🍒الفصل الرابع: كن لي أبا
♣️الجزء :1021
خرجات ليليان كتبكي قلبها كيتقطع مازال مافاهمة واالو كلشي جاها بزربة ماقدراتش تستوعب شنو طاري . خدودها حمرين بالنعاس ومجلخين بالدموع غادية فالشاريع وكتشهق عينيها كيدورو فجميع الإتجاهات ، ماعارفاش فين غادي تمشي دابا ولا شنو غادي يطراا
عند يوسف لي كان دخل وطلع فالدرج كلو كيترعد خاايف من هادشي لي دار ماعارفش واش صحيح ولا غالط ماعارفش واش عرف يتصرف ولا تسرع وقف فراس الدروج وتخبى فالكوان على اعصابو
متأكد شنو غادي يطرا دابا ودارس القضية وكيفما كان متوقع تواني وسمع الفيفرور ديال التيليفون هزو لقى المكالمة دايزة بين سليمة وأندريا ، بسرعة دار التيليفون فودنيه
سليمة: لالة مافهمت واالو سي يوسف خرج ليليان وجرا عليها لزنقة
اندريا: هههه ماضنيتش بهاد السهولة الخطة غادي تنجح كنت كنضن غير غادي يشك وكل مرة ندير ليهم مشكل حتى تكرهو هي وتطلب الطلاق ولكن لقيتو بصح مايستاهلهاش كان كيقلب غير على السبة
سليمة: دابا شنو غانديرو الالة راه ليليان بوحدها فالزنقة
اندريا : ههه كنت موصيا شي رجال يبقاو حاضيين نواحي دالقصر غادي نصوني عليهم نعلمهم بلي خرجات يتلقاو ليها يجيبوها
سليمة: عنداك يضربوها
اندريا:لاا ماتخافيش واخا يطرا لي طرا مايقيسوهاش وماتتمسش بنبشة
يوسف غير سمع كلامهم وقدر يعرف انها مصيفطا غير الرجال يعني ماغاديش تجي بيديها زير على التيليفون بيديه ودار من الجيهة التانية من الدروج الخلفين ونزل كيجري كيصوني لفهد باش يعلمو شنو طاري ويحل عينيه مزياان
فهد كان فطموبيلتو تابع ليليان من بعيد سمع التيليفون جاوب دغيا
فهد: ماالك؟
يوسف خارج كيجري وكيهضر مع الكارد: سمعوووو هاديك لي لداخل دابا تاخدووها لديبو قلعو ليها التيليفووون قبل ماتاخدووها
فهد: واااااا القلااوي اااش كاااين
يوسف : الخطة فشلااات ماجاتش هيا صيفطات غير شي رجاااال
فهد: ياك اخر مكالمة بينهم قالت ليها غادي تجي بيديها حيت توحشاتها
يوسف : مااااعرفتش ازبي ماعرفتش وماتبقاش تقول توحشااتها غادي نخصصصصصر معاااك
