♣️الجزء :1136
كراميلا بقات واقفة مبتاسمة مافاهماهش حتى بسرعة تلاح عليها جرها عنقها بقوة مدخلها لصدرو مخلي كلشي كيشوف فيه اشرف قارن حاجبو وبراءة مستغربة
كراميلا بعدات عليه بسرعة ورجعات ورا أشرف شادة ليه فتريكوه مخلوعة مافهمات واالو
كراميلا تمتمات :اشرف
أكرم كيشوف فيها حال فموو وكيحاول يقرب ليها وهي مخبية من ورا اشرف
اكرم :هند ماالك فين كنتي
فهد وقف قارن حاجبو والعائلة كلهم وقفو ضارو بيهم
فهد :أكرم شنووو طاااري وشكون هاادي
أكرم شاف فيه مبتاسم :هااادي هند
بلقيس قرنات حاجبها :هااادي هند لي كانت السباب ف..
أكرم ضار قاطعها : الوااليدة شديي هاد الموضوع
اشرف رجع كلو كيترعد : كتعرفها ااكرم
اكرم شاف فيه ماداهاش فكلامو ورجع شاف فيها
اكرم : هننند فين كنتييييي واش كنتي مخبية واش كنتي خاايفة
كراميلا كتشوف فيه غير بنص عين وكتزير على التيشوت دأشرف
أكرم :هههههند هضرييييي معايا ماتمرضينييييش
براءة حكات عنقها :هادي هي هند
اكرم :هي هي( شاف فهند ) مااالك ساااكتة وعلاش مخبية فاشرف ومنين كتعرفيه
بلقيس زيرات على يديها ماكرهاتش تمشي تنتفها ملي عرفاتها هي هند لي كانت غادي تق/تل ليها ولدها لكن ماقدراتش تقرب ليها وهي ضيفة عندها وزيد ولدها عزيزة عليه
اكرم كيشوف فهند مبتاسم وكيطلعها ويهبطها
اكرم :ههههه تبدلتي بزااف هند لابسة جلابة ههه زيانيتي ودرتي الخدود
اشرف سرط ريقو وقلب عينيه واقف على اعصابو شداتو الخلعة ورجع كيقول هادي راه كانت حبيبتو
اكرم :هننند هضري معايا ماتخافي من واالو دابا
كراميلا زيرات بيديداتها على تيشوت اشرف من اللور وكتطل برويسها على اكرم وتمتمات
كراميلا: شكون نتاا
اكرم حل عينيه : كيييفاش شكون نتااا واش كتتفلاااي اهند قلت ليك ماتخافي من والو
اشرف : واش كاتعرفها
اكرم شاف فيه مستغرب:كيييفاش واش كنعرفها هادي راه اقرب وحدة ليا
براءة بتاسمات جنب وتمتمات بهمس: مابقيتش انا اقرب وحدة ليك واسرارك كلهم عندي رجعات دابا هند
اكرم: هند مالك خايفة هااكا صاافي نساي اي حاجة انا دابا بيخير وصحتي مزيااانة قلبت عليك بزاااف ومالقيتكش كنت غادي نتسطا الرجال ماخلاو حتى بلاصة ،علاش مخبية وراه قربي غير نهضر معاك
