♣️الجزء :1289
بقى واقف مصدوم شاد الورقة فيديه كيقرا ويعاود مامتيقش داكشي لي مكتوب . كيحاول يوهم عقلو ان هادشي كدوب ولا يمكن هو مابقاش عارف يقرا
وجهو زرااق وعينيه حمااارو عض على فمو حتى حس بسنانو غادي يتهرسو وسط فمو ، كمش الورقة وسط القبضة ديديه
ضار عند الكارد وغوت بصوت عالي حتى خلعو
فهد :شكووووون جااااب هاد القلااااااوييييي
الكارد عينيه فالارض : راجل عادي قال من طرف محامي امين الزهري
مازال كيهضرو وهو يشوف طموبيلة ياسين داخلة فالباب قرب كيجري لقى غير الكارد صايكها
ساينو حتى نزل باش يشرح ليه
الكارد : امرتينا نتبعو جي بي ايس ديال الطوموبيل ولقيناها وسط الطريق خاوية
فهد عض على فمو و ركب فطموبيلتو وكسيرا خارج من القصر
وصل لعمارة كتباان راقية نزل من طموبيلتو ودخل مع الدخلة قرا فالباب اسم المحامي
طلع حتى لطابق لي فيه المكتب ديالو ودخل لقى بزاف كيساينو نوبتهم ماداهاش فيهم ومشى نيشان نالبيرو والكاتبة تابعاه كتجري
الكاتبة : سيدي ممنوع تدخل راه المحامي مشغول مع الناس ساين نوبتك
فهد خنزر فيها وحل الباب دالبيرو ودخل
المحامي شافو وقف : شنو طاري هنا
فهد وجهو مخنزر وملامحو جااامدة كيشوف فيه بحدة
فهد:فهد مرتضى
المحامي حنحن وشاف فالناس لي جالسين معاه : تفضلو برا ساينوني دقيقة حيت القضية مستعجلة
الناس وقفو وخرجو
وفهد شاف فالكاتبة مخنزر وتمتم بين سنانو
خرجي وسديي البااب
الكاتبة خرجات بالزربة وسدات وفهد جلس فوق الكرسي ودار رجل على رجل وجبد كارو كيشعلو
فهد:امممم نتا لي باغي تطلقني على مراتي
المحامي : السي فهد
فهد : جلللس
المحامي جلس متوتر عارف فهد شنو كيسوا
فهد: ماعارفش هادشي لي كتدير تقدر تخصر فيه حياتك
المحامي : هادي خدمتي اسي فهد
فهد هز حاجبو : خدمتك كتوصل عندي وخاصها توقف
المحامي : ادا وقفت انا كاينين محاميين تانيين سي ياسين داير كتر من محامي
فهد بتاسم جنب وحرك راسو : مزيااان فين هاد سيدك ياسين
