كانت ناعسة فالأرض وهي حالة عينيها لي تنفخوا بالبكا و على ملامحها الحزن حيت كتحس انها تضلمات وهي بعيدة على ماماها لي كانت سندها الوحيد و الحيط الحامي لي كان كيطاكي عليها اي حاجة خايبة و هنا ميساء اول مرة اتحس بالحكرة و دور العائلة فحياتها حيت فنضرها بلي كون كان عندها باها و خوها مكانش غالي ايدير ليها فحال هاكا ولكن هي غالطة حيت غالي راه قاسي و متجبر لدرجة واخا يكون قدامو جبل باش يوصل ليها كان ايريب جبل باش يوصل لمحبوبتو...
فنص افكارها و ضعفها تحل الباب و سمعات خطوات صغيورين متوجهين لعندها وصلات و جلسات على ركيباتها و هضرات ببرائة: مامي مالكي واش نتي مريضة
ميساء هزات فيها عينيها و بتاسمات ابتسامة دابلة: لا احبيبة انا غير طحت و مقدرتش نوض
تواب شدات يديها صغيورة حطاتها على يدين ميساء: انا نعاونك
ميساء دارت ليها خطرها و وقفات و نطقات و ابتسامة على وجها: اممم شنو خصنا دابا نديرو انا و بنتي
تواب ضحكات ببرائة: ندوشو و نبدلو حوايجنا
ميساء شداتها من يديها و جلساتها فوق نموسية: بلاتي احبيبة نمشي نجيب ليك حوايجك من بيتك باش ندوشو انا وياك صافي
تواب حركات راسها بالإيجاب و مشات ميساء متوجهة لبيت تواب خدات ليها بينوار و داكشي لي غتحتاج فالدوش و بيجامة بياسة وحدة حد ركبة فالغوز و خرجات متوجهة لبيتها خدات بيجامة شورط قصير و تيشرت كيبين الكريشة و الكريمات ديالها لي كدير مورا الدوش و خرجات راجعة لعندها كيف دخلات حيدات ليها حوايجها و دخلات هي وياها الحمام.
تواب عاقدة حجبانها بطفولة: مامي علاش بيت بابا كولو فهاد اللون كحل
ميساء كتحيد حوايجها هي الآخرى: حيت باباك مسكون
تواب: مفهمتش
ميساء: مكاين لاش تفهمي هادشي ما فيه لي يتفهم
و دخلو الدوش بجوجهم كيدوشو و ميساء مرة مرة كتضحك مع تواب و ترشها بالما و تواب نفس الحاجة بالتبرهيش لي فيهم بقاو شي ساعتين فالدوش و اخيرا خرجات ميساء من الحمام مضورة على جسمها فوطة قصيرة حد الفخاض لقاتها تما و دايرة فوطة على راسها و تواب ملبساها بينوار غوز و هازاها فحال شي بيبي و مرة مرة كتبوسها و ضحك معاها.
ميساء حطات تواب فوق الناموسية و بدات كتهر فيها: شكون دوش شكوون شكون غتاكلو ماماه شكون
تواب كتضحك حتى صدى ضحكتها كيتعاود فالبيت و ميساء كتبوس فيها و كتضحك معاها و خالقينها مع بعضياتهم.
ميساء بدات كتمسح لتواب جسمها: يلاه اماما نلبسو دغيا باش متمرضيش و نمشي ندير لك شي حاجة تاكليها
حيدات ميساء البينوار لتواب و دهنات ليها جسمها بكريمات ديال الأطفال و شي معطرات خفاف و لبساتها الملابس الداخلية و من فوقهم البيجامة.
ميساء كتنزل ليها البيجامة: اجي اتواب نمشط ليك شعرك باش نلبس دغيا ايضربني البرد
تواب جلسات قدامها و عطاتها بالضهر و هي مربعة رجيلاتها: ماما بغيتك ديري ليا فحال هاديك المشيطة لي كديريلي ديما
ميساء قالت ليها واخا و بدات كتمشط ليها شعرها بالزربة ملي سالات ضوراتها لعندها كتقاد ليها الكصة و بجغات ليها حناكها بالبوسان: يلاه بصحة احبيبة تسناي انا نلبس عليا و نهبط نطيب ليك الكوطي شنو بغيتي ليوم
تواب عينيها لمعو: بغيت ليكريب بشوكولا عافاك
ميساء حركات راسها بالإيجاب و حيدات الفوطة من راسها كتنشف فشعرها لي واصل لأسفل مؤخرتها و هي كتنشف فيه سمعات صوت تواب: باااابااااااا
ميساء الماء جمد ليها فالركابي بالحشمة و المنضر لي شافها فيه و الفوطة لي مخرجة نص صدرها و قصيرة بزاف مبينة فخاضها البويض
غالي كيف دخل لمحها فهاداك الشكل المثير طلعها من راسها لرجليها و ابتسامة بالكاد كتبان على فمو محس غي ببنتو كتجرو من تيشورت ديالو هي لي فيقاتو من السهوة لي كان فيها، نزل عينيه لعندها و هزها باسها فخدها و نطق بحب: لاباس عليك
تواب حركات راسها بالإيجاب: اه لاباس انا يلاه دوشت انا و مامي
غالي هز عينيه تجاه ميساء و هي بغات الأرض تنشق و تبلعها، غالي حط تواب فالأرض: سيري ابنتي لبيتك حتى تجي عندك ماماك
خرجات تواب كتجري متوجهة لبيتها و كيف خرجات بدا كيتمشى غالي تجاه ميساء و هي كترجع بالور و كترعد و نطقات بنبرة متوثرة: ش شنو كدير نتا خرج خليني نلبس
غالي ميل فيها راسو و نطق بهمس: و الى مبغيتش امم
غالي يلاه بغات تنطق قرب لعندها و جرها من خصرها بخفة و حط شنايفو على شنايفها و دخل معاها فقبلة فرنسية شرسة ميساء بدات كتحاول دفعو و لكن لا حياة لمن تنادي كان مرفوع و هو مغمض عينيه و بدون متحس لقات راسها متجاوبة معاه و بحركة عفوية منها حطات يديها على صدروا الشي لي خلاه هو يزيد يقربها ليه و كيحرك فمو على فمها بإحترافية عكس هي لي كانت معندهاش خبرة و غير كتحاول دير فحالو، بدا كيحرك يديه على ضهرها و فكل لمسة منو جسمها كيقشعر و كتحس بإحساس غريب، للحضة طلع يديه و بغا ينزل ليها الفوطة الشي لي خلا ميساء تبعد عليه و تزيد تلسق الفوطة على صدرها و تنطق بنبرة مترجية: لا عافاك
حل غالي عينيه لي كانو فحال النقطة ديال الدم و نطق بنبرة مبحوحة: هادشي الى مكانش دابا ايكون فأقرب وقت متنسايش راك مرتي
و عطاها بالضهر متوجه الباب و قبل ميخرج نطق بصرامة: وجدي راسك نتي و تواب انخرجوا
و خرج و خبط الباب و كيف خرج تنفسات ميساء صعداء و هي حاطة يديها على صدرها.
و تمشات هزات حوايجها و مشات كطير الحمام باش تلبس و خرجات متوجهة البيت ديال تواب، دخلات لقاتها جالسة كتلعب و نطقات بحنان: تواب اجي ابنتي نبدلك حوايجك و نهبطك ديري الكوطي ديالك
تواب عقدات حجبانها بتساؤل طفولي: ولكن انا يلاه بدلت
ميساء حركات راسها بالنفي: لا دابا قاليا باباك انخرجو
تواب: فين انمشيو
ميساء كتجبد الحوايج من الماريو: والله معرفت المهم اجي تلبسي
لبسة ديال تواب فالصورة...
سالات ميساء لتواب و شداتها من يديها هابطة بيها الكوزينة و حلات تلاجة دغيا عطاتها كيك ديال الشكلاط و كاس ديال الحليب و خلاتها كتاكل و خرجات كطير طالعة لبيتها توجد راسها، دخلات البيت و توجهات الدريسينك تشوف شنو تلبس بعد تفكير طويل جبدات جلابة فالكحل انيييقة بزاف
الصورة..
و لبسات معاها صنيديلة باج ديال الطالون جاتها فنة مع رجيلاتها البويض و الصباغة الحمرة فضفيراتها
الصورة ديال رجيلاتها..
لبسات و كملات و شافت راسها فالمراية و بتاسمات برضى و كيف وتاتها الجلابة و كبراتها فالعمر بزاف و جات مع لاطاي ديالها لاسقة.
طلقات شعرها لي كان باقي منشف و توجهات الكوافوز خدات سوشوار نشفاتو دغيا و طلقاتو مخلياه على راحتوا.
و دارت عكر خفيف ففمها و مسكارا طلعات بيها شفارها الطوال و كلمسة اخيرة رشات ريحتها و شافت إطلالتها الأخيرة لي كانت اكثر من فاتنة و خرجات من البيت كتمشى بأنوثة و تبات هبطات لعند تواب لي كانت سالات مكلتها غسلات ليها يديها و مسحاتهم و خرجات شادة فيها و كيف خرجات لقاتو واقف متكي على طوموبيل عينيه على الباب و لابس شوميز كحلة و سروال كحل و سبرديلة بيضة
و كيف لمحها طلع عينيه من رجليها حتى لراسها و هو مميل راسو بإعجاب ولكن للحضة تغيروا ملامحو و هو كيقول بلي اي رجل من غيروا شافها غيتعجب بيها و لكن لالا هو اي واحد قبل ميفكر يشوف فيها غيقتلو بدون ميفكر هادشي كامل داز فبالوا و عينيه ولاو حمرين مكيفيقو غير صوت ميساء الخافت: مغنمشيوش
غالي طلعها و نزلها و نطق ببرود: طلعي
طلعات تواب اللور و ميساء القدام دارت السمطة و كسيرا بسرعة خارج من القصر و ميساء كتشوف فالشرجم و مرة مرة كتهرب ليها عينيها لعندو، بعد مدة وقفو قدام بوابة ديال واحد القصر و لي كارد حلو الباب و حناو راسهم بإحترام و دخل بسيارتوا حتى القدام الباب الرئيسي و فرانا فران تردد صداه فالقصر كامل.
غالي طرطق عنقو و نطق بصوت شجي: نزلي
ميساء كضور عينيها و نطقات بتساؤل: حنا لاش جينا هنا
غالي: هبطي و غتعرفي
هبطات ميساء و هبطات تواب شادة ليها فيديها، تواب كيف شافت القصر عينيها لمعوا و تكلمات بحماس: بابا انا توحشتهم بزااااف شكرا حيت جينا هنا
توجه غالي لعند ميساء و بدون سابق إنذار شد ليها فيديها اليمنى حيت اليسرى كانت شادة بيها تواب و تمشا بثقى و ميساء كتحاول تقلد مشيتوا ولكن هي خطواتها صغيورة.
قبل ميوصلو الباب كان تحل و خرجات منو سمية ببتسامة بشوشة و حداها المختار بنفس الإبتسامة.
المختار عينيه لمعوا و توجه لعند غالي و عنقو عناق رجولي كيعبر كل واحد فيهم على الشوق لي كيحس بيه و نطق المختار: غبرتي علينا شنو هادشي كون مطلباتش فيك سمية تجي كاعما كنا غنشوفوك
غالي حك رقبتوا: راك عارف الواليد الخدمة
سمية عينيها مغرغرين و نطقات بحنان: حيد خليني نسلم على ولدي
كيف بعد المختار تلاحت عليه معنقاه و راسها محطوط على صدروا و هو بتاسم و باس ليها راسها بإحترام: عاش من شافك اسمية
سمية بعدات عليه و نطقات بعتاب: مالك مكتجي تشوفني
غالي قلب عينيه بملل: مالكم كديرو معايا تحقيق دابا
سمية يلاه بغات تنطق حتى كتلمح ميساء واقفة ورا غالي و كتفرك يديها بتوثر، بتاسمات سمية و نطقات بحنان: شكون هاد الغزالة
غالي جر ميساء من خصرها و نطق بثقة: ميساء احم مرتي
سمية خرجات فيه عينيها:تزوجتي و حنا مفخبارناش
المختار: واش هادا تسناي منو يقوليك شي حاجة رآه كيغفل
سمية توجهات عند ميساء و عنقاتها عناق فحال كتعرفها من شحال هادي و لي شافهم ميقولش هادا اول لقاء ليهم، سمية كيف عنقات ميساء حسات بالراحة و حسات فحالا ميساء كتنتامي ليها ولا شي حاجة هاكا ولكن فالأخير نفضات افكارها و فصلات العناق شادة ليها فيديها: مرحبا بيك ابنتي انا سمية و هادا المختار
ميساء بتاسمات ببراءة: مشرفين اخالتي
سمية عضات على شفايفها و نطقات بنبرة لعوبة: غالي فين لقيتي هاد البنيتة حلوة هاكا
غالي عقد حجبانو و جرها من خصرها و نطق بحدة: سمية خليني معاك مزيان
المختار بتاسم و نغز سمية: بعدي من رزق هاد المسعور
فجأة قاطعهم واحد الصوت صغيور: و انا نسيتوني
سمية نزلات عينيها لعند تواب و هزاتها كتبوس فيها و تعاود: شكون ينسى هاد الزين شكون
تواب بتاسمات بطفولة: جداتي سمية توحشتك بزاااااف
سمية باستها فخدها: كون تشوفي انا
المختار: عطيني بنتي نشبع منها حتى انا
عطاتوا تواب لي هو الأخر بدا كيضحك معاها و يبوس فيها، ضارت سمية لعند غالي و ميساء: تفضلو دخلو دار داركم....
يتبع....💗
ديرو نجيمات ❤️