دخلو و هوما كيتمختروا و صوت طالون ديال تواب كيتردد فأرجاء القصر و هي كتمايل بطريقة أنثوية...تبعات ليهم ميساء العين حتى دخلو الصالون و سدات الباب و تبعاتهم بخطوات بطيئة حيت كتحس بالألم تحتها...كيف دخلات الصالون بتاسمات ابتسامة بريئة و نطقات بلطف:مرحبا بيكم...نرجس ضحكات ضحكة مستهزءة و نطقات بسخرية: دار ولدي هادي ميحتاجش ترحبي بينا .... ميساء جمعات الضحكة و طلعاتها و نزلاتها و ربعات يديها قدامها و نطقات بنفس الطريقة لي نطقات بيها نرجس: هادي دار ولدك و انا مرتو هادشي كيعني بلي هادي داري و عندي الحق نرحب (و ضغطات على هضرتها) بالضياف... نرجس عقدات حجبانها و كيف بغات تجاوبها قاطعاتها عطاء ببتسامة صفرة وهي كتشوف ف ميساء:عندك الحق احبيبة احم احم غالي مبانش ليا...ميساء: اه خارج...عطاء وقفات و تقابلات معاها وهي مبتاسمة: متعرفناش على بعضياتنا انا عطاء بنت خالت غالي...ميساء حركات ليها راسها بالإيجابة: متشرفين اختي....عطاء قربات سلمات عليها و نطقات بلطف: خليك ليلي....ميساء بتاسمات ليها: شنو تبغيو تشربو....عطاء حطات يديها على كتف ميساء: مكين لاش غير اجي كلسي معانا شوية...ميساء حركات راسها بالنفي: لالا حشومة شنو بغيتو تشربو...عطاء: انا بغيت غير شي jus d'orange و خالتي كتبغي قهوة كحلة بلا سكر... ميساء حركات راسها بالإيجاب و تمشات ببطء تجاه الكوزينة و كيف ختافات على نضر عطاء جمعات الضحكة و ضارت راجعة حدا نرجس...كيف كلسات نرجس شافت فيها و نطقات بإستهزاء: بان ليا نسيتي علاش جينا هنا و بديتي كتعرفي على هاد البرهوشة...عطاء شافت فيها بنضرات شريرة: شنو كتعرفي عليا اخالتي هاد البرهوشة ليوم ولا غدا غنكركبوها...نرجس تقادات فلكلسة و نطقات بجدية: واخا هكاك خصنا نردو منها البال كتبان مساهلاش....يلاه بغات تنطق عطاء حتى شافت ميساء داخلة هازة بلاطو فيه جوج كيسان ديال العصير و فنجان ديال القهوة...حطات لعطاء العصير قدامها و نطقات عطاء وهي مبتاسمة: شكرا احبيبة...ميساء بنفس الإبتسامة: بصحتك...و حطات لنرجس القهوة قدامها و كلسات حاطة رجل فوق رجل و كتشوف فيهم و مرة مرة عطاء كتشوف فيها و تبتاسم اما نرجس ما عاجبها حال و غير هازة نيفها السماء.... مدازش بزاف حتى لمحو غالي داخل كيلعب بالكونطاكت بين يديه و كيف لمحهم كالسين فصالون عقد حجبانو و توجه عندهم...اما عطاء كيف شافتو بحالا ركبتي ليها الضو تحت منها ولات كتضحك بوحدها و عيات تصبر و ناضت كتمشى ب خطوات سريعة و طارت عليه معنقاه و مزيرة عليه...اما هو كيف حس بيها عنقاتو هز عينيه تجاه ميساء لي كانت كتشوف فيهم و عينيها فيهم واحد اللمعة ديال الدموع و كتحرك يديها بتوثر...عطاء بقات معنقة غالي حتى حسات بيديه كيبعدوها عليه كيف بعدات عليه تخطاها و تمشى بخطوات واثقة كلس حدا ميساء و حط رجل فوق رجل و شاف ف نرجس بنضرات ثاقبة و نطق بصوت شجي مع غمزة: شنو سبب الزيارة...نرجس بتاسمات فوجهو و نطقات وهي كتحاول تقاد الأفكار فراسها:احم احم جينا اولدي نكلسو معاك شي أيامات و كيف شفتي عطاء يلاه جات من فرانسا...غالي بنفس النبرة الجافة: و شنو المناسبة...نرجس حسات بالتوثر و بحالا كيجري عليهم بطريقة غير مباشرة ولكن دفعات الجبهة: القصر اولدي اه القصر فيه شي اصلاحات و كنبدلو الأثاث والمفروشات و راك عارف الجو ديال ليزوطيل مكيعجبناش....فهاد الأثناء كانت عطاء باقا واقفة مزيرة على يديها و مشات كتخبط فرجليها كلسات بعصبية فبلاصتها...اما غالي طرطق عنقو و نطق بصوتو المميز لي فيه بحة خاصة: جوج سيمانات و غبرو عليا كمامركم....ميساء خرجات فيه عينيها و قرصاتو فجناب يديها هو دور عينيه تجاها و حرك راسو بمعنى شنو....اما ميساء نطقات بهمس كيسمعوه غير هوما بجوج: حشومة شنو هاد الهدرة....يلاه بغا يجاوبها حتى قاطعو صوت عطاء لي نطقات بصوت محلون انثوي موجهة كلامها لميساء: حبيبة ميساء تقدري تعاونيني نطلعو ليڤاليز... ميساء حركات راسها بالإيجاب و يلاه بغات تنوض حتى وقفها غالي جارها من يديها حتى رجعات كلسات و نطق بحدة: مرتي ما خدامة عند حتى قواد لي بغا يدير شي حاجة يديرها راسو....لاح ليهم هاد الجملة و وقف جار ميساء من موراه مخليهم مخرجين عينيهم مرضاااوش...هو جرها المصعد كيف تحل الباب دخلو و هي نترات يديها من يديه و قلبات وجها الجيهة الاخرى اما هو خنزر فيها و نطق بحدة: مالنا...ميساء مجاوباتوش الشي لي زاد عصبو و نطق بصوت عالي: فاش ندوي معاك بقاي تجاوبيني...ميساء كانت على سبة و هورموناتها مخربقين دورات عينيها لجيهتو و طاحو دموعها لي كانت حابساهم من قبيلة و قربات لعندو و هي هازة فيه راسها حيت قصيورة عليه: علاش خليتيها تقرب ليك علاش....غالي جرها من خصرها و نطق بتساؤل وهو كيشوف ليها فعينيها:كتغيري...ميساء بعدات عينيها من عينيه و حطات يديها على صدروا كتحاول تبعدو: لا علاش انغير طلقني كتقصحني...هو زاد جرها لعندوا و هبط راسو لمستواها و دخل معاها فقبلة شرسة كانت محكومة من الطرفين كيعبر فيها كل واحد فيهم على المشاعر ديالو.....
يتبع....❤️❤️ ڤوط و أرائكم الزوينين ❤️❤️❤️❤️