أمنية تحت ظل الخيانة

الحلقة 32🥃

الحلقة 32🥃
و زين يشوف من بعيد قدمت منهم للا راقية و غزرت لنرجس تحكي
_للا راقية : انتي امشي للكرهبة
مشات و خلاتهاا لين وصلت و دارت لزهرة
_للا راقية : ياخي اش قاعدة تعمل ...اه..قولي ..اش تعمل ..ناسيا الي عندك امانة ...صدقني باش تتحاسب على عملتك هاذي ..بربي كان صارتلك حاجة تره
_زهرة : اما انا طلبت منكم قولتولي لا ...منيش عبدة عندكم انا باش تسكرو عليا الدار ولا دخول لا خروج
_للا راقية : امشي تحرك خلي نوصلك
زين قاعد يشوف في اجواء حاس الي فما حاجة
_زين : اش فماا يا ربي اوووف
وضرب يدو على فولون
_نديم : خليهاا امي انا تو نوصلهاا
_للا راقية : باهي
مشات راقية للكرهبة وصلو نرجس للكلينيك و نديم هز زهرة و مشاو لدار و زين يتبع فيهم
_زياد : ياخي زهرة اش عندهاا تعمل في دار كيما هاكا
_زين : منعرفش ...يمكن تخدم فيه
للا راقية روحت اول ماوصلت لدار استقبلتهاا بسمة و جيهاان
_بسمة : يا مرت عمي وينك بربي تحيرناا عليك ...قولي شكوني لمرا الي مرضت نعرفوهاا ياخي
_للا راقية : لا لا متعرفوهااش ..مرت واحد معرفة قديمة اسمو ضياء
بسمة شكت خاطر هيا زادة عندهاا برشا معاهم في دار ولا مرة تجبد الاسم هذا قدامهاا
_جيهان : اي ولباس تو
_للا راقية : لباس لباس
#يتبع