<ظلمات الغيهب >
حلقة _8 _ الجزء الثاني ..
بقلمي : اساور حسين .
ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
......................><><><><><.....................
الغيهب..
زهراء: الثاني اختار الثاني طلعني .
فراغ للحظات الظلام أسر عيوني صفنت بعيونها
وبين عقلي وكلبي حرب معقولة هيَّ هاي إلي حبيتها!!
وكفت منكسر كلشي بداخلي طافي اريد انطق ياريت أنطق
مشيت بلا حروب بلا مماطلة طلعت المفتاح من جيبي وفتحت
الباب تغيرت ملامحها انصدمت وكآن تگول بهل بساطة
مو معقولة ماتعرفني تعبت اني تعبت احارب ؏ ناس احبها
وهمَّ يأذوني صدماتهم وگفت عقلي .
زهراء: غيهب ..
اندفع الباب دفعني ابوها ؏ حايط وايهاب سحبها
من ايدها سيف ركض ؏ ابو : يابه كافي عيب منا العالم .
رحيم : بهذلتني لك غيهب شتريد مناااااا انتَ كابووووس
اطلع لك اطلع من كُل حياتنا رووووووح .
دفعت ايده مني ومشيت للتخم گعدت منزل راسي
ماعندي طاقة ابد مليت من الصياح وماكو نتيجة
سيف : ايهاب نزل زهراء وحركوا السيارات ليش صافنين .
ايهاب: يلة ام النور ننزل ؟
زهراء: لحظة .
تقدمت تجاهي وبصوت خايف سألتني : غيهب بيك شي .
رحيم : شبيييييييي كلشي مابي امشي انزلي .
زهراء: لحظة بس لحظة حتى ما نطقت بحرف غيهب تسمعني ؟
فضلت السكوت حتى لا اطاول وأطلع بالأخير اني الغلطان
اني ابو المشاكل اني اتجاوز واني اتهجم تعودت كلهم
يغلطون بس لازم ترجع ؏ غيهب وهو الخطأ الوحيد بيناتهم .
گعدت بصفي اخذت ايدي تركتها براحتها قاست النبض
مالتي ورفعت راسها ؏ ابوها : بابا النبض بابا نروح للمستشفى
لازم نرووووح للمستشفى .
اخذت ايدي منها وگفت بصف الباب فتحته ؏ اخير واشرت
الهم بمعنى الكل يطلع ، تقدم ابوها وصار يستفسر : وجهك نخطف
لونه كلبك بي شي تحتاج مستشفى .
ايهاب : يعني والله يا عمي الصار كله غلط .
رحيم : غلط شنووو !! غيهب بداعت النور عليك اذا بيوم زينة
تتزوج وزوجها صاحب سوابق تعنيف وياهه ويجي يوم يطلگون
وزوجها يخطفها من شغلها بدون علمك او علم امها ولا تندل
البيت وما تعرفها عايشة ميته ضربها أذاها اكلت شربت شنو
رد فعلكككككك فهمني تگعد مكتف تنتظر خبرهاااااا .
الغيهب : تريد بنتك اخذها واطلع انتوا صح واني غلط .
ايهاب : معقولة بس هيج هذا مو رد الغيهب توقعت
تهدد بالقانون وتشتكي بلحظتها شسالفة .
الغيهب: منو يستحق اذا هي الي ردتها باعتني
وفكرت بأنانية بعد منو يستحق احجي وأتعب الخاطرة .
؏ وگفتي وتقدم رحيم اكثر لزمني من ايدي وگعدني ؏ تخم
وهو يوجهه كلامه السيف وايهاب : انتوا انزلوا قبلنا
عندي كلام اني والغيهب وزهراء لازم نخلي النقط ؏ الحروف
حتى تنتهي المهزلة .
نفذوا ونزلوا سد الباب وظل وأكف زهراء بصفي
اتابع تحركاتي : قبل ساعة بالضبط جنت گاعد العب اني والزينة
لان تبچي مو على امهاا لا النور وزينة يريدون ابوهم وامهم
يشهگون بـ اسمائكم ، اطفالك يشوفوك مو اب عادي وانما اب خارق
سألت النور سؤال واني گاعد وياه تريد تصير قوي مثل سبايدر مان
جاوبني اريد اصير مثل ابوية محامي ذكي وقوي وحباب .
ماتحملت حاولت اتماسك بس بمجرد ذكر اسماء نور عيوني
وزينة حياتي نهاريت بعدت وجهي منهم نزلت راسي
رحيم: مشتاقلهم ؟
بقيت منزل راسي ومسحت عيوني
رحيم : اني ما امنعك منهم .
الغيهب : مانع انتَ تمانع اشوف اطفالي وكذا مرة
اجيت عليكم اريدهم بس اريد اشوفهم ترفضون .
رحيم: ما اريد يحسون بالتشتت وينقهرون لان يعرفوك
موجود بس انتُ بعد مو عائلة خفت عليهم واكيد انتَ
تحبهم وتخاف عليهم .
الغيهب: تعرفوهم نقطة ضعفي وعلى هل اساس حاربتوني بأطفالي.
رحيم: وانت تريد ترجعها أليه وخطفت بنتي .
الغيهب: لان احبها واريدها بحياتي ما خطفتها حتى احرك كلبك
لان وبصراحة انتَ ماتهمني مو اقلل منك بس المهم عندي عائلتي
المهم عندي شلون نرجع مو مهم احرگ كلبك مو أبالي ابد .
رحيم: اني ما عاقبتك اني المهم عندي واكثر من مرة
اعيدها عليك المهم بنتي مرتاحة وياك ما اتحمل يوصلني
خبر انتَ انطيت تعب بنتي ولا اتحمل اسمع انتَ متزوج عليهه
لان ما ناقصها شي ولا مقصرة وياك .
رجعت سكتت بدون جواب هو من شافني ساكت كمل
_ على أخطائك السابقة الي ارتكبتها بحياتك
الله سبحانه يعاقبك عليهن وحالتك هاي اكبر دليل انتَ باختبار .
هزيت راسي واني اعرف نفسي فعلًا باختبار
بس حل اختبار عصب ، ذبيت نفس ورجعت استمع
كلامه بـ إهتمام : خابروني وسلموني عنوانكم
بلحظتها اجت عيني ؏ اطفالكم مقابيلي وقبل لا اطلع
لزمتني رجاء من ايدي وكلامها الى الان يرن بـ إذني
انتِ بابا زهراء هم ركزي وياي ؏ كلام رجاء .
رجاء: يابه ما ادري اذا الغيهب فعلًا غلطان او يتبلون علية
بعدنا ما متأكدين لازم نستفسر نسمع وبعدين نتصرف
هو لو غلطان يعترف ويعتذر صار عمر وياه وندري بيَّ مايخاف .
ورجعت اشرت ؏ اطفالكم وكملت : لا تتهور وفكر زين ابوس ايدك
بابا ما اريد اطفالهم يتبهذلون مثل ما اني وامهم تبهذلنا
حتى لو كلنا نتساعد بيهم مو مثل آلام والاب مستحيل
زهراء هسة عصبية وماتعرف لا تفكر ولا تقرر لا تصير بكلشي وياهه .
ضحكت بوجع وبقيت اهز براسي وارد ؏ كلامه بديتها بضحكها
ونهينها واني بقمة عصبيتي فقدت بلحظتها فقدت
_ حتى اختها الي جانت حاقدة علية تبرر اليه وهي رافضة
تگعدددددددددد ويه نفسهااااااااااااا تفكرررررر زوجي معقولة
يشيل تعبنا ويسلمه الوحدة دمررررررته وحدة تلعب نفسه من
يسمعععععع اسمهاااا تعبي وحق اطفالي انطي النعااااااال .
رحيم : لا تعلي صوتك مو كاعدين نتفاهم .
الغيهب : انتَ تعرف هااااي بنتك قبل شوية شسووووت ؟؟؟
زهراء: اني بضغط ما أعرف أصلا افكرر .
رحيم : شصار ؟
الغيهب: بنتك اختارت تبتعد وما تفهم .
رحيم : غيهب انتَ ضايج ومتعصب لان اني اتجاوز عليك ؟
الغيهب: طبعًا ومووووو من حقك ابد ابد .
رحيم : ومن ابوك ضربها هي المطلوب ما تزعل
وتعتبره ابوها مو ؟
الغيهب: ليش تحجون وعيالك اني راضي ؏ صار وعندي علم وشريكهم ؟
رحيم : أريد أوصلك فكر الصار بذاك اليوم وصدمة زهراء مو قليلة
بيوم واحد ضاع تعبها تعوف بيتها واطفالها وتروح تكمل شغلها
وتتحمل الزين والموزين ولا نومة براحة لا اكل بهدوء خلصتها
تركض وتالي ما تالي فلوسها تروح لوحده هي سبب خسارة صحتها
ولليوم تتعالجون نفسيًا بسببها ليش سهلة عليَّ اشوف بنتي
تتعالج نفسيًا من عذابكم الها بالماضي تريدني اعوف بنتي
وما ادافع عنها وهي متأذيه .
سحب الباكيت اخذت جكارة شغلتها وهو كمل كلامه
_ شنو بنتي بعدها صغيرة وتسوي عمليات مرارة
من القهر والضيم بروح امك لو انتَ بمكاني وصاير
هيج بزينة عادي عندك احلفك بـ امك ؟
الغيهب: يصير بيها لو صاير بينا اني وياها بنفس
المصيبة ابوية طلب مني ، بربك يعني ابوك انتَ ابوك اذا يطلب
منك فلوس ما تنطي معقولة ترفض لأبوك طلب ؟
رحيم: انطي بس اتأكد من الفلوس وين تروح لان المبلغ مو شوية .
الغيهب: واني لازم خمس قضاية وحدة اصعب من الثانية
بذاك الوقت عائلتي ما شايفهم شلون أتأكد وشيصير عقلي مكينة
ترا بشر والله اتعب ومرات عقلي يوكف من كثر الشغل
شصير اي غير افهم شصير ، المشكلة هي جانت تدري شلون
تعبان من الشغل واركض بالقضايا وصلت بالعالم تجي للبيت
احل مشكلتهم ماعندي وقت وقت مااااااعندي .
رحيم: بالله نگول ما انطيتها الفلوس
ما متقصد واخلي نفسي بمكانك ابوية طالب الفلوس والاب
ما ينرفض اله طلب ، ليش تزوجتها بس اقنعني ليش تزوجتها ؟
الغيهب: اتزوج منو ؟
زهراء: موووج ابوك هو بشرني من الصبح واني عملية
وروحي طالعة هوو ابوووك خابرني قابل ابوك يكذب
بهيج موضوع حساس .
الغيهب : ابوية هو گال !!
اكيد رسائل وهاي بنت الـ**** هي اخذت تلفونه وكتبت .
زهراء: مكالمة غيهب ابوك شخصيًا اتصل وبلغني
وگال اذا تريدين صورة ادزلج ماعندي مانع بس يرجعون
لان طالعين وبوقتها انتَ جنت ماكو معناها كلامه صح .
الغيهب: لااااااا لااااااا ابد صح شنوووو صح كُل عقلچ
لچ انتِ ليش ما عندج ثقة بيَّ ، موووو علمودج بس
تتوقعين اني لهل درجة **** واروح طبيعي اتزوجهاااا ؟
غمضت عيونها تعرف بكلامي صح ادري بيها متأكدة اني
ما غلطت ولا اغلط هيج غلط بعمري كله : ليشششششش تسكتين
جاوبي احجي ويايَّ احجي لا تعبين كلبيييييييييييي .
رحيم: انتَ مو خطفتها علمود دليل وين دليلك ؟
الغيهب: خطفتها عايشين لحظاتكم انتوا بنتك مرتي
بالقانون حتى لو مطلقها شرعًا بعدها مرتي وشوكت
ما اريد احجي وياها جدًا عادي وحتى لو قررت ترفع عليَّ
دعوة يضحكون عليكم والله تصيرون مضحكة بين العالم .
رحيم: يعني هسة انتَ تنكر زواجك من بنت عمتك ؟
وافتهم منك ماتدري بالفلوس البنت عمتك ؟
وافتهم منك انتَ ما قابل ؏ كُل الصار ؟
اثبت كلامك اريد وياه اثباتات .
طفيت الجكارة ورديت علية واني اهز براسي
_ اي مو تدللون اني هل يومين مو دليل ولا اثنين ولا خمسين
دليل مليون دليل يوصل الكم ، بس خلي ببالك بذاك اليوم توصل
لغايتك .
گمت من مكاني مخنوك فتحت الشباك وكملت
_ مو بس اعوف بنتك بحالها حتى العراق بكبره اتركه
اني تعبت هنا لا شفت خير من اهلي ولا من ام اطفالي الي هي
حبيبتي وجنت اگوم واگعد اگول الها لا تعوفيني لج زهراء
انتِ مو بس مرتي وام اطفالي اريدج صديقتي اشوف بحنانچ
امي تعوضيني انتِ عن كُل اهلي بس هي هههههههه هي ولا تهتم .
رحيم: واطفالك ؟
الغيهب: هسة عرفتهم اطفالي ؟
رحيم: غيهب اثبت كلامك صحيح ونتفاهم .
اخذ زهراء من ايدها وراد يطلع قبل لا يخطي
ويطلع عتبة الباب صحت : زهراء للمرة الأخيرة
وحق آبو فاضل لو ما احبچ وعزيزة عليَّ واطفالي
هادين حيلي ما انزل نفسي اكثر ، ابقي وانتِ هنا
اثبت الحقيقة والله اذا تطلعين مستحيل نرجع بعد وروح امي
بعد ما اخليچ تلمحين شكلي ابقي لاااااا تهجمين كلشي
خلي خاطر للعشرة .
باوعت ؏ ابوها خايفة ومتردده ابوها عاف ايدها
وهمس : اني احبج واضوج من هذا الأرعن بس ما اكرهه
ولا اريد اهجم بيتچ واطفالكم يتبهذلون القرار عندج بابا
تريدين تجين او تبقين القرار بيدج وحدج .
رفعت راسها بتجاهي ركزت ودموعها تنزل
تموتني من تبچي بهل طريقة لو بيدي اخذها بحضني
وامسح دموعهاااا بس اوووف يا المسافات اووووف .
زهراء: اسبوع غيهب اسبوع واحد تثبت بي كلامك
واني ابقى هناا حتى اثبت اني لا اكرهك ولا انانية ولا حقيرة
مثل ما تگول بس اني مجررروحة منك هوووواييييييي
منك ومن اهلك غيهب منك ومن اهلك .
طبطب ابوها ؏ كتفها وهي تراجعت صاحني قبل
لا ينزل : اضغط ؏ نفسي واعوفها يمك بس والله يا غيهب
اذا ترشها بماي ارشك بدم خدش شايف الخدش ما اريد اشوف بيها .
الغيهب: لا تخاف حالف ما تنرفع ايدي بيوم عليهه .
رحيم: أمشي ويايَّ ..
الغيهب: وين ؟
رحيم : دتعال تأخرت ؏ دواممممم من وراكم ومن مشاكلكم .
سديت الباب عليهه وطلعت وياه وصلنا للسيارة
وهو يسأل : هم رحت دكتور لا انوب تموت وبنتي تصير ارملة .
الغيهب: هي بنتك ادگ وتنوح ؏ ارملة .
رحيم: فد راح ابجي عليك ليل ونهار .
الغيهب: ايييييي اخخخخخخخ تموت ورايَّ تندفن بصفي .
رحيم : لا اسم الله عليَّ .
الغيهب: بعدك مراهق انتَ وينك وين الموت
انتَ چايك بي جوز وفُستق حيلك يعادل عشر شباب
مناعة للستار لا هم ولا غم تغرف بهل فلوس وتدفن .
رحيم : ههههههههه عينك عليَّ اگول منو نافسني اثاري انتَ
شلون مركز بحياتي اكثر مني هي ارعن انتَ الاستفسار يمك
ذاك المبلغ اذا اني اغرف انتَ تكرف .
ايهاب : ها تضحكون سوية لو من الشمس انضرب راسي .
الغيهب: عمك يخاف على بنته تترمل بس ما يخاف عليها من تطلگ .
رحيم: مو اذا تطلگ عادي اگدر ازوجها ، اذا تترمل تبچي
عليك وتعيش ؏ ذكراك ماتصرف .
صعد وصاح عليَّ اصعد : وين غير تفهمني .
رحيم: اصعد مو عبالك اخذك بمنطقة مقطوعة
واموتك هناك ماعندي هل سوالف لا تخاااف .
ايهاب: عمي رجف الغيهب لا تهدد تهديدات مبطنة .
الغيهب: اي مو اني ايهاب وارجف وحق ربك شايف اذا اصير
عصبي الزمكم بالمنطقة المقطوعة واقطعكم تقطع ههههههه .
سيف : لا بليز ما اتحمل هيج تهديدات قوية انهار .
الغيهب: اگول زهراء طالعة عليمن طگات كُل ساع برأي
اثاري وراثه مو قبل شوية تفلش باب الشقة شووو بكل
ثقة تضحكون وتشاقون ويايَّ شبيكم بس لا فايروس جديد .
رحيم: غيييييييير يصعد الغضب .
صعدت وياهم تحركت السيارة وبقيت اسولف وياهم ؏ صار
الى ان وصلنا البيتهم نزل رحيم : تعال غيهب انزل ويايَّ .
الغيهب: الهل درجة وضعي صاير مأساوي بحيث
كُل من يشوفني ينقهر ؏ حالي .
رحيم: مو لان انقهرت عليك لاااا بس اريد اخلص من هوسة
جهالك اخذهم وياك وهم للأمان آمن ؏ بنتي ادري بيك بوجود
اطفالك تستقر وتفكر كلشش زين قبل لا تتصرف .
الغيهب: بوجودهم وعدم وجودهم اني حذر وياهه هاي روحـي .
النور : بااااااباااا رجع رجعععع ابوية .
ركض بحضني رفعته ابوس براسه وبخده
اوووف يا بابا يا نور يا عطرك يرد روحـي والله
نزلته ودرت بالصدفة شفت زينة واكفه بعيد
مكتفه ايدها ومبرطمه شفايفها بزعل لابسه
فستان ؏ شكل بدلة ولماع مو وقته مال مناسبات بس
ادري بيها من نوع عنوديه تسوي الي براسها واذا گالت
البس هيج معناها غصبًا عن الكل تلبس اهم شي كشختها.
ثنيت رجلي وگعدت بالارض فتحت ايدي مشتاقلها
ياربي طاك گلبي عليهه : شنو زنزون ماتريدين بابا .
رفعت إصبعها بين شفايفها الوردية وهزت راسها لا
_ اوووف ماتريديني ليش ؟
نزلت راسها بالأرض بغرور وگفت اريد اتلاعب وياهه
_ اذا زينة ما تريدني اروح احسن .
لزم النور ايدي مصدگ كلامي عباله صدك اروح بدون زينة
درت ضهري وما اسمع غير صرختها وگعدت بالارض
تشلع القراصات من شعرها رحيم خرب من الضحك عليهه
ركضت بتجاهه واني اصيح : لاااا بابا لااااا امزح والله امزح .
رفعتها ابوس بيها لزمت شعري وتسحب بي بقوة
وتضرب بيَّ راشديات وتصيح وتبچي ورحيم يصيح
_ اي حيل حيل اخذي حيف امچ منه .
الغيهب: هي هم خبالو مثل امها .
الزينة: ماما ماما .
الغيهب: نروح لماما يا روح ابوج بس لا تبچين عمري
گلبي اشتريلج لعبة هاا تريدين باربي تشبهچ .
أومأت براسها وحضنتني وهي تبوس بوجهي
بقيتها بيدها ومشيت باوعت ؏ رحيم وبلغته: راح أخذهم ويايَّ.
رحيم: مثل ما انتَ تخاف ؏ اطفالك أخاف إضعاف
؏ بنتي دير بالك عليها هل سبع ايام .
الغيهب: لا توصي حريص .
قبل لا اطلع طلعت رجاء ابتسمت وهي ضحكت
الغيهب: صدمتيني اگول هاي شلون اجت هنا .
رجاء: غير من وراك سويت نفس لفة شال زهراء
ونفس ملابسها بس حتى تسكت زينة فضحتني .
رحيم : بس ذكية عرفتها من ضحكت طلعت غمازتها
ورجعت تصرخ ماما وماما .
رجاء: المهم هسة تظهر الحقيقة واطفالكم
ما يتبهذلون والله كاسرين گلبي كلشي اله
حل بس اتمنى تحلون مشاكلكم بدون عصبية .
الغيهب: تعبتي ويانا شكرًا .
رجاء: رجع التلفون الزهراء حباب بس اريد اطمأن عليهه .
الغيهب: بس اوصل للبيت ارجع التلفون .
اخذت اطفالي وطلعت دز رحيم ويايَّ السايق والسيارة
وقبل لا ارجع للبيت نزلنا ؏ سوبر ماركت
شنو بنفسهم حلويات اكلات اشترينا ورجعت ؏
ابو المخضر تسوگت مسواك كامل مريت ؏ ابو
مشاوي اخذت اكل ويايَّ اريدها تاكل متأكد من تشوف
اطفالنا ترجع تاكل طبيعي .
وصلني ؏ شقة وراح السايق نور ساعدني بالمسواك
وزينة شايلة علبة النوتيلا وتمشي بطيء
صعدنا بالمصعد فتحت الشقة والنور فرحان : ماما احنا اجينا .
تعجبت ماكو صوتها وحتى ؏ صوت النور ما اجت
ذبيت المسواك من ايدي وفتحت باب الغرفة فارغة رحت ؏ مطبخ
ماكو اريد افتح الحمام وكان شي وره الباب ثگيل بس ما مقفول
دفعت الباب اكثر وصحت بصوت : زهررررراء وينچ افتحي الباب
النور والزينة ويايَّ ..
ماكو رد اضطريت ادفع الباب اكثر لمحت رجلها بالارض واگعه
گلبي بلحظتها تسارعت ضرباته فقدت اخاف ادفع الباب اكثر
وتنضرب وبين اخاف واگعه وصاير بيهه شي صرت اصرخ
بـ أسمها أريدها تصحى بسسسسس ماكووو جواب ماكو
النور وزينة من الخوف صاروا يبچون بعالي صوتهم
احتاريت بين افتح الباب وبين اسكت بيها عطت بالنور
_ لك بابا صير رجال وسكت اختك ماما مابيها شي بس
لان مشتاقتلكم وگعت هسة اشوفها شبيها بس اسكت وسكت اختك .
دفعت الباب اكثر الى ان گدرت ادخل رفعتها من الأرض
ايدي صارت ترجف بجنون تفحصت راسها ماكو دم
بس وجهه شاحب غسلت وجهه اكثر من مرة أريد استجابه
ماكو : بابا نورر العطر مالتي بالغرفة روح جيبه ركض .
دقايق وانطاني العطر بس خايف تراجع بسرعة
وحضن زينة بعيد من الحمام ، سندتها ؏ بانيو
اول ما استجابت ويايَّ ورجعت اغسل بوجهه
_ زهراء تسمعيني بس سمعيني صوتچ .
صارت تون بوجع ودموعها تنزل فتحت عيونها
شلتها من الحمام نومتها ؏ تخم بالصالة شربتها ماي
وطلعت ملابس اريد ابدل الها : ساعديني ابدل ملابسج
ختى نروح للمستشفى .
زهراء: مستشفى لا .
دارت وجهه بالغلط لمحت نور والزينة ما صدگت
صارت تغمض بعيونها وترجع تفتح بيهن بعدم تصديق
غيرت كُل ملابسها وصحت ؏ النور : بابا تلزم ايد اختك
وتمشي ويايَّ ابد ما تعوفني ولا تعوف اختك افتهمت .
النور : افتهمت بابا بس بسرعة حباب نروح للمستشفى
ماما راح تموت وتعوفني .
شلتها بعد محاولات أريدها تصحى ماكو رد فعل منها
اضطريت اخذها اصعدها بالسيارة والأطفال ليوره
گعدتهم سقت السيارة وحاير وما اريد اتصل ؏ اهلها
وتعال ادخل سين وجيم واخذ وانطي وهوسة
والباشا بهل مواقف جان يساعدني بس بعد وفاة
ابو اساور انشغل عني وملتهي بين العالم وبين
الدكاترة والمستشفيات ، واهلي ما اريد اي تواصل وياهم
شگد يتصلون عليهه بس رافضهم كلهممممممممم .
اعتمدت ؏ نفسي وطول الطريق اوصي النور يمشي وين ما امشي
وما يترك ايد اخته ، اول ما وصلت المستشفى اهلي اخذوا
زهراء بالسدية افتريت شلت الزينة ولزمت النور من ايده
ومشيت وراهم بسرعة نقلوها ؏ طوارئ اجه الدكتور
كشف ؏ وضعها وياه دكتورة اخذوا تحاليل وسونار
ركبوا مغذي وطلعوا بقيت گاعد خليت زينة بحضني
والنور لازم ايدي يخاف يعوفني وعيونه ؏ امه .
كعدتهم بالغرفة وطلعت خارج الغرفة رفعت تلفوني واتصلت علية
ابو الغيهب: شغندك مصيبة جديدة .
الغيهب: وحق كُل حرف بالقران اذا ما اطلع هذا تعبي وبهذلت
اطفالي بيك وبيهن اطلع گ***** وحق من انزل القران
اذا ما احول حياتكم جحيم .
ابو الغيهب: كاااافي لك بلا حجي زايد .
الغيهب: اي عفية مغسول دماغك اسمع النور وزينة
الي جنت انتَ تخاف عليهم من الهوى الطاير متبهذلين
بالمستشفيات يتراكضون علمود امهم ، يابه يجي يوووم
وتصحى بس بذاك الوكت انتَ خسران كلشي كلشيييييييي
والله اندمكم والله .
سد المكالمة بوجهي رجعت اتصل حضر رقمي
رجعت للغرفة لگيت زهراء فاتحة عيونها تبوس
بيهم : الحمدلله ؏ سلامتچ عمري .
أومأت براسها ورجعت تبوس بيهم
_ سودة علية ماما شصاير بحالكم تفترون بالمستشفيات امي
انتوا متعودين قبل هيج وقت تلفزيون مشتغل وتاكلون حلوياتكم
حسبي الله ونعم الوكيل على كل شخص بهذلكم وبهذلني .
اجه الدكتور التحاليل نظيفة بس عدها هبوط حاد بالضغط
وقلة تغذية ، بس كملت المغذي نزلت لبستها حذائها
وحضنتها من خصرها حتى تستند عليهه ما تگدر تمشي من الدوخة
صعدتها بالسيارة الطريق كله ما نحجي الكل ساكت حتى زينة
ام السان مهبوطة .
وصلت للبيت سندتها للغرفة الجهال يمها عفتهم
وطلعت شلت المسواك رتبت المشاوي وخليت
البن ودخلت للغرفة خليت الصينية كلهم جوعانين
گعدتها بكل هدوء وسويت الها لفة اخذتها من ايدي ورجعت
اسوي لفات النور والزينة تحب تاكل شيش الكباب هيج بدون صمون .
وكلتهم الى ان شبعوا هم وامهم شلت الصينية للمطبخ
ورجعت اخذت ايدها سحبتها وهمست : اني اگوم اغسل .
تركتها تحجي وحدها وسندتها بدون كلام دخلتها للحمام غسلت
ايدها وشفايفها ورجعتها للغرفة ورجعت للجهال غسلت الهم
وكلنا تعبانين بين ما غسلت اجيت لكيتها اخذتهم بحضنها
طفيت الضوء وشغلت الهيتر عليهم حتى الغرفة تدفىء
فرشت بالأرض نمت واسمع النور يسولف شصار مصار وياه
بالايام الفاتت وهي تستمع اله مثل ما جانت تستمع اليه وتنصحني
غفيت من التعب والركض مر وقت مو طويل حسيت النور اجه بصفي
ابتسمت ؏ ابتسامته حضنته وتغطيت اني وياه ونمت همس بإذني
_ بابا لا تروح بعد حباب .
بست راسه وهمست بنفس طريقته بالكلام : ما اعوفك والله
؏ موتي نظل هيج لو اعرف احارب الدنيا لو اعرف اجبرها
تظل ويايَّ ما اعوفك .
نام ؏ صدري ولثواني جنت محتاج ارجع احس بشعور
الأمان نسيت كلشي ونمت الأول مرة بعد تعب الايام الفاتت براحة .
اول ما طلع الفجر شوية صار الضوء يتسلل للغرفة
سمعت صوت زهراء متأذيه فزيت من مكاني ورفعت
راسها الحرارة صاعدة بشكل مخيف رجعت خصلات
شعرها عرفت رجع الها نوبة الحرارة جبت العلاج
الحمدلله مجهز اموري رفعتها واني اهمس : گلبي زهرتي تسمعيني
اشربي الحباب حتى تنزل حرارتچ .
من شفت عيونها ما تنفتح عرفتها بعد حتى ما تسمعني
شربتها بصعوبة رجهتها للفراش وسويت كمادات
سريعة للصبح وهي بعدها ، صارت بـ9 زادت
بس گدرت تفتح عيونها سندتها للحمام غسلت ايدها
وجهه ورجلهه وطلعتها : تعبانة غيهب اريد انام رجعني للفراش .
رجعتها ؏ سرير غطيتها ورجعت طلعت ادور ؏ تلفوني
بمجرد ما شفته اخذته واتصلت ؏ دكتورة طلعت السكرتيرة
سجلت يمها موعد استفسار وحولت فلوس ؏ حسابها
وغلقت المكالمة انتظرها تجاوبني .
النور : صباح الخير بابا .
الغيهب: هلا نور عيوني صباح النور .
دخلت ؏ مطبخ هوسة اني حتى ماعرف اسوي اي شي
والبيت وصخ والأطفال اخاف عليهم يتأذون بشي واگع
اضطريت ارجع اتصل ؏ مكتب وحجزت مساعدة
خلال ساعة وصلوها للعنوان رحبت بيها والنور عفس
وجهه ما عاجبه الوضع : شبيك ولك ضجت .
النور : مالي وينها عبالي هي تجي .
الغيهب: رجعتها للمكتب وما ادري وينها هسة بابا
وهاي البنية مؤقتًا هنا بس انتظر امك تصحى وتصير
زينة حتى ترجع ترتب الوضع ماشي.
هز راسة وراح دخل للمطبخ وياهه يسولف ويستفسر
يعب يسمع كلامهم گعدت ؏ تخم من شفت مكالمة من
الدكتورة تحمحمت ورديت :
Selam üzerinize olsun, Dr. Annie Al-Ghayb_
السلام عليكم دكتورة اني الغيهب .
_ Selam sana Gheb, nasılsın?
وعليكم السلام غيهب كيف حالك ؟
_Kayboldum, yardım istiyorum, Zehraa bayıldı ve ateşi yüksek, ne yapmalıyım, kalbim paramparça
أنا تائه أريد المساعدة، زهراء أغمي عليها
وحرارتها مرتفعة، ماذا أفعل، قلبي تقطع.
_Son yaşanan zor olaylardan sonra durumu bekleniyor, korkmayın, size bir tedavinin adını göndereceğim ve bir iki gün içinde bilinci yerine gelecektir.
حالته متوقعة بعد الأحداث الصعبة الأخيرة، لا تخف، سأرسل لك اسم العلاج وسيستعيد وعيه خلال يوم أو يومين.
بديت احجي الصار ويانا الى ان وصلنا هنا جانت بين تنطي نصيحة
وبين تضحك ؏ مواقفنا الى ان نهيت المكالمة دزت اسم العلاج
وانتظرت المساعدة خلصت شغلها اخذتها وطلعت اني والنور والزينة
ويانا رجعتها ؏ المكتب وتوجهت اكثر من صيدلية وگدرت احصل
العلاج .
اخذت غدانا ويانا ورجعت الجهال انطيتهم تلفوني
وخليت الهم اكل ودخلت ؏ غرفة بعدها نايمة
والحرارة تزيد ماتقل ، حاولت وياهه تصحى
شربتها العلاج ورجعت نامت استغليت الفرصة
وسحبتها نومتها ؏ رجلي العب بشعرها
اوووف شگد مشتاقلج لج زهراء حارگة گلبي انتِ.
اخذت ايدها اتلمس بيها اريد احفظ كُل تفاصيلها
واني مركز سمعت صوتها : عوفني غيهب حرام .
الغيهب: الحرام اعوفچ لچ خبالو انتِ مرتي .
زهراء: لا مو مرتك انتَ طلگتني شكد اكرهك .
الغيهب: ما ردت أرفض طلبج طلبتي ونلتي .
زهراء: طبعًا لو عزيزة عليك ماتسويها
وطلگني منا تتزوج منا انتَ حقيررررررر .
عدلت حاجبها عرفتها تحجي مو بوعيها
بقيت امسح ؏ شعرها وارسم دوائر ؏ ايدها
الى ان غفيت واني گاعد من التعب .
مر وقت مو قليل فتحت عيوني ؏ نرن التلفون
رديت بدون ما أشوف الاسم : ها ولك وين بنتي .
_ اكلتها ..
ظل ساكت منتظر اكمل عدلت گعدتي وفركت وجهي
حتى اصحصح ورديت : الحمدلله زينة جنت نايم
شغلت ساعة وانطيها تلفونها حتى تخابركم .
سلم وغلق المكالمة طلعت صارت مقابيلي
گاعدة ؏ تخم وزينة راسها بحضن امها
والنور قريب منها يباوع تفزيون وعيونه علينة
_ شلون صرتي ؟
هزت راسها بدون جواب نور من نظراته تعجب
حتى هي انتبهت مشيت بتجاهه وگعدت مقابيلهه
؏ طبلة وهمست بتحذير : من احجي وياچ جاوبيني بصوتچ ..
زهراء: شسويت ؏ اثباتات ترا الأيام تركض عيني ابو النور .
الغيهب: كلش زينة مو بس زينة لاااا رجع السان هم .
اخذت زينة منها نومتها بالغرفة وسلمت تلفونها
وقفلت باب الشقة عليهم وطلعت دايخ اتصل بـ هذا وذاك
اريد حل لمشاكلي با عالم هلكت.
رجعت بليل اول ما ذخلت شميت ريحة اكلها الله
يا هل اجواء شگد افتقدها ، النور والزينة ؏ تلفزيون
سابحين ومعطرين ، والبيت مرتب والاكل ريحته تشهي
بوست الجهال ودخلت عليهه للمطبخ ، كتفت ايدي وهمست
_ ليش تعبتي نفسچ .
_ ماكو تعب نور وزينة جوعانين گلت اطبخ سريع.
_ خابرتي اهلج ؟
_ اي .
_ باجر مسافر .
_بلغني ابوية يروح وياك واحس روحتكم ما الها داعي
لان ابوك مغسول عقله واحتمال يقلب كلشي ضدكم
والمشكلة تكبر ما تصغر .
_ وبرأيج وشلون اثبت اذا مو ابوية يحجي الحقيقة ؟
_ ماكو داعي تثبت لان اني بهل لحظة صرت متأكدة من زواجك .
صبرت نفسي وگدرت اتحكم بـ اعصابي ما اريد اعلي
صوتي عليهه لو اتجاوز : زهراء انتِ ليش اطلعيني من الطريق
خليني لازممممممم اعصابي عليج دخيل ربج زواج شنوووو هذا ؟
بكل برود تجاوبني وهي تغسل ايدها
_ زواجك من موج افتح تلفوني وشوف الصورة .
رحت ؏ تلفون بقيت صافن بي صورتي اني وموج
صح وهي بفستان ابيض واني وكف وحاضن خصرها
سجلت الرقم طلع رقم موج ، اخذت الصورة وردت امسحها
حتى لا تطل تباوع عليهه وتاكل بنفسها وتكرهني وتحقد عليَّ
قبل لا احذف سحبت التلفون وصاحت : مصدوم موو لان كشفتك
؏ حقيقتك الوصخة .
حجت كلامها وقبل لا تكمل تريد تطلع من المطبخ وهو
صغير سحبتها بقوة ضربتها بالكاونتر وبلا تفكير
حضنت وجهه واخذت شفايفها صرت اعبر عن غضبي
من خلال بوسة ومن قوتها صارت تدفع وتضرب بصدري
وما فصلتها اله من طاب غليلي منها : حرررررام لك حررررام .
سديت تلفوني واني اثبتها وايدي تضغط ؏ وجهه
_ لج طلعتي غبية وثوووووووووولة انطيتيهم مجال يهجمون
بيتچ لج اصحي فكررورري زين هاي قبل ركزي بالتعديلات
صح هاي اني وياها بس هل صورة بخطوبة بس معدله عليهه
ومركبين ملامحي بالجديد .
قبضت ؏ خصرها اقوى وهي تدفع بيَّ
_ والمطلوب اصدگ بيك يا ممثل يا خاين شيل ايدك .
_ اني ممثل .
_ لك اكررررهك .
_ اصحي لا براشدي اصحيچ ؏ زمانچ ولج راح تموتيني
ألعالم تموووت من حروب من مرض اني راح اموووت من وراج .
_ غير يعوفني شيل ايدك مني وترتني .
_ تتبلون عليَّ كلكم .
_ ليششششش خنتني غيهب ليشششش بشنو قصرت وياك.
تلمست ملامحها بهدوء بس شفت دموعها مسحت عيونها
ونزلت راسي استندت ؏ راسها : وغلاتچ وداعت عيونچ
لا خنت ولا فكرت اخون لچ انتِ الوحيدة بكلبي وما اريد غيرچ
تغيرت اني زهراء وتدري كلش زين من البيت للدوام ومن الدوام
للبيت طلعتي يا اما وياج ومرات اني واخواني واكثر طلعاتي
اني والباشا وكلهم تعرفيهم شنو همَّ .
زهراء: تعبت والله تعبت .
الغيهب: وحق كُل دمعة نزلت من عيونچ
وحالتچ هاي وبهذلت اطفالي اطلعها من عيونهم
وحقچ يرجع مربع اخذه بيدي وبالقانون اهجمهم هجم والله
بس انتِ أبقي ويايَّ من تعوفيني افقد زهراء افقد
لا اعرف افكر ولا اصلح شي لج بس اريدج يمي وبس صعبة .
زهراء: خايفة اسمع شي بعد لو يصير شي اكبر وانهدم .
الغيهب: الصار كله ما متوقعه بس بعد الصار عرفت ناسي
بعد الي يقترب منكم اموته زهراء انتِ واطفالي خط احمر .
زهراء: ما اريد اسمع اريد اشوف .
بست رأسها ورديت : هذا حقج جنت مخطط باجر اطلع
لاربيل بعد ماشفت الصورة اليوم وبهل ساعة اروح .
عفتها واخذت فلوس وبدلت ملابسي بوست زينة والنور
وهي تباوع من بعيد ، طلعت برا اتصلت ؏ رحيم جاوبني
بسرعة بلغته اني اطلع للشمال قبله رفض واصر اجي
للمكتب وهو يروح ويايَّ ، رحت ماريد يفكر غير تفكير
اخذته ويانا سيف وطلعنا للشمال تحديدًا اربيل .
وصلنا للباب قبل لا ننزل نبهني رحيم
_ اذا تهلهل وندوخ جوة وكلشي ما افتهم
العب الصوندة ؏ ضهرك .
الغيهب: يعني شلون تلعب الصوندة ؏ ضهري قصدك تضربني ؟
رحيم : عندك أعتراض ؟
الغيهب: شحددددددك .
رحيم : بابا سيف رجعني اخذ اختك .
سيف : ههههههههه هم هيچ زواج ما ينراد ذل خوما ذل .
الغيهب: شدعوة هلگد شريف .
سيف : طالع عليك هههههههههه .
رحيم: ؏ ابوك يا طايح الحظ .
سيف : قصدي ابوية ابو هلهوله يلة مداهمة سريعة يلة .
دگيت الباب دگ خليتهم يطلعون ركض ابوية واخته
شاف رحيم ويايَّ تعجب فتح الباب سلم علية رفض
رحيم وصاح : ابو الغيهب سوي طريق .
دفعت الباب وصحت : تفضل عيوني تفضل البيت مابيَّ حرمة
بي ****** براحتك ادخل وتمخطر بالمشي .
رحيم: اتمخطر شنوو بنية گدامك !
ابو الغيهب: ابو سيف لو جاي وحدك مو احسن اخليك على راسي .
الغيهب: تريد اعوفكم بحالكم هيج باردة مبردة
والله اذا ما يصير بيكم مثل ما صار بينا ما اعووووفكم وداعت اطفالي .
دخلت ورحيم ويايَّ ابوية واگف متشنج
_ شعندك هناااا ؟؟
رحيم: اني ردت احجي وياك ولان شردت بعد ضربت بنتي
عبالك ما أوصلك ، اني بنتي ماااااااااااااااا تنضرررررررب
ولاااااااااااااا تنهان ما اقبل عليهه افتهمتوووووا .
ابو الغيهب: بنتك قليلة آدب.
رحيم: لاااا حدك لهنا بنتي مؤدبة قليلة الآدب الي تغسل دماغك
وتخرب بين الإخوان وتهجم بيوتكم وبالأخير تصيرون محابس
بيدهن وتشترولهن بيوت .
الغيهب: يسوي صيت للگ*****
ابو الغيهب: ابوها وضربها ..
الغيهب: انتَ ابوهااااااا !! ابوها تهجم بيتها
ابوها وتگول عليهه قليلة ادب وانت تعرف منو قليل الآدب
انتَ بهذلتني اني واطفالي وزوجتي الخاطر ناس حثالة.
ابو الغيهب: فلوسك جاهزات اخذهن وكفيني شرك .
الغيهب: فلوس حلال لو حرام شلون دبرت المبلغ هذا
لازم مشتغلين زين هههههههه .
ابو الغيهب: استحي واحترم نفسك لا اگوم اطيح حظك .
الغيهب: انطيني الفلوس سلمني ونشوف منو راح يطيح حظه بالأخير.
راح جاب جنطة گعدت احسب بيهن وسيف ويايَّ الى ان كملت
بالمضبوط 25 مليون بدون نقصان: مضبوط .
ابو الغيهب: بعت الگاع بغداد وانطيتك فلوسها .
وسعت عيوني هذا الرجال يريد يجيب اخرتي
_ والله الگاع مالتك تتنازل عليهه الخاطر هل حثالات
عبالك تررررتاح وياهن فترة هي فترة وتخابرني تتوسل
لان اختك وبنتها مزاجيات كلها ايام ويريدون الشارع
دياحة ونسه سفر وين يعرفنك بعد هههههه بداك الوكت
تتذك ابنك ومداراتي وتتذكر تعامل قليلة الادب وياك
بس ما تلگانه ابدددددددددد منا وننتهي من حياتك ههههههه .
شغلت جكارة وسندت ضهري ؏ تخم ورفعت رجلي طبگت
رجل ؏ رجل وكملت بتلاعب : شغلي وياك إنتهى بس هههههه
بنت اختك لعبتي وياهه بدت وينهااا هههههه اريد اشوفهااا .
ابو الغيهب: عوف البنية بحالها انتَ وذاك اخوك حلال اول البارحة
رجع هنا ملخ البنية تملخ رادت تموت بيده والعالم خلصتها منه
حرام عليكم انتوا زلم انتوا هاي يتيمة .
الغيهب: قهرتني ..
رحيم : تحجي عنها ولا عبالك خلت ولدك قاتل ومقتول
وعداوات وابنك يتعالج بسببها وگلب ابنك مو زين من عمايلها
شنوو معقولة نسيت !!.
ابو الغيهب: غلطت يعني انتوا ما تغلطون .
رحيم : هذا مو غلط بسيط ولا مشكلة عادية
هذا زنه وزنه محارم حرام تريد اعلمك ؏ حلال والحرام .
عفتهم ودفعت الباب دخلت ؏ غرفة گعدته تلعب بالجهاز
بس وجهه صاير خارطة ولا مهتمة عبالك ماتحس بوجع
فتحت تلفوني وصحت : هذا رقمچ ..
موج : غيهب عذبوني والله اريد استقر ساعدني .
حالف ما ارفع ايدي ؏ بنية تحملت ورجعت كررت
السؤال : هذا رقمچ .
موج : اي .
الغيهب: هاي الصورة شنو ؟
موج : والله مو نيتي خراب بس اريد نرجع سرية
معقولة نسيت ايامنا الحلوة غيهب اني متندمة
انتَ ماتطلع من راسي ولا من گلبي رجعني الحياتك ابوس ايدك .
الغيهب: متحمل وساكت اريد جواب شنوووو هاي الصووورة ؟
موج : فوتوشوب عادي صورة عادية تخيل لو تصير
حقيقة غيهب ونرجع نجتمع وترجع تحبني مثل قبل
وارجع بحضنك مثل ما جنت مرتاحة لا مشاكل ولا دموع
انتَ جنت احلى شي بحياتي جنت تحميني من كلشي وما تسمح
الكائن من يكن يقلل مني هسة الكل صار يتجاوز ويتعدى عليَّ تعبوني .
الغيهب: راح اريحچ منهم وانقل حالج من حال الى حال
بس تعالي ويايَّ هسة اريدچ ..
موج : وين نروح ؟
الغيهب: مو تريديني ؟ وطلبتي اخلصچ منهم
اذا عندج ثقة بيَّ تعالي ويايَّ يلة وعد اخلصچ منهم .
طلعت اني وهي غيرت ملابسها
وگفت بالكراج خابرت صديقي محامي هنا
اجراءات وروح وتعال الى ان كملت وطلعت ويايَّ
من شافها ابوية تخبل : وين تروحين ويااااا لج هذا ما ناوي ؏ خير .
موج : فرصة أخيرة خالو نصلح علاقتنا .
صحت عليهه امها لزمتها ماتقبل تخليهه تطلع
رحيم متعجب بس يعرف شنو براسي صعد
هو وسبف بالسيارة واني اجرت تكسي
واخذتها ويايَّ وكفت مقابيل المركز والمحامي
صديقي موجود سلمت عليَّ وهي من الخوف رفضت تنزل
الغيهب: انزلي موج انزلي
دخلنا جوة صديقي مكمل كلشي دخلت للضابط سلم عليَّ
اني افهمه وهي مركزة ويايَّ : اني المشتكي وهي المتهمة
موج عدي عامر متهمة بقضية الإدعاء الكاذب بحقي
وفبركة صورة اليه تدعي بيها اني زوجهه ، بدافع التخريب
الأسري رقمها موجود الصورة موجودة والمكالمات مسحوبة
ومسجلة بالكامل عندك .
موج : لاا لا غيهب لاااا ...
يتبع ...
البَـاقيـات الصـالحـات🖤:-..
- سُبحـان الله .
- الحَمـد لله .
- لا إلـه إلا الله .
- الله أڪبـر .
- أستغفِـرُ الله .
- لا حَـول و لا قـوة إلا بالله .
- سُبحـان الله و بِحمـده .
- سُبحـان الله العَظيـم .
- اللهُـمَ صَل عَـلى مُحمـد وآلِ محمد