كانو منساجمين فقبلة رومانسيه عنيفة كيعبرو فيها على مشاعرهم حتى كيقاطعهم الصونيط ديال تيليفون ديال غالي... لي حاول يتجاهلو وهو عاقد حجبانو ولكن ميساء حسات على راسها و بعدات شفايفها من شفايفو و حنات راسها بخجل و حنيكاتها متوردين و نطقات بصوت هادئ خجول: جاوب يمكن تكون شي حاجة مهمة...غالي جبد تيليفون من جيبو و جاوب ساخط بصوت شجي: شنو...حتى تسمع صوت مرتجف كينطق بإحترام:سيدي حنا محتاجينك دابا...غالي بدون مينطق بحتى كلمة قطع و رجع تيليفون لجيبو و دور عينيه ل ميساء لي كانت باقا فنفس الوضعية الخجولة... هو حط صبعو فأسفل راسها حتى رفعوا و تقابلو عينيهم و نطق بصوت مبحوح:بقاي فبيتك حتى نجي...ميساء حركات راسها بالإيجاب و طلع الاسانسير حتى الطبقة لي فيها الغرفة ديالهم و كيف بغات تخرج جرها من يديها بايس راسها بحب...هي حشمات بزاف و كيف طلقها مشات كتجري و شعرها كيضرب مور ضهرها...هو بتاسم من منضرها و ضغط على الزر باش يتسد الاسانسير...نزل حتى الطبقة السفلية و خرج و هو على ملامحو الصرامة و التغوبيشة لي مكتفارقوش و مشيتو المهيبة المتعجرفة...خرج و ركب ف طوموبيلتوا و كسيرا بسرعة حتى تحكو روايض مع الأرض و توجه لوجهتوا المجهولة...
دخلات البيت كتجري و كيف سدات الباب تكات عليه وهي حاطة يديها على قلبها لي كيضرب...بقات على هاداك الحال و مرة مرة كتهرب ليها الضحكة و كتجمعها...حسات بحلقها نشف و مشات باغا تشرب لقات القرعة خاوية...زفرات بملل و هزاتها نازلة الطبق السفلي باش تعمرها...خرجات من المصعد وهي هازة القرعة فيديها و كيف دخلات الكوزينة لمحات البنات واقفين و مبتاسمين فوجها...ابتسام و ماجدة و أية...رمات القرعة من يديها حتى تشتات فالأرض و مشات كتجري لعندهم معنقاهم دقة وحدة و البنات كيضحكو...بعد مدة فصلو العناق و وقفات ميساء مبتاسمة ابتسامة عريضة حتى غمازاتها كيبانو:توحشتكم بزاف بزاف امتى جيتو...ابتسام مبتاسمة هي الاخرى ابتسامة بشوشة: يلاه جينا دابا بدلنا حوايجنا و طلعنا الكوزينة كنتسناوك تجي من المدرسة (طلعاتها و نزلاتها و هي كتشوف فالبيجامة لي لابسة) ولكن بنتي ليا كنتي غير فدار علاش ممشيتيش لمدراسة...ماجدة قربات منها حاطة يديها على راس ميساء بقلق: ياكما مريضة... ميساء حركات راسها بالنفي وهي كتحاول تخفي حزنها حيت تفكرات مدراستها لي من المستحيل ترجع ليها: لالا كاعما مريضة غير مرشقاتش ليا نمشي و صافي...ابتسام حركات راسها بالإيجاب و نطقات اية بنبرة لعوبة كيف عادتها: اوا شنو بقيتي كديري فغيابنا...ميساء توترات و نطقات بتلعثم: احم احم والو غير الدار و القراية...ماجدة: ياكما عدباتك تواب...ميساء بتاسمات ملي تفكرات تواب لي قربات تجي من الروض و حركات راسها بالنفي: لا بلعكس فنة ديك البنية ولفتها ولات فحال بنتي...اية ضحكات ضحكة عالية بعض الشئ و نطقات بإستهزاء:اويلي على قدك كيولدو... ميساء عقدات حجبانها و حطات يديها على نصها: و مالي كيف جيتك...اية قربات جرات ليها حناكها وهي كتضحك: فنة غير باقا صغيورة...ابتسام جرات ميساء عنقاتها بجنب: بعدي ليا من ميسائي و خليها عليك...ميساء رجعات عنقات ابتسام و حطات راسها على صدرها و نطقات وهي مبتاسمة:توحشتكم بزاااف البنات والله بلاصتكم بقات كبيرة كتعمروا عليا والله بعد المرات كنحس براسي بوحدي بلا بيكم و بلا ماما...عينيها دمعو ملي تفكرات ماماها لي معارفة عليها حتى خبار...ابتسام تنهدات بقهر وهي كدوز يديها على راس ميساء:توحشت خالتي خديجة بزااااف...ماجدة:حتى انا والله كنت كنحسبها فحال ماما...اية عينيها غرغرو ولكن حولات تلطف الجو:براكة من الحزن مزال خالتي خديجة تبرا و ترجع لينا حسن من الول ياربي...ميساء مسحات دميعاتها بيديداتها صغار و بتاسمات ابتسامة بريئة خافية بيها الحزن لي كتحس بيه تجاه ماماها: امين ياربي من فمك الباب السماء...حولات نضرها الأرض و لمحات القرعة ديال الزاج لي مشتة عضات على شفايفها: ويلي بالفرحة ملي شفتكم لحت القرعة فالأرض نسيتوني حتى فالماء لي كنت نازلة نجيب...اية عقدات حجبانها و نطقات وهي كطلعها و تنزلها: نازلة ؟ ياك نتي بيتك التحت اولا...ميساء حنحنات بحرج وهي كضور فعويناتها كتقلب على شي كدبة ولكن ملي فكرات لقات حتال امتى اتبقى تكدب من الأحسن تقول الحقيقة: احم احم البنات بغيت نهدر معاكم...ابتسام:الله يسمعنا خبار الخير اجي كلسي...كلسو البنات فلاصال امونجي و كلسات ميساء مقابلة معاهم وهي كتفرك فيدياتها حتى نطقات اية بقلة صبر: طلقينا اصحبتي مالكي...ميساء صرطات ريقها و غمضات عينيها و نطقات بزربة: البنات انا انا تزوجت...طلقاتها اية بواحد ضحكة ديال شيخات:كضحكي معانا ولا شنو...ابتسام عقدات حجبانها و وجهات نضرها الميساء و نطقات بجدية: ميساء هادشي مفيهش الضحك...ميساء شافت ليها فعينيها و ضغطات على سميتها:ابتسام انا مكنضحش... ماجدة بملامح الصدمة: اهاه لنفرض نتي مكضحكيش اوا شكون هذا و امتى تزوجتي و الا كنتي مزوجة شنو كديري فهاد الدار و علاش مسكنتيش مع راجلك...ميساء سكتات المدة و نطقات بهدوء: انا مزوجة بغالي... البنات كلهم خطرة وحدة: شنووووووو...ابتسام بضحكة مصدومة:كيفاش وقع هدشي انا مفهمت والو والله...اية:هادي شي حلمة حلمتيها بالليل وجايا كتعوديها لينا ولا شنو سي غالي من امتى كان كيشوف فينا ولا عارفنا كيدايرين...ميساء ردة فعلهم وتراتها:البنات هادشي جا على غفلة وهو بزز عليا انا والله مكنت باغا يالله... ماجدة شدات لميساء فيديها: حبيبة نتي راك باقا صغيرة عارفة هادشي ياك... ميساء جرات يديها من يدين ماجدة: متزيدوش ضغطوا عليا كثر من هاكا صافي...و عطاتهم بالضهر و مشات كتجري متوجهة لبيتها و خلاتهم من موراها على وجهم علامات الصدمة
يتبع....
كنعتاذر على التأخير البنات ❤️