جَرح الأيهم

"الجُــرح الثامن و ستين"

- جَـرح الأيهم .

لـ الكاتـِبه : أيــلان
حساب الانستا للتواصل : l.1ll8
* حساب الأنستا محذوف مؤقتاً♡︎.

*لا تنسى التصويت بـ نجمة "☆".
*التعليق بين الفقرات "✍︎︎" .

• قِـراءة مُمتعه ꨄ.

****************
"ما تسوون واحد يتعب ألكم
ولا چن بـ الشدايد واگف ألكم
طحت عفتوني وحدي و كلكم صرتوا ضدي
و أنه بـ أصعب ظرف ما فارگتكم ماتسوون
كل تعب التعبته من مال الحمل عدكم عدلته..."
-سمير صبيح
****************

مُلاذ :-

هزيت راسي بـ رفض أرفض كلامها
عقلي أحسه أتجمد

مُلاذ : غلط مو حامل أمشي نرجع ألها

ردت أمشي لزمتني سلوى مانعتني أكمل

سلوى : سألتها مُلاذ أنتِ حامل

نترت أيدي من أيدها حجيت بـ عصبية

مُلاذ : سلوى لا تخبليني شنو حامل
أنا ...

سكتت و عيوني ينزل شرار منها مو دموع
لزمت راسي بـ أثنين أيديه دايخه
لزمتني سلوى و گعدتني على الكرسي
بچيت و حچيت

مُلاذ : مستحيل سلوى مستحيل

أحچي صوتي مشحرج و مبحوح
دحگت ألي سلوى لازمه بـ أيديه گنبصت گدامي

مُلاذ : أكو غلط مستحيل

سلوى : مُلاذ لازم تكونين منتبهه
معقوله ما حسيتي بـ روحج حامل؟