🍒الفصل الرابع: كن لي أبا
♣️الجزء :1062
فهد بقى واقف يكمي كارو مم ورا كارو حاس براسو غادي يتسطى مشى كيجري لطوموبيلتو وركب وكسيرا
لداخل نزلات بلقيس من لفوق
بلقيس : وااش ولدك تسطاا اذكرى ؟؟
ذكرى :شكون فيهم تاني
بلقيس : شكون منغيرو فهد طلعت كنقلب على صفاء فبيتها مالقيتهاش مشيت لبيتو لقيتو شاد عليها تما بالساروت
ذكرى تنهدات وحطات يديها على راسها : هاداك غادي يحمقني بهاد العصبية لي فيه
بلقيس : وادابا يجي ياسين ويسول على بنتو شنو نقول ليه فهد شاد عليها
ذكرى وقفات : انا غادي نمشي نشوف الضوبل ونحل ليها
بلقيس : يالاه نرجع معاك
ليليان : لا لا عافاك طلعي معايا لبيتي قلبيني
بلقيس :خلي حتى لغدا فصباح وناخدك معايا نالعيادة ونقلبك
ليليان : لااا عافااك مانقدرش نصبر حتى لغدا بغيت نعرف ليووم
بلقيس تنهدات : يالاه وقفي تحركي
ليليان وقفات ووقفات معاها حتى ابرار
بلقيس : فين غادية نتييي ؟
ابرار : حتى انا بغيت نشوف
بلقيس : شنو تشووفي
ابرار : نشوف كيفاش كتقلب
ليليان شدات فأبرار وجراتها : غير خليها اعامتو حتى هي تشوف ماشي مشكل
مشاو طالعين فدروج خلاو بلقيس وذكرى غير كيشوفو
ذكرى :كتقوليلي فهد تسطا راه لي فهاد الدار كلهم مسطيين
بلقيس : ههههه ليليان ماكتحشمش فحالك حتى نتي كنتي كتبغيني انا نقلبك ملي حملتي
ذكرى: كون كانت قد براءة نقول راه كنت والدة توأم وسرقوها ليا هههه
طلعو كيضحكو بلقيس مشات لبيتها باش تجيب ليكات وذكرى مشات تشوف دوبل ديال الساروت
توجهات نيشان لبلاكار الخااص بالمفاتيح هزات ضوبل ساروت فهد لي كيتهز غير فالطوارئ اما هو ممنوع شي حد يقرب ليه ولا يدخل لبيتو وهو شادو
