♣️الجزء :1566
براءة بقات حاضنة على بنتها وكاتبكي ذكرى قربات عندها كاتبكي وتبوس فوجهها
ذكرى ببكاء : حبيبة ديالي
براءة ببكاء :ماما
ذكرى :العمر دماماها الروح دماماها . (هزات يديها كاتبوسها ) الحمد لله على سلامتك حيت تفكيتي على خير
بلقيس حلات الباب لقات الدراري مازالين واقفين ومتوترين
اكرم بخوف : براءة بيخير والبيبي بيخير ؟
بلقيس بتاسمات :ماتخافش كلشي مزيان هي والبنت صحتهم مزياانة
الدراري سمعوها تنهدو براحة
عصام :الحمد لله على سلامتها
اكرم مبتاسم :ولدت بنت
بلقيس : بنت اوليدي وكاتحمق بزيين
اكرم تنهد :الحمد لله الحمد لله
بلقيس : غادي ندخل نكمل ليها وتلبس وديك الساعة دخلو
سلمان :خرجي ليا بعدا ديك المصيبة ماعرفت كيف فلتات ليا ودخلات
بلقيس : ههههه مابغاتش غير خليها
دخلات وشدات الباب لقاتهم كلهم ضايرين بيها
سحر: الحمد لله على سلامتك احبيبة
صفاء بابتسامة: الحمدلله اختي براءة ربي يحفضها ويخليها ليك
براءة تمتمات : امين شكرا ليكم
ليليان :هههههه شفتي عاونتك نسيتك فالوجع
براءة بتاسمات :هههه حمقة
ابرار واقفة مصدووومة المنضر دالفرج محلول خلعها بقات واقفة ومكنززة مزيرة على رجليها حاسة بحالا هي لي كانت كاتولد
بلقيس قربات و هزات البنت من فوق براءة
براءة: خليها عندي
بلقيس بتاسمات : غادي نقطع ليها الحبل السري وكريمة تدوش ليها ونجيبها ليك
قطعات الحبل السري وعطات البنت للممرضة تنقيها وتلبسليها . وبلقيس حيدات المشيمة من كرش براءة ونقات ليها الوالدة
ذكرى مشات بالزربة جابت ليها بانيو فيه الما السخون والفوطات قلعو ليها الكسوة وبداو يمسحو ليها وهي كلها كاترجف رجليها ماقادراش تتحكم فيهم
براءة : فففف فيا الرجفة والبررررد ماعرفت مالي
بلقيس :ماتخافيش ابنتي راه عادي
سحر : زعمة الصيف علاش جاها البرد هاكا
بلقيس : عادي اي وحدة كاتولد كيطرا ليها هاكا
مسحو ليها مزيان ولبسو ليها بيجامة سخونة حيدو الكوفرلي لي توسخ بدلوه نعسوها ودارو ليها مانطة سخونة فوقها عاد حلو الباب على الدراري
♣️الجزء :1567
دخلو الدراري مبتاسمين عمرو البيت . اكرم مشى نيشان عندها باسها من جبهتها
اكرم :الحمد لله على سلامتك احبيبة
براءة تمتمات :الله يسلمك
فهد قرب وباسها من جبهتها الحمد لله ملي
دازت سالمة
براءة حشمات منهم
عصام قرب عندها مبتاسم دوز يديه على شعرها
عصام : ههه بنتي الصغيرة كبرات ودارت الولاد
براءة حشمات وهبطات راسها
خرجات الممرضة هازة البنت الصغيرة لابسة كلشي بيض لاوياها فليزار جات قاصدة اكرم وحطاتها ليه فيديه
اكرم شدها وهو كلو كيرجف شافها لقاها كاتشبه لبراءة بويوضة وزوينة شفارها طوال وشعرها كحل وكاتمص فشنيفاتها الحميمرين بتاسم
اكرم : بسم الله ماشاء الله .( تحنا على وذنيها وأذن ليها ) بابا كاتسمعيني انا باباك
البنت تحركات وسط يديه بحالا سمعاتو
سلمان قرب عند ابرار لي مبنجة وجهها صفر
سلمان : علاش دخلتي البرهوشة
ابرار : ش ش شفت توتو رجع كبييييير (وراتو بيديها )قد هاكا
سلمان سمعها قلب راسو يشوف واش شي حد حداهم مالقى حد جرها عنقها تحت يديه وخرج
فهد : علاش ولدات قبل الوقت شنو طرا
بلقيس حنحنات : عادي شحال من حالة كاتطرا هاكا . الولادة المبكرة على سبعة دالشهور . الحمد لله ملي ولدات وهي والبيبي بصحة مزيانة
فهد حرك راسو (حتى حد مارض البال )
اكرم مد البنت لعصام هزها وباسها
عصام : ماشاء الله عليك ابنتي
سحر : هههه شفتي زوينة بزاااف وصغييييورة
عصام شاف فيها وبتاسم : حتى نتي ماشي بزااف وتجيبي شي وحيدة بحالها
ذكرى : ماشاء الله دارنا شوية بشوية كاتعمر
فهد ضور عينيه لقى صفاء واقفة اللور كاتشوف فيهم وعينيها مدمعين . هز يديه وحك حاجبو ومشى عندها جرها معنقها جنب
صفاء غير شافتو عنقها نزلات ليها دمعة من عينيها ودغية هزات يديها كاتمسحها
فهد همس ليها فوذنيها : حبيبة مالك واقفة بوحدك
صفاء حركات راسها بوالو ماباغاش تبكي
صفاء :غير بقيت كانشوف وصافي
بلقيس ضارت لقات فهد معنق صفاء قربات عندهم بزربة تشوف مالها
بلقيس بخوف: ماما مالك
صفاء باينين الدموع فعينيها :والو اماما غير راسي ضرني
بلقيس فهماتها عنقاتها كاتهمس ليها فوذنيها : كلشي فوقتو زوين اماما نتي مازالة صغيرة وزيدون عاد تزوجتو
صفاء بتاسمات وحركات راسها بأه
العائلة كلهم كانو كيشوفو فيهم وذكرى تنهدات
ذكرى :الله يفرحكم ويرزقكم حتى نتوما
فهد خنزر ماحملش الوضع جر صفاء عندو عنقها
فهد : انا لي ماباغيهاش تحمل دابا. كانت مريضة بالقلب وعاد رتاحت شوية زيد القراية لي بدات فيها. انا فكرت من الاحسن نأجلو الحمل دابا
شاف فصفاء لقاها كاترمش جر ليها حنكها وضار خارج معنقها
♣️الجزء :1568
بعد اسبوع
فبيت براءة جالسة جالسة فوق الفراش لابسة غير السوتيان وهازة بنتها كاترضعها واكرم واقف قبالتها كيلبس سورفيط لي غادي يذبح بيه خروف السبوع
براءة : دابا علاش مابغيتيش تلبس جلابة لي عطيتك بغيت نكونو بتلاتة بحال بحال باش يجيو التصاور زوينين
اكرم : وااا براءة الله يهديك نلبس جابادوور فالغوووز بغيتي يبقاو شهر شادين فيا
براءة : والله مايضحكو عليك
اكرم قرب عندها وتكى قدامها كيشوف فبنتو كاترضع باسها فراسها وبدا كيلعب فشعرها
اكرم : مازالة باغية تسمي ديك السمية ؟
براءة شافت فيه وعضات على فمها : عافااك اول مرة نطلب منك شي حاجة
اكرم عض على فمو بعصبية : داابا كيف بغيتيني نسميييي بنتي بسمية كان باغيها خطيبك
براءة شدات ليه فيديه : وماااات هو ماعندوش وجود وأنا كانعشقك نتااا . عمرني بغيتو بحال بغيتك
اكرم ساكت ومخنزر
براءة : بغيت نسميها يقوتة غير حيت قبل مايموت قال ليا بداي حياتك من جديد تزوجي وسمي بنتك ياقوتة.ماشي حيت كانفكر فيه اولا كانبغيه
اكرم تنهد: سميها ولكن يكوووون فعلمك عمرني نعيطليها بديك السمية
براءة هزات حاجبها : وشنو غادي تعيط ليها
اكرم تحنى باس الراس دياقوتة
اكرم : غادي نعيط ليها توتة . التووووتة دباباها
براءة بتاسمات
اكرم : بابا كاتتغدااي . صافي خديتي ليا زيزا دماماك . كنت بوحدي كانرضع من ماماك خديتي ليا بلاصتي
براءة : ههههه الله يمسخك
اكرم :عندااك من وررا الرضاعة يرجعو بحال الفلفلات
براءة خنزرات :وادا رجعو هاكاك صافي مانبقاش نعجبك . اوا صافي عنداك ملي مانبقاش نرضع تجي تقيصهم نتا
اكرم كيلعب فشعر بنتو : الرضيع راضعهم راضعهم . انا ماكرهتش دابا ندوق حليبك
براءة خرجات عينيها : اويلي وترجع ولدي
اكرم قرب كيحيد ليها بزولتها التانية من السوتيان
اكرم : اممم بغيت نرجع ولدك اصلا انا محروم مارضعااتنيش الوليدة بزااف
براءة : هههههه اويلي اويلي طلق خليني نرضع بنتك
اكرم حيد ليها يديها وتحنى شد بزولتها دخلها ففمو قبل مايمص تسمع الدقان فالباب
ذكرى : واااافييييينكم كلشي مجموع لتحت كانساينوكم
سمعا بعد بالزربة
♣️الجزء :1569
لتحت الدراري كلهم مجموعين فالجردة كيساينوهم ينزلو
ليليان لابسة كسوة ودايرة الطابلية ومكفضة على دراعها وسحر جالسة بعيد كاتتفرج وحداها ابرار
صفاء لي عاد نزلت بخيمارها شافها فهد غمزها باش تمشي تجلس حدا سحر . اومات ليه براسها ومشات جلست قدام سحر كاتتفرج فالدراري واقفين وموقفين جوج حوالة كباار قدامهم
عصام : افييين هادو ادا باغين يتصورو بغينا نساليو دغيا
ذكرى هابطة كاتجري : هاهوووما هابطين صبرو الله يرضي عليكم
ياسين :زعمة راه قبيييلة طلع يلبس . مخلينا كانساينوه
ليليان : كاتساينوه يذبح بحالا هو عمرو ذبح غير غادي يتكرفص عليه
يوسف : سيري نتي لهيه جلسي مع البنات
ليليان حركات راسها بلا : لالا غادي نغسل الدوارة
يوسف حرك راسو بلا حول
شوية تسمعو الزغاريت ديال ذكرى وبلقيس يعني براءة نازلة
وقفو الدراري كيساينوهم حتى كيضهرو ليهم خارجين غير شافوهم كلشي ضحك براءة لابسة قفطان فالغوز وهازة بنتها ملبساها حتى هي قفطان فالغوز واكرم لابس جبادور فالغوز
اكرم شافهم كيضحكو تزير : قلتهاااا ليك نتي بقيتي لاسقة
براءة قلبات عينيها
ذكرى : ههههه امالكم كاتضحكو ههههه والله حتى بانو زوينين هههههههههه
ليليان : ههههههه شفتي ابراءة قلت ليك غادي تجيو تنائي زوين حتى فالتصاور غادي تبانو واااعرين
اكرم خنزر فيها ويوسف ضحك
يوسف : هههههه هي هادي فكرتك
ليليان :هههههه اه فكرتي ياك جاو زوينين
سلمان :مالك داير فراسك الشوهة رايبي جميلة عندو الرجلين
اكرم خنزر
فهد بتاسم جنب :أجي النمر الوردي أجي . تحشم حتى تذبح بهاد اللون
♣️الجزء :1570
بلقيس :صافي بعدو منهم والله حتى جاو زوينين
فهد حرك راسو :امممم زوينين وبالخصوص هو . أجي دابا تدبح فكنا
اكرم قرب عندهم مزير ماحاملش راسو ومعاه براءة وقفو قدام الحوالة كيتصورو معاهم باش يبقاو ليهم ذكرى . و تصورو كلهم صورة جماعية
الدراري زربو على الحولي الاول طيحو نالارض . الحولي كان بحال العجل بكبرو
فهد شاف فأكرم بنص عين : ياكما نهزوك نقربوك هنا ونشدو ليك فيديك ..خفتي ؟
اكرم قرب عندهم معصب كل مرة كيشوف فبراءة ويخنزر حيت هي لي بقات لاااسقة فيه باش يلبس هادشي
شد فيديه الموس وقرب عند الحولي
عصام :عارف شنو غادي تقول قبل ماتدبح
اكرم حنحن :امممم عارف قرب لوذن الحولي وتمتم
اكرم : بسم الله . الله اكبر اللهم منك واليك هاذه عقيقة ياقوتة
غير كمل دوز يديه بالمو،س على عنق الخروف وتسمعو الزغاريت
غير ذبو فهد خطف ليه الموس وكمل عليه حيد الراسو بدا يسلخ وعصام مشى لتاني ذبحوه وتكلف بيه عصام وسلمان
البنات اقفين وكيزغرتو . دغيا زربو عليهم وعلقوهم غير حطو الدوارة خطفاتها ليليان ومشات بدات تغسل فيها
ذكرى شافتها ضحكات: اواااخا تبيني حداكتك ولدي ماغاديش تاخدييييه
يوسف كيسلخ فالحولي فالتاني : خدااتني الواليدة ولي عطا الله عطاااه
ليليان ضحكات وقلبات راسها : هاهو جااوبك
ذكرى: اش غادي نقول ولدي محكوووم ولا مسحوور هادشي ماشي طبيعي
يوسف بتاسم
ليليان : ههههههه اه مشيت عند ديك السحارة لي سحرتي لبابا مراد عندها
مراد حل عينيه : واااهيا ناري على هاكا حاس براسي بديت ناكل عليها الشراوط
ذكرى سمعاتو حشمات ودخلات بالزربة وكلهم ضحكو
دوزو نهار كلو فالضحك وقصرو مع بعضهم وكل واحد طلع لبيتو ينعس باش غدا ينوضو بكري يوجدو السبوع
♣️الجزء :1571
غدا صباحا
العائلة مجموعين و جالسين فطاولة الافطار . غادي يفطرو وينوضو يكملو شغلهم حيت النهار كيدوز دغيا
ذكرى : النهار كيدوز كيطير وصلات الحداش دغيا
بلقيس :انا غادية نلوبيطال اليوم عندي العمليات بزااف
ذكرى :اوييييلي وتخليني بوحدي
بلقيس :اولي على بوحدك الدار عامرة نتي غير وقفي على الشغل انا نسالي ونرجع
صفاء :وحتى انا عندي امتحان اليوم دالفرنسية
ذكرى :حتى نتي خاارجة
صفاء : هههههه اه
فهد شاف فيها بنص عين وبتاسم
ليليان :وانا غادي نمشي ندير السوااان والكي... مازال ماكملاتها قفزاتها ذكرى
ذكرى :دوووزي تجلسي لأصل مك باغين كلكم تمشيو وتخليوني حاصلة
ليليان ميقات فيها : مالك قفزتيني
ذكرى خنزرات وشافت فسحر :ونتي الالة . حتى نتي خارجة
سحر بتاسمات وحركات راسها بأه :اممم غادي نمشي نالمدراسة اليوم عائشة ناوية تاخد خمسة دالبنات يديرو الشهادة فالمسجد
سمعوها علاو ريوسهم
بلقيس :ما شاااء الله عليها
ليليان : سبحان الله
سحر : هههه حياتها رجعات غير الدعوة نالاسلام
ذكرى :ربي يحفضها . كون جبتيها معاك اليوم
كلهم سكتو . سحر شافت فيوسف لقاتو كيفطر ومامسوقش
سحر : لا لا ماتبغيش
ذكرى :وعلاش شنو فيها جيبيها تحضر السبوع وترجع تاني لدارها
سحر :ماغاديش توافق وزيد دايرين الموسيقى وهي ماكاتسمعش الموسيقى من الاحسن بلاش
بلقيس : قنعيها تجي حنا غادي نفرحو غير شوية ببراءة ونطفيو الموسيقى وماغاديش نتخالطو
سحر شافت كلشي ساكت ماعتارضوش تنهدات
سحر :غادي نحاول معاها ادا بغات نجيبها
ليليان بتاسمات :حتى انا غادي نصوني على دانييل نطلبو يجي توحشتو
فطرو مجموعين وكل واحد ناض يدير شغلو باش فالعشية يتجامعو
♣️الجزء :1572
عند صفاء وصلها فهد لمدراسة دخلات دوزات الامتحان ملي سالات بقات كاتساين شي حد من خوتها يجي وراها
صونا تيليفونها لقات اكرم جاوباتو
صفاء : اكرم
اكرم : خرجي اختي انا فالباب
صفاء : انا خارجة دابا
هزات صاكها وخرجات نيشان عندو ركبات حداه وسلمات ليه
صفاء :خويا بيخير
اكرم بتاسم :الاميرة خوها كيف دوزتي الامتحان
صفاء : ههههه مزياان
اكرم :نمشيو لدار ولا محتاجة سي حاجة تاخديها
صفاء :لا مامحتاجة والو غير ماكرهتش تاخدني عند ماما نلوبيطال
اكرم شاف فيها وقرن حاجبو : مالك ضاراك شي حاجة؟
صفاء :لا غير بغيتها و صافي
اكرم حرك راسو وقلب طريق . حتى وصلو نلوبيطال ودخلو بجوج .
هوما داخلين وبلقيس خارجة من البلوك عاد كملات عملية شافتهم تخلعات ومشات كاتجري عندهم
بلقيس :مااالكم شنو طاااري
اكرم : الواليدة ماتخلعيش غير صفاء بغات تشوفك
بلقيس شافت فصفاء بخوف
صفاء :مافيا والو اماما بغيت غير نشوفك
بلقيس سمعاتها تنهدات براحة
اكرم : انا نمشي لكافيطيريا نشرب قهوة و نساينك اصفاء باش ناخدك نالقصر
بلقيس :لا صافي غير سير غادي تبقى معايا حتى نجيبها معايا
اكرم حرك راسو وخرج وبلقيس شدات صفاء من يديها وخداتها نالمكتب ديالها دخلات وجلسات بلاصتها وصفاء جلسات قبالتها
بلقيس شافت فيها لقات صفاء متوترة تنهدات
بلقيس :بغيتيني نقلبك اماما ؟
صفاء علات فيها راسها بسرعة كاتلعب فيديداتها بتوتر عينيها دمعو وحركات راسها بأه
بلقيس ناضت من بلاصتها وقربات عندها شدات ليها فيديها
بلقيس :علاش خايفة راه عاادي ادا تعطلتي شوية نتي مازال صغيرة . ماشي حيت تعطلتي راه كيعني ماكاتولديش
صفاء دموعها تسرسبو : خ خايفة اماما . خايفة مانكونش كانولد وفهد غادي يحماق على الولاد
بلقيس :هو قالها ليك ؟ ياك داك النهار قال ماباغيش
صفاء :حاسة بيه باغي واخا يقول العكس
بلقيس حركات راسها بواخا ووقفات
بلقيس :نوضي نشوف واش كاين شي مشكل طلعي فوق البياص
صفاء طلعات فوق البياص وعلات عبايتها بلقيس جرات التلفازة دارت ليها جيل على كرشها وبدات كاتدوز عليها . قلبات مزيااان فكل بلاصة فكرشها
بلقيس : كرشك مافيها والو .الوالدة كاتبان بيخير اماما ماعندك لا كيس لاوالو .الحمد لله
صفاء عضات على شنيفاتها : شنو يقدر المشكل
بلقيس : يقدر المشكل هرموني ولا ماكين والو غير ربي مازال ماهداه ليك .
صفاء تنهدات
بلقيس :نوضي اماما ندير ليك التحاليل باش نتأكد من كلشي
صفاء ناضت وبلقيس خرجات جابت الادوات والابر لي غادي تحتاج باش تجر ليها الدم ورجعات
بلقيس :عري يديك اماما
صفاء هزات العباية وبلقيس زيرات ليها يديها بتيو ركبات ليها الابرة وبدات كاتجر فالدم وتحطو فقنينات صغار . كملات ومسحات ليها يديها ودارت ليها الفاصمة
بلقيس :غادي ناخد الدم لمختبر باش نحللوه وشوية يخرجو النتائج
صفاء حركات راسها بواخا . خرجات بلقيس وبقات صفاء فالمكتب متوترة وكاتلعب فصبيعاتها حتى تحل الباب بقوة
صفاء تفزعات وعلات راسها بزربة وهي تتصدم ملي لقات فهد واقف وكينهج
فهد :ماااالك علاش جيتي لهنااا شنو ضارك ؟؟
♣️الجزء :1573
صفاء شافتو وقفات . وهو جا عندها بالزربة كيشوف فيها من لفوق لتحت
فهد :مااالك شنو ضاارك واااش عييتي فالمدراسة
صفاء :لا لا كاتخافش
فهد كيطلعها ويهبطها : وعلااااش جيتي لهنا مااالك
صفاء تنهدات :جيت ندوز عند ماما
فهد قرن حاجبو : علاش
صفاء بلاما تشعر نزلو دموعها وبدات كاتشهق وتلاحت عليه عنقاتو من كرشو
صفا : خاايفة . خايفة افهد نكون ماكانولدش هاد الفكرة رجعات معذباني ديما كانفكر فيها
فهد خنزر وحيد ليها راسها من صدرو وشد ليها فخدودها وتمتم عينيه فعينيها
فهد : واش انا كانسولك على الولاد ؟؟؟
صفاء كاتشهق : شحال هادا كنتي باغيهم
فهد سرط ريقو : كنت قلت ليك تولدي حيت فكرتي تديري الكينات بلاما تشاوريني . ولكن من نهار تزوجنا لدابا واش قلت ليك مالك ماحملتي ؟ واش قلت ليك ناخدك تشوفي الطبيب ؟ هضري واش درت هادشي ؟
صفا حركات راسها بلا وعينيها حمريين : بصح ماباغيش نتا الولاد دابا
فهد عينيه فعينيها وتكلم بهيام
فهد :باغيك نتيييي وعاشقك نتييييي
صفاء زادو هبطو دموعها :والولاد
فهد :الوقت لي جاو مرحبا بيهم وادا ماجاوش ماعنديش مشكل شكون بحالي كل نهار نصبح على هاد الزين بلاما يصدعني حد
صفاء شهقات : ادا كنت عاكرة ماتفكرش تتزوج عليا؟
فهد خنزر فيها وعينيه وسط عينيها
فهد : شنوووو هاد الهضرة كاتقووولي واش انا برهوووووش . تزوجتك حيت عاااشقك ومهووووس بيك ماشي تزوجت ألة تولد ليا
صفاء ببكاء : ولكن نتا من حقك يكون عنك الولاد
فهد بحدة : ولااااد مننننننك . مننننك نتييييي اما ندير الولاد من وحدة ماكانحس من جيهتها بحتى حاجة غير باش نتسمى عندي الولاد لااا ماعندي ماندير بيهم
صفاء : خايفة هادشي يطول ومانولدش ونتا تمل
فهد بعصبية :عااااشقك نتي وحابك نتيييي ماشي الولاد لي غادي يقررو واش باغيك ولالا . نتي لي كاتهمييييني الدنيا كلها مهامانيش قدامك . بالولاد ولا. بلا ولاد باااغييييك ونعاااود نشوف دموووعك بسباااااب هاد الموضووووووع غادي نصمممممك مممممك
صفاء سمعاتو تلاحت عليه معنقاه كاتبكي
صفاء :كانبغييييك بزااااااااااف
فهد تنهد و ضمها ليه بقووووة : انا كااانموووووت على اصل ممممك
فهاد اللحضة دخلات بلقيس شادة الوراق شافتهم معانقين بتاسمات
بقات شحال حاضياهم عاد حنحنات
بلقيس : احممم
فهد باس صفاء من جبهتها وطلقها عاد دار شاف بلقيس لي بتاسمات ومشات لبلاصتها . وفهد وصفاء مشاو جلسو قبالتها
بلقيس :فهد جيتي
فهد حرك راسو
بلقيس :واش اكرم قال ليك صفاء هنا
فهد هز يديه حك حاجبو :امممم هو .
صفاء عينيها غير على الوراق : ماما شنو خرج ليا فالتحاليل
فهد هز حاجبو : درتي التحاليل
صفاء رمشات فيه وحركات راسها باه . فهد هز يديه دوزها على لحيتو وشاف فبلقيس
فهد : شنو خرج فالتحاليل
بلقيس شافت فالتحاليل وشافت فيهم : كيف قلت ليها قبل . مشكل فالهرمونات . عندها مشاكل فالهرمونات خاصهم يتعالجو وزيد ( سكتات )
فهد قرن حاجبو : شنو تاني
بلقيس : فقر دم حااااد خاصو ضاروري علاج ونضام غذائي ديالو
فهد شاف فصفاء وخنزر : ديييما كنهضر معااااك على الماكلة ونتي غير كاتنقبي
صفاء عضات على فمها
فهد شاف فبلقيس :كتبي ليها الدوايات دفقر الدم والنضام الغذائي لي غادي تبع وانا غادي نرض معاها البال فماكلتها
بلقيس بدات كاتكتب : الدوا ديال الهرمونات غادي نعيط يصيفطوه ليا من فرانسا ونجيبو ليها
صفاء بسرعة : وادا شربتو دغيا نحمل
فهد خنزر وعض على فمو
بلقيس شافت فيها : صفاااء ماكانعرفكش هاكا . كانعرفك مؤمنة اماما وراضية بقدر الله خيره وشره وزيد كنا هضرنا فالحمل وكنتي باغية تشربي الكينات باش ماتحمليش مالك دابا شنو تبدل
صفاء عينيها دمعو :شدني الوسواس رجعت خايفة نكون ماكانولدش و يسمح فيا فهد
فهد سمعها وقف معصب هز الورقة ديال الدوا من فوق المكتب وهز صاكها لاحو عليها بعصبية وسد ليها فيديها وجرها خارج بيها
بلقيس :فاااهد تهدن اوليدي راه عاادي تخاف
فهد ماداهاش فيها وخرج جار صفاء حتى لطموبيل حل الباب ودفعها ركبها وضار لبلاصتو وكسيرة
صفاء شافتو معصصصب بدات كاتبكي
فهد سمع صوتها قلب عينيه ليها لقاها كاتبكي زاااد جعر وبدا يضرب فطوموبيل ويغوت
فهد : سكتيييييييييي مااااال دييينمممممك باغية تجهليييييييني انا ماباااغيش الولاااااااد باغييييك نتي علاااش مابغيتييييش تفهميييييي واااش انا غادي نتخلااا عليك على قبل الولاد وانا كانعشققققققك . واش ادا كنت انا ماكانولدش ولا المشكل منييييي نتي غادي تتخلاااي علياااااااااا
صفاء سكتات كاتشق
فهد وقف الطوموبيل وسط الطريق شاف فيها لقاها كاتبكي جرها بقوة وشرك شفايفو مع شفايفها
فهد :كانبغيييييييك وعمرني نتخلا عليك حيت مانقدرش نعيش بلا بيك
صفاء عنقاتو وحطات راسها على صدرو كاتشهق وهو قربها ضمها بيد وحرك الطوموبيل
🍒 تتمة الجزء : 1574
وصلو لدار لقاو كلشي حاضر كلشي كيوجد . ذكرى طالعة هابطة كاتجري واخا غير حفل صغير باغية يكون على اكمل وجه
ذكرى :دنياااا (الخدامة ) سيري عافاك ابنتي ديري طليلة على الصالون لي غادي يجلسو فيه العيالات
دنيا :وااخا لالة
ذكرى ضارت لقات فهد داخل ومعنق صفاء تحت يديه
ذكرى: الحمد لله جيتو بكري . (شافت فصفاء عينيها حمرين ) مالك نتيي ؟
صفاء : والو امرات خالي غير راسي ضارني
ذكرى : طلعي ابنتي رتاحي وشربي دواك انا نصيفط دنيا تطلع ليكم غداكم . رتاحي وفالعشية لبسي وهبطي .( شافت ففهد ) عنداك ماتخليهاش تنزل
فهد تنهد : غادي تنزل
ذكرى : اشرف وكراميلا عاودتي اكدتي عليهم يجيو ؟
صفاء :اممم غادي يجيو بالتأكيد و غادي تجي معاهم حتى خالتو سمية مامات اشرف
ذكرى :مرحبا بيها نهار كبير هادا
فهد : الواليدة غادي نطلعو باش ترتاح شوية
ذكرى :سيرو اوليدي الله يرضي عليكم
فهد ضار وجر معاه صفاء لجناحهم . دخلو نيشان دخلات صفاء لدوش دوشات وخرجات لدريسينج لبسات دوبياس . دخل عندها فهد لابس غير سروال لقاها لابسة دوبياس فالازرق خرجها هاكاك و تكى فوق الفراش وجرها عنقها . صفاء غير عنقها دخلات راسها فعنقو
فهد :ماتفكري فواالو دابا نعسي ورتاحي وفالعشية نزلي بدلي الجو مع البنات خوي راسك من هاد التخربيق
#يتبع