيه عقلي صدع كد ما استفر/غت
غسلت وجهي و ايهم يغسل الي هم و يهدي بيه
رفعت راسي دحگتله
أيهم : شبيييج مستبرده؟؟
هزيت راسي بـ رفض
أيهم : لعد شبيج؟؟
تذكرت كل مره لمن شخص يتقرب مني
اتذكر سرى و اسكندر اجاني غثيان مره ثانية
رجعت ع نفس حالي ،أيهم يغسل وجهي
خايف ، ما يعرف شبيه
مُلاذ : اطلع خل اغسل الحمام و اسبح
أيهم : عوفي الصخام هسه شبيج؟؟
خلا ايديه على خدي من الجهتين
يدحك بـ عيوني بـ قلق ، لزم ايدي
أيهم : تعالي خل نطلع
اخذني و طلعنا من الحمام
خلا ايده على كصتي
أيهم : ما مصخنه ؟
ماكله شي مو زين ؟
مُلاذ : لا أيهم
أيهم : ها؟ لعد شبيج ؟
مستبرده ، ماكله شي مو زين ؟
هسه اطلع اجيب الج علاجات و اجي
مُلاذ : لا أيهم انا من احد يتقرب مني
يصير عندي غثيان
أيهم : شنو؟
اخذت شالي المشمور ع القنفه
خليته على راسي لزمت بـ ايد أيهم و حجيت
مُلاذ : تعال خل نطلع لـ البلكونه اختنكت هنا
اخذته و طلعنا ، خليت الشال ع راسي
صار ظهري ع الحايط و هو وكف كدامي
أيهم : فهميني يعني لعبت نفسج مني؟
ريحتي مو طيبه لو شنو؟
مُلاذ : لا مو هيج
لمن جنت صغيرة يعني بـ المتوسطه
جان اكو بنية وياي اسمها سرى تذكرها؟
حجيت الك عنها
أيهم : اي
مُلاذ : جانت اسحـ****
وسع عيونه مصدوم
و انا كملت مكشوله ملامحي
مُلاذ : شفتها مره هي و صديقتها بـ الحمامات
و مره ...
دحگلي بـ قلق و حجا
أيهم : و مره شنو؟
مُلاذ : مره تعاركنا انا وياها
و گلتلها اعرف بيها هي هيج
فـ باستني
غمضت عيوني حيل لعبانه نفسي
و ما اريد اتذكر
مُلاذ : وقتها صار عندي غثيان
و هسه كل ما تتقرب مني اتذكرها
و يصير عندي غثيان و اذب كل شي بـ راسي
أيهم : شهل لعبان نفس وين اهلها عنها!
مُلاذ : شمدريني
انطوها خبز ما انطوها تربية
أيهم : انعل ساسج مُلاذ
حتى البنات ما عافنج بـ حالج
مُلاذ : هذا هم حظي مدري شلاگين بيه
أيهم : انعل ابوهم كلهم
مُلاذ : حتى انت وياهم؟
أيهم : لا انه عنصر استثنائي
ضحكت بـ هدوء
أيهم : و هسه شلون انعل الخلفج سرى
كل شي ما رح احصل من وراج
مُلاذ : ختولي تلعب نفسي من اتذكرها
أيهم : و هاي كل ما اتدنالج هيج ؟
هزيت راسي بـ قبول
مُلاذ : اصلاً قبل جنت اكرهه شخص يحضني اتعقد من واحد يحضني اخر شخص حضني ابوي و ما ردت من بعده احد يشبكني
بس لمن خطفونا حضنت ملاك انا
لان جانت خايفه كمت احضنهم اهديهم
اجبر روحي لان ما احب الاحضان
أيهم : يعني هسه تتضايقين مني من احضنج؟
دحگتله و سكتت رفعت اكتافي
قوست شفتي بـ معنى "ما اعرف"
دحگلي و گال
أيهم : يعني هسه ما تحبين احضنج؟
مُلاذ : اي
جرني لـ صدره و حضني
أيهم : بعد احسن لا تحبين
ظليت ساكته ، مبتسمه
يحب يعاندني حجا و هو حاضني
أيهم : خدودج ثلج
مُلاذ : خل ندخل
أيهم : امشينا خربتي علينا اللحظه
اليشوفج شلون طفرتي مني
يكول هذا ريحته ريحة بلاليع
ضحكت و دخلنا لـ جوا
هم رجعت تمددت رفعت عيني لـ أيهم يلي دخل
بدل ملابسه ، نزع قميصه دحگت لـ ظهره
كمت بـ هدوء وكفت ورا
خليت ايدي على وشم بـ طرف ظهره
مُلاذ : هذا شنو؟
اندار دحگلي
أيهم : شنو؟
مُلاذ : الوشم شنو معنى ؟
أيهم : هاي علامة الخير و الشر
مرات الشر موجود بـ الـ خير
او الخير موجود بـ الشر
مُلاذ : ليش وشمته؟
اندار دحگلي لزم خدودي
أيهم : لان انتِ نقطة الخير يلي بـ شري
اتذكرج كلما شفت هالوشم
عكدت حواجبي مستغربه كلامه
شنو من شر ممكن يكون عنده؟
اندار مره ثانية دحگت لـ الوشم الي بـ رگبته
مُلاذ : و هاي شنو؟
دحگت كلمة الرحمة و عليها علامة (x)
دحگلي أيهم و حجا بـ هدوء و عينه ع الفراغ
أيهم : ماكو رحمه
مُلاذ : شنو؟
اندار دحگلي بـ نفس للنظرات
تمتم بـ صوت هادء
أيهم : ما ارحم احد
ازدادت العقدة يلي بين جواجبي
دار وجهه و لبس ملابسه
اكو على كتفة تاريخ بس ما لحگت اقراه
اندار الي دحگلي ورا ما لبس ملابسه
أيهم : امشي ننام
مُلاذ : لا اريد انظف الحمام و اسبح
أيهم : عوفي
مُلاذ : لا ريحتي صارت مو طيبه
جرني من تشيرتي شم ريحة تشيرتي
أيهم : اويلي تخبلين يلا امشي ننام
مُلاذ : الحمام وصخ
أيهم : امشي ننام
مُلاذ : لا تلح خل اغسله و اجي
أيهم : شني اليشوفنا يگول صارلنا ٧ سنين متزوجين شو متعودين
مُلاذ : كد ما جنا نلتقي
أيهم : جذابه انه جنت اعاينلج
انتِ ما تعاينيلي شلعتي گلبي
مُلاذ : خفيف غير
أيهم : ياهوه ولج؟
انداريت دحگتله
ضميت شفتي حاصرتني الضحكة و گلت
مُلاذ : انت
حجيتها و ركضت برا الغرفة
و هو يركض وراي يريد يلزمني
أيهم : انه خفيف؟
وكفت بيناتنا القنفه
مُلاذ : و الله انزل لـ امي
اگللها اريد اتطلك
أيهم : مو انه خفيف
شوفي شلون رح اطير عليج
ضحكت و ركضت
لزم بيه و حاوطني بـ ثنين ايديه ، واكف وراي
أيهم : ياهوه خفيف ؟
مُلاذ : انت
لزم شفتي
عفسها بـ اصابيعه بس مو حيل
أيهم : هسه انه خفيف ؟
مُلاذ : اي
أيهم : انعل ابو فواصتج
ضحكت دارني عليه لازم بـ زنودي
أيهم : خاب انتِ شنو
ابوج و امج ربوج ع الوكاحه و انه اتحمل
مُلاذ : محد گلك تتزوجني
أيهم : احب الوكحات هاي مصيبتي
مُلاذ : ايع شني تحجيلك على جاهله
أيهم : اي انتِ جاهلتي
مُلاذ : أيهم أيهم دحك
أيهم : ها دحگت
مُلاذ : خل انام انا يم أبيل و انت نام وحدك
أيهم : بعد البس الحلقة لـ أبيل؟
لان مرته مو مرتي
ضربت زنده و ضحكت
رجع ضرب زندي بـ نفس الطريقة
مُلاذ : اخ يمه زندي
رجعت ضربته على زندة
و يضربني على زندي
جرني عض اذاني
مُلاذ : يمممممه انجلب وخرر
ضحك بـ صوت عالي
جنا مخابيل نص الليل واحد يضرب بـ الثاني
اتقدمت عليه و كفشت شعره
مُلاذ : لا تعض اذني بعددد
أيهم : لا تكفشين شعرررري
جر شعري و انا جاره شعره
اندارينا على صوت أبيل
أبيل : الهلوه
دحگتله و دفعت أيهم
هو هم هد شعري كعدت بالگاع
فتحت ايديه اله
مُلاذ : تعال خل اشبكك
ضحك و اجا يركض عليه
حضنته ابوس بي كعدت بـ الگاع
تجيت ظهري ع القنفه
تربع أيهم يمنا و أبيل كاعد بـ حضني
أيهم : جا شني مو ما تحبين الاحضان
انه بيه جرب مثلاً ؟
مُلاذ : الكبار من يحضنون يخنكون خوش؟
أيهم : خوش اعلمج انه الخنك على اصوله
سوالي حركة "بسيطه"
ضحكت رجعت دحگت لـ أبيل
مُلاذ : شو عيونك حمر؟
أيهم : كد ما نام ولك انت شني
شو گبل ركضت ع الهلوه و بابا ؟
جاي تحسسوني بـ الغدر
گام أبيل من حضني خملان كد ما نايم
كعد بـ حضن أيهم ، خلا راسه على صدره
أبيل : شثوين هنا؟
مُلاذ : شنو؟
أيهم : شتسوين هنا؟
مرة ابوك حبيبي وين تروح غير تكعد يمنا
مُلاذ : الجاهل وين يفتهم انا مرة ابو
أيهم : يفتهم احسن مني و منج
شيطاني مصغر لا تنخدعين بـ وجهه
ضحكت و دحگتله
و أبيل يضحك و يدحك لـ ابو
مُلاذ : اي أبيل انا و بابا تزوجنا
و رح ابقى هنا
هز راسه و گال بحجي مكسر
أبيل : انه شوكت اتزوج
أيهم : هلووووو
مُلاذ : شنو شگال؟
أيهم : يگول و انه شوكت اتزوج
مُلاذ : عزززه هههههههه
دحگت لـ أبيل ضام حلگه و يضحك
و أيهم يدحگله بـ نظرات فطستني ضحك
أيهم : من صدك شيطان مصغر
ولك بعدك بـ طول زري
حجيت و انا اضحك
مُلاذ : أيهم عوفه يأسس بيته اهو هههههه
أيهم : اي و انا اخذ مميته و ارضع بداله
غطيت حلگي
لمن فلتت مني ضحكه بـ صوت عالي
مُلاذ : تعال حبيبي أبيل انا ازوجك
اخذته من أيهم و انا اضحك ع تعابير أيهم
مُلاذ : راحت تربايتك
أيهم : تربايتي سوت ويوووو
و شمرت روحها بـ الشط
من سمعت أبيل
مُلاذ : هههههه ، أبيل جوعان ؟
دحگلنا و هز راسه بـ قبول
أيهم : خل مرتك تسويلك اكل
مُلاذ : ههههههه أيهم شعلگت
الجاهل خطيه ابتلى گال يريد يتزوج
أيهم : بعد ما يلحك
يجيب حفاظات اله لو لـ ابنه لو لـ مرته
مُلاذ : أيهم لا تضحكني
بطني گامت توجعني من الضحك
أيهم : الوجبه مالتهم حليب نيدو
مُلاذ : ههههههه كافي ولك أيهم
أيهم : ***** هذا ع الدگمه رجع نام
دحگت لـ أبيل نايم
مُلاذ : ياا غير هستوه كعد ؟
أيهم : يحب النوم اكثر مني
جيبي خل انومه
مُلاذ : خطيه خاف جوعان
خل نكعده ياكل و بعدين ينام؟
أيهم : لا يتنحس يظل يبجي
خلي يحلم بـ مرته زعلانه عد اهلها
ضحكت و أيهم اخذ أبيل شاله
گمت وراهم لحگتهم
أيهم : باجر نكعد الصبح نتريك سويه
مُلاذ : زين
دخل لـ الغرفة و نوم أبيل
طلعنا ردت اسد الضوا مال غرفة ما خلاني أيهم
أيهم : لا عوفي
مُلاذ : ليش خطيه الضوا بـ عينه؟
حجيتها و انا اطلع من الغرفة
سد أيهم الباب و گال
أيهم : عنده خوفه من الظلمة
و من الاماكن المسدوده مثل المصاعد
من داخل الكنتور هم يخاف
هواي اشياء يخاف منها
مُلاذ : من ورا لينا مو؟
أيهم : اي
مُلاذ : زين ليش ما تعلمه من هسه ما يخاف؟
أيهم : ما يكدر يتهستر بـ البجي
مُلاذ : خطيه ، زين اكو اضوية
تصير هيج الوان لو تجيبهم اله احسن
أيهم : جنت مخلي بـ بيتنا
بس هنا ما لحگت
كعدت ع القنفه يلي بـ الصالة
تقدم أيهم وكف كدامي
أيهم : جوعانه ؟
مُلاذ : لا
أيهم : فوصه اخذتج من اهلج
جنتي نايمه و ما ماكله
مُلاذ : معدتي توجعني ما اشتهي اكل
أيهم : ليش توجعج ؟ و ها صدك انتِ هسه ذبيتي كل شي بـ معدتج كومي ناكل يلا
مُلاذ : خل انظف الحمام و اسبح
أيهم : يا طلابة الحمام عمي عوفي
مُلاذ : لا أيهم يلا انت سوي اكل
و انا خل اسبح و انظف الحمام و ناكل
أيهم : انعل ساسج اذا سويت اكل
و گلتيلي نعسانه و ما اكلتي
مُلاذ : استاذ تهديد اذكرك
تحصرني الضحكه ع الي يهددوني
أيهم : طبعاً وين اكو فوصه تخاف
انداريت دحكتله
جريت خدوده بـ ايديه و حجيت
مُلاذ : محامية كل تهديد يجيها بـ طول الجريده
تريدها تخاف من تهديداتك
أيهم : تشوفين شجاي تسوين بيه؟
مُلاذ : اكرص خدودك عندك خدود
أيهم : و تتحارشين هم
مُلاذ : اهو انا وين احجي
أيهم : وين تحجين ؟
من اسويلج شي لا أيهم ، حروشه
مُلاذ : حروش
أيهم : و الله انتِ حروشه
مشيت عنه ، حجيت و انا رايحه لـ الحمام
مُلاذ : حروووووش
دخلت الحمام
سمعت أيهم يحاجيني
أيهم : شناكل ؟
مُلاذ : اي شي مادري
انت اصلاً تعرف شنو احب و ما احب
أيهم : غير اراقبج ثمن سنين نسيتي تگوليها
مُلاذ : غيررر تراقبني ثمن سنين
سمعت صوته يضحك
نظفت الحمام و سبحت
طولت و انا اسبح
أيهم كل شويه يدك الباب يگلي اخلص
أيهم : ادري سلحفاة انتِ و هلكد تسبحين
حتى الاكل خلصته و انتِ بعدج
مُلاذ : هسه راح اخلص
أيهم : هاي الهسه سمعتها قبل عشر دقايق
رح ادخل اشيلج و اطلع
مُلاذ : اهفك بـ الماسحه
أيهم : وين ما تلحگين تهفيني
مُلاذ : و الله الحك استغفرالله
ولك لا تخليييني احلف بـ الحمام
أيهم : عود تكحلها تعميها
مُلاذ : أيهم تدري بـ ردات فعلي السريعه
بحيث بعدك بالباب تلگا الماسحه بـ كصتك
أيهم : احطج و انعل ساسج
اكتلج بـ الماسحه الهفيتيني بيها
مُلاذ : شحدك
أيهم : ولج اطلعي
بطني كامت تقرقر من الجوووع
مُلاذ : اي خلصت
أيهم : دقيقتين الج
و الله ادخل اشيلج و اطلع اذا ما خلصتي
تدرين بيه مخبل و اسويها
همست وي نفسي
مُلاذ : من بترت اصابع اسكندر
تيقنت انت مو صاحي
سديت المي ، لبست البرنص ، غطيت روحي زين
فتحت الباب ، دحگتله لگيته واكف كدامي
مُلاذ : شبيك شبيك خبلتني
راد يحجي و سكت يدحك بـ وجهي
حجيت بـ استغراب و هدوء
مُلاذ : شكو؟
أيهم : بعدج ما طالعه
ريحتج صارت بـ خشمي
شميت شعري صدك ريحة الشامبو قويه
عبالك خلصته ع راسي
اتقدم عليه ، لزم بـ خصري من الجهتين
سند كصته على كصتي
مُلاذ : ها ناكل احترك الاكل ؟
أيهم : بـ رأيي نعوف الاكل و نظل هيج
مُلاذ : لا لا جوعانه انا
ردت اسحب روحي منه
رجع لزم بيه و سحبني اله
مُلاذ : شبيك هي ريحه اوي وخر
أيهم : سنين انه عايش وي لينا
ما بـ مرة شميت عطرها لو ريحتها مثل ريحتج
مُلاذ : ليش الظاهر شامها؟؟
أيهم : ليش قبل ما نتزوج شميتج انه ؟
توكفين بعيد عني و عطرج بـ خشمي صاير
مُلاذ : أيهم
أيهم : اممم
مُلاذ : و الله ريحة ابوي بيك
ليش هيج ؟ دائماً بيك وين عطرك التستخدمه؟
دحك بـ وجهي و ظل هادء
مُلاذ : ها؟
أيهم : عوفي تعالي ناكل
مُلاذ : اريد اشوف العطر
أيهم : ما استخدم عطر
جريت ايده ، شميت ملابسه
رفعت راسي دحگتله
مُلاذ : و الله ريحة عطر واضحه
ليش ما تراوينيا ؟
أيهم : روحي شوفي
بس انه ما اشم بـ روحي عطر
عفته و رحت لـ الغرفة
ادور العطور ع الميز ، شميتهم كلهم
و لا واحد مثل ريحة أيهم
بـ عمري ما نسيت عطر بابا
كد ما جان قوي و ثابت ابداً ما انساه
ريحة أيهم بـ كل وقت تذكرني بي
دحگت لـ العطور يلي ع الميز
ما بيهم واحد يشبه عطر أيهم
فزيت ، دحگت لـ المراية
لمن أيهم حاوط خصري
و هو واكف وراي
مُلاذ : فززتني
أيهم : لكيتي العطر؟
مُلاذ : لا بس و الله اتذكر ريحة بابا
ابد ما انساها من كد ما قوية و ثابته
و هسه اشمها بيك
أيهم : يمكن انه ريحتي هي اصلاً هيج؟
مُلاذ : لا بابا جان يستخدم عطر
حتى جانت امي تگله ريحته كلش طيبه
بس ما اتذكر اسمه و لا شكلة
أيهم : تضوجين من تشمين ريحته بيه؟
مُلاذ : لا ، سنين دورت ريحة ابوي
بـ كل مكان و بـ كل تشيرت اله
بس ما لگيتها غير بيك !
أيهم : لَـذه
انداريت دحگتله و هو بعده لازم بيه
خليت ايديه ع اكتافه ، حجيت و انا ادحك بـ عيونه
مُلاذ : و ما اريد افقدها
و افقد صاحبها مره ثانية
بهتت تعابير وجهه و هو يدحگلي
استغربت ، تركني و ابتعد
انطاني ظهره مشى و هو يحجي
أيهم : برد الاكل يلا
طلع من الغرفة و عافني
عگدت حواجبي بـ استغراب ،
بدلت ملابسي و لحگته
دخلنا المطبخ و كعدنا ناكل
خلصت كمت اغسل الماعين
ما خلاني ، غسلهم هو بدالي
دحگت لـ أيهم لمن گال
أيهم : باجر اودي أبيل يم امي
و انتِ تجين وياي
مُلاذ : ليش صاير شي؟
أيهم : من رحت اخذت أبيل ذاك اليوم
امي عتبت عليج لان ما اجيتي وياي
گلتلها مريضة ما كدرت تجي
مُلاذ : ها تمام اي صحيح لازم نروحلهم سوية
أيهم : امم
مُلاذ : نعست يلا
أيهم : منتظرتني؟
مُلاذ : اي
أيهم : خلصت
دحگتله و ضحكت
كام يغسل الماعين بسرعه
كمل ، رحنا غسلنا مشيت لـ الغرفة
شمرت روحي ع الفراش ميته من النعاس
نزل الفراش من الجهه الثانية
حجيت و انا مغمضة
مُلاذ : أيهم ترا ما متعودة احد ينام يمي
اذا رفستك معليه
أيهم : اشد رجليج بـ حديدة الجرباية
اهتز جسمي اضحك
خلا ايده على شعري
و همس بـ اذاني
أيهم : مُلاذ
مُلاذ : ها
أيهم : عگبه رح نسافر
فتحت عيوني انداريت دحگتله بـ استغراب
مُلاذ : وين؟
أيهم : لـ تركيا
مُلاذ : ليش شنسوي هناك؟
أيهم : غير شهر عسل
مُلاذ : بس ما گلتلي؟
أيهم : اعرف نسيت اگلج
مُلاذ : منين اخذت جواز السفر مالتي؟
أيهم : من امج
مُلاذ : بس أيهم انت ما گلتلي
و لا سألتني اذا انا قابلة بـ هالشي
دخل اصابيعه بين شعري و حجا
أيهم : ليش حتى ما تقبلين؟
مُلاذ : ماكدر اعوف اهلي هنا
و اروح لـ تركيا و مدري شكد نبقى
أيهم : نبقى اسبوع
مُلاذ : اي اسبوع و همَ منو يمهم؟
انا كله الي اجيبلهم و اتسوك الهم
و اشوفهم شنو يحتاجون
أيهم : اعرف لذه بس اهلج يكدرون يدبرون روحهم بدونج و هم أيمن وصيته عليهم
مُلاذ : أيهم هم متعودين عليه
انا من عمري عشر سنين لـ هاي اللحظه
كل شي اسويلهم و شايله هواي مسؤولية عن امي
و هذا الشي واجبي يعني ما جاي احجيلك و اتذمر
لا جاي اگلك انو من اروح شلون بيهم هم؟
أيهم : اتفقنا انه و أيمن
كل يوم رح يجي و يشوفهم شيحتاجون
بـ هالفترة يلي نروح بيها
و هي اساساً امج تعرف و اكيد لازم نروح انه وياج
مُلاذ : زين و أبيل ؟
أيهم : گلتلهم اخذه وياي ما قبلوا
يگلولي خلي أبيل يمنا لحيت اخذه وياي
امج گالت خلي هنا احسن و يخرب نظام الطفل
مُلاذ : شوكت لحگت تحاجي امي؟
أيهم : قبل لا ادخل يمج ظليت احاجيها
لَـذه ترا حتى انه اهلي معتمدين عليه
كضيت عمري يمهم و أيمن جان ماكو
باهر اصغر مني ، بس هسه لان أيمن يمهم
و اعرفه كد المسؤولية فـ اروح
عبست شفتي بـ معنى ما ادري
حضن ضلوعي و دنك راسه الي
أيهم : نتونس و نرجع الهم
مُلاذ : بس ما تستهر عليه هناك
حتى اهلي ماكو وين اروح منك
أيهم : ولج لَـذه شنو تستهر
رح انعل خيرج لا تغلطين
مُلاذ : و الله هاي الحقيقة
دكتور أيهم و بعدين اوكف شنسوي بـ تركيا
لو نروح لـ أربيل او محافظات شمالية افضل
أيهم : لا تركيا
مُلاذ : خاب شنسوي بـ تركيا
منو عدنا هناك؟
أيهم : و منو عدنا بـ أربيل ؟
أيمن جان كاعد بـ بيت هناك بـ تركيا
نكعد بـ البيت الجان كاعد بي
مُلاذ : زين يلا وخر خل انام
أيهم : ما اوخر
مُلاذ : اذا اجاني غثيان
و تقـيـ/ئت عليك معليه
أيهم : املص اذاناتج
مُلاذ : أيهم
أيهم : ها؟
مُلاذ : اريد انام
أيهم : نامي بـ عيني و بين رموشي
وردات الحب بـ ايدك حوشي
ما دام الليله انتِ جنبي ما بدي من الدنيا كل شي
مُلاذ : اغنية ؟
أيهم : اي
مُلاذ : كملها
ضحك ، اتمدد وراي
انداريت دحگتله نعسانه
گوه فاتحه عيوني ، كمل يغني
أيهم : نظراتك ذابت بـ شفافي
بـ عيونك طيف الحب غافي
اليوم انتِ ظيفة عندي
و لـ اجل الغالي يرخص كل شي .
رف جفني بـ ثگل و غمضت غافية
حسيت على صوته يهمس بـ اذاني
الأيهم : فوزي بيج اكبر خساره .
كملت نومي ما مهتمه لـ اخير شي گاله
و شكد معناه جان مهم الي
كعدت الصبح تريكنا اخذنا أبيل
و رحنا لـ اهل أيهم ، سلمت على امه
أيمن ما موجود ، طلعنا من يم اهل أيهم
صعدت بـ السيارة و أيهم صعد يسوق
أيهم : هسه وين تروحين؟
مُلاذ : لو جايه بـ سيارتي ليش ما خليتني ؟
أيهم : لا اليوم وياي انتِ
مُلاذ : زين ، اريد اروح اتسوك لـ اهلي
أيهم : امشينا
شغل السيارة و طلع بينا
رحنا تسوكنا لـ اهلي و لـ بيتنا
رجعت نزلنا الغراض ، دكيت الباب ع بيت اهلي
فتحته الي امي دخلت المسواك
ودعت امي و طلعت ، دحگت لـ أيهم
يلي نزل من الدرج
مُلاذ : ها صعدت المسواك؟
أيهم : اي
انداريت لـ امي لمن سلمت ع أيهم
ردلها السلام
أيهم : خاله شتحتاجين رقمي يمج زين
اي شي يصير خابرينا
مُلاذ : و اقفلي الباب
يمكن اخابر اسد يرجع يجي
فيروز : لا ماكو داعي
هو انا اقفل الباب و هاهيه
مُلاذ : هم خل اشوف اسد
فيروز : تمام يلا انتبهوا على رواحكم ، تريكتوا ؟
مُلاذ : اي فوفو يلا بيباي
فيروز : بيباي
طلعنا انا و أيهم من يمهم
ردت اروح بـ سيارتي ما خلاني
صعدت ويا بـ السيارة
أيهم : منو اسد ؟
مُلاذ : حماية
أيهم : حمايتيش؟
مُلاذ : جان حارس بيتنا هو و صاحبة
بالاوضاع الي جنا نحتاج بيها حماية
أيهم : اها و هذا اسد شنو يعني
خو ما متمادي وياج ؟
مُلاذ : لا حارس حاله حال اي حارس
أيهم : خيولي بعد ما تخابري
مُلاذ : ليش يمه ؟ من جنا نحتاجه نخابرة عادي!
أيهم : ما تحتاجينه هسه .
مُلاذ : أيهم لا تغثني صديقي
أيهم : انتِ شو بغداد كلها اصدقائج
اركان و ضرغام و اسد و تعرفين دكتور جمال
مُلاذ : خاب و علي اعيط عيطه هسه
ششايفني اكيد شغلي يتطلب اتعرف ع ناس!
أيهم : اي خيولون ما تحاجيهم!
مُلاذ : لا تسوي هالتصرفات ما احبها
أيهم : يلا خوش اروح اليوم
و احاجي الممرضة عبير ، مو بس اخابرها
مُلاذ : عفوووواً؟؟؟؟ ليش يمه تحاجيها
شمضيع عدهااا؟
أيهم : انتِ شمضيعه عد اسد ؟؟
مُلاذ : اسد احتاجه للحماية
أيهم : و عبير احتاجها بـ الشغل
مُلاذ : ما تحاجيها أيهم لا تنرفزني
أيهم : و ما تخابرين اسد
مُلاذ : اوك
أيهم : خوش
دحگتله بـ طرف عيني
شغل السيارة و طلع بينا
أيهم : وين ترحين ؟
جنت محضره كلمتي
فـ عطت بسرعة
مُلاذ : ما تحاااجيها
دحگتله صافن عليه
خزرته و تذكرت هو شسألني و انا شجاوبت
تجتفت و درت وجهي لـ الجامة متلافية نظراته
حسيت جسمه يهتز ، دحگتله بـ طرف عيني
لگيته يضحك بـ هدوء ، درت وجهي لـ الجامه
حجيت بـ صوت ناصي
مُلاذ : للمكتب
أيهم : وين ؟
خزرته و هو حاصر ضحكته و يدحگلي
مُلاذ : لـ المكتب
أيهم : احجي بـ صوت عالي
جريت وجهه و حجيت بـ اذانه
مُلاذ : لـ المكتتتتتب
أيهم : اخ اذاني خرب يومج
الطبلة حطمتيها
خزرته و هو يخزرني
ردت اوخر جر وجهي باسني
ضربته على ايده و دفعته ، درت وجهي لـ الجامه
أيهم : ههههههه عنفصت
دحگتله بـ طرف عيني و همست : مستهتر
وصلنا لـ المكتب ، خابرت لـ صافيناز
ظليت ادك ما تجاوب ، عگدت حواجبي بـ استغراب
أيهم : شبيج؟
مُلاذ : صافيناز ما تجاوب
أيهم : بـ المكتب غير؟
مُلاذ : مادري خل نشوفها
نزلنا انا و أيهم
فتحت باب المكتب بـ المفتاح
دخلت لـ مكتبي ادور ما لكيتها
رحت لـ المطبخ ما لگيناها
دخلت غرفة الاجتماعات بعدني هستوني داخله
و وكفت تراجعت بـ خطواتي بسرعة
اشرت لـ أيهم يبقى بـ مكانه ، وكف وراي
دحگت لـ أيمن و صافي ، نايم على رجلها
و هي غافية على تجوة القنفة و ايدها على شعره
انداريت دحگت لـ أيهم على ثغري ابتسامة و اسعه توضح دهشتي و صدمتي مد راسه دحك وياي همس بـ اذاني
أيهم : يا كـ*** يا أيمن
ضربت بطنه و انا اضحك
كممت حلگي و رجعت مديت راسي ادحگلهم
حجيت بـ صوت ناصي
مُلاذ : ذوله ليش هيج حلوين ؟؟
أيهم : أيمن يحس روحه اول مرة ينام
مُلاذ : خل نعوفهم و نطلع
خطية هسه ينحرجون
أيهم : وين نعوفهم و الحلال و الحرام؟
مُلاذ : أيهم ترا انت
جنت كل يومية الگاك بـ بابي
عوفهم من يكعدون حاجي
أيهم : لَـذه چا انه نعال لو بشر
تعطفين عليهم ما تعطفين عليه
مُلاذ : چا شتريد
أيهم : انام بـ حضنج
ضربت عكسي بـ بطنه و هو وراي
گال بـ صوت ناصي
أيهم : اخ اتكسر القفص الصدري
انداريت دحگتله
جر وجهي و باسني يخبث وياي
ظليت ارافس خاف يكعدون
سمعت صوت صافيناز تكعد أيمن
ضربت أيهم راشدي و خر عني مصدوم
طكيتها ركضة برا المكتب
مُلاذ : عزه العزاك ولك انت شنو؟؟؟
ردلي الراشدي الضربتهيا
خرمشت ايده راد يرجع يخرمشني
سمعنا صوت أيمن و صافي
مُلاذ : بعدين تعال خل نسمع
لزمت ايده و رحت وكفنا قريب الباب
أيمن : غفيت ما ادري بـ روحي
صافيناز : اي كنت جاي تعبان
ما كنت بدي صحيك قمت نمت انا كمان
أيمن : ههههه حبيبي اسف
رجلج خو ما توجعج من راسي؟
صافيناز : لا ما عم توجعني
بس عم حسها تكسرت
أيمن : هههههههه
صافيناز : أيــمن
گالتها بـ نبرة لطيفة
أيمن : روحه گولي حبيبتي
صافيناز : ايمتى بـ نسافر؟
أيمن : مو هسه حبيبتي عن قريب
كل شي رح يكون جاهز بس اهلي احاجيهم
و انتِ تحاجين ابوج و نروح
صافيناز : طيب اذا رفضوني ؟
أيمن : لا امي اصلاً حبتج
صافيناز : ما بعرف رح تروح ؟
أيمن : اي
صافيناز : تمام انتبه ع حالك
أيمن : انتِ هم
خابري لـ مُلاذ اذا ما تجي سدي المكتب
و خابريني حتى اجي و ارجعج لـ بيتج
صافيناز : طيب
اختفى صوتهم لـ ثواني
انداريت دحگت لـ أيهم
مُلاذ : تعال رح يطلعون
اخذته و ركضنا يم سيارته
انداريت دحگتله
مُلاذ : أيهم خاف متزوجين ؟
أيهم : لا يابه مستحيل ؟
مُلاذ : ما ادري بس علاقتهم حرام احس
أيهم : هي حرام اكيد
انه احاجي أيمن انعل ساسه
ظليت ساكته و أيمن طلع من المكتب
دخلت انا راح أيهم
انا سويت روحي ما اعرف بـ شي
ظليت ادحك لـ صافيناز و حاصرتني الضحكه
لـ الليل رجعت و لميت ملابسنا انا و أيهم
و حضرت كل شي ،
ثاني يوم الصبح ودينا أبيل يم اهل أيهم
رغم اصرينا يروح ويانا بس ابد ما قبلوا
ودعت اهلي و اهل أيهم
اجو غاده و باهر و بيت عمة منارس
و كل الي اعرفهم ودعناهم انا و أيهم
وصيت جسار و سلطان ع امي و ملاك
طلعنا من يمهم و رحنا لـ المطار
ظلينا كاعدين ننتظر انا و أيهم
اكلنا الاخضر و اليابس
بدأو يذيعون عن المسافرين لـ تركيا
گمنا انا و أيهم و هو لازم بـ ايدي
من بعد دقايق صعدنا بـ الطيارة
و اتجهنا لـ تركيا
جنت نعسانه و تعبانه
كضيت اغلب الوقت نوم و أيهم لازم بـ ايدي
كل ما افز ادحك لـ ايدينا و ارجع انام
كعدني خلالي مال ركبه حتى انام مرتاحه
غطاني زين و رجعت نمت ،
كعدت بعدين وحدي
دحگت لـ أيهم نايم ابتسمت و درت وجهي
دحگت لـ الغيوم
مادري شيحجون اصوات هواي
ظليت صافنه ، ما كدرت اقاوم النعاس
خصوصاً من شفت أيهم شلون نايم
درت نفسي صفح ، بقيت ادحگله و غفيت
ما اعرف شكد مر وقت
حتى أيهم كعدني و گلي وصلنا
نزلت و انا ميته من النعاس و تعبانه
مُلاذ : وين احنا ؟
أيهم : اسطنبول ترحب بـ احلى فوصة
دحگتله و ضحكت
مسح وجهي بـ ايده
أيهم : يلا اصحي بابا كافي نوم
مُلاذ : هسه وين رح نروح؟
أيهم : هسه رح يجي صديق أيمن ياخذنا
و نروح وياه اول شي
حسب ما اتفقت وي صديق أيمن
اكو عمال ينظفون البيت الجان كاعد بي أيمن
اعتقد هسه خلصوا لان من البارحه
طلعوا نظفوا البيت ، انه وياج نروح نسبح و نبدل
و نطلع وي صديق أيمن ناكل
مُلاذ : جوعانه خل نروح ناكل بسرعه
أيهم : تمام حبيبتي تعالي
لزم ايدي اخذنا جنطنا
ظلينا واكفين ننتظر صديق أيمن الگال عنه أيهم
اندار حضنني لـ صدرة
أيهم : بعدج نعسانه؟
مُلاذ : لا صحيت شوية من سمعت بالاكل
ضحك و رفع المناظر
خلاهن ع شعرة ، ظل يدور بـ عيونه
لحد ما شفنا واحد يتجهه النا
دحگتلهم حاجا أيهم بـ كلام ما مفهوم
و أيهم جاوبه بـ نفس اللغة
بعدها دار بيناتهم سلام حار و تحاضنوا
انا واكفه جني مزهريه ما مفتهمه شي
اشر عليه الولد و گال لـ أيهم
(زوجتك) karın mı?-
أيهم : evet (نعم)
salam aleykum ablacım-
مُلاذ : شنو هذا جاي يسبني ؟
ادحگ لـ الولد حاصر ضحكته
أيهم : ههههههه ولج لا
جاي يگلج السلام عليكم
مُلاذ : هاا هله خويه هله
رجع أيهم يحاجي كل شي ما فهمت
طلعنا و صعدنا بـ سيارته
و ظلينا بـ السيارة نمشي لـ فترة طويلة
لحد ما وكفنا كدام بيت خشبي
مُلاذ : كون امي تشوف هنا
هسه تگول بيوتهم مثل الي بـ المسلسلات
ابتسم أيهم و دحگلي
فتحوا باب صغيرة و دخلنا
دحگت لـ حديقة حلوه
صرخت و چلبت بـ ملابس أيهم
من اجاني جلب يركض عليه و يعوي
مُلاذ : هذااا شبييي
أيهم هذا بيت غير ناااس
رح ياكلنا جلبهم
أيهم : هههههههه
ادحك لـ الجلب طلع لسانه عليه
مُلاذ : أيهم عليييمن تضحك
رح يعضني دحگله طلع لسانه عليه
انداريت دحگت لـ الولد فحطان ضحك
اشر لـ الجلب و گال
-تعال نينو تعااال
مُلاذ : شو هذا يحجي عراقي
دار أيهم راسه الي
و گال بـ ابتسامة بـ صوت ناصي
أيهم : لان هو عراقي
وسعت عيوني عليه و ضربت زندة
مُلاذ : لعد ليش صارلكم ساعه مدري شتحجون اليسمعكم يگول طلاسم !
أيهم : راد يختبر لغتي
مُلاذ : و انا مثل الاطرش بـ الزفة واكفه
حتى اذا حجيتوا عليه بيناتكم ما اعرف
أيهم : اي سألني اذا تعرفين تركي و گلتله لا
راد يتشاقى وياج فـ سلم عليج
مُلاذ : عزه سمعني من گلت هذا جاي يسبني ؟؟؟
ضحك و هز راسه بـ قبول
مُلاذ : كرهتتتك و الله ليش ما تگلي؟
ردت اروح اعتذر منه
لزم أيهم ايدي و صار وراي همس بـ اذني
أيهم : ليش جنتي تحبيني؟
انداريت دحگلته بـ خزره
ابتسم يدحك بـ عيوني
مُلاذ : استغفرالله يا ربي
وخر عني لا تدحگلي بـ هالنظرات
عدل وكفته و دنگلي اكثر
أيهم : شلون ادحگلج؟
بسبب نظراته غصب عني
انرسمت ابتسامة ع شفتي
تحمحم أيهم و رفع راسه من اجانا الولد
و لازم بـ حبل الجلب
أيهم : نيينووو
صفك ايد بـ ايد أيهم
و الجلب كام يرفع نفسه و يطلع لسانه
عبالك متحمس ، ضحك أيهم و نزل لـ مستوى
ظل يلعب بـ شعره ويحك جسمه و يمسح ع راسه
رفع راسه لـ الولد
أيهم : شكد عمره صار؟
- ٤ سنوات
أيهم : ههههه ما يكبر
بعده على حجمه
-اي شكله بريء
ندست أيهم
مُلاذ : كافي عوفه راح يعضك
أيهم : ما يعض أليف
تعالي جيسي
مُلاذ : لا
شاله أيهم من الگاع
يريد يخليني اخذه ما قبلت
كل ما يقربه مني اعيط و يظلون يضحكون
- انا رح انتظركم
شوكت ما تخلصون خابروني
أيهم : تعبناك ويانا
- لا شالسالفه
طلع الولد هو و أيهم
و انا ادحك لـ الجلب و الجلب يدحگلي
دحگت لـ أيهم من اجاني
مُلاذ : شو عاف الجلب مالته هنا؟
أيهم : لا مو مالته مالت أيمن هذا
بس هو عايش هنا وي أيمن جان
مُلاذ : يا يعني اخذنا بيته؟
أيهم : لا متزوج هو اصلاً
فـ كاعد بـ غير بيت و هذا عايفة
مُلاذ : ها اوك
دخلنا لـ داخل البيت
و الجلب دخل ويانا
مُلاذ : أيهم خل يطلعع رح يوصخ البيت
أيهم : تعالي
مُلاذ : وخر ايديك كلها الشعر مالته
أيهم : تعالي بابا بس احاجيج
مُلاذ : ما اريد لا تلزمني
كعد ع القنفه اليمنا
و فجأه جرني كعدني ع رجله
مُلاذ : شبيييك؟!
أيهم : اثبتي
لزمني بـ تك ايد
و صاح على الجلب يجينا
ظليت اعيط و احوص ما اريده
اجا الجلب و هو يتملعب وي أيهم
شاله أيهم من الگاع يريد ينطينيا
مُلاذ : أيهم وصخ عوووف أيهم عوفني
كافي وخرررر
أيهم : بس الزمي لا تخافين منه ما يعضج و الله
انه موجود شلون يعضج غير انعل والدية
مُلاذ : أيهم حباب وخررره
خلا بـ ايدي و انا ارافس و اعيط
ما اريده دحگتله شلون ملامحه بريئه و يدحگلي
مُلاذ : هذا شبي يتمسكن عليه
أيهم : هههههههه
الجلب النوب صار يتمسكن عليج؟
مُلاذ : و الله شوف
درت اله هز راسه و ضحك
شويه شويه بديت امسح ع راسه
و هو صدك ما عضني اصلاً رافع ايديه و يلعب
مُلاذ : شكددد حلوو
أيهم : مو گلتلج
مُلاذ : بس احسه وصخ
أيهم : بابا سابح مسبحي
جيسي شعره رطب
دحگت لـ أيهم و رجعت دحگت لـ الجلب
اجيت اگل لـ أيهم تتشابهون
بس لزمت لساني بـ اخير لحظة
هسه يفهمها غلط و يضوج
أيهم : كافي عوفي
مُلاذ : حبيته ؟
أيهم : حبيتي كل شي الا انه ما حبيتيني
دحگتله ساكته
وهو لازم بـ بطني
مُلاذ : يلا كوم اسبح جوعانه
كمت من على رجلة شايله الجلب
دحگتله يدحگلي بـ نظرات
مُلاذ : كوم
بقى ع نفس وضعه
يدحگلي بـ نفس الطريق
ضحكت و گلت
مُلاذ : استغفرالله ياربي
كوم يلا جوعانه
أيهم : زين لَـذه زين
كام و اخذ ملابس من الجنطة
و شامبوات و كل شي جايبين ويانا
راح يسبح و انا نزلت الجلب
سفطت ملابسنا ، حضرتلي ملابس
كعدت انتظر أيهم يخلص
اول ما طلع دحگتله صدرة مبلل
بطنه واضحه تقسيماتها ،
حرفي الموشوم على صدرة
رفعت عيني دحگت لـ وجهه شعره مبلل
زحت نظري عنه ، عبرته و ردت ادخل الحمام
جر بطني صار ظهري ع صدرة ، باس خدي
انداريت دحگتله
مُلاذ : شكد تستغل الفرص ؟
أيهم : انه زوجج لا تمنعيني عنج
و لا تمنعين نفسج عني كوني سلسه
و اتنازلي عن بعض افكارج
دحگتله و فهمت قصدة
وخرت ايده من بطني ، دخلت الحمام
سبحت و خلصت ، طلعت بدلت
رحنا لـ المطعم كعدنا ناكل
عيني تفتر بـ كل الاطراف
اريد اشوف مره وحده
ما لابسه ردان خيط لو نص ماكو
ارجع عيني على أيهم
الگا عينه بـ ماعونه و ياكل
خلصنا اكل و رجعنا لـ البيت نمنا
ثاني يوم فتحت كاميرا لـ امي راويتها البيت
و صورت فيديو و دزيت ع كروب الهم
طلع أيهم جاب مسواك و اجا
كعدنا بـ الحديقة الخلفية ، نتريك
و الجلب يفتر يم رجلينا
فد تونست كضيتها ضحك على سوالف أيهم
لـ الظهر أيهم ماخذ سيارة صديقة
طلعنا انا وياه رحنا نفتر
و هو يندل اماكن ، اخذني لـ البحر
مُلاذ : أيهم اشمرك بـ البحر ؟ ههههههه
أيهم : منو يرجعج بعد لـ امج
مُلاذ : شوف هذا البحر راقي
شلون لونه ازرك حتى ما بي سمج ما ياكلونك
أيهم : ليش بويه لعد بي جريذيه
غير بي سمج
مُلاذ : جا ماكو شوف ؟
أيهم : چا شعليه لون البحر بـ السمج
مُلاذ : اهو أيهم شمدريني
أيهم : اخ لَـذه ولج تعبتيني
گالها و اتقدم عليه جر ايدي
ظلينا نمشي و نسولف و هو حاضنني
اول مره احس روحي حره و ما لازم افكر
اجتاحتني مشاعر اتجاهه أيهم
بحيث ظليت كل ما يحجي اصفن عليه
غميت روحي و نزلت عيوني لـ الگاع
و انا ارزل روحي بـ داخلي
رحنا لـ محلات مال ملابس
أيهم اشترى ملابس اله
على ذوقي خليته يشتري قميص زيتوني
و بنطرون اسود و اشترى لـ باهر و أيمن
رحنا لـ قسم النساء ظليت افر عيوني ع الملابس
أيهم گلي اشتري شنو تريدين
و لا تهتمين لـ الاسعار
اساساً انا ما افهم اي شي
اشتريت لـ ملاك بجامه و لـ امي هم اشتريت الها
بس انا ما عرفت شنو اريد
لگيت بجامة مرسوم عليها سيارات اخذتها
انداريت دحگت لـ أيهم واكف يحاسب
و بـ ايدة علاكه ، اندار دحگلي اجا ناحيتي
أيهم : ما عجبج شي؟
مُلاذ : ملابسهم كلها صلوخ
احنا هناك ما نلبس هيج بالعراق
شنو هاي الي بـ ايدك؟
أيهم : هيج و لا شي
عبست شفتي ، هزيت راسي بـ قبول
اشترينا طلعنا من المحلات و رجعنا لـ البيت
دخلت هستوني نزعت شالي انداريت لـ أيهم
دحگتله واكف وراي و بـ ايدة علب ثنين
مُلاذ : شنو هاي ؟
أيهم : لَـذة الأيهم
رفعت عيني دحگتله
و ذبيت الشال
دحك بـ عيوني و گال
أيهم : عادي تجربيهم سويه علمودي؟
و اذا مو عادي البسجياهن غصب
ضحكت و دحگت لـ العلب
مُلاذ : هنه شنو ذني ؟
أيهم : اخذي و شوفي
عكدت حواجبي بـ استغراب
اخذتهن من ايده دحگتله ، ابتسمت
و گلت بـ استغراب
مُلاذ : تمام
اخذتهم و رحت لـ الغرفة
فتحت العلبة الفوك دحگت لـ طقم فضه
تراجي و گلاده ناعمة و سوار
مرصعات بـ كرستالات ، انبهرت بـ شكلهم
و طبعاً كل مرة أيهم يبهرني بـ ذوقة
فتحت العلبة الثانية
يلي مشدودة بـ شريط هدية
وخرت الغلاف ، رفعت بـ ايدي يلي بـ بداخلها
فستان اسود ، ردانه طويله و يوصل فوك الركبه
بس شكله كلش حلو و فخم ، و بي رگبه
سمعت أيهم يدك الباب
أيهم : لبستي ؟
مُلاذ : بس ...
سكتت و دحگت لـ الفستان يلي بـ ايدي
تذكرت لمن گلي "كوني سلسله"
مُلاذ : بس دقيقه
اختفى صوته و انا لبست الفستان
دحگت لـ روحي بـ المراية زادني بياض
غلقت سحابته و بقيت ادحك لـ روحي بـ المراية
لبست الطقم يلي جايبه أيهم
فتحت شعري و نثرته على ظهري
اخذت حُمره حَمره خطيتها على شفايفي
رشيت عطر على ملابسي
طلعت من الغرفة اجرجر بـ الفستان
دحگت لـ أيهم يلي كاعده بـ الصاله
متجي راسه ع القنفه و يدحك لـ السكف
لعبت بـ اصابيعي و حجيت
مُلاذ : أيهم
نزل راسه دحگلي
من جدمي لحد راسي
لـ ثواني كام وكف و گال
أيهم : كلش حلو عليج
مُلاذ : بس هذا وين رح البسه؟
أيهم : ما تلبسينه لـ احد بس الي
گالها و اتقدم عليه خلا ايده ع خدي
حاولت اتلافى هاللحظات و گلت
مُلاذ : باررده
دحگلي بـ هدوء ، ابتعد
رحت كعدت ع القنفه اغطي بـ رجلية
جاب غطا و غطاني
مُلاذ : أيهم طفي الضوه انعميت
راح طفى الضوه
و اجه كعد يمي كعدت صفح
و متغطية دحگت اله
مُلاذ : ذوقك حلو بالاختيارات
عليمن جنت تتدرب؟
أيهم : على هتان
مُلاذ : هههههههه خطيه
أيهم : و الله جنت اشوف شنو تشتري
اتسودن جنت من تجيب اشياء كصيرة
ما اخليها تطلع بيهم
مُلاذ : لا تلح وياها هيج
أيهم : لَـذه ملابس فوك الركبه!
اتخبل انه من هالملابس
انتِ اشتريتلج هذا تلبسي بس يمي
مُلاذ : يا
أيهم : و الله اتخيلتج بي و اشتريته
اصلاً انتِ ما تحبين الفساتين
ف اشتريته و گلبي مرتاح
مُلاذ : بس هذا حبيته
أيهم : خو شكو شي ما يعجبني يعجبج
سوادي الادبسز المتعبني
مُلاذ : ام سوادي المن اشتريته لعد!
أيهم : اشتريته حتى اشبع عيني بيك
لان عيني وكحه و تريد بعد و ما جاي تشبع
مُلاذ : تعرفها لـ عينك وكحه
أيهم : وكحه حيل وكحه تعبتني
مُلاذ : منيه؟
أيهم : عيني ، عيوني ثنينهن
ظلينا نضحك و نسولف
گام أيهم ، انا بقيت على وضعي
كاعده صفح ، ساندة راسي ع تجوة القنفه
فوكاي الغطى يلي غطاني بي أيهم
هدوء و ظلام ، ضوه خفيف يمر من خارج البيت
دحگتله لمن وكف لـ ثواني
يم ديجي ، اتصادر لـ مسامعي
صوت اتصال الديجي بـ تلفونه
اندار و اتقدم ناحيتي ، بقيت ادحگله
لحد ما وكف كدامي
ابتسامة خفيفة مرسومة على ثغري
مد ايده الي
مُلاذ : شنو؟
أيهم : تعالي
مُلاذ : ليش اجي؟
أيهم : تعالي يلا
دحگت لـ وجهه بـ استغراب
خليت ايدي بـ ايده ، وخرت الغطى
كمت وكفت و انا لازمه بـ كف ايده دحگتله
رفع ايدي و هو يقربني خلاها على متنه
خلا ايدي الثانية من الجهه الثانية
حاوط خصري بـ ايديه
فتح بـ ايدة الثانيه اغنية و شمر جهازه ع القنفه
اتصادر لـ مسامعي صوت الاغنية ..
"أنا العاشق لعينيك برب العشق فارحمني
وخذ بي بين يديك نبض القلب أسمعني
وضمد جرحي الدامي مني إليك فأخذني
وشافي مر علقمك حيث الشؤم يحملني"
لحظات من الهدوء التام
واحد يدحك بـ عيون الثاني
خلا ايده على ظهري ، جذبني ناحيته اكثر
شهكت بـ خفه من من حركته
ما مركزة عدل و فجأه دفعني اله
صارت وجوهنا اقرب ، انفاسنا اختلطت
عيونه تجولت على كل ملامحي ، بلعت ريكي
جنت هادئه اكثر من اي مره
بـ حياتي ما حسيت بـ هذا الهدوء
شعور حنين بـ داخلي و دفو
دنك سند كصته على كصتي ، دنى وجهه
خلاه بـ جانب وجهي و خدنا متلامس
تمايلنا وي الاغنية ، حجيت متسائلة
مُلاذ : شجاي نسوي ؟
أيهم : نتراقص
ضحكت بـ خفه دنى أيهم وجهه
دحك لـ وجهي و ابتسم
رجع مثل قبل ثواني
خلا وجهه يم وجهي و خدودنا متلامسه
حجا بـ نبرة مبحوحه
ما عرفت افسرها و صوت هامس
أيهم : اسف هواي اسف لَـذه
ردت ابعد راسي و ادحگله
بس اول ما بعدت راسي
خلا اصبعه على شفتي و همس
أيهم : اشش لا تسألين ليش
حضن راسي لـ كتفه بـ ايده
و بقينا نتمايل ، الاستغراب ياكل عقلي
انفاسه مره تتسارع مره تنخفض
اسمعه و هو يتأسف بـ همس و حاضنني حيل
غير كلماته و بدء يهمس كلمات الاغنية
أيهم : و خيار روحي صار أنت
أراها روحي ترمقني
تقول بكل قسوتها بـ غيرك سوف تقتلني
سكت و كملت الاغنية
" أراني أذوب يا عمري ولا أدري ما يجبرني
نيران فتشعلني ودمع الذات يغرقني
وأنت أراك تأسرني مني إليك تسرقني
أراني أذوب يا عمري وليس سواك ينقذني"
بـ اخر سطرين لمن وصلت الاغنية
"و انت اراك تأسرني"
دنك الي و جذب راسي اله
باسني بـ هدوء ، ايده على شعري
نزل ايد على خصري و الايد الثاني
على راسي من ورا
اتذكرت كلامه و طلبه مني ما امنع نفسي عنه
و انطي مجال لـ روحي و الين وياه ، بادلته
رفعت ايدي خليتها على صدرة
اريد ابعده و اجر نفسي
بـ كل قوتي احاول ما اتذكر لا اسكندر و لا سرى
كطع بوستنا ، همس بـ صوت يلهث
أيهم : الأيهم انه لا تفكرين بـ غيري
انتِ بين ايدين الأيهم ، انتِ بـ أمان
هزيت راسي بـ قبولي بعدني اريد احجي
رجع باسني ، تراجعت بـ خطواتي لـ القنفه
لمن هو بدء يتقدم ، محتضني بـ ايديه
صارت ايده ع سحاب الفستان ، لزمت بـ زنده
خفت اطيح لمن ضربت رجلية بـ القنفه
نزلنا بـ هدوء عليها ...
لـ كم دقيقة و احنا على حالنا
كل ذرة بـ جسمي ترجف
اجا صوت اتصال تلفوني
بلعت ريكي و ظليت ساكته متجاهله الصوت
بس اتكرر اكثر من مره ، همست
مُلاذ : أيهم .. أيهم دحگلي
ما يسمعني ، صار الاتصال يصدر بـ تلفونه
خفت تكون امي لو ملاك صايرلهن شي
و الاتصال ينعاد اكثر من مره
حجيت بـ صوت يرجف
مُلاذ : أيهم دحگلي
رفعت وجهه من رگبتي بـ ايدي
دحگلي ، عيونه ذبلانه
مُلاذ : اوكف جاي يدكون علينا
أيهم : عوفيـ...
مُلاذ : أيهم حباب بعدين
حتى هسه ما جاي اكدر جسمي جاي يرجف
خاف اهلي صار بيهم شي جاي يتصلون
أيهم : عوفـ...
جر نفس بـ صعوبه و سكت
لزمت بـ صدرة ، حجيت بـ توسل
مُلاذ : أيهم
دحك بـ وجهي و كام كعد ع حيلة
رفعت نفسي ، رحت ع التلفون اخذته
دحگت مكالمات هواي
انداريت دحگت لـ أيهم ،
كاعد على حيلة يفرك وجهه
ضغط بـ كفوف ايديه على مجاحر عيونه
درت وجهي فتحت الاتصال
مُلاذ : ملاك؟
اتصادر لـ مسامعي صوتها
يلي كان صعب عليه اميز نبرته
ان كانت خوف او توتر
ملاك : مُلاذ ...
وسعت عيوني بـ صدمه و دهشه
ع اخير كلمات نطقتها
ملاك : غاده جابت
مُلاذ : صددددك؟
ملاك : و الله
انداريت دحگت لـ أيهم
أيهم : شكو؟
مُلاذ : غاده جابت
ضحك بـ ذهول
مُلاذ : شلون صحتها؟
ملاك : زينه بعدها ما كعدت
ردت اگللكم
مُلاذ : تمام بااجر ان شاء الله نرجع لـ العراق
ملاك : لا لا كملوا سفرتكم
مُلاذ : ولج خطيه
ملاك : لا هي اساساً يمكن ما تقبل
مُلاذ : اشوف أيهم
صوريلي الطفل شسمو؟؟
ملاك: بعدهم ما سموه
مُلاذ : باهر شنو ردة فعلة؟
ملاك : هههه كام يبجي عليها
ضحكت و ظليت احاجي ملاك شوي
بعدين سديت الاتصال منها
انداريت دحگت لـ أيهم سولفت اله
يلي گالته ملاك ، ضحك بـ فرح
خابر لـ باهر و بارك اله
گله باجر نرجع لـ العراق
بس باهر ما قبل و گله ازعل عليكم اذا رجعتوا
سد الاتصال و هو مبتسم
دحگتله اتبدلت ملامحه و رجعت تعبانه
و لحد الان شرايينه ناطه
مُلاذ : أيهم شبيك؟
دحگلي و هز راسه بـ رفض
درت وجهه الي دحگتله بـ استغراب
مُلاذ : شبيك؟
أيهم : مابيه ، تعبان
مُلاذ : انتظرني هنا هسه اجيك
هز راسه بـ قبول
ركضت لـ الغرفة بدلت ملابسي لبست بجامه
و رجعت اله دحگتله متمدد
وجهه احمر و عرگان
مُلاذ : خاب شبيك؟؟
أيهم : مابيه شي لا تخافين
تمددت يمه ، بلعت ريگي
خليت ايدي على خدة
دحگت لـ عيونه ذبلانات
رفعت ايدي خليتها على شعره
مسحت العرك من كصته
مُلاذ : تنام؟
هز راسه بـ قبول
تمددت يمه ، حضنت راسه لـ صدري
دائماً ظليت اذكر نفسي " هالشي عادي"
تعبت و انا اضغط على نفسي
و اكبر الاشياء العادية و اخليها مستحيلة
نزلت عيني لـ أيهم يلي مغمض عيونه
همست
مُلاذ : اوف ي ام سوادي
ابتسمت ادحگله
وخرت شعره عن وجهه
رجعت راسي ع المخدة و غفيت
فزيت الصبح لمن حسيت بـ ثكل
دحگت لـ أيهم جاغصني جغص
مُلاذ : أيهم أيهم عزه اختنكت رح اموت
أيهم اكعد دحگلي
نايم بـ سابع نومه
دنيت روحي اريد اكوم
رفسني رفسه شمرني بـ الگاع
وكعت على ايدي عطت بـ صوت عالي
مُلاذ : اخ ايدييي
دحگتله فز و دحگلي بـ استغراب
بقى يرمش ثواني و طفر الي اجاني
أيهم : مُلاذ شكوووو؟
مُلاذ : رفستنييي من القنفه و طحت على ايدي
أيهم : تحجين صدددك؟
مُلاذ : و الله
أيهم : ما ادري بيج و العباس
مُلاذ : ايدي توجعني
أيهم : كومي نروح لـ المستشفى نسوي اشعه
مُلاذ : لا...
بعدني اريد احجي
ما قبل أيهم ابد و خلاني اكوم
و فعلاً رحنا لـ المستشفى
طلع ماكو شي ، بس وجعتني لان طحت عليها
لـ الظهر و رجعنا لـ البيت
وكفت ارتب المكان و أيهم يرتب وياي
راح هو لـ المطبخ رحت على تلفونه
لمن اجا اله اتصال اكثر من مره
دحگت بـ استغراب ، مخلي قلب ابيض
اخذت التلفون و جاوبت على الاتصال
بعدني ما ناطقة بـ اي حرف
سمعت بنية ع الاتصال تحجي
- أيهم اليوم اول يوم مدرسة لـ علي
و بـ هالمناسبة راد يخابرك و يگلك
هذا هو يحاجيك
وسعت عيوني بـ صدمة
اجاني صوت طفل
-الو بابا اليوم رح اروح لـ المدرسة
ليش ما اجيت تاخذني ؟
ظليت موسعه عيوني مصدومة
رفعت عيني دحگت لـ أيهم
يلي اجا ناحيتي يدحگلي بـ استغراب
أيهم : منو؟
سمعت صوت الطفل و هو يكرر
- الو بابا ، بابا أيهم؟
رجع اجاني صوت المره
-أيهم ؟ الو أيهم تسمعني؟
أيهم ؟ هاي شنو انكطع الخط؟
أيهم ؟
ثواني و انقطع الاتصال
نزلت التلفون و دحگتله
حجيت بـ صعوبه
مُلاذ : عندك ابن ثاني ؟!!!
أيهم : شنو؟
ظليت متيبسه بـ مكاني
عفت تلفونه ع الميز
دحگت بـ وجهه لمن اتقدم و اخذ التلفون
دحك لـ الرقم و تبدلت ملامحه لـ الصدمة
مُلاذ : عندك ابن ثاني ؟؟؟
و متزوج مره ثانية؟؟
هز راسه بـ رفض ، بان على ملامحه التوتر
دفعت صدرة بـ كل قوتي
أيهم : لا
مُلاذ : شنو الـ لااا؟؟؟
طفل يگلك باباا حجا ع التلفون و گال بابا !
أيهم : مُلاذ
مُلاذ : مُلاذ شنوووو مُلاذ ؟
أيهم : خليني احجي
مُلاذ : شراح تحجي شنو راح تبرر؟؟؟
دفعته اريد اعبره و اروح
نار اشتعلت بـ دماغي من سمعت الطفل
جرني من خصري ، صيحت سد حلگي بـ ايدة
همس بـ اذاني
أيهم : مو ابني مووو ابني
انداريت و دفعته
مُلاذ : اذا مو ابنك ليش يكلك بابا؟؟؟
ما راح استغرب حتى اذا طلعت متزوج وحدة ثانية
حتى الطفل اسمه مو أبيل اسمه علي !!!
جر ايدي و مشى بيه لـ الغرفة
دفعته و صيحت ، ما قبل يهدني
دفعني على الجرباية و اجا فوكاي
مُلاذ : وخررررر عنييي
ردت اكوم ، دفعني ع الجرباية مره ثانية
سد حلگي بـ ايده و لزم ايديه ثنينهم
رفعهم لـ فوك ، نطت دمارات وجهه
أيهم : مووو ابني خليني احجييي
رفع ايده عن حلگي وحجا
أيهم : البنيه جانت حبيبة اخوي
تزوجت واحد غيره و جابت منه هذا الطفل
بس زوجها جان يعنفها و ياذيها
بعدين عرفت انه و طلعتها من يمه و سجنته
لان انه ويا الطفل من طفولته لحد الان
صار يصيح الي بابا
دحكت بـ وجهه مصدومة
همست بـ صدمة
مُلاذ : حبيبة أيمن؟
دحك بـ عيوني
هز راسة بـ رفض صفن ثواني
مُلاذ : باهر؟
دحك بـ وجهي ساكت
ازدادت العقدة يلي بين حواجبي
نطق بـ ضعف ، تعابير وجهه احتدت
أيهم : اخوي أدهم
رجع عيونه لـ عيوني ،
نطق بـ ضعف و وهن
أيهم : شهيد .
حجاها ، بـ نفس اللحظة
نزلت دمعته الحارة من عينه على خدي ....
****************
يتبع ...
لا تنسى التصويت بـ نجمة +
التعليق بين الفقرات 🩶
**************