انت النور لو كانت دروبي ظلام

Part 16

بعد مرور ثلاث ايام العزاء

بيت مالك 

هيام كانت تنشر الغسيل ورا البيت وهي سرحانه وواضح تعبها من وجهها الشاحب وعبوس ملامحها اخذت نفس طويييل وهي تحس بعطره يملأ صدرها غمضت عينها وهي كارهة نفسها وكارهته لان وقت ما توفى ابوها كانت تسولف معه وما راحت تتطمن عليه

الليث بهمس : هيامي

هيام كشرت وهي تغطي وجهها: ماني بفاضيه لك عطني مقفاك 

الليث كمل وهو متعود على صدها: جاي اتطمن عليك  يا هيامي

هيام صدت عليه بقوة ورفعت سبابتها: والله العظيم واللي رفع سبع ونزل سبع اذا ما رحت الحين لا اعلم مجيد عليك 

الليث ابتسم: علميه عادي بقول له بصلح غلطتي وبتزوجها

هيام صدت وهي تشيل السله وتحطها على خصرها: وانا بقول له عبدالرحمن ولد عمي وهو اللي بيستر علي

انصدم الليث من كلماتها وما قدر ينطق ما سوى شي غير انه وقف مكانها مصدوم ويناظر قفاها وشويي وانتبه على صوت مجيد يصيح بحرامي في البيت ونط عالجدار وحط رجله هارب لبيته ويشكي احزانه لقطو مالين 

........................

الليل

 بيت عم شاهين

طبعا شاهين كان اكثر واحد مبسوط هالليلة لانه بيملك على محبوبته ومليكة قلبه بنت عمه الجود دخل الشيخ وجلس بين المعرس وابو العروس اللي هو عم شاهين وابتسامه شاهين ما فارقت وجهه لاا شوي وينشق وجه من ابتسامته وقبل لا يتكلم المليك رفع شاهين عينه لامجد وفرح بخاطره كثير انه ماتركه وحز في خاطره ان الليث ماجا وتضايق من اللي سواه واللي كان يسويه تعالت اصوات اللي في المجلس من كلام امجد وانفعاله خلت ككل مباني الامل اللي بناها شاهين تنهدم

امجد بانفعال كذاب: انت كيف تسمح لنفسك تكذب علينا كذاا هااه عادي عندك توعدنا باشياء وتخلف بيها؟؟؟؟؟

الشيخ وهو يحاول يهدي الوضع: اهدأ يا ولدي وتعوذ من الشيطان وصل على النبي وقول لنا وش صاير

امجد بانفعال وهو ياشر على شاهين: هاذا اللي يملك على بنتكم اليووم المفروض يملك على اختي ترضوها على بناتكم؟؟؟ ترضوها على خواتكم ما احد يرضاها والمشكله ماهي هنا المشكلة انا حنا ومعازيمنا وشيخنا جالسين ننتظره بس يخسى ما نتشرف فيه اللعوب ذا

شاهين وقف وهو متوتر ومعصب وخايف من اللي بيصير: شتقول يا امجد لا تمزح ياخي ماهو بوقت مزحك الثقيل ذا

قرب امجد وهو يدف شاهين ويعتليه وصرخ: ما امزح اناا ما امزح و.....

قاطع كلامه الشيخ: لا اله الا الله اهدى يولدي واتركه امثاله ما يستاهلو هالعصبية كلها والله يجيب لاختك اللي احسن منه