♣️الجزء :1315
دازو ساعات طواال كيساين فيه ولكن ماجالسينش وسط القصر لا كل واحد وفين غايب كيقلبو كلهم كيحاولو يلقاوها .
داز النهار وبدات تغيب الشمس من جديد وليليان مازالة غابرة ومالاقيينش ليها الاثار
ذكرى صافي مابقاتش قادرة توقف على رجليها دخلوها لغرفتها ودارت ليها بلقيس الابرة اش تنعس و جالسات فوق راسها وكتبكي
دخلات براءة عليهم حتى هي عينيها حمرين
براءة : مازال مافاقت ماما
بلقيس حركات راسها بلا : لا كندير ليها الابرة النعاس باش ماتفيقش حيت ملي كتفيق كتشدها الهستيرية دالغوات وترجع تغيب
براءة جلسات فوق الفوطوي كتبكي وشادة فكرشها
براءة :فين غادي تكون ليليان من لبارح وهي غايبة
بلقيس :ياااربي تحفضها يااربي وترجع ليما سالمة
براءة ببكاء : وادا مالقاوهاش
بلقيس :ماتنسايش خوتك مايصعاب عليهم والو خاص غير يعرفو الطموبيل شمن بلاصة تخبات وهادشي علاش عيطو لصديق سحر حيت هاكر كبير . غير يعرفو البلاصة راه يجبدوها من تحت الارض
براءة بخوف : غادي يلقاوها يااك ؟
بلقيس :غادي يلقاوها احبيبة هاد الليلة ليليان غادي ترجع
لتحت كانو الدراري كلهم تجمعو من جديد فهد طلع لبيتو لبس سورفيط فالاسود و ݣاط فرجليه دالعسكر حل الخزنة وجبد جوج من انواع السلاح الناذرين مصنوعين خصيصا ليه دار السمطة فخصرو دار فيها السلاح وربعة دالعبوات من القرطاس هز خنجر حالو شافو كيف كيبري حااد بزااف غير تقيص فيه بصبعك يجرحك اما ادا ضربتي بيه شي حد يودع فلحضتو . سد الخنجر ودارو فالسمطة دالاسلحة
هز تيليفونو دوز الخط يتطمن على صفاء
فهد :دقيقتي فالباب
الكارد :اه اسيدي
فهد :رضات ليكم الدقان
الكارد : رضاتو اسيدي
فهد :حلو عينيكم مزيان
الكارد :ماتخافش اسيدي
فهد قطع الخط ونزل لقى الدراري كلهم واقفين
فهد : مازال ماوصل
سحر : طيارتو وصلات دقائق ويكون هنا
مازال كيهضرو حتى سمعو صوت الطموبيلات كيوقفو فالباب وحدة ورا وحدة تقريبا عشرة دالطموبيلات
الكارد فتحو ليهم الباب ودخلو حتى لداخل
تفتحات باب الطموبيل الاولى ونزل دانييل لابس سروال فالاسود وبيل سماطي فالاسود و ݣاط فرجليه حتى هو اسود داير بانضات على يديه فالاسود درعانو عراااض وصدرو مخدوم مايقلش على فرمة ولاد مرتضى تلقاو غير الوحوش
