جَرح الأيهم

" الجُــرح الخامس و ستين "

- جَـرح الأيهم .

لـ الكاتـِبه : أيــلان
حساب الانستا للتواصل : l.1ll8

*لا تنسى التصويت بـ نجمة "☆".
*التعليق بين الفقرات "✍︎︎" .

• قِـراءة مُمتعه ꨄ.

****************
"شعَرتُ أنني شَمعةٌ تُجرق نَفسِها
لـ تُضيء غرفةَ شخصاً أعمى"
-محمود درويش
****************

جسار :-

أدحك لـ مُلاذ أنتظرها تسكت و تهدء
ذبلت عيونها على گد ما بچت و صوتها راح
تشهك و حاضنه الگبر بـ كل قوتها
مسحت وجهي ساكت
سكتت  دموعها تنزل بـ هدوء

صافن عليها شگد أذوها
و شگد هي تعبت لـ درجة هسه أنفجرت
ما متعود أشوفها هيج أبد و ما توقعت بـ يوم
رح أشوفها و هيَ بـ هذا التعب و الحزن و الهم

همسَت ما سمعتها شنو تحچي
تهمس وي روحها و تدمع

صارت الشمس تغرب و الضوه يروح
رحت لـ يمها گعدت و هي صافنه

جسار : مُلاذ

ظلت صافنه رجعت كررت أسمها
نزلت عيونها ألي ، صايرات حمر دم

دقايق مرت و هي لزمت بـ الگبر
گامت وگفت دحگتلها و وگفت وياها

سندت روحها على الگبر و تدحگله
دنگت باسته و مسحت عليه بـ أيدها
أبتسمت ضامه شفتها ، نزلت دمعتها ع الگبر

مشت و عثرت ركضت عليها أريد ألزمها
رفعت أيدها تستوقفني بـ مكاني
مانعتني أكمل طريقي ألها و أساعدها