بيت مالك
بلكونة هيام
وغطت وجهها من شافت يد رجال تنحط على البلكونه بس ماهي يد الليث ولاهي يد امجد بس ابتسمت من شافته يفك اللثمه
هيام: نوااف ايش تسوي هنا بس من الحين اقول لك اذا علشان هيا ترا نايمه
نواف ضحك: ايه علشانها بس تتهنى بنومها
هيام ضحكت : اجل تحبون بعض ومن وراي اناا
نواف ابتسم: محشومه يبنت العم بس حتى حبنا صار بسرعه شكلنا خفيفين مره
هيام بضحكة: ايه الله يرزقنا هالقصة السريعة
رجع نواف يتلثم وهو يضحك: اجل انا بروح تامرين على شي؟
هيام : لا سلامتك ولا صحت الغبية اللي داخل بقول لها انك جيت لا تخاف بتجيك ركض زي ماقلت خفيفه
نواف بضحكة: ايه تمم
نزل نواف بسرعه وفك اللثمه ومشى لداخل بس الليث شاف اللي صار وحسب نواف عبدالرحمن وتذكر كلامها الصباح ( وانا بقول له عبدالرحمن ولد عمي وهو اللي بيستر علي) وحسب ان بغيابه هاليومين هي حبت عبدالرحمن وراحت له وكذا وزعل منها وعصب وطلع رايح لها البلكونه وهيام من شافت يده انحطت ولمحت الحجر الاسود يبرق فيي خاتمه عرفت انه الليث وفرحت ان رغم كل شي تسويه والكلام اللي تقوله له هو يجيها ركض هي تغلط وهو يتعذر تغطت بطرحتها عدل وهو فك الشماغ من وجهه
وقبل لا تتكلم هيام وتكابر وتهاوشه قال: ماهقيت كذا تلعبي بي انا اجيك حاير وولهان اجيك والشوق يذبحني واجيك وانا اذل نفسي تغلطي علي واجيك تهاوشيني واجيك وترخصي بحبي واجيك وايش ما تسوي بي انا ما قد تخليت عنك بس هاليومين بعدت وانا اقول احسن لك وتاخذي راحتك وتتخطين ابوك مع نفسك لان اذا كان فيه احد جنبك ما بتقدري وانا مجرب شعورك قبل مجرب كيف افقد ابوي بس يومين غبت وملتي عن حبنا انا حبي شرقي وانتي ملتي لحب عبدالرحمن غربي وانا اللي اجلس ليلي كله احتري الناس تنام علشان اجيك اجي والاقي عبدالرحمن يسولف معك وينزل من عندك ويدخل انا اللي طبعي اذل الناس انذليت في حبك كذا يا هيام كذا تبيعيني ؟؟؟
هيام نزلت دموعها على خدها هو فهم غلط ويشكك في حبها له هذا كله في جهة وانه يتهمها انها باعت حبه واشترت قرب عبدالرحمن جهة ثانية وكل العادة كانت تقدر تبرر له وتشرح كانت تقدر تكشف المخبى بس اللي صار انها كابرت شعورها كابرت وداست على قلبها
هيام والثقة تلامس صوتها ثقة خلت الليث يطيح من سماه: ايه في يومين زي ما قلت ملت من شرقك لغربه
دخلت بدون لا تسمع رده دخلت وهي تكابر شعور الغصة اللي فيها وهو وقف مكانه يحاول يستوعب جا بيمشي بس وقفه صوتها الباكي
هيام ببكي وهي تنازلت عن كل شي كانت تفكر به قبل شوي: والله احبك وما بعت حبك ولا اخترت عبدالرحمن واللي نزل قبل كان نواف جاي يشوف هيا وهي كانت نايمه والله ما مال قلبي الا لك تاخذه البحور وتجيبه على سواحلك والله ما خنتك والله لا تتركني زي ما ابوي تركني تكفى
الليث صد عليها وابتسم: طيب انا بروح
هيام بكت زود: لا خلك
وقف الليث مفهي يحاول يستوعب ان هيام اللي دوم تصرفه وهيام اللي دايم تقلعه واللي ماتبيه يجيها تبيه يبقى اليوم تبيه يظل معها لا هاذي معجزه
احمم نخليهم يسولفو على راحتهم شوي خصوصيه يعني 😉💙
...............
(لا يكون نسيتووه)
عند رعد
يناظر السيارة اللي شراها علشان يحرق قلب الليث بها لالالالا مو زي ما انتو مفكرين اكيد ماتجي على سيارة الليث بس كل اللي في الموضوع انه مقرر ينفذ بها جريمه يكسر بها الليث وبتكون هيام الضحية !!
.....................
بعد مرور اسبووع
ملكة هيا ونواف 💞
عند الرجاال
نواف كان جالس مو متوتر كثر ماهو فرحان كان كل شوي يصد على عبدالرحمن ويساله عن شكله واذا العطر باقي يفوح واذا الشماغ مشخص كويس وكذا وعبدالرحمن ابد ما كان متضايق بالعكس كان مبسوط معه بس مايدري فيه شعور يقول ان به شي بيخرب هالزواج وكانت عينه على امجد طول الوقت ما يدري ليه تروح لهناك يخاف ان امجد يسوي شي ويخرب على نواف بس بسرعه قام يرحب ب الليث من دخل واللي خلا الليث مصدوم ان الجد كمان وقف يرحب به حس ان ورا الجد شي بس بيسايره لعيون هيامه
..................
عند النسوان
هيام وعائشة جالسين على الكراسي يطقطقو على الرايح والجاي الى ما جتهم سوير وسوير ذي غثيثه ويعني تعرفون البنت الحقوده هذيك اللي ماتبي الخير لاحد هاذيي سوير وتحب تغث الناس تحط طاقتها كلها علشان تغث وتزعل شخص واحد وبما انها ساكنه هنا فهي ماتدري عائشة بس اللي تعرفه انها صديقة هيام عدوتها اللدوده مشت سوير ووقفت قدام هيام وعائشة
سوير بغنج: هاه هياموه اشوفك جالسة ورا م تقومي وترقصي
جت هيام بترد بس سكتت من ضحكة سوير العالية المليانه غنج تحوم الكبد وقالت: ايييه اكيد عجزتي منتي قادره حتى توفقي
هيام فتحت عينه وهي تناظرها من فوق لتحت باشمازاز وعائشة تناظر اللي قدامها وهي ودها تضحك
عائشة : يابنتي بسطي احسن لتس انتي وفستانتس ابو خضيره ذا لو انتس لابسه روز احسن لتس
هيام ضحكت وهي تترجم من شافت سوير متوهقه: تقولك لو تسكتي احسن انتي وفستانك ذا
وقفو هيام وعائشة وسحبت عائشة سوير وجلستها مكانهم
هيام: اقول مخلين التعجز لك انتي حنا الحين رايحين نهز وبعدين ورا مستعجلة عالرقص الحين بدات الحفلة وبدت لذتها
ومشو اثنينهم وهم يقلدوها بالغنج ويضحكوا وهي جلست مكانها تناظرهن تنتظر زله بس قامت تلبس عباتها بقهر تبي تطلع من شافت هيام وعائشة يرقصوا بمتعة ويتمايلو باتقان ويهزوا كتوفهم برقه واطلعت من البيت رايحه لبيتها بس صرخت وه يتغطي وجهها من جت سيارة مسرعه تبي تصدمها بس ابعدت يدها بسرعه وهي تجمع انفاسها وتناظر السيارة اللي كانت تكه وتصدمها ونزل منها مرزوق خايف ووقف يناظرها بخوف
مرزوق: صار لك شي
سوير : لا عادي
مرزوق وعينه على فستانها اللي واضح له لانها مو لابسه العباه كويس: اكيييييييد؟
سوير لاحظت عينه على فستانها وقالت بتغنج: اييه
وتعدته بثقه وهي تغطي عباتها بس المشكله انها كانت خايفه وهو مغير يحلف في عقله الا يتزوجها هههه
مرزوق بسرعه لحقها وقال: ايش اسمك يعني وين بيتكم
سوير بسرعه وهي خجلانه من فهمت مقصده: بنت عمر سارة
ومشت بسرعه عنه وهي تدخل من بين البيوت واصله لبيتهم وهو وقف مبتسم يناظر قفاها لحد ما اختفى عن ناظريه
مرزوق بهمس لنفسه: والله لا اخذك وبكره انا في بيتكم
........................
الملكه
عند الرجال
امجد ماقدر يتحمل اكثر من كذا وطلع من البيت وعبدالرحمن تنهد براحه من طلع وبعد كتب الكتاب والعشاء بدأو الضيوف يتعذروا ويطلعوا والشيخ طلع وما بقى الا العائلة والليث اللي حس ان وضعه غلط وقام يبي يطلع بس فز رايح جنب الجد من ناداه يروح يجلس جنبه
الليث بتوتر: سم يا عمي
الجد نزل راسه بحرج: والله يا الليث مادري وش اقول لك بس ان باقي لك خاطر لبنتنا تعال بكره لان بعده حنا ماشين تعال وجيب ناسك وما احنا برادينك وانا ما ابي اقطع في نصيب بنتي ولا ابي اوقف في طريقك بس حبيت اعلمك درس يا ولدي الدنيا دوارة ياولدي وكما تدين تدان تدور الدوائر ويدان كل ظالم بفعلته ولا يهمل حق عباده
الليث من كل كلمه يقولها الجد يبتسم اكثر لحد ما جت فقره الظلم وحس بالندم على كل شي سواه وعلى نذالته مع الناس وكيف انه كان يظلم البعض باشياء غمض عينه وهو ياخذ نفس على اخر كلمات الجد وقام وهو سبوي راسه
الليث بابتسامه: حقك علي يا عم وابشر بكره انا وناسي عندك هنا على المغرب نطلب يد بنتك تمار على شي ثاني
هز الجد راسه بابتسامه والليث قام وهو مبسوط وغمز لعبدالرحمن عالطاير وعبدالرحمن ضحك عليه ولحقه يطقطق عليه
......................
توقعاتكم؟
اعذروني على الاخطاء
يعني هو المفروض ينزل البارح بس نمت ونسيت 😂
وشهو رايكم بالحب السريع حق مرزوق وسوير
ولا تنسوا رعد
المهم ترا اقترب الوداع 😭💔