" من وعيت و انه ضايَع
ماكو عنوان أعتنيله
و لا اكو واحد دَكلي صدره
و گلي ذب حملك و أشيله
بيه حزن الناس كلهه
و عيني بالدمعة بخيله
و همي ما سولفته لـ أحد
خاف يحسبني اشتكيله ! "
الكاتـِبه : أيــلان
حساب الانستا للتواصل : l.1ll8
*اكو صورة نهاية البارت 🤍
فيروز :-
دكيت باب بيت نيروز
كلي لهفة و فرح رح اشوفها بعد سنين
انفتحت الباب طلعتلي بنية شابة
اتطلب مني ثواني ادقق بملامحها
حتى اتعرف عليها
اول ما شافتني
اتوسعت ابتسامتها
زمرُد : خاااله
فيروز : زمرُددد يمه بنيتي كبرانه
ذبت نفسها بحضني
و هي ترحب بيه و تسلم عليه
فيروز : كبررانه و حليانه يمه فداوي
زمرُد : خالتي عمري مشتاقتلج
ابتعدت تدحگلي
و تتفحص وجهي بعيونها
فيروز : اكثر يروح خالتج
زمرُد : بعدج على حلاوتج
عبالك عمرج عشرين سنه
فيروز : شهاللسان الينكط عسل
زمرُد : ادخلي ادخلي باردة
دخلنا جوا شفت نيروز
ركضت عليه تحضن و تبوس بيه
روحي ملهوفه عليهم
الفرحه مسايعتهم لمن شافوني
كعدت انطوني مي و عصير
و كعدت نيروز يمي
راح زمُرد صاحت اخوتها
طلعوا من الغرفة ولد تؤام يتشابهون حيل
بس مشوربين و كبار
فيروز : ليث و غيث يداده شلون كبرانين
اجو يسلمون عليه
و طلعت جنة نيروز رحبت بيه
فيروز : فرات وينه؟
نيروز : طالع شوي و يجي
هزيت راسي
راحت زمرُد للغرفة
نيروز : بنياتج وينهن؟
فيروز : ملوكه عدها امتحان و بقت مُلاذ يمها
نيروز : ياا مُلاذ ، داده شكد مشتاقتلها
فيروز : هههه ، حبيبتي هي هم مشتاقتلكم
نيروز : يا صف صارن؟
فيروز : مُلاذ مرحلة رابعه قانون
و ملاك ثاني متوسط
نيروز : كبرانات فدوة
مُلاذ بعدها وكحه لا؟
فيروز : بعدها بعدها على خبالها
كل يومية مطلعتلي سالفة شكل
تخليني اشيط و انركع ههههه
نيروز : ههههه اي هي وكيحه
ابو طبع ما يتغير
فيروز : بعد بزرج لا تكدرين تغيري
و لا تكدرين تجبرينه يتغير
ولا تكدرين تذبي
تضمينه بوسط گلبج بكل طباعه
YOU ARE READING
جَرح الأيهم
Actionالنبذه :- فَي ذَلك المَنزل الدافئ ، المَملوء بالمشاعرِ يحتضن أسفل سَقفهِ و بين جُدرانه تِلك الطفلةُ الَتي كَبُرَت قَبل أونها نُسخة والدها الصغيرة ذات الثَغر الضاحِكِ دوماً حتى اختفت ضِحكتها بين طَيات الحُزن والزمن بعد ان فَقدت والدها ' إلياس ' و...
