♣️الجزء :1547
🍂بعد شهرين
فبيت براءة وأكرم . خرجات براءة من الدوش لاوية عليها فوطة كرشها كبيرة بزااف وصل شهرها وقرب موعد ولادتها . شافت اكرم متكي فالفراش عريان لابس غير شورط
قربات عندو جلسات حداه وحطات يديها على جبهتو
براءة : اكرم كاتسمعني ؟
اكرم حل عينيه حومر : اممم
براءة : ادا تزاد عليك الحال نمشيو نلوبيطال
اكرم حرك راسو بلا : لا غير البرد ماشي شي حاجة .عاد دابا جات لواليدة جابت ليا الدوا
براءة شافت فالكوافوز لقات الدوا محطوط
براءة : صافي انا غادي نوض نلبس ونجيب ليك الفطور باش تشرب الدوا
بغات توقف جرها طاحت عليه
اكرم : دوايا هو نتي اجي نضربو حوية نوض بحال العجل
براءة خدودها توردو : ههههه اويلي شنو كاتقول
اكرم جرها قلع ليها الفوطة حتى ضهر جسمها وكرشها
اكرم :ههه النفاخة قريبة تتفركع
براءة خنزرات بعدات عليه كتتلوا الفوطة : بعد عليا دابا رجعتي كاتضحك عليا
اكرم جرها وباسها من جبهتها : واش انا نضحك على الغزالة ديالي . علاش شكون عمر ليك هاد النفاخة
براءة حشمات ووقفات غادية لدريسينج
اكرم :هههههه مازالة كاتحشمي مني
براءة كاتمسح فجسمها :اممممم
اكرم :ههههه وازعما شحال دوزنا دالليالي قلت راه حيدت لمك الحشمة
براءة طلات عليه برويسها : هاد طريقة دهضرتك هي لي كاتحشمني كتر
اكرم غمزها : وانا كانموت على الزين المسرار وهو حشمان
براءة ضحكات ولبسات عليها كسوة واسعة مسحات شعرها وخرجات لقاتو مغمض عينيه
براءة :انا غادي نزل نطلع ليك الفطور
اكرم حل عينيه : صيفطيه غير مع شي وحدة بلاما تطلعيه وتتعذبي . جلسي فطري
براءة : واخا حياتي
اكرم سمعها حل عينيه وتجلس :شنو قلتي عاااودي عاودي
