أمنية تحت ظل الخيانة

الحلقة 26🥃

الحلقة 26🥃
زين ماشي جاي يحكي وحدو في قرااج ولد خالوو يصلح في الكراهب
_زين : و اللهي لعظيم باش نهبل ...يعني وين مشت هالطفلة وين ...دنيا قلبتها عليهاا ارض و كانتلها بلاعة ...و اللهي باش نهبل
و كسر الطاولة معبيا بالكيسان
_ولد خالو زياد : تو شنيا استفددت كي كسرتهم ..هدي روحك شوية
_زين : بربي كيفاش تحبني نهدا يا زياد و انا عندي قدااش و انا هاكا مش عارف كيف نلقاها
_زياد : يا زين مش ساهلة باش تلقااها في هالبلاد صعيبة و زيد العاصمة كبيرة
_زين : انا زهرة باش نلقاها و باش نجبدها كان تبداااش في سابع ارض
_زياد : اهه باهي قلي اش ناوي تعمل
العايلة كل قاعدة لبرا تفطر سي ناصر و للا راقية و برهان و بسمة و مريم
_بسمة : والله الصباح هذا قمنا منغير حتى قلق
_سي الناصر : علاش اش فما
_بسمة : والله يا عمي قمنا مرعوبين على صوت جيهان
_سي ناصر : اي اش فيها يا بنتي شافت كوشماار
_هارون : جيهان لأيمات هاذي حكاية صغار مخوجتها و عمل بيدو متاع مهبولة
و بسمة تضحك من تحت لتحت
_سي ناصر : هارون شنيا الحركة الي عملتها بيدك
_هارون : اه معنانها دخلت و خرجت هه
_ سي ناصر : هارون في داري منحبش حركات كيماا هاكااا....نقص من قلة التربية
_مريم : لازم ناقفو مع جيهان الفترة هذه
_للا راقية : عندك حق
_بسمة : اي اكيد تو ناقفو معاها
و شربت قهوتها و تغزر لهارون ويتبسمو من تحت لتحت ...
زهرة في دار تمشي و تجي لين تسمع في الباب تحل دخل نديم يحكي لا سلام ولا كلام وقف قدامها
_نديم : انتي وين تحب توصل
_زهرة : سي نديم انتي فاهم لحكاي.....ءء.
_نديم : مقابل شنيا
_زهرة : سي نديم ان...ءءءءءء
_نديم : مقابل شنيااا  احكي....علاش قبلتي تدخلي في حاجة هذه
زهرة طبست راسهااا و تكلمت
_زهرة : نحب فلوس
هز براسو نديم و غزرلها غزرة متاع اهانة و يعدي في عينيه من فوق للوطة و بعد هز راسو بباهي و هز صبعو قدامهاا يحذر فيهاا
_نديم : باهي مدام لفلوس هيا هدفك ...باش تاخذ حقك و اكثر اما اذا كان نعرف الي انتي تخطط لحاجة اخرى ولا تقول لحد على لحكاية
قرب منها اكثر و كمل كلامو
_نمحيك مالوجوود فهمتي ..
مشا و خلاهااا وصل قدام لباب و رجع طيشلها هالكلمتين و خرج
_نديم : امي جابتك و وثقت فيك ...اما انا مانيش واثق
خرج و خلاها غارقة في دموعهاا